Wednesday, October 31, 2012

ഹൈന്ദവാഘോഷങ്ങൾ വർഗ്ഗീയവൽക്കരിക്കപ്പെടുമ്പോള്‍


ഹൈന്ദവാഘോഷങ്ങൾ വർഗ്ഗീയവൽക്കരിക്കപ്പെടുമ്പോള്‍





ശ്രീകൃഷ്ണ ജയന്തിയോടനുബന്ധിച്ചു നടന്നുവരുന്ന ശോഭായാത്രഅടക്കമുള്ള ആചാരാഘോഷങ്ങൾ സംഘപരിവാരം ആസൂത്രിതമായി രാഷ്ട്രീയപ്രചാരണത്തിനുപയോഗിക്കുന്നു എന്ന ചെങ്ങന്നൂർ എം എൽ എയും കോൺഗ്രസിലെ യുവനേതാക്കളിലൊരാളുമായ പി സി വിഷ്ണുനാഥിന്റെ പ്രസ്താവനയ്ക്ക് വേണ്ടത്ര മാദ്ധ്യമശ്രദ്ധ ലഭിച്ചില്ല. സ്വാഭാവികമായും അതേക്കുറിച്ച് വലിയ ചര്‍ച്ചകളുമുണ്ടായില്ല. സംഘപരിവാറുമായി ബന്ധപ്പെട്ട വിഷയങ്ങളിൽ കേരളത്തിലെ മുഖ്യധാരാ മാദ്ധ്യമങ്ങൾ സ്വീകരിക്കുന്ന നയത്തിന്റെ തുടർച്ചയായിട്ടു വേണം വിഷ്ണുനാഥിന്റെ പ്രസ്താവനയ്ക്ക് ലഭിച്ച മാദ്ധ്യമ അവഗണനയെ നോക്കിക്കാണേണ്ടതു്.
മുസ്ലിം സാമുദായികതയുമായി ബന്ധപ്പെട്ട വിഷയങ്ങൾക്കും, ഇടതുപക്ഷ പ്രസ്ഥാനങ്ങളുമായി ബന്ധപ്പെട്ട വിവാദങ്ങൾക്കും കേരളത്തിലെ ‘മതേതരമാദ്ധ്യമങ്ങൾ’ അമിത പ്രാധാന്യം  നല്‍കുമ്പോള്‍ സംഘപരിവാരവിമർശനങ്ങൾക്ക് മൌനംകൊണ്ട് മധുരംപുരട്ടാറാണുപതിവ്. അതുകൊണ്ട് തന്നെ ഈ മാദ്ധ്യമ അവഗണനയിൽ അസ്വാഭാവികത തോന്നുകയുമില്ല.
പൊതുവെ ഹിന്ദുത്വ സ്വാധീനമേഖലയായി കണക്കാക്കുന്ന ചെങ്ങന്നൂരിൽ കോൺഗ്രസ് യുവജന പ്രസ്ഥാനത്തിന്റെ സംസ്ഥാന നേതാവായ വിഷ്ണുനാഥ് കഴിഞ്ഞതവണ വിജയിച്ചതു സംഘപരിവാർ സഹായം കൊണ്ടായിരുന്നു എന്ന ആക്ഷേപം തെരഞ്ഞെടുപ്പു കാലത്ത് ശക്തമായിരുന്നു. അത്തരം പശ്ചാത്തലമുള്ള വിഷ്ണുനാഥ് തന്നെയാണ് സംഘപരിവാരത്തിന്റെ ഹൈന്ദവഹൈജാക്കിങ്ങിനെതിരെ പ്രസ്താവന നടത്തിയത്. വിഷ്ണുനാഥിന്റെ പ്രസ്താവനയോടു സംഘപരിവാർ പ്രകടിപ്പിച്ച എതിർപ്പിനെതിരെ ശക്തമായ ഭാഷയിലാണ് വിഷ്ണുനാഥ് മറുപടി പറഞ്ഞതും. തനിക്ക് ആർ എസ് എസിന്റെ സർട്ടിഫിക്കറ്റ് വേണ്ട എന്നു തന്നെ വിഷ്ണുനാഥ് എടുത്തു പറയുകയുണ്ടായി. ഇതേത്തുടർന്നു വിഷ്ണുനാഥിനെ ഇനിയൊരിക്കലും നിയമസഭയുടെ പടികാണിക്കുകയില്ല എന്ന ശപഥവും പടയൊരുക്കവും സംഘപരിവാർ മേഖലയിൽ സജീവമാണ്.
ഈ ആരോപണപ്രത്യാരോപണങ്ങൾക്കുമപ്പുറം പ്രസക്തമാണ് വിഷ്ണുനാഥ് ഉന്നയിച്ച വിഷയം. കേരളത്തിലെ ഹൈന്ദവ സമൂഹത്തിന്റെ ഏക പ്രാതിനിധ്യം അവകാശപ്പെടുന്ന നിലയിലേക്ക് സംഘപരിവാരം വളർന്നു കഴിഞ്ഞിരിക്കുന്നു എന്ന യാഥാർത്ഥ്യം വാസ്തവത്തിൽ ഹൈന്ദവ സമൂഹത്തിന്നുള്ളിൽ തന്നെയാണ് ചർച്ച ചെയ്യേണ്ടതു്.
കേരളത്തിലെ ഹൈന്ദവ സാമുദായിക സംഘടനകൾ പൊതുവെ ജാതി സംഘടനകളാണ്. എൻഎസ്എസ്, എസ്എൻഡിപി, ധീവരസഭ എന്നീ സംഘടനകൾക്കൊന്നും ഹൈന്ദവ സമൂഹത്തിന്റെ പൊതുപ്രാതിനിധ്യം അവകാശപ്പെടാൻ സാധിക്കുകയില്ല. അത്തരം ഒരു നീക്കം അവർ നടത്തുന്നുമില്ല. പരമാവധി ജാതി എടുത്തുപറഞ്ഞുകൊണ്ട് ഒരു സമ്മർദ്ദശക്തിയായി മാറുവാനും, മാറിമാറി വരുന്ന ഭരണകൂടത്തിൽ നിന്നു നേതൃത്വത്തിലിരിക്കുന്നവർക്കും സ്ഥാപനങ്ങൾക്കും ആനുകൂല്യങ്ങൾ തരപ്പെടുത്തുക എന്നതിനുമപ്പൂറമുള്ള അജണ്ട ഈ ജാതി സംഘടനകൾക്കില്ല. സമീപകാലത്ത് ജാതി മുദ്രാവാക്യങ്ങൾക്കപ്പുറം ഹൈന്ദവ ഏകീകരണം എന്ന മുദ്രാവാക്യം ഈ ജാതി സംഘടനകൾ സജീവമായി ഉന്നയിക്കുന്നുണ്ട് എങ്കിലും അധികാര സ്വപ്നങ്ങൾക്കപ്പുറം അത്തരം ഐക്യമുദ്രാവാക്യങ്ങൾക്ക് പ്രസക്തി ഇല്ല എന്ന് മറ്റാരേക്കാളും ഈ ജാതിസംഘടനകൾക്ക് തന്നെ തിരിച്ചറിവുണ്ട്.
ഇവിടെയാണ് ഹിന്ദുത്വ രാഷ്ട്രീയ മുദ്രാവാക്യമുയർത്തുന്ന സംഘപരിവാര അനുബന്ധ സംഘടനകളുടെ വളരെ സമർത്ഥമായ മുതലെടുപ്പ് നടക്കുന്നതു്. വ്യത്യസ്ത ജാതികൾ ഉൾക്കൊള്ളുന്ന കേരളത്തിലെ ഹൈന്ദവ വിഭാഗങ്ങളെ ഒരു കൊടിക്കീഴിൽ കൊണ്ടുവരാൻ ശ്രമിച്ചുകൊണ്ടിരിക്കുന്നത് വാസ്തവത്തിൽ സംഘപരിവാര സംഘടനകൾ മാത്രമാണ്. ഹൈന്ദവസമൂഹ നന്മയേക്കാൾ ഹിന്ദുത്വ രാഷ്ട്രീയതാല്പര്യങ്ങളാണ് ഈ ഏകീകരണം കൊണ്ട് സംഘപരിവാർ ലക്ഷ്യമിടുന്നത്. ജാതി എന്തുമായിക്കോട്ടെ, രാഷ്ട്രീയം എന്തുമായിക്കോട്ടെ ഹൈന്ദവസമുദായത്തെ ന്യൂനപക്ഷങ്ങളെ ശത്രുപക്ഷത്തു നിർത്തിയുള്ള സംഘപരിവാർ രാഷ്ട്രീയത്തിന്റെ മുന്നണിപോരാളികളാക്കുക എന്ന തന്ത്രത്തിന്റെ ഭാഗം.
കേരളത്തിൽ വേണ്ടത്ര ശ്രദ്ധിക്കപ്പെടാതെ ജീർണ്ണിച്ച നിലയിൽ കിടന്നിരുന്ന നിരവധി ക്ഷേത്രങ്ങളാണ് ഈ ഉദ്ദേശത്തോടെ സംഘപരിവാര സംഘടനയായ ‘ക്ഷേത്രസംരക്ഷണസമിതി’ ഏറ്റെടുക്കുന്നതും ‘പുനരുദ്ധാരണ’ പ്രവർത്തനങ്ങൾ നടത്തുന്നതും. നാഥനില്ലാതെ കിടന്നിരുന്ന ഈ ക്ഷേത്രങ്ങൾ സജീവമാക്കി സംഘപരിവാർ ഹൈന്ദവ സമൂഹത്തിലേക്ക് ആസൂത്രിതമായി കടന്നുകയറുകയായിരുന്നു. ഇത്തരം ക്ഷേത്രപരിസരങ്ങൾ കേന്ദ്രീകരിച്ച് തന്നെയാണ് സംഘപരിവാർ ആയുധപരിശീലനങ്ങളും നടത്തുന്നത് എന്നതു് ഇവിടെ കൂട്ടിവായിക്കേണ്ടതുണ്ട്.
ചുരുക്കത്തിൽ ഹിന്ദുത്വമുദ്രാവാക്യവും ഭക്തിയും ഇടകലർത്തിയുള്ള രാഷ്ട്രീയ പ്രവർത്തനം. ഒന്നിനെ മറ്റൊന്നിൽ നിന്നു വേർതിരിച്ചു കാണൽ അസാദ്ധ്യമാകുംവിധം സൂക്ഷ്മമായ ഇടകലർത്തൽ. ഈരൂപത്തിലുള്ള തന്ത്രപരമായ ഇടപെടലാണ് ക്ഷേത്രങ്ങൾ കേന്ദ്രീകരിച്ചു സംഘപരിവാർ നടത്തിക്കൊണ്ടിരിക്കുന്നതു്.
കേരളത്തിലങ്ങോളമിങ്ങോളമുള്ള ക്ഷേത്രങ്ങളിൽ കാലാകാലങ്ങളായി നടന്നുകൊണ്ടിരിക്കുന്ന ഉത്സവങ്ങൾ പലതും ഇപ്പോൾ സംഘപരിവാര പ്രവർത്തകരുടെ നിയന്ത്രണത്തിലാണ് നടക്കുന്നതു്. സംഘപരിവാരിന്റെ രാഷ്ട്രീയ പ്രചാരണ വേദിയായും പ്രവർത്തകരുടെ തിണ്ണമിടുക്കിനുള്ള അവസരമായും ഉത്സവങ്ങൾ മാറിക്കൊണ്ടിരിക്കുന്നു. അതുകൊണ്ട് തന്നെ മുൻകാലങ്ങളിൽ നാനാജാതി മതസ്ഥരുടെ സാന്നിദ്ധ്യം കൊണ്ട് ശ്രദ്ധേയമായിരുന്ന ഇത്തരം ഉത്സവാഘോഷങ്ങളിൽ നിന്നു് ഇപ്പോൾ ഇതരമതവിഭാഗങ്ങൾക്ക് ഒഴിഞ്ഞുനിൽക്കേണ്ട അവസ്ഥയാണുള്ളതു്.
സംഘപരിവാറിന്റെ രാഷ്ട്രീയ പ്രചാരണ വേദിയായി മാറുന്ന ആഘോഷങ്ങളിൽ പ്രധാനം വിഷ്ണുനാഥ് എടുത്തുപറഞ്ഞ ശ്രീകൃഷ്ണ ജയന്തിയോടനുബന്ധിച്ചുള്ള ശോഭായാത്ര തന്നെയാണ്. പരിവാർ പോഷകസംഘടനായ ‘ബാലഗോകുലം’ ആണ് വർഷങ്ങളായി ശോഭായാത്ര സംഘടിപ്പിക്കുന്നതു്. ഒരു മതാഘോഷ ചടങ്ങിനപ്പുറം പൂർണ്ണമായും സംഘപരിവാർ പ്രചാരണവേദിയായി ശോഭായാത്രയെ മാറ്റിയെടുക്കാൻ ബാലഗോകുലത്തിനു കഴിഞ്ഞിട്ടുണ്ടു്.
ശോഭായാത്രയില്‍ ശ്രീകൃഷ്ണ-ഗോപികാവേഷധാരികളായ കുട്ടികൾക്കൊപ്പം അകമ്പടി സേവിക്കുക കാവിമുണ്ടും വെള്ള ഷർട്ടും ധരിച്ച സംഘടിതരായ ആർ എസ് എസ് പ്രവർത്തകരാണ്. വസ്ത്രധാരണത്തില്‍ ഏകതാനത വരുത്തുവാനും ബഹുമാനാദരവുകള്‍ സ്വായത്തമാക്കാനുമുള്ള ബോധപൂര്‍വ്വമായ ഈ ശ്രമത്തിനൊപ്പം ജന്മാഷ്ടമിക്ക് സ്വാഭാവികമായും ഉയരേണ്ട കൃഷ്ണസ്തുതിയേക്കാള്‍ ശ്രീരാമപ്രകീര്‍ത്തനങ്ങള്‍ക്കു മുഖ്യസ്ഥാനം ലഭിക്കുന്നതും 'രാമരാജ്യസ്ഥാപനം' എന്ന രാഷ്ട്രീയമായ ഉദ്ദേശത്തോടെതന്നെ (സംഘപരിവാര്‍ ഐക്കണോഗ്രാഫിയില്‍ രാമനാണല്ലോ, മുഖ്യാസനം). കാവിത്തോരണങ്ങളാലും കൂര്‍മ്പന്‍ പതാകകളാലും അലംകൃതമായ പാതയില്‍ വിവിധ സംഘപരിവാർ സംഘടനകളുടെ ഫ്ലെക്സ് ബോര്‍ഡുകള്‍ ആശംസകളേകാനുണ്ടാകും.
ആഘോഷവേളകളില്‍ സ്വീകരിക്കുന്ന ഈ പ്രച്ഛന്നത, തങ്ങളുടെ സ്വീകാര്യത വര്‍ദ്ധിപ്പിക്കാനും സംഘപരിവാറിനോടു് ആഭിമുഖ്യം പുലർത്താത്ത ജനങ്ങളിൽ പോലും 'ഹിന്ദുത്വ'ചിഹ്നങ്ങളും ഫാസിസ്റ്റ് ആശയഗതികളും എത്തിക്കാനുമുള്ള ആസൂത്രിതമായ രാഷ്ട്രീയവത്കരണശ്രമമാണ്. നേരിട്ട് ആര്‍എസ്എസ് ആയോ ബിജെപി ആയോ മാത്രം സാധിക്കാത്ത കാര്യമാണിത്. ഈ ആഘോഷങ്ങളുടെ രാഷ്ട്രീയലക്ഷ്യം തിരിച്ചറിഞ്ഞുതന്നെ, അതില്‍ പങ്കാളികളാകുന്ന ന്യൂനപക്ഷമുണ്ടാകാമെങ്കിലും ഭൂരിഭാഗം പേരും തങ്ങളുടെ മക്കളെ കൃഷ്ണവേഷത്തിലും മറ്റും കാണുവാനുള്ള ആഗ്രഹം സഫലീകരിക്കാനാണ് ശോഭായാത്രയില്‍ അണിനിരക്കുന്നത്. അതാവട്ടെ, ചെറുപ്പത്തിലെ പിടിക്കുക എന്ന തന്ത്രത്തിന്റെ ഭാഗമാണെന്ന് ഇവര്‍ തിരിച്ചറിയുന്നുമില്ല. സിപിഐ സംസ്ഥാനസെക്രട്ടറി പന്ന്യൻ രവീന്ദ്രൻ ഈ വർഷം നടന്ന ശോഭായാത്രയിൽ പങ്കെടുത്ത കുട്ടികളുമായി സന്തോഷം പങ്കിടുന്നത് സംഘപ്രവർത്തകർ വ്യാപകമായി പ്രചരിപ്പിച്ചിരുന്നു.
ഉത്തരേന്ത്യയിൽ നിരന്തര കലാപങ്ങൾക്ക് എക്കാലവും കാരണമായ ഗണേശോത്സവങ്ങളും അതോടനുബന്ധിച്ച നിമഞ്ജന ഘോഷയാത്രകളും അടുത്ത കാലത്തായി കേരളത്തിൽ സജീവമാകുന്നതിനു പിന്നിലും സംഘപരിവാർ രാഷ്ട്രീയ താല്പര്യങ്ങൾ തന്നെയാണ്. ബോംബെയിൽ നിന്നു മലയാളികളെ ആട്ടിയോടിക്കാൻ എക്കാലവും നേതൃത്വം കൊടുത്ത, അന്യസംസ്ഥാനക്കാര്‍ക്കെതിരെ നിരന്തരം അക്രമം അഴിച്ചുവിട്ടുകൊണ്ടിരിക്കുന്ന ശിവസേനയുടെ ‘കേരള ഘടകം’ ആണ് കേരളത്തിൽ ഗണേശോത്സവത്തിനു തുടക്കമിടുന്നതു്. മുസ്ലിം വിരുദ്ധതയ്ക്കൊപ്പം മറാഠാ വാദവും, മണ്ണിന്റെ മക്കൾ വാദവും അടിസ്ഥാനലക്ഷ്യമാക്കിയ ശിവസേനക്ക് എങ്ങിനെയാണ് ശത്രുക്കളെന്നു കരുതുന്ന മലയാളികൾക്കിടയിൽ അനുയായികൾ എന്ന ചോദ്യം ശിവസേനയുടെ അക്രമം നേരിൽ കണ്ട, അക്രമത്തിന്നിരയായ ഹൈന്ദവരായ പലരും പ്രകടിപ്പിച്ചിട്ടുണ്ട്. പാർട്ടിയുടെ മുസ്ലിം വിരുദ്ധത മാറ്റി നിർത്തിയാൽ ഹിന്ദുക്കളായ മലയാളികൾ അടക്കമുള്ള ജനങ്ങൾക്കെതിരെ അക്രമം അഴിച്ചുവിട്ട പാരമ്പര്യമാണു ശിവസേനക്കുള്ളതു്. ബീഹാറികൾക്കെതിരെയുള്ള ശിവസേനയുടെ സമീപകാല നീക്കങ്ങൾ ഇവിടെ കൂട്ടിവായിക്കേണ്ടതുണ്ട്. എന്നിട്ടും ശിവസേനക്ക് വേണ്ടി മലയാള നാട്ടിലും അണികൾ ഉണ്ടായി എന്നതു ക്രൂരമായ തമാശ മാത്രമായി കാണാം. ഈ ശിവസേനയും സംഘപരിവാർ നിയന്ത്രണത്തിലുള്ള ഹിന്ദുഐക്യവേദിയും സംയുക്തമായാണ് കേരളത്തിൽ ഇപ്പോൾഗണേശോത്സവം സംഘടിപ്പിക്കുന്നതു്.
ഗണേശ വിഗ്രഹത്തിന്റെ നിമഞ്ജനം എന്ന ഈ ആഘോഷത്തിനു മതപരമായ മാനത്തേക്കാളുപരി രാഷ്ട്രീയവും വർഗ്ഗീയവുമായ മാനങ്ങളാണുള്ളത്. ബോംബെയിൽ ദീപാവലി അടക്കമുള്ള പല ഹൈന്ദവ ആഘോഷങ്ങൾക്കും പൊലിമ കുറയുമ്പോഴും ഗണേശോത്സവം പൂർവാധികം ആവേശത്തോടുകൂടി കൊണ്ടാടപ്പെടുന്നു. അതിനു കാരണം അതിന്റെ വർഗ്ഗീയ ലക്ഷ്യം തന്നെ.
നൂറുകണക്കിനു ഗണേശ വിഗ്രഹങ്ങൾ ഘോഷയാത്രയായി സമുദ്രത്തിൽ നിക്ഷേപിക്കുന്നു. വലിയ പാരിസ്ഥിതിക മാലിന്യമായി പിന്നീട് മാറുന്ന ഈ വിഗ്രഹമെല്ലാം വൃത്തിയാക്കേണ്ട ബാധ്യത സർക്കാറിനാനെന്നു മാത്രം. പൂർണ്ണാർത്ഥത്തിൽ ഹൈന്ദവ ഫാസിസം മുന്നോട്ടു വയ്ക്കുന്ന അക്രമാസക്ത അജണ്ടകളാണ് ഈ ഘോഷയാത്രയിലെ രാഷ്ട്രീയ മാനം. ഉത്തരേന്ത്യയിൽ ഗണേശോത്സവത്തോടനുബന്ധിച്ചാണ് പല വർഗ്ഗീയ സംഘർഷങ്ങളും പൊട്ടിപ്പുറപ്പെടുക. ന്യൂനപക്ഷ കേന്ദ്രീകൃതമായ പ്രദേശങ്ങൾ ‘തെരഞ്ഞെടുത്ത്’ അത്തരം പ്രദേശങ്ങളിലൂടെ ഘോഷയാത്രകൾ കടന്നു പോകുമ്പോൾ ‘യാദൃശ്ചികം’ എന്നോണം ഘോഷയാത്രക്കു നേരെ ഉണ്ടാകുന്ന കല്ലേറും ചെരുപ്പേറും അതെ തുടർന്നുണ്ടാകുന്ന ഭീകര ‘തിരിച്ചടിയും’ ഒക്കെ ഉത്തരേന്ത്യൻ നഗരങ്ങൾക്ക് സുപരിചിതമാണ്. ഉത്തരേന്ത്യയിൽ പൊട്ടിപ്പുറപ്പെട്ട പല വർഗ്ഗീയ അക്രമണങ്ങളുടെയും മൂലകാരണമായത് രാഷ്ട്രീയ വർഗ്ഗീയ ലക്ഷ്യത്തോടെ ഉള്ള ഗണേശവിഗ്രഹ യാത്രകൾ ആണെന്നതാണ് യാഥാർത്ഥ്യം. ഈ ഘോഷയാത്രയാണ് കുറച്ചു വർഷങ്ങൾ മാത്രമായി കേരളത്തിലേക്കും പറിച്ചു നട്ടിരിക്കുന്നതു്. ശ്രീകൃഷ്ണനൊപ്പം ഗണപതിയുടെ പേരിൽ ഹൈന്ദവ സമൂഹത്തിന്നിടയിൽ സംഘപരിവാരം നടത്തുന്ന മറ്റൊരു രാഷ്ട്രീയ അധിനിവേശം.
വാസ്തവത്തിൽ കേരളത്തിലെ ഹൈന്ദവ സമുദായത്തിലെ അവർഗ്ഗീയമായ നാഥനില്ലായ്മ മുതലെടുക്കുകയാണ് സംഘപരിവാരം. ഹൈന്ദവരുടെ ഏറ്റവും വലിയ രാഷ്ട്രീയ വേദിയായ ഇടതുപക്ഷ പാർട്ടികൾ നേർക്കുനേർ മതാത്മകതയെ പ്രോത്സാഹിപ്പിക്കുന്നില്ല എന്നതു് ഇവിടെ എടുത്തു പറയേണ്ടതാണ്. അണികളുടെ സമ്മർദ്ദം കാരണം താഴെക്കിടയിലുള്ള പ്രവർത്തകർക്ക് ആരാധാനാലയങ്ങളുമായും, അതുമായി ബന്ധപ്പെട്ട ആഘോഷങ്ങളുമായും സഹകരിക്കാൻ പാർട്ടി അനുമതി നൽകിയിട്ടുണ്ടെങ്കിലും ഒരു സമൂഹത്തിന്റെ മതപരമായ ഇച്ഛാശക്തിയെ തൃപ്തിപ്പെടുത്താൻ അത് പര്യാപ്തമല്ല. പിന്നെയുള്ള ജാതി സംഘടനകളാകട്ടെ സ്വന്തം സ്ഥാപനങ്ങൾ നടത്തിക്കൊണ്ടു പോകുവാൻ തക്കവണ്ണമുള്ള രാഷ്ട്രീയ വിലപേശലുകൾ ലക്ഷ്യം വച്ചുള്ള ജാതീയമായ പ്രവർത്തനങ്ങൾക്കപ്പുറം ഹൈന്ദവ സമൂഹത്തിന്നിടയിൽ ഒരു നിലയ്ക്കുമുള്ള പ്രവർത്തനങ്ങളുടെയും ഭാഗമല്ല. സ്വാഭാവികമായും ഹൈന്ദവ സമൂഹത്തിന്നിടയിൽ നിന്നു മതപരമായ ലക്ഷ്യത്തോടെയുള്ള ചെറിയ നീക്കങ്ങൾ പോലും ഹിന്ദുത്വ സംഘടനകളിലേക്ക് മാത്രമായി കേന്ദ്രീകരിക്കപ്പെടാൻ നിർബന്ധിതമകുന്നു. സംഘപരിവാരമാകട്ടെ ഈ നിഷ്കളങ്കമായ, അവർഗ്ഗീയമായ മതാഭിമുഖ്യത്തെ വർഗ്ഗീയ രാഷ്ട്രീയ ലക്ഷ്യത്തിനായി തന്ത്രപൂർവം ഉപയോഗിക്കുന്നു.
കേരളത്തിലെ ഹൈന്ദവ സമുദയത്തിൽ വളർന്നു വരുന്ന മതാഭിമുഖ്യത്തെ സംഘപരിവാർ വർഗ്ഗീയമായി ഹൈജാക്ക് ചെയ്യുന്നു എന്ന വിഷ്ണുനാഥ് എം എൽ എയുടെ പ്രസ്താവന ഇവിടെയാണ് പ്രസക്തമാകുന്നതു്. വ്യത്യസ്ത ജാതികൾ ഉൾക്കൊള്ളുന്ന ഹൈന്ദവ സമൂഹത്തിന്റെ പൊതുപ്രാതിനിധ്യമായി വർഗ്ഗീയ രാഷ്ട്രീയ വക്താക്കൾ മാറിക്കൊണ്ടിരിക്കുന്നു എന്ന് മതേതര ചേരിയിലുള്ളവർ വൈകിയെങ്കിലും മനസ്സിലാക്കുന്നു. ഈ ആശങ്കയാണ് വിഷ്ണുനാഥ പ്രകടിപ്പിച്ചതു്.
ഹൈന്ദവ സമൂഹത്തിന്നിടയിൽ നിന്നു തന്നെയാണ് ഈ വർഗ്ഗീയവൽക്കരണത്തിനെതിരെയും, നിഷ്കളങ്കമായ മതാഭിമുഖ്യത്തെ രാഷ്ട്രീയ ലക്ഷ്യത്തിലേക്ക് വഴിമാറ്റുന്ന സംഘപരിവാര തന്ത്രങ്ങൾക്കെതിരെയുമുള്ള നീക്കങ്ങൾ ഉണ്ടാകേണ്ടതു്.
സമീപകാലത്തായി കേരളത്തിലെ വ്യത്യസ്ത മതവിഭാഗങ്ങൾക്കിടയിൽ മതാഭിനിവേശം ശക്തമാണ്. അര നൂറ്റാണ്ട് കാലത്തെ മതനിരാസം എന്ന ഇടതുപക്ഷസ്വഭാവമുള്ള പൊതുപ്രവണതക്കെതിരെയുള്ള കേരളത്തിലെ യുവജനങ്ങളടക്കമുള്ളവരുടെ തിരിഞ്ഞുനടത്തം. മുൻ കാലങ്ങളിൽ നിന്നു വ്യത്യസ്തമായി മതം ഒരാചാരമായും, അനുഷ്ഠാനമായും ഐഡിയോളജിയായും ജനങ്ങൾക്കിടയിൽ കൂടുതൽ സ്വാധീനം ചെലുത്തിക്കൊണ്ടിരിക്കുന്നു. കഴിഞ്ഞ ദശാബ്ധങ്ങളിൽ ഇടതുപക്ഷ സ്വാധീനത്താൽ മതമൊരു ഭാരമായി അഭിനയിച്ചിരുന്നവരിൽ നിന്നു വിഭിന്നമായി മതമെന്ന ചട്ടക്കൂടിനുള്ളിലേക്ക് ഒതുങ്ങാൻ ജനങ്ങൾ സ്വയം തന്നെ തയ്യാറാകുന്നു. ആരാധനാലയങ്ങൾ ജനനിബിഡമാകുന്നു. ഉത്സവങ്ങൾക്ക് ആഘോഷപ്പൊലിമ വർദ്ധിക്കുന്നു.
ഇവിടെ അപ്രസക്തമായ മതനിരാസ മുദ്രാവാക്യം വീണ്ടും വീണ്ടും പൊടിതട്ടി എടുത്ത് മതാഭിമുഖ്യത്തെ ഫാസിസ്റ്റുകൾക്ക് തീറെഴുതിക്കൊടുക്കുവാൻ ഇടതുപക്ഷപ്രസ്ഥാനങ്ങൾ അടക്കമുള്ളവർ കൂട്ടുനിൽക്കണമൊ എന്ന ചോദ്യം പ്രസക്തമാണ്. അവർഗ്ഗീയമായ, പരമത വിശ്വാസികളെ രാജ്യത്തിന്റെ ശത്രുവായി കണക്കാക്കത്തെ കേരളത്തിലെ തനത് മതസൌഹാർദ്ദസംസ്ക്കാരത്തെ അതേ രൂപത്തിൽ തന്നെ നിലനിർത്താൻ പാകത്തിലുള്ള ശക്തമായ സംവിധാനം ഹൈന്ദവ സമൂഹത്തിന്നിടയിൽ നിന്നു തന്നെ ഉയർന്നു വരേണ്ടതുണ്ട്. അങ്ങിനെ സംഭവിച്ചില്ലെങ്കിൽ കേരളത്തിൽ ഹൈന്ദവ വിശ്വാസവും ആഘോഷങ്ങളും പരമത വിദ്വേഷ അജണ്ട പുലർത്തുന്ന ഹിന്ദുത്വ ഫാസിസ്റ്റുകളുടെ പൂർണ്ണ നിയന്ത്രണത്തിലകപ്പെടുകയാകും ഫലം. കേരളത്തിലെ ഹൈന്ദവ പ്രാതിനിധ്യമെന്നത് ഹിന്ദുത്വഫാസിസം എന്നായി ചുരുങ്ങുന്നത് ഹൈന്ദവ സമൂഹത്തിനു് ആത്യന്തികമായി നേട്ടമല്ല, മറിച്ച് കോട്ടമാണുണ്ടാക്കുക. ഒരു ബഹുമത സമൂഹമെന്ന നിലക്ക് അതു കേരളത്തിലെ സാമൂഹികാന്തരീക്ഷത്തിനു് ഒട്ടും യോചിച്ചതുമല്ല.
പി.കെ.നൌഫൽ

Tuesday, October 9, 2012

സംഘപരിവാർ സൌഹൃദഹസ്തം എന്ന ധൃതരാഷ്ട്രാലിംഗനം


സംഘപരിവാർ സൌഹൃദഹസ്തം എന്ന ധൃതരാഷ്ട്രാലിംഗനം

മഹാഭാരതയുദ്ധത്തിൽ കൌരവരെ പരാചയപ്പെടുത്തി വിജയശ്രീലാളിതരായ പാണ്ഡവർ, വലിയച്ചനും ശത്രുപക്ഷമായ കൌരവരുടെ പിതാവുമായ കൌരവരാജാവ് ധൃതരാഷ്ട്രരെ സന്ദർശിക്കുന്ന സന്ദർഭം. പുത്രനഷ്ടം കടിച്ചമർത്തിക്കൊണ്ട് പഞ്ചപാണ്ഡവരെ ഒരോരുത്തരായി ആലിംഗനം ചെയ്യുകയാണ് ധൃതരാഷ്ട്രർ. ധൃതരാഷ്ട്രരുടെ പ്രത്യേക മാനസിക അവസ്ഥ കണ്ടറിഞ്ഞ പാണ്ഡവ പക്ഷത്തുള്ള ശ്രീകൃഷ്ണൻ പാണ്ഡവരിൽ മൂത്തവനായ യുധിഷ്ടിരനു ശേഷം ആലിംഗനത്തിനു തായാറെടുക്കുന്ന ഭീമനു പകരം ഭീമന്റെ മാതൃകയിൽ ഉള്ള പാറ കക്ഷ്ണം അന്ധനായ ധൃതരാഷ്ട്രരുടെ മുൻപിൽ വെച്ചുകൊടുക്കുന്നു. ഭീമനോടുള്ള പക മനസിൽ വെച്ചുകൊണ്ട് ധൃതരാഷ്ട്രെർ ശക്തമായി നടത്തുന്ന ആലിംഗനത്തിന്നിടെ ഭീമനു പകരം വെച്ച പാറക്കല്ലു തകർന്നു തരിപ്പണമായ സംഭവം മഹാഭാരത കഥയിൽ വിശദീകരിക്കുന്നുണ്ട്. മനസ്സിൽ പകവെച്ചു, മുഖത്ത് ചിരിവരുത്തി ശത്രുവിനെ വലിച്ചുമുറുക്കി നശിപ്പിക്കുന്ന ഈ സ്വഭാവസവിശേഷതയാണ് പിന്നീട് ധൃതരാഷ്ട്രാലിംഗനംഎന്ന പേരിൽ കുപ്രസിദ്ധി നേടിയത്. ഞെക്കിക്കൊല്ലാൻ സാധിച്ചില്ലെങ്കിൽ നക്കിക്കൊല്ലുക. ഭാരതാംഭയുടെ കണ്ണിലെ കരടായും, കാൻസറായും സംഘപരിവാരം വിലയിരുത്തി ശത്രുപക്ഷത്തു നിർത്തുന്ന ന്യൂനപക്ഷങ്ങൾ, കമ്മ്മ്മ്യൂണിസ്റ്റുകൾ എന്നിവരെ ഞെക്കിക്കൊല്ലാനും, നക്കിക്കൊല്ലാനുമൊക്കെ കാലാകാലങ്ങളായി ശ്രമം നടക്കുന്നു. സംഘപരിവാരത്തിന്റെ ആഗമനത്തോടെ ആരംഭിച്ച ന്യൂനപക്ഷ വംശഹത്യകളും, കലാപങ്ങളുമൊക്കെ ഒരു വശത്ത് നടക്കുമ്പോൾ തന്നെയാണ് വിവിധ മതമേലദ്ധ്യക്ഷന്മാരെ വശത്താക്കി നക്കിക്കൊല്ലാനുള്ള ശ്രമങ്ങളും മറുവശത്ത് അരങ്ങേറിയിരുന്നതു. അത്തരമൊരു ധൃതരാഷ്ട്രാലിംഗനശ്രമം തന്നയാണ് സംഘപരിവാരത്തിന്റെ ഭാഗത്തു നിന്നു മാർക്കിസ്റ്റ് പാർട്ടിയോടുള്ള പുതിയ അടവുനയത്തിന്റെ പേരിൽ രൂപം കൊള്ളുന്നത്. ബ്രാഹ്മണിസം തന്നിലേക്കവാഹിച്ചില്ലാതാക്കിയ മറ്റേതൊരു വിഭാഗങ്ങളെയും പൊലെതന്നെ വാരിപ്പുണർന്നു വ്യക്തിത്വം നശിപ്പിക്കാനും, ഇല്ലായ്മചെയ്യാനുള്ള ശ്രമം.  

വളരെ തന്ത്രപരമാണ് സംഘപരിവാർ നീക്കം. ടിപി വധത്തോടു കൂടി പാർട്ടിയുടെ ജനകീയ അടിത്തറയിൽ നേരിയ തോതിലെങ്കിലും വിള്ളൽ വീണുകൊണ്ടിരിക്കുന്ന, ചരിത്രത്തിലാദ്യമായി പാർട്ടി എന്ന നിലയിൽ ഘടനാപരമായി പ്രതിസന്ധിനേരിടുന്ന സന്ദരഭം തന്നെയാണ് ഫാസിസ്റ്റുകളുടെ സഹായഹസ്തം സി പി എമ്മുനു നേരെ നീളുന്നതെന്നതു ശ്രദ്ധേയമാണ്. മാർക്കിസ്റ്റ് പാർട്ടിയുമായുള്ള തന്ത്രപരമായ കൂട്ടുകെട്ടിനു വേണ്ടിയുള്ള സംഘപരിവാർ നീക്കതോടൂള്ള കെ പിസിസി പ്രസിഡന്റിന്റെ പ്രതികരനം ഇവിടെ കൂട്ടിവായിക്കുന്നതു ഉചിതമായിരിക്കും. ടിപി വധക്കേസിൽ സിപീഎമ്മിനെതിരെ ഒരു പ്രസ്ഥാവന പോലും ഇറക്കാത്ത ഒരു വിഭാഗം ഉണ്ടെങ്കിൽ അതു സംഘപരിവാരം ആണെന്നാണ് രമേശ് ചെന്നിത്തല പ്രതികരിച്ചതു. സിപീഎം പ്രതിസന്ധി നേരിടുന്ന ഈ ഘട്ടത്തിൽ, പാർട്ടി എതിരാളികൾ കിട്ടിയ അവസരം മുതലെടൂത്ത് കൊണ്ട് പാർട്ടിക്കെതിരെ പ്രചാരണം ശക്തമാക്കിയപ്പോൾ തീർത്തും മൌനവലംഭിച്ച സംഘപരിവാർ നിലപടുകൾ ഒരെ സമയം ദുരൂഹവും ശ്രദ്ധേയവുമായിരുന്നു. അതിലുപരി അടുത്തകാലത്തായി സിപീഎമ്മിന്റെ മുൻഗണനാക്രമത്തിലും പാർട്ടി പ്രചാരണങ്ങളിലും വന്നുകൊണ്ടിരിക്കുന്ന ചില മാറ്റങ്ങൾ ഇത്തരത്തിലുള്ള സൌഹൃദാഹ്വാനത്തിനു സംഘപരിവാരത്തെ പ്രേരിപ്പിച്ചിരിക്കാം.

വാസ്തവത്തിൽ ചിരവൈരികളായ മാർക്കിസ്റ്റ് പാർട്ടിക്കും സംഘപരിവാരിനും ഇടയിൽ എന്താണ് സംഭവിച്ചു കൊണ്ടിരിക്കുന്നതു? മാർക്സീസവും ഫാസിസവും അടിസ്ഥാനപരമായി വിരുദ്ധധ്രുവങ്ങളിലാണ് നിലകൊള്ളുന്നതു. ഫാസിസം മുന്നൊട്ടു വെക്കുന്ന അക്രമാസക്തവും ഏകപക്ഷീയവുമായ മതാത്മ്ക ദെശീയതയെന്ന അടിസ്ഥന അശയത്തിനെതിയുള്ള നിലപാടുകളും ആശയങ്ങളുമാണ് ലൊകത്തെമ്പടുമുള്ള ഇടതുപക്ഷ പ്രസ്ഥ്നങ്ങൾ മുന്നോട്ടുവെക്കുന്നതു. തീവ്രദേശീയത എന്ന വാദം തന്നെ മാർക്സിസം പടെ നിരാകരിക്കുന്നു. പകരം ദേശത്തിന്റെ അതിരുകൾക്കപ്പുറമുള്ള ഐക്യമാണ് അടിസ്ഥാനപരമായി മാർക്സിസം ഊന്നൽ നൽകുന്നതു. ചരിത്രത്തിലൊടനീളം ഫാസിസവും മാർക്സിസവും വിരുദ്ധ ചേരിയിലാണ് നിലകൊണ്ടത്. വ്യത്യസ്ത പാഥകളിലൂടെയാണ് സഞ്ചരിച്ചതു. അക്രമാസക്ത ഫാസിസത്തിന്റെയും തീവ്രദേശീയതയുടെയും കിരാതമായ അടിച്ചമർത്തലുകൾ നേരിട്ടുകൊണ്ടും അതിജീവിച്ചും കൊണ്ടാണ് ലൊകത്തെ ഇടതുപക്ഷ പ്രസ്ഥാനങ്ങൾ നാളിതുവരെ സഞ്ചരിച്ചതു. എന്നിട്ടും മാർക്കിസ്റ്റ് പാർട്ടിയുമായി സഹകരണം ആകാമെന്ന നിലക്കുള്ള നിലപാടുമായി സംഘപരിവാർ മുന്നോട്ടുവരാൻ പ്രേരിപ്പിച്ച ഘടകം എന്താണ്?  മാറ്റം ആർക്കാണുണ്ടായിക്കൊണ്ടിരിക്കുന്നതു? ഫാസിസ്റ്റുകൾക്കോ അതോ മാർക്കിസ്റ്റ് പാർട്ടിക്കൊ? മതേതര രാഷ്ട്രീയ പ്രസ്ഥനമായ സിപീഎമ്മുമായി സഹകരിക്കാൻ തയ്യാറാണെന്ന വർഗ്ഗീയ ഫാസിസ്റ്റുകളുടെ ആഹ്വാനത്തിന്റെ നെല്ലും പതിരും എന്തു? പിണറായി വിജയന്റെ ഒരു പത്രപ്രസ്ഥവനക്കും, നിഷേധകുറിപ്പിനുമപ്പുറം മാനങ്ങൾ ഈ വിഷയത്തിൽ ഉണ്ട്.

ഇന്ത്യയിലെയും കേരളത്തിലെയും വർത്തമാനകാല രാഷ്ട്രീയം വിലയിരുത്തുന്ന ആർക്കും ഫാസിസ്റ്റുകളുടെ അടിസ്ഥാന സ്വഭാവത്തിലോ, ഹിംസാത്മക അജണ്ട്കളിലോ മാറ്റം കാണുക സാധ്യമല്ല. എന്നു മാത്രമല്ല പതിവിൽ കരുത്തോടെ പരമതവിദ്വെഷം മുഖ്യ അജണ്ടയാക്കിയ സ്വന്തം പ്രവർത്തനപദ്ധതികളുമായി യഥേഷ്ടം മുന്നോട്ടു പോയിക്കൊണ്ടിരിക്കുകയാണ് ഫാസിസം. കിട്ടിയ ഏതവസരവും രാഷ്ട്രീയമായി മുതലെടുക്കാൻ പാകത്തിൽ വർഗ്ഗീയവൽക്കരിച്ചുകൊണ്ടിരിക്കുന്നു. കേരളത്തിൽ തന്നെ ലവ്ജിഹാദ്, ലാൻഡ് ജിഹാദ്, മെഡിക്കൽ ജിഹാദ്, സിനിമാ ജിഹാദ്, ഹിന്ദു ടാക്സി, ഹിന്ദു ഡ്രൈവർ എന്നിങ്ങനെയുള്ള വിവിധ വിഷയങ്ങൾ മുതൽ അവസാനം ഷവർമ്മയിൽ വരെ എത്തിനിൽക്കുന്നു ഫാസിസത്തിന്റെ ഭീകരസ്പർശം. കാലങ്ങൽക്കു ശേഷം ന്യൂനപക്ഷങ്ങൾക്കു നേരെയും, ന്യൂനപക്ഷ സ്ഥാപനങ്ങൾക്കു നേരെയുമുള്ള സംഘപരിവാർ അതിക്രമം സമീപകാലത്ത് വർദ്ധിച്ചുകൊണ്ടിരിക്കുന്നു. നിസാര പ്രശനങ്ങളുടെ പേരിൽ ന്യൂനപക്ഷ സ്ഥാപനങ്ങൾ ഫാസിസ്റ്റ് അതിക്രമങ്ങൾക്കിരയാകുന്നു. ഹിന്ദുത്വ നേതാക്കളാകട്ടെ വിഷം വമിക്കുന്ന അത്യന്തം പ്രകോപനകരമായ പ്രസംഗങ്ങളുമായി നാടു ചുറ്റുന്നു. ന്യൂനപക്ഷങ്ങൾക്കു നേരെയുള്ള കടന്നാക്രമണങ്ങളാണ് ഈ പ്രസംഗങ്ങളിലെല്ലാം. മുസ്ലിം ലീഗെന്ന പാർട്ടിയുടെ ഭരണപങ്കാളിത്തത്തെ തീർത്തും അസഹിഷ്ണുതയോടെ വീക്ഷിച്ചു പ്രചാരണം നടത്തുന്നു. ഹിന്ദുത്വ ഫാസിസത്തിന്റെ അടിസ്ഥാനനിലപാടുകളിലൊ, പ്രവർത്തനങ്ങളിലോ ഒരു മാറ്റവും ഉണ്ടായിട്ടില്ലെന്ന് വ്യക്തം.

ഇവിടെയാണ് എക്കാലവും ഫാസിസത്തിന്റെ എതിർ ചേരിയിൽ അടിസ്ഥനപരമായി നിലകൊണ്ട ചരിത്രമുള്ള മാർക്കിസ്റ്റ് പാർട്ടി നയങ്ങളിലും, പ്രവർത്തനങ്ങളിലും സമീപകാലത്ത് സംഭവിച്ചുകൊണ്ടിരിക്കുന്ന വ്യതിയാനങ്ങൾ പ്രസക്തമാകുന്നതു. കേരളത്തിലെ കോൺഗ്രസ് പാർട്ടിയെ വിമർശകർ ക്രൈസ്തവ കോൺഗ്രസ് എന്നു വിശേഷിപ്പിക്കും പോലെ, കേരളത്തിലേ ഏറ്റവും വലിയ ഹിന്ദുപാർട്ടി എന്നാണ് പലരും സിപീഎമ്മിനെ വിലയിരുത്തിയിട്ടൂള്ളത്. ഭൂരിപക്ഷം വരുന്ന ഹിന്ദുസമൂഹത്തെ പ്രതിനിധാനം ചെയ്യുന്ന, മാര്ക്സിസം അടിസ്ഥാന അശയമാക്കിയ പാർട്ടി. അടുത്ത കാലത്ത് മാത്രമാണ് ന്യൂനപക്ഷങ്ങൾ വലിയതോതിൽ മാർക്കിസ്റ്റ് പാർട്ടിയോട് അടുക്കുന്നതും പാർട്ടിയുടെ സഹയാത്രികരാകുന്നതും. അതും കോൺഗ്രസിന്റെ മൌനാനുവാദത്തോടെ ഫാസിസ്റ്റുകൾ നടത്തിയ ബാബരീ ധ്വംസനത്തിനു ശേഷം. ബാബരീ മസ്ജിദ് വിഷയത്തിൽ കൊൺഗ്രസ് സ്വീകരിച്ച മൃദു ഹിന്ദുത്വ നിലപടുകൾക്കെതിരെയും, കോൺഗ്രസിനോടുള്ള ലീഗ് ദാസ്യത്തിനെതിരെയും ഇടതുപക്ഷ പ്രസ്ഥാനങ്ങൾ സ്വീകരിച്ച ശക്തമായ നിലപാടുകളാണ് കേരളത്തിലെ പ്രധാന ന്യൂനപക്ഷമായ മുസ്ലിംകളെ ഇടതുപക്ഷത്തൊടു അടുപ്പിക്കുന്നതു. പാർട്ടിക്ക് മുന്നിൽ എക്കാലവും പ്രതിരോധവലയം തീർത്ത, പാർട്ടിക്ക് കടന്നൌകയറാൻ സാധിക്കാതിരുന്ന മലബാരിലെ മുസ്ലിം മേഖലയിൽ കടന്നുകയറുവാനും ചെങ്കൊടി നാട്ടുവാനും ഇതോടുകൂടി മാർക്കിസ്റ്റ് പാർട്ടിക്ക് കഴിഞ്ഞു. എത്രത്തോളമെന്നാൽ ലീഗിന്റെ എക്കാലത്തെയും പൊന്നാപുരം കോട്ടകളായ മഞ്ചേരിയും, കുറ്റിപ്പുറവുമെല്ലാം ഇടതുപക്ഷ പടയോട്ടത്തിൽ തകർന്നടിഞ്ഞു. ലീഗിലെ പല പ്രമുഖരും ചരിത്രത്തിൽ ആദ്യമായി പരാചയത്തിന്റെ കയ്പ്പുനീർ കുടിച്ചു.

ഇതെല്ലാം മുസ്ലിം കേന്ദ്രങ്ങളിൽ നിന്നു പാർട്ടിക്ക് ലഭിച്ച നേട്ടങ്ങളാണെങ്കിൽ പാർട്ടി ഈ സമൂഹത്തിനു തിരിച്ചെന്തു നൽകി എന്ന ചോദ്യത്തിനുത്തരമാണ് സംഘപരിവാർ നടത്തിയ സൌഹൃദ ക്ഷണത്തൊളെംത്തിയ പാർട്ടി നിലപാടുകൾ. ലീഗിന്റെ നെടുംകോട്ടകളിലടക്കം ഇടതുപക്ഷത്തെ വിജയിപ്പിച്ചെടുത്ത മുസ്ലിം സമൂഹത്തിനു അധികാരത്തിലേറിയ ഇടതുപക്ഷ സർക്കാർ നൽകിയ ആദ്യ സമ്മാനം തന്നെ ചരിത്രത്തിൽ ആദ്യമായി ചീഫ്സെക്രട്ടറിയായ മുസ്ലിം നാമധാരിയെ പുറത്താക്കികൊണ്ടാണ്. അതും ഇലക്ഷനിൽ ഇടതുപക്ഷത്തെ പരാചയപ്പെടുത്താൻ മുന്നിട്ടിറങ്ങിയ വിഭാഗത്തെ കൂടെനിർത്താൻ വേണ്ടിമാത്രം. കെരളത്തിലെ ഒരു വിഭാഗം പൊലീസ് ഉദ്യോഗസ്ഥന്മാരുടെ പിന്തുണയോടെ മലപ്പുരം ജില്ലയെ ലക്ഷ്യം വെച്ച്കൊണ്ട് നടന്ന കുപ്രചാരണവും ഭീകരവേട്ടെയെന്ന പേരിൽ നടന്ന മുസ്ലിം പീഡനവുമാണ് പിന്നീട് ഇടതുപക്ഷ സർക്കാരിന്റെ കാലത്ത് നടന്നതു. എൺപതു പിന്നിട്ട വന്ദ്യവയോധികരെ പോലും അർദ്ധരാത്രി വീടുവളഞ്ഞ് സംശയത്തിന്റെ പേരിൽ പോലീസ് പിടിച്ചുകൊണ്ട്പോയി,. ഇടതുപക്ഷ പാളയത്തിൽ അഭയം തേടിയവർക്ക് ലഭിച്ച അടുത്ത സമ്മാനം. വിദ്യാഭ്യാസവകുപ്പുമായി ബന്ധപ്പെട്ട ഭരണനടപടികളിൽ നിന്നു മുസ്ലി കേന്ദ്രങ്ങൾ മാത്രം അവഗണന നേരിട്ടു. മലബാറ് എന്നും ശോഷിച്ചും തിരുവിതാംകൂർ എന്നും വയറു വീർത്തും കാണപ്പെട്ടു.

തിരുവനന്തപുരം ജില്ലയിലെ ബീമാപള്ളിക്കടുത്തുള്ള ചെറിയതുറയിൽ ഒരു ക്രിമിനലിനു വെണ്ടി പൊലീസ് വെടിവെച്ചു കൊന്നത് ആറ് മുസ്ലിം ചെറുപ്പക്കാരെ. അതും കൂത്തുപറമ്പ് വെടിവെപ്പിന്റെ ധീരസ്മരണകൾ മനസ്സിൽ താലോലിക്കുന്ന പാർട്ടിയുടെ പോലീസ് തന്നെ. അതു കഴിഞ്ഞ് മാസങ്ങൾകുള്ളിൽ കാസർകൊഡും സമാനമായ വെടിവെപ്പും കൊലപാതകവും. ഫാസിസ്റ്റ് നിയന്ത്രണമുള്ള സോഷ്യൽ സൈറ്റ്മീഡിയ കേന്ദ്രീകരിച്ചു തുടക്കമിട്ട ലവ്ജിഹാദ് എന്ന പ്രാഹേളികക്ക് ആദ്യഘട്ടത്തിൽ സർവ്വ പിന്തുണയും നൽകിവഷളാക്കിയത് ഇടതുപക്ഷ സർക്കാർ തന്നെ. മുസ്ലിം സമുദായത്ത് പ്രതിസ്ഥാനത്തു നിർത്തുന്ന നിലക്കുള്ള നിലപാടുകൾ പോലീസും പാർട്ടി അണികളും സ്വീകരിച്ചു. പലപ്പോഴും സംഘപരിവാരിനേക്കാൾ ആവേശത്തോടെ ഇടതുപക്ഷ പ്രവർത്തകർ ഈ ദുരാരോപണം പ്രചരിപ്പിച്ചു. മലബാറിൽ ലീഗുമായുള്ള രാഷ്ട്രീയ സംഘർഷങ്ങൾ പലപ്പോഴും സാമുദായികമായി മാറിയതും ഈ കാലത്തു തന്നെ. സിപീഎം അണികളിൽ സംഘപരിവാരം സ്വാധീനം ചെലുത്തുന്നു എന്ന ആരോപണവും ഈ സമയത്തു തന്നെ ഉയരുകയുണ്ടായി. ലീഗുമായി ഉടലെടുക്കുന്ന സംഘർഷത്തിനു വിലകൊടുക്കേണ്ടി വന്നത് പള്ളികളും, മദ്രസകളും, അനാഥാലയങ്ങളുമായിരുന്നു. സംഘപരിവാരത്തേക്കാൾ ആവേശത്തോടെ മുസ്ലിം സ്ഥാപനങ്ങൾക്കു നേരെയും ചിഹ്നങ്ങൾക്ക് നേരെയും ഇടതുപക്ഷ പ്രവർത്തകർ അക്രമം അഴിച്ചുവിട്ടു. പലപ്പോഴും സംഘപരിവാർ പ്രചാരണങ്ങളും പഥപ്രയോഗങ്ങളും ഇടതുപക്ഷവും ഉപയോഗിച്ചു. അഞ്ചാം മന്ത്രി വിഷയത്തിലും, എയിഡഡ് സ്ഥാപനങ്ങളുടെ വിഷയത്തിലുമെല്ലാം ഇരു പ്രസ്ഥാനങ്ങളുടെയും പ്രചാരണങ്ങൽക്ക് സമനതകൾ ഏറെയായിരുന്നു. അവസാനം മാഷാ അല്ലയില്‍ എത്തിനില്‍ക്കുന്നു...മാർക്കിസ്റ്റ് പാർട്ടിക്കും സംഘപരിവാരിനുമിടയിൽ മാറ്റം സംഭവിക്കുന്നത് എവിടെ എന്നു വ്യക്തം. സംഘപരിവാരം സ്വന്തം ആശയങ്ങളും പ്രചാരണങ്ങളുമായി മുന്നൊട്ടു പൊകവെ, സിപീഎമ്മിൽ സംഭവിക്കുന്നത് എക്കാലവും ഉയർത്തിപ്പിടിച്ചിരുന്ന, പാർട്ടിയുടെ അടിസ്ഥാനാശയങ്ങളിൽ നിന്നുള്ള വ്യതിചലനം തന്നെയെന്നു പാർട്ടി സ്വീകരിച്ച സമീപകാല നിലപാടുകൾ വ്യക്തമാക്കുന്നു.. കേരളത്തിലേ ഏറ്റവും വലിയ ഹിന്ദു അണികൾ ഉള്ള പാർട്ടിയായ മാർക്കിസ്റ്റ് പാർട്ടിയിൽ നിന്നു സംഘപരിവാരം പ്രതീക്ഷിക്കുന്നതും ഇത്തരം നിലപാടുകൾ തന്നെയാണ്. ന്യൂനപക്ഷങ്ങൾക്കെതിരെ ഭൂരിപക്ഷ ജനതയുടെ കൂട്ടുകെട്ടു.  

അതെസമയം ഇക്കാലമത്രയും ഇത്തരമൊരു ആഹ്വാനത്തിനു മുൻ കയ്യെടുക്കാൻ സംഘപരിവാരത്തിനു ധൈര്യം വന്നില്ല എന്നത് പ്രസക്തമാണ്. മാർക്കിസ്റ്റ് പാർട്ടിക്കെതിരെ ലീഗ് സ്ഥാനാർഥിക്കു വൊട്ടു മറിച്ചു നൽകിയ ചരിത്രമുള്ളവരാണ് കേരളത്തിലെ സംഘപരിവാരം. വടകരയിലും ബേപ്പൂരും തുടക്കമിട്ട കുപ്രസിദ്ധമായ കോലീബി കൂട്ടുകെട്ടു പോലും മാർക്കിസ്റ്റ് പാർട്ടിയെ മാത്രം ലക്ഷ്യം വെച്ചുകൊണ്ടായിരുന്നു. ലീഗിനെ സഹകരിച്ചാൽ പോലും മാർക്കിസ്റ്റ് പാർട്ടിയെ സഹിക്കില്ല എന്ന സംഘപരിവാർ നിലപാട്. അതിനു കാരണം സിപീഎം എക്കാലവും ഉയർത്തിപ്പിടിച്ച ഉറച്ച ഫാസിസ്റ്റ് വിരുദ്ധ നിലപാടുകൾ തന്നെയായിരുന്നു. പക്ഷെ സാഹചര്യം മാറിക്കൊണ്ടിരിക്കുന്നു എന്നും മാർക്കിസ്റ്റ് പാർട്ടിയിൽ വ്യതിയാനങ്ങൾ സംഭവിച്ചുകൊണ്ടിരിക്കുന്നു എന്നും മറ്റാരേക്കാളും നന്നായി മനസ്സിലാക്കിയിരിക്കുന്നു സംഘപരിവാരം. ഒരു കാലത്ത് കുപ്രസിദ്ധി നേടിയ കോലീബി കൂട്ടുകെട്ടിനു പകരം ഇപ്പോൾ കേൾക്കുന്നത് മാർക്കിസ്റ്റ് പാർട്ടി- ബിജെപി കൂട്ടുകെട്ടാണ്. കഴിഞ്ഞ പഞ്ചായത്ത് തെരഞ്ഞെടുപ്പിൽ സിപീഎമ്മുമായി തന്ത്രപരമായ അടവുനയം ഉണ്ടായിരുന്നതായി വെളിപ്പെടുത്തിയത് ബിജെപി നേതാവ് ഓ രാജഗോപാൽ തന്നെയാണ്. അത്തരം അത്മവിശ്വാസത്തിൽ നിന്നാണ് മാർക്ക്സിറ്റ് പാർട്ടിയോടൂള്ള ഫാസിസത്തിന്റെ സൌഹൃദഹസ്തത്തെ വിലയിരുത്തേണ്ടതു.

സ്പീഎം സംസ്ഥാന സ്ക്രട്ടറൈ സഖാവു  പിണറായി വിജയൻ  സംഘപരിവാരം നീട്ടിയ ഈ സൌഹൃദഹസ്തത്തെ തത്വത്തിൽ നിരാകരിച്ചെങ്കിലും പാർട്ടിക്കുള്ളിൽ സ്വാധീനമുരപ്പിച്ചുകൊണ്ടിരിക്കുന്ന ഫാസിസ്റ്റ് പ്രവണതകെളെ ചെറുത്തു തോല്പിക്കാനുള്ള നീക്കമൊന്നും പാർട്ടിതലത്തിൽ ഉണ്ടാകുന്നില്ല എന്നത് ശ്രദ്ദെയമാണ്. സിപീഎം എക്കാലവും ഉയർത്തിപ്പിടിഛ്സിരുന്ന മതനിരപേക്ഷതയിൽ വെള്ളം ചേർത്തു സംഘപരിവാരം പ്രചാരണങ്ങൾ അറിഞ്ഞൊ അറിയാതെയോ സ്വാധീനിക്കപ്പെട്ടാൽ അതിന്റെ ഗുണം പാർട്ടിക്കല്ല മറിച്ച് സംഘപരിവാറിനു മാത്രമാണെന്നത് നെയ്യാട്ടിങ്കര തെരഞ്ഞെടുപ്പിലെ ബിജെപിയുടെ വൻ മുന്നെറ്റം തന്നെ ഉദാഹരണം. ഒരുകാലത്ത് ഉത്തരേന്ത്യൻ രാഷ്റ്റ്രീയത്തെ നിയന്ത്രിച്ചിരുന്ന കോൺഗ്രസിനു ഇന്നു യൂപിയിലും ബീഹാറിലും അടിത്തറ നഷ്ടപ്പെടുത്തിയതും ഈ മൃദുഹിന്ദുത്വ നയങ്ങൾ തന്നെയാണ്. ഫാസിസം ഒരു ആശയമെന്ന നിലക്ക് സംഘപരിവാർ പ്രസ്ഥാനങ്ങൾക്കപ്പുറം സ്വാധീനമുരപ്പിച്ചുകൊണ്ടിരിക്കെ അതിനെതിരെ ചരിത്രപരമായ പ്രതിരോധം തീർക്കേണ്ട ഇടതുപക്ഷം സ്വയം തന്നെ സംഘപരിവാര ആശയങ്ങൾക്ക് അറിഞ്ഞോ അറിയാതെയോ വശംവദരായാൽ നേട്ടം ഫാസിസ്റ്റുകൾക്കു മാത്രമായിരിക്കും. നഷ്ടം രാജ്യത്തിനും പിന്നെ പാർട്ടിക്കും. യൂപീഎ സർക്കാരിന്റെ ജനവിരുദ്ധ നയങ്ങളിൽ മനം മടുത്തു രാജ്യത്തെ ജനത വീണ്ടും ഫാസിസറ്റ് രാഷ്ട്രീയത്തിനു സ്വാകാര്യത നൽകാൻ സാധ്യത കാണുന്ന വർത്തമാനകാല സാഹചര്യത്തിൽ ഇടതുപക്ഷം ഉയർത്തിപ്പിടിക്കേന്റ മതേതര പ്രതിബദ്ധതയുടെ പ്രസക്തി വർദ്ധിച്ചു വരികയാണ്. എന്തിനെയും വെടക്കാക്കി തനിക്കാക്കുക് എന്ന നയത്തിന്റെ ഭാഗം മാത്രമാണ് മാർക്കിസ്റ്റ് പാർട്ടിയോടൂള്ള സംഘപരിവാരത്തിന്റെ പുതിയ നിലപാടുകൾ എന്നു ബ്രാഹമണ്യം സ്വന്തം ചിറകിലൊതുക്കി ഒന്നുമല്ലാതായി മാറിക്കൊന്റിരിക്കുന്ന ദലിത് ജനതയുടെ ഇന്നത് അവസ്ഥ തന്നെ ഉദാഹരണം.

പി.കെ നൌഫല്‍

Saturday, September 22, 2012

ഇരവാദം മുഴക്കുന്ന സവർണ്ണ ഫാസിസം


ഇരവാദം മുഴക്കുന്ന സവർണ്ണ ഫാസിസം


ജര്‍മന്‍ പാര്‍ലെമന്റ് മന്ദിരത്തിന് സ്വയം തീവെക്കുകയും ആ കുറ്റം കമ്യൂണിസ്റ്റുകാരുടേയും ജൂതന്‍മാരുടേയും തലയിലിട്ട് അതിന്റെ പേരില്‍ ആദ്യം കമ്യൂണിസ്റ്റുകാരെയും പിന്നീട് ജൂതന്‍മാരെയും ഒന്നൊഴിയാതെ വേട്ടയാടി മനുഷ്യ ഭാവിയെക്കുറിച്ചുള്ള പ്രതീക്ഷകൾ തന്നെ അസ്തമിപ്പിക്കുകയും ചെയ്ത ഒരു മനുഷ്യനുണ്ടായിരുന്നു. ആവര്‍ത്തിച്ചുള്ള നുണകൾ സത്യങ്ങളാകുമെന്ന് കണ്ടത്തി പ്രാക്റ്റീസ് ചെയ്ത ഒരാൾ അയാള്‍ക്ക് വലം‌കയ്യായുണ്ടായിരുന്നു. നാസിസത്തിന്റെ പ്രയോഗത്തിലെ ഏറ്റവും ശക്തനായ സ്റ്റ്രാറ്റജിസ്റ്റ്.
ഗീബല്‍സിനുമുമ്പ്, അതും രണ്ട് സഹസ്രാബ്ദം മുമ്പ്, അതിലും എത്രയോ വ്യക്തമായി ഇത് പറഞ്ഞത് കൌടില്ല്യനായതിൽ ഒട്ടും അതിശയമില്ല. സംഘപരിവാരത്തെ ഫാസിസ്റ്റുകൾ എന്ന് വിളിക്കുന്നത് ചരിത്രപരമായ അനീതിയാണ്, നാസികളെ, ഫാസിസ്റ്റുകളെ സംഘപരിവാർ എന്ന് വിളിക്കുകയാണ് വാസ്തവത്തിൽ വേണ്ടത്. ഇവിടെ നിന്ന് പോയതിന്റെ ബാക്കിയേയുള്ളൂ ലോകത്തിലെ അനീതിയുടെ ഫിലോസഫിക്കൽ ടൂളുകൾ
(കടപ്പാട്: ദീപക് ശങ്കരനാരായണൻ)
നുണപ്രചരണം പ്രധാന പ്രവർത്തനമായി സ്വീകരിച്ച ലോകത്തിലെ തന്നെ പ്രധാന സംഘടനകളുടെ എണ്ണമെടുക്കുമ്പോൾ പ്രധാനമായും കടന്നുവരിക ഈ മൂന്നു സംഘടനകൾ ആണെന്നു നിസ്സംശയം പറയാം. സ്വന്തം ജനതയുടെ ക്ഷേമത്തേക്കാൾ ഇതര സമൂഹത്തിന്റെ തകർച്ച മുഖ്യ അജണ്ടയാക്കിയ ഹിംസാത്മക കൂട്ടായ്മകൾ. ഇറ്റലിയിലും ജർമ്മനിയിലും ഈ സംഘടനകളുടെ ക്രൌര്യം ചില വ്യക്തികളെ കേന്ദ്രീകരിച്ചു മാത്രമായിരുന്നു നിലനിന്നത് എങ്കിൽ മുൻപെ സൂചിപ്പിചതു പോലെ ഇവരുടെയൊക്കെ യഥാർത്ഥ മാതൃകകളായ ഇന്ത്യൻ ബ്രാഹ്മണിസം ഒരു വടവൃക്ഷമായി തലമുറകൾ തന്നെ മാറി വളർന്നുവലുതായിരിക്കുന്നു എന്നത് ഭീകരമായ യാഥാർത്ഥ്യം മാത്രം.
വാസ്തവത്തിൽ കൃത്രിമമായ ഇരവാദം അടിസ്ഥാനമാക്കിയായിരുന്നു ഈ മൂന്നു സംഘടനകളുടെയും നിലനില്പ്. ജനസംഖ്യയിൽ ഭൂരിപക്ഷമായവരെ പ്രതിനിധാനം ചെയ്യുന്നു എന്നവകാശപ്പെടുന്ന ഈ ഹിംസാത്മക കൂട്ടായ്മകൾ ഭൂരിപക്ഷജനത അനുഭവിക്കുന്ന പ്രശ്നങ്ങൾക്കും, പ്രയസങ്ങൾക്കും കാരണം ന്യൂനപക്ഷങ്ങളായ മുസ്ലിംകളും, കമ്മ്യൂണിസ്റ്റ്കാരും, ജൂതന്മാരുമൊക്കെ ആണെന്നും അതുകൊണ്ട് തന്നെ ഭൂരിപക്ഷജനത  കുടിയേറ്റക്കാരായ (?) ന്യൂനപക്ഷങ്ങളുടെ ഇരകളാണെന്നുമുള്ള കാടടച്ചുള്ള പ്രചാരണം. ഈ നുണകൾ ഭൂരിപക്ഷജനതയെ വിശ്വസിപ്പിക്കുക എന്ന ലളിതമായ പ്രക്രിയ മാത്രമേ ഇവർക്കു ചെയ്യാൻ ഉണ്ടായിരുന്നുള്ളൂ. ഗീബത്സ് എന്ന കൌടില്യ ശിഷ്യൻ പറഞ്ഞു വെച്ച ‘ഒരു നുണ നൂറാവർത്തി പറഞ്ഞാൽ, നുണ പറയുന്നവനു തന്നെ അതു സത്യമെന്നു തോന്നുമെന്ന’ മനഃശാസ്ത്ര യുദ്ധം ഇവിടെയാണ് പ്രസക്തമാകുന്നതു. ഈ നുണപ്രചരണങ്ങൾക്ക് സർവ പിന്തുണയുമായി മുതലാളിത്ത മാദ്ധ്യമങ്ങളും എക്കാലവും മുന്നണിയിൽ തന്നെ നിലകൊണ്ടു.
കേരളത്തിൽ അടുത്തകാലത്തായി സംഘപരിവാരം ഉയർത്തിക്കൊണ്ടു വരുന്ന വിഭിന്നസ്വഭാവമുള്ള ഇരവാദം ഇവിടെ കൂട്ടിവായിക്കപ്പെടേണ്ടതാണ്. കേരളത്തിലെ ഭൂരിപക്ഷ ഹൈന്ദവ ജനത വംശനാശം സംഭവിക്കാൻ പോകുന്ന അപൂർവ ജീവികളാണെന്നുള്ള ശക്തമായ കുപ്രചാരണമാണ് മാദ്ധ്യമ പിന്തുണയോടെ സംഘപരിവാരം നടത്തിക്കൊണ്ടിരിക്കുന്നതു.
കേരളത്തിലെ സംഘപരിവാർ ഉടമസ്ഥതയിലുള്ള ദിനപ്പത്രം സംഘപരിവാറിനു നൽകിയ ഏറ്റവും വലിയ സംഭാവന, സവർണ്ണ ആഭിമുഖ്യമുള്ള നൂറോളം പത്രപ്രവർത്തകരെ വാർത്തെടുത്ത്, അവരെ കേരളത്തിലുള്ള വിവിധ മുഖ്യധാരാ മാദ്ധ്യമങ്ങളിൽ കുടിയിരുത്താൻ സാധിച്ചു എന്നാണെന്ന നിരീക്ഷണം പരിവാർ മേഖലയിൽ നിന്നു തന്നെ പലപ്പൊഴും ഉയർന്നു വന്നിട്ടുണ്ട്. ന്യൂനപക്ഷങ്ങൾക്കെതിരെയും ന്യൂനപക്ഷ സംഘടനകൾക്കെതിരെയും വ്യത്യസ്ത മാദ്ധ്യമങ്ങളിലെ വാർത്തകളിൽ കാണപ്പെടുന്ന ഏകമാന സ്വഭാവം ഈ അവകാശവാദത്തെ ശരിവെക്കുന്നതുമാണ്. സംഘപരിവാര പ്രചാരണങ്ങളുമായി ബന്ധപ്പെട്ട  ന്യൂനപക്ഷ വിരുദ്ധ വാർത്തകൾക്കു ലഭിക്കുന്ന അനല്പമായ പ്രാമുഖ്യവും ഈ കുടിയിരുത്തലിന്റെ ഭാഗം തന്നെയാണെന്നു നിസ്സംശയം പറയാം. ഇടതുപക്ഷ പ്രസ്ഥാനങ്ങൾക്ക് കഴിഞ്ഞ ദശാബ്ദങ്ങൾ മുതൽ നേരിട്ട അപചയം ഇത്തരം നീക്കങ്ങൾക്കുള്ള ഗതിവേഗം വർദ്ധിപ്പിക്കുകയും ചെയ്തു.
ഭൂരിപക്ഷ ജനതയിൽ അരക്ഷിതാവസ്ഥ സൃഷ്ടിക്കുന്ന നിലയ്ക്കുള്ള തന്ത്രപരമായ ഇരവാദമാണ് ഇപ്പോൾ നടക്കുന്നതു. ഒരു ബഹുമത സമൂഹമായ കേരളത്തിൽ എല്ലാ മതങ്ങൾക്കിടയിലും നിരന്തരം നടക്കുന്ന മിശ്ര വിവാഹങ്ങൾ, പ്രണയ വിവാഹങ്ങൾ എന്നിവയെ സംഘപരിവാരം തന്ത്രപരമായി ഇരവാദമാക്കിയതെങ്ങിനെയെന്നു നോക്കൂ. ആദ്യമായി ചില സോഷ്യൽ നെറ്റ്‌വർക്ക് സൈറ്റുകളിലൂടെ ഈ ഇരവാദം പൊട്ടിമുളപ്പിക്കുന്നു. അതിനു കൌതുകകരമായ പേരും നൽകി. പ്രാരംഭദശയിൽ അധികമാരും അറിയാതെ, ശ്രദ്ധിക്കപ്പെടാതെ പോയ ഈ പ്രചാരണം പൊടുന്നനെ ചില മാദ്ധ്യമങ്ങൾ ഏറ്റെടുക്കുന്നു. അതെ, പരിവാർ ആഭിമുഖ്യമുള്ള പത്രപ്രവർത്തകരെ കുടിയിരുത്തിയ നിഷ്പക്ഷരെന്ന പേരുള്ള പത്രങ്ങൾ തന്നെ.
പ്രണയത്തിന്റെ മറവിൽ ആയിരക്കണക്കിനു ഹൈന്ദവരെ വേട്ടക്കാരായ മുസ്ലിംകൾ മതം മാറ്റി എന്നു പ്രചരണം നടത്തുമ്പോഴും അത് തെളിയിക്കുന്ന വസ്തുതകളോ കണക്കുകളോ ഹാജരാക്കുക എന്ന സാമാന്യമര്യാദ ഈ വിഷയത്തിൽ പാലിച്ചില്ല എന്നത് ശ്രദ്ധേയമാണ്. ഈ ഇരവാദത്തിന്റെ വിശദാംശങ്ങൾ അന്വേഷിക്കുന്നവർക്ക് ഒരിക്കൽ പോലും തൃപ്തികരമായ മറുപടിയും ലഭിച്ചിരുന്നില്ല.  അതേ സമയം കാടടച്ചുള്ള പ്രചരണത്തിന്റെ ശക്തിക്ക് കുറവും ഉണ്ടായില്ല. ഒരു വശത്ത് ന്യൂനപക്ഷങ്ങൾ പ്രണയം നടിച്ചു ഭൂരിപക്ഷത്തെ മതം മാറ്റുന്നു എന്ന മുറവിളി കൂട്ടുമ്പോൾ തന്നെ സംഘപരിവാര ആഭിമുഖ്യത്തിൽ ഇതര മതത്തിൽ നിന്നു പ്രണയം മൂലം ധാരാളം പേർ ഭൂരിപക്ഷ സമൂഹത്തിന്റെ ഭാഗമായി മാറ്റപ്പെടുന്നു എന്ന വസ്തുത ബോധപൂർവം മറച്ചു വയ്ക്കപ്പെടുകയും ചെയ്തു.
കേരളത്തിൽ കഴിഞ്ഞ വർഷങ്ങളിൽ നടന്ന മതംമാറ്റങ്ങളെ കുറിച്ചുള്ള നിയമസഭാ രേഖകളിൽഇസ്ലാം മതത്തിലേക്ക് വന്ന സ്ത്രീ പുരുഷന്മാരുടെ കണക്കുകൾ വളരെ വ്യക്തമായി തന്നെ ആഭ്യന്തരവകുപ്പു പ്രതിപാദിച്ചപ്പോൾ വിവിധ മതങ്ങളിൽ നിന്നു ഹൈന്ദവരായ രണ്ടായിരത്തിൽ പരം ആളുകളെ കുറിച്ചുള്ള വിശദാംശങ്ങൾ ലഭ്യമല്ല എന്ന മറുപടിയാണ് നിയമസഭയിൽ സി പി എം  നേതാവ് കെ കെ ലതിക എം എൽ എയുടെ ചോദ്യത്തിനുള്ള മറുപടിയായി ആഭ്യന്തര മന്ത്രി നൽകിയത്. കേരള നിയമസഭയ്ക്കു വിവരങ്ങൾ ലഭിക്കാൻ പോലും അപ്രാപ്യമായ നിലയ്ക്ക് സംഘപരിവാര ആഭിമുഖ്യമുള്ള സ്ഥാപനങ്ങൾ വസ്തുതകൾ ഒളിച്ചു വയ്ക്കുന്നു എന്നു സാരം.
ഏതു നുണയ്ക്കൊപ്പവും ജിഹാദ് എന്ന വാക്കുപയോഗിച്ചാൽ ഇരവാദത്തിനു മാദ്ധ്യമ-പൊതുജനശ്രദ്ധ നേടാം എന്നു സംഘപരിവാരിനറിയാം. അതുകൊണ്ടു തന്നെ സമീപകാലത്തു സംഘപരിവാരം നടത്തുന്ന എല്ലാ പ്രചാരണങ്ങൾക്കുമകമ്പടിയായി ജിഹാദ് എന്ന  വാക്കുകൂടെ ബോധപൂർവം കടത്തിവിടുന്നു. ഒരുദാഹരണം നോക്കൂ:
കഴിഞ്ഞ മൂന്നോ നാലോ വർഷങ്ങളിൽ വിശുദ്ധ റമദാൻ മാസത്തിൽ ആണ് മലയാളികളുടെ ദേശീയ ഉത്സവമായ ഓണവും കടന്നു പോയതു. കേരളത്തിലെ ഇരുപത്തിയഞ്ചു ശതമാനത്തോളം വരുന്ന ജനത വിനോദങ്ങളിൽ നിന്നു മാറി നിൽക്കുന്ന ഒരു മാസമെന്ന വിലയിരുത്തലിന്റെ അടിസ്ഥാനത്തിൽ സിനിമയ്ക്ക് വേണ്ടി മുതൽമുടക്കുന്ന നിർമ്മാതാക്കൾ റമദാൻ കാലത്ത് വലിയ ബഡ്ജറ്റ് പടങ്ങളുടെ റിലീസ് മാറ്റിവെക്കുവാൻ സ്വയം തീരുമാനിക്കുന്നു. ഈ നിർമ്മാതാക്കളിൽ ഭൂരിഭാഗവും അമുസ്ലിംകൾ തന്നെ ആയിരുന്നു എന്നത് എടുത്തു പറയേണ്ടതാണ്. ഉടൻ വന്നു സംഘപരിവാരം പുതിയ വാക്കുമായി: പേരു ‘സിനിമാ ജിഹാദ്’. 
മുസ്ലിംകളുടെ റമദാനു വേണ്ടി ഭൂരിപക്ഷ സമുദായത്തിന്റെ ഉത്സവമായ ഓണത്തിനു റിലീസ് ചെയ്യേണ്ട സിനിമകൾ മാറ്റിവച്ചു; അതിനു കാരണം സിനിമാ ജിഹാദ് എന്നായിരുന്നു ആരോപണം. നേരത്തെ വിവിധ മാദ്ധ്യമങ്ങളിൽ കുടിയിരുത്തിയ മാദ്ധ്യമ പ്രവർത്തകർ ഉടനെ തന്നെ ഇതു വലിയ വിഷയമാക്കുകയും വാർത്താ ചാനലുകളിൽ അടക്കം വലിയ ചർച്ചയാക്കുകയും ചെയ്തു.
റമദാൻ മാസത്തിൽ സിനിമ റിലീസ് ചെയ്യുന്നതിൽ ആരാണ് എതിർപ്പ് പ്രകടിപ്പിച്ചത്? മുസ്ലിം സമുദായം എതിർപ്പ് പ്രകടിപ്പിച്ചിരുന്നുവോ? ഈ ചോദ്യങ്ങൾക്കൊന്നും ഉത്തരമില്ല. വാസ്തവത്തിൽ മുതൽ മുടക്കുന്ന നിർമ്മാതാക്കളുടെ തീരുമാനം മാത്രം ആയിരുന്നു അത്. പരമാവധി പ്രേക്ഷകരിലേക്ക് സ്വന്തം ഉല്പന്നം എത്തിക്കുക എന്ന ഏതൊരു മുതൽമുടക്കുന്ന വ്യക്തിയുടെയും സ്വാഭാവിക നീക്കം. പക്ഷെ ഇതിനു പിന്നിൽ സിനിമാ ജിഹാദാണെന്നു പറയാനും ഭൂരിപക്ഷ ആഘോഷങ്ങൾ വരെ മുസ്ലിംകൾ കയ്യേറുന്നു എന്ന ഇരവാദം മുഴക്കാനും സംഘപരിവാറിനു മടിയൊന്നും ഉണ്ടായില്ല.
കേരളത്തിലെ ഭൂമികൾ ന്യൂനപക്ഷങ്ങൾ കയ്യടക്കി വച്ചിരിക്കുന്നു, അത് ‘ലാൻഡ് ജിഹാദിന്റെ’ ഭാഗമാണ് എന്നാണ് അടുത്ത ആരോപണം. ഭാവിയിൽ കേരളത്തിലെ ഭൂരിപക്ഷ ജനതക്കു ഭൂമി ഇല്ലാത്ത അവസ്ഥ വരും എന്നു ഭീതിപ്പെടുത്തുന്ന ഇരവാദം. ഐക്യജനാധിപത്യ മുന്നണി സർക്കാർ പ്രഖ്യാപിച്ച  ‘എമേര്‍ജിങ് കേരള’ പദ്ധതി പോലും ലാൻഡ് ജിഹാദിന്റെ ഭാഗം ആണെന്നാണ് സംഘപരിവാര പ്രചാരണം.
വാസ്തവത്തിൽ യാഥാർത്ഥ്യം എന്താണ്? കേരളത്തിലെ ന്യൂനപക്ഷങ്ങൾ ഭൂരിപക്ഷമായ ഹൈന്ദവരുടെ ഭൂമി കയ്യേറി അവകാശപ്പെടുത്തിയിട്ടുണ്ടോ? കേരളത്തിലെ മുസ്ലിം സമുദായത്തിന്റെ ഉടമസ്ഥതയിൽ ഭൂമി ഉണ്ടെന്നതു വാസ്തവം തന്നെയാണ്. യഥാർത്ഥത്തിൽ മുസ്ലിംകളുടെ കൈവശം മാത്രമാണോ ഭൂമി? കേരളത്തിലെ എല്ലാ സമുദായങ്ങളുടെ കയ്യിലും ഭൂമി ഉണ്ടു എന്നാണു വാസ്തവം. മുസ്ലിംസമുദായത്തിന്റെ കൈവശം ഉള്ള ഭൂമി അനധികൃതമായി കയ്യേറിയതല്ല, മറിച്ചു ഭൂമിയുടെ ഉടമകളായിരുന്നവർ ആവശ്യപ്പെട്ട തുക നൽകി നിയമപ്രകാരം രജിസ്റ്റർ ചെയ്തതാണെന്നതിൽ എവിടെയാണ് അവ്യക്തത? പക്ഷെ നുണപ്രചാരണത്തിനും ഇരവാദത്തിനും കുറവില്ലെന്നു മാത്രം.
കേരളത്തിൽ വിവാദമായ പല ഭൂമികയ്യേറ്റ വാർത്തകളിലും, വനംകയ്യേറ്റ വാർത്തകളിലും മുസ്ലിം സമുദായത്തിന്റെ പങ്കു തുലോം കുറവാണെന്നു തന്നെ ഇവിടെ കൂട്ടിവായിക്കപ്പെടേണ്ടതാണ്. അതെ സമയം ന്യൂനപക്ഷങ്ങൾ ജീവിത മാർഗ്ഗത്തിനായി നിയമപ്രകാരം ഭൂമി വിലയ്ക്കു വാങ്ങുന്നതു പോലും ലാൻഡ് ജിഹാദിന്റെ ഭാഗം ആണെന്നാണ് പ്രചാരണം. ഇതുവഴി ഭൂരിപക്ഷ സമൂഹത്തെ ഭീതിപ്പെടുത്തി അരക്ഷിതാവസ്ഥയിൽ എത്തിക്കുക എന്നതാണ് ലക്ഷ്യം. മുസ്ലിംകൾക്ക് ഭൂമി വിൽക്കരുത് എന്ന അപകടകരമായ മുദ്രാവാക്യവും ഇപ്പോൾ മുഴക്കിക്കൊണ്ടിരിക്കുന്നു.
കേരള ട്രാൻസ്പോർട്ട് കോര്‍പറേഷനായ കെ എസ് ആർ ടി സി യും കൊട്ടാരക്കരയും തമ്മിൽ എന്താണ് ബന്ധം എന്നു ചോദിച്ചാൽ സ്വാഭാവിക നിലക്ക് കേരളത്തിലെ മറ്റേതൊരു പ്രദേശത്തെയും പോലുള്ള പ്രത്യേകത മാത്രമാണ് കൊട്ടാരക്കരയ്ക്ക് ഉണ്ടാകേണ്ടതു. എന്നാൽ കെ എസ് ആർ ടി സി യുടെ കേരളത്തിലെ തന്നെ ഏറ്റവും പ്രധാന കേന്ദ്രം ഏതെന്നു ചോദിച്ചാൽ എളുപ്പം വരുന്ന ഒരു പ്രധാന പേരു കൊട്ടാരക്കര ഡിപ്പോ എന്നാകും. കൊട്ടാരക്കര എന്ന പട്ടണത്തിനു കേരള ഭരണത്തിലോ, ചരിത്രത്തിലോ പ്രത്യേക റോൾ ഒന്നും ഇല്ല. അതെ സമയം ഐക്യജനാധിപത്യ മുന്നണി സർക്കാരിന്റെ ഭാഗമായി പലതവണ ഗതാഗത വകുപ്പ് കൈകാര്യം ചെയ്ത ബാലകൃഷ്ണപിള്ളയുടെയും ഇതിനുമുമ്പിലത്തെ യുഡിഎഫ് മന്ത്രിസഭയില്‍ ഗതാഗത വകുപ്പു കൈകാര്യം ചെയ്ത പിള്ളയുടെ മകൻ ഗണേഷ് കുമാറിന്റെയും ആസ്ഥാനം ആണ് കൊട്ടാരക്കര. സ്വാഭാവികമായും കെ എസ് ആർ ടി സിയുടെ പ്രധാന കേന്ദ്രമാക്കി കൊട്ടാരക്കരയെ മാറ്റുന്നതിൽ ബാലകൃഷ്ണ പിള്ളയും മകനും ശ്രദ്ധിച്ചു.
ഒരു ജനപ്രതിനിധി എന്ന നിലയ്ക്കു സ്വന്തം മണ്ഡലത്തിനോടു കാണിക്കുന്ന സ്വാഭാവിക പ്രതിബദ്ധത എന്ന് മാത്രമാണ് കേരള ജനത ഇതിനെ നോക്കിക്കണ്ടത്. ബാലകൃഷ്ണ പിള്ള എന്ന ഹൈന്ദവ സവർണ്ണ നേതാവ് കൊട്ടാരക്കരക്ക് അനർഹമായത് വാരിക്കൊടുക്കുന്നു എന്ന ആരും പരിതപിച്ചില്ല. മറ്റു പ്രദേശങ്ങളുടെ അവകാശം കവർന്നെടുക്കുന്നു എന്നും ആരും പരാതി പറഞ്ഞില്ല. അതേ സമയം മലപ്പുറം ജില്ലയിൽ വരുന്ന ഏതു പദ്ധതിയോടും സംഘപരിവാരം ഉയർത്തുന്ന എതിർപ്പ് ശ്രദ്ധിക്കുക. ‌
മലബാറോ, മലപ്പുറം ജില്ലയോ കേരത്തിന്റെയോ ഇന്ത്യയുടെ തന്നെയോ ഭാഗമല്ല, എന്ന നിലപാടാണ് പലപ്പോഴും സംഘ പ്രതികരണങ്ങളിൽ നിന്നു വെളിപ്പെടുന്നതു. എമേർജിങ് കേരള പദ്ധതിയുടെ ഭാഗമായി മലപ്പുറം ജില്ലയിലെ പാണക്കാട് എന്ന പ്രദേശവുമായി ബന്ധപ്പെട്ടു ചില നിക്ഷേപങ്ങൾ വരുന്നു എന്ന പത്രവാർത്ത വരേണ്ട താമസം പുതിയ ഇരവാദവുമായി സംഘപരിവാരം പ്രചാരണം തുടങ്ങി. ലീഗ് അസ്ഥാനത്തേക്ക് അനർഹമായത് ഒഴുക്കുന്നു എന്നുള്ള പ്രചാരണം. പാണക്കാടും,മലപ്പുറവും സംസ്ഥനത്തിന്റെ ഭാഗമാണെന്നും സർക്കാർ നിക്ഷേപങ്ങള്‍ക്കും വികസനത്തിനും മറ്റേതൊരു പ്രദേശത്തെയും പോലെയുള്ള അവകാശം മലപ്പുറം ജില്ലക്കും പാണക്കാടിനും ഉണ്ടെന്നുമുള്ള ബോധം സംഘപരിവാരം ബോധപൂർവം മറച്ചു പിടിക്കുന്നു.
പത്രവാർത്തകളിൽ കണ്ടതു പോലെ ഈ നിക്ഷേപം ഒക്കെ വരുമൊ എന്നത് വേറെ കാര്യം. അനധികൃതമായ സർക്കാർ സഹായം ന്യൂനപക്ഷ കേന്ദ്രങ്ങളിൽ : ഇതാണ് ഈ ഇരവാദത്തിന്റെ പൊരുൾ. മലബാർ മേഖലയ്ക്കനുവദിക്കപ്പെട്ട എയിഡഡ് സ്കൂൾ പദവിയുമായി ബന്ധപ്പെട്ടും, ലീഗിന്റെ അഞ്ചാം മന്ത്രി സ്ഥാനവുമായി ബന്ധപ്പെട്ടുമൊക്കെ സമാനമയ നുണപ്രചരണമാണ് നടന്നതു. കാടടച്ചുള്ള ഏകപക്ഷീയമായ പ്രചാരണം.
അതോടൊപ്പം ന്യൂനപക്ഷങ്ങളുമായി ബന്ധപ്പെട്ട് വരുന്ന അതിക്രമങ്ങൾ ആസൂത്രിതവും ഭീകരവും, രാജ്യദ്രോഹവുമായി ചിത്രീകരിക്കുമ്പൊൾ ഭൂരിപക്ഷ സമുദായവുമായി, സംഘപരിവാരവുമായി ബന്ധപ്പെട്ട അതിക്രമങ്ങൾ ഒറ്റപ്പെട്ടതും, വ്യക്തിപരവുമായി, ദേശീയതയുമായി പ്രചരിപ്പിക്കപ്പെടുന്നു.
മുംബൈ അക്രമണ കേസിൽ കോടതി തൂക്കിക്കൊല്ലാൻ വിധിച്ച കസബിനെ ഇനിയും തൂക്കിക്കൊല്ലാതിരിക്കുന്നത് പോലും ഇരവാദമാക്കി ചിത്രീകരിക്കുന്നതിൽ ഫാസിസം വിജയിക്കുന്നു എന്ന് കാണം. ഇന്ത്യൻ നീതിന്യായ വ്യവസ്ഥിതിയിൽ ഏതു നടപടികൾക്കും ഉണ്ടാകുന്ന സ്വാഭാവികമായ കാലതാമസം മാത്രമാണ് കസബിന്റെ വിഷയത്തിലും നടന്നുകൊണ്ടിരിക്കുന്നതു. കസബ് മാത്രമല്ല വധശിക്ഷ വിധിക്കപ്പെട്ട് ശിക്ഷ കാത്ത് കഴിയുന്നതു. ധാരാളം പേർ വധശിക്ഷക്കു വിധിക്കപ്പെട്ട് ശിക്ഷ കാത്ത് ജയിലിൽ കഴിയുന്നുണ്ട്. എന്നാൽ കസബിനു വേണ്ടി സർക്കാർ ചെലവിട്ട തുക മാത്രം എടുത്തുപറഞ്ഞു അതും വേട്ടക്കാരുടെ അതിക്രമത്തിനു ഉദാഹരണമാക്കുകയാണ് ഫാസിസം. അതേ സമയം സംത്സോത എക്സ്പ്രസ് സ്ഫോടനം അടക്കം രാജ്യത്തെ നിരവധി സ്ഫോടനങ്ങളിൽ കുറ്റം ഏറ്റുപറഞ്ഞ സംഘപരിവാർ പ്രവർത്തകരും സർക്കാർ ചെലവിൽ തന്നെയാണ് ഇന്നും  തടവിൽ ജീവിക്കുന്നതെന്ന യാഥാർത്ഥ്യം മറച്ചുവെക്കപ്പെടുന്നു.
ചരിത്രത്തിൽ ഫാസിസവും നാസിസവും നടത്തിയ ആസൂത്രിത ഇരവാദ പ്രചാരണം തന്നെയാണ് ഇവിടെയും അരങ്ങേറുന്നതെന്നു വ്യക്തം. വാസ്തവത്തിൽ പരമതവിദ്വേഷം അടിസ്ഥാന മുദ്രാവാക്യമാക്കിയ, ന്യൂനപക്ഷ വംശഹത്യയിലഭിമാനം കൊള്ളുന്ന, സവർണ്ണ പ്രത്യയശാസ്ത്രം എങ്ങിനെയാണ് ഇരകൾ ആകുന്നതു? ബോംബെയിലും ഗുജറാത്തിലുമടക്കം രജ്യത്താകമാനം തെരുവുകളിൽ നിരപരാധികളുടെ ചോരപ്പുഴയൊഴുക്കിയ അക്രമകാരികൾ ഏതു നിലക്കാണ് ഇരകളാകുക? ഇന്ത്യയുടെ രാഷ്ട്രപിതാവായ മഹാത്മാ ഗാന്ധിയെ ഉന്മൂലനം ചെയ്ത് ക്രൂരത വെളിപ്പെടുത്തിയവർ എങ്ങിനെയാണ് വേട്ടയാടപ്പെടുന്നവരാകുക?
ഇറ്റലിയിലും ജർമ്മനിയിലും ഈ നിലയിൽ ഇരവാദം നടത്തിയ ഹിംസാത്മകത കൂട്ട വംശഹത്യക്കും, ഒടുവിൽ ലോകമഹായുദ്ധത്തിലുമാണ് കലാശിച്ചതു എന്നതു കൂടെ ഇവിടെ ചേര്‍ത്തുവായിക്കേണ്ടതുണ്ടു. ഒരെ സമയം വേട്ടക്കാരാകുക, അതോടൊപ്പം ഇരകളെന്ന് അഭിനയിച്ചു ഭൂരിപക്ഷത്തെ പ്രകോപിപ്പിച്ച് ന്യൂനപക്ഷങ്ങൾക്കെതിരെ തിരിക്കുക എന്ന ദ്വിമുഖതന്ത്രമാണ് ഈ വിഷയത്തിൽ എക്കാലത്തും ഫാസിസം പയറ്റിയിട്ടുള്ളതു. ആ തന്ത്രം തന്നെയാണ് സവർണ്ണ വർഗ്ഗീയത ഇവിടെയും പയറ്റുന്നതു. രാജ്യത്തിന്റെ മതേതര നിലനിൽ‌പ്പിലും, ഐക്യത്തിലും ബദ്ധശ്രദ്ധരായവർ സവർണ്ണ വർഗ്ഗീയത മുഴക്കിക്കൊണ്ടിരിക്കുന്ന അപകടകരമായ ഇരവാദത്തിന്റെ നിജസ്ഥിതി തുറന്നു കാണിക്കേണ്ടത് അത്യാവശ്യമത്രെ. അതല്ലെങ്കിൽ ഒരിക്കലും തിരിച്ചെടുക്കാനാകത്ത നിലക്കുള്ള പതനമായിരിക്കും രാജ്യം നേരിടുക.
പി.കെ. നൌഫൽ

http://malayal.am/node/14417

Tuesday, August 28, 2012

ആംസ്ട്രോങ് ഇസ്ലാം 'സ്വീകരിച്ച' കഥ


ആംസ്ട്രോങ് ഇസ്ലാം 'സ്വീകരിച്ച' കഥ
പി എം എഫ്



ഖുര്‍ആന്‍ ഓതുന്ന ഗര്‍ഭസ്ഥശിശു, അറബിയില്‍ അല്ലാഹു എന്ന് എഴുതിയ മല്‍സ്യം, അദ്ഭുതസിദ്ധിയുള്ള പ്രവാചകകേശം, പാല്‍ കുടിക്കുന്ന വിഗ്രഹം, ഭസ്മവും ജാപ്പനീസ് വാച്ചും സ്വര്‍ണപ്പതക്കവും നല്‍കുന്ന ആള്‍ദൈവം, ഭസ്മം പൊഴിക്കുന്ന മൂര്‍ത്തി, കണ്ണീരൊഴുക്കുന്ന ലൂര്‍ദ്മാതാ. വിശ്വാസികള്‍ സ്വയം വിശ്വാസമര്‍പ്പിക്കാനും അവിശ്വാസികളുടെ മനംമാറ്റാനും ഇങ്ങനെ പല നമ്പറുകളുമിറക്കാറുണ്ട്. എല്ലാ മതവിഭാഗങ്ങളിലുമുണ്ട് ഇതൊക്കെ. മതമില്ലാത്തവര്‍ പകരം നേതാക്കന്മാരുടെ മൃതദേഹം ഫോര്‍മാല്‍ഡിഹൈഡിലിലിട്ട് സൂക്ഷിക്കാറാണു പതിവ്. അല്ലെങ്കില്‍ രക്തസാക്ഷിമണ്ഡപത്തില്‍ പുഷ്പാര്‍ച്ചന. അദ്ഭുതകഥകള്‍ സാമ്പത്തികമായും വലിയ നേട്ടമുണ്ടാക്കുന്നതാണ്. പാല്‍ കുടിക്കുന്ന വിഗ്രഹത്തിനു ഭക്തന്മാര്‍ കൂടും.

പ്രശസ്തരായ സംഗീതജ്ഞരും കായികതാരങ്ങളും ചിന്തകരും ഇസ്ലാം സ്വീകരിക്കുമ്പോള്‍ അത് ആവശ്യത്തിനും അനാവശ്യത്തിനും കൊട്ടിഘോഷിക്കുന്നവരാണ് പൊതുവില്‍ മുസ്ലിംകള്‍. ഒരുതരം അപകര്‍ഷബോധത്തില്‍നിന്നാണ് ഈ ആവേശം ഉടലെടുക്കുന്നത്. ഇസ്ലാം സ്വീകരിക്കുന്നവര്‍ പടിഞ്ഞാറുള്ള വെള്ളക്കാരാവുമ്പോള്‍ ആഘോഷമിത്തിരി കൂടും. അവരുടെ മതംമാറ്റമാണ് ഒരു ആഫ്രിക്കക്കാരന്‍ മതം മാറുന്നതിനേക്കാള്‍ നല്ലത്. പലപ്പോഴും ഈ മതംമാറ്റം ശരിയാവണമെന്നുപോലുമില്ല. മുസ്ലിംകളുടെ ഒരു പ്രത്യേക സംഘടനയില്‍പെടുന്നവരാണ് ഇത്തരം കഥകള്‍ വിശ്വസിക്കുകയും പ്രചരിപ്പിക്കുകയും ചെയ്യാറ്.

അന്തരിച്ച ബഹിരാകാശസഞ്ചാരി നീല്‍ ആംസ്ട്രോങ് ഇസ്ലാം സ്വീകരിച്ച കഥയാണ് അതിലൊന്ന്. കഥയിങ്ങനെ: 1969 ജൂലൈ മാസത്തില്‍ ചന്ദ്രന്‍ ലക്ഷ്യമാക്കി നീല്‍ ആംസ്ട്രോങും എഡ്വിന്‍ ആള്‍ഡ്രിനും മൈക്കല്‍ കൊളിന്‍സും പുറപ്പെടുന്നു. കൊളിന്‍സാണ് മാതൃപേടകം നിയന്ത്രിച്ചത്. മറ്റു രണ്ടുപേര്‍ ചാന്ദ്രപേടകത്തില്‍ ഇറങ്ങുന്നു. ഇതൊക്കെ നമുക്കറിയുന്ന കഥ.

നമുക്കറിയാത്ത കഥ ഇതാണ്: ചന്ദ്രനിലിറങ്ങിയപ്പോള്‍ ആംസ്ട്രോങ് ഈണത്തിലുള്ള മനോഹരമായ ശബ്ദം കേള്‍ക്കുന്നു. ഭൂമിയിലെ മസ്ജിദുകളില്‍ നമസ്കാരസമയമറിയിക്കുന്ന ബാങ്കൊലിപോലുള്ള ഒന്ന്. അല്ലാഹു അക്ബര്‍, അല്ലാഹു അക്ബര്‍ എന്നിങ്ങനെ ഈരടികള്‍. ആംസ്ട്രോങ് പള്ളികളില്ലാത്ത നാട്ടിലാണല്ലോ ജീവിക്കുന്നത്. അയാള്‍ക്ക് അപ്പോഴതു മനസ്സിലായില്ല. മറ്റൊരു അദ്ഭുതംകൂടിയുണ്ടായി. ചന്ദ്രനില്‍ നീളത്തിലൊരു പൊട്ടു കണ്ടുവത്രെ അയാള്‍. നാട്ടിലെത്തി കെയ്റോ സന്ദര്‍ശനവേളയിലാണ് പള്ളികളില്‍നിന്ന് ആംസ്ട്രോങ് അല്ലാഹു അക്ബര്‍ എന്നു കേള്‍ക്കുന്നത്. ശൂന്യാകാശത്തു കേട്ട ശബ്ദവും ബാങ്കുവിളിയും ഒന്നാണെന്നു കണ്ട ആംസ്ട്രോങ് ബോധംകെട്ടുവീണില്ല എന്നേയുള്ളൂ. ഒടുവുനാള്‍ ചന്ദ്രന്‍ പിളരുമെന്ന് ഖുര്‍ആനിലുണ്ടല്ലോ. അതുംകൂടിയായപ്പോള്‍ പിന്നെ ആംസ്ട്രോങിനു പിടിച്ചുനില്‍ക്കാന്‍ പറ്റിയില്ല. അദ്ദേഹം ഉടന്‍ ഇസ്ലാം സ്വീകരിച്ചു. തീര്‍ന്നില്ല: ഒഹായോവില്‍ ലബ്നാന്‍ എന്ന സ്ഥലത്താണ് ആംസ്ട്രോങ് ജീവിച്ചിരുന്നത്. ഇസ്ലാം സ്വീകരിച്ചശേഷം അദ്ദേഹം ലബ്നാനിലേക്കു താമസം മാറ്റിയെന്നായി പ്രചാരണം. വാര്‍ത്ത പരന്നതോടെ ഇസ്ലാംലോകത്തുള്ള പത്രങ്ങള്‍ അതേറ്റുപിടിച്ചു. കേരളത്തിലെ ഒരു മുസ്ലിം പത്രവും അതു പ്രസിദ്ധീകരിച്ചിരുന്നു.

സംഗതി ഗൌരവമുള്ളതായിരുന്നു. ശൂന്യാകാശത്ത് ബാങ്കൊലി കേള്‍ക്കുന്നുവെങ്കില്‍ പിന്നെ ഇസ്ലാം സത്യമാണെന്നതിനു വേറെ തെളിവെന്തുവേണം. അതിനാല്‍ പല വിശ്വാസികളും ആനന്ദനൃത്തത്തിലായിരുന്നു. എന്നാല്‍, വാര്‍ത്തയില്‍ സംശയംതോന്നിയ ചിലരുമുണ്ടായിരുന്നു. അവരിലൊരാളായിരുന്നു ഡല്‍ഹിയില്‍നിന്നു പ്രസിദ്ധീകരിക്കുന്ന റേഡിയന്‍സ് വാരികയുടെ പത്രാധിപര്‍ അമീനുല്‍ ഹസന്‍ റിസ്വി. ആംസ്ട്രോങ് സ്റ്റോറി പ്രസിദ്ധീകരിക്കുന്നതിനു മുമ്പ് റിസ്വി അതൊന്നു ക്രോസ്ചെക്ക് ചെയ്യാന്‍ തീരുമാനിച്ചു.

മൊബൈല്‍ ഫോണും ഇന്റര്‍നെറ്റുമില്ലാത്ത കാലം. അമേരിക്കയിലേക്ക് ട്രങ്ക് കോള്‍ തന്നെ വേണം. അമേരിക്കന്‍ എംബസിയാണ് റിസ്വിക്കു വേണ്ടി ആംസ്ട്രോങുമായി ഫോണ്‍ബന്ധം സ്ഥാപിച്ചത്. റിസ്വി പറഞ്ഞ കഥ കേട്ട് ആംസ്ട്രോങ് തന്നെ അദ്ഭുതപ്പെട്ടു. വളരെ മാന്യനായിരുന്ന അദ്ദേഹം തനിക്ക് ഇസ്ലാമിനോടും മുസ്ലിംകളോടുമുള്ള ബഹുമാനാദരവുകള്‍ പ്രകടിപ്പിച്ചുകൊണ്ടാണ് റിസ്വിയുമായി സംസാരിച്ചത്. ശൂന്യാകാശത്തു വച്ച് അങ്ങനെയൊരു ബാങ്ക് വിളി കേട്ടിട്ടില്ലെന്നും താന്‍ ഇസ്ലാം സ്വീകരിച്ചെന്ന വാര്‍ത്ത തെറ്റാണെന്നും അദ്ദേഹം പറഞ്ഞു. സംഭാഷണത്തിന്റെ യഥാര്‍ഥ രൂപം അന്ന് റേഡിയന്‍സ് പ്രസിദ്ധീകരിച്ചിരുന്നു.

സംഭവം നടന്നിട്ടു വര്‍ഷങ്ങളേറെയായെങ്കിലും ഇപ്പോഴും ഏതെങ്കിലും പ്രസംഗകനോ പ്രബോധകനോ അക്കഥ പറഞ്ഞ് തന്റെ അനുവാചകരെ ഹരംപിടിപ്പിക്കുന്നുണ്ടാവും. വ്യാജ വാര്‍ത്തകള്‍ക്ക് ആയുസ്സ് അത്രയേറെയാണ്. തന്നെ പറ്റിയുള്ള കള്ളക്കഥ ആംസ്ട്രോങ് പലപ്രാവശ്യം നിഷേധിച്ചു. ഏറ്റവും അവസാനം 2005ല്‍. വ്യാജ വാര്‍ത്ത ലോകമെങ്ങും പ്രചരിക്കുന്നതു തടയാന്‍ അവസാനം യു.എസ് സ്റേറ്റ് ഡിപാര്‍ട്ട്മെന്റ് തന്നെ ഇടപെട്ടു. അവരുടെ വകയായുള്ള നിഷേധക്കുറിപ്പ് എല്ലാ എംബസികള്‍ക്കും പോയി. എന്തുകാര്യം. ആംസ്ട്രോങിന്റെ ഇസ്ലാമാശ്ളേഷം എന്നൊന്ന് ഗൂഗ്ള്‍ ചെയ്തു നോക്കൂ. കാണാം പൂരം.

മുസ്ലിമായ ആംസ്ട്രോങിനെ ക്രൈസ്തവ മതാചാരപ്രകാരം മറവുചെയ്തത് ഒരു ഗൂഢാലോചനയാണെന്ന വാര്‍ത്തയ്ക്കുവേണ്ടി കാത്തിരിക്കുക. ആംസ്ട്രോങിനെ മാത്രമല്ല, വിശ്വാസികള്‍ ഇങ്ങനെ നിര്‍ബന്ധിച്ചു മതംമാറ്റിയതില്‍ സമുദ്രശാസ്ത്രജ്ഞനായ കോസ്തോ, ബഹിരാകാശസഞ്ചാരിയായ ഇന്ത്യന്‍ വംശജ സുനിത വില്യംസ് തുടങ്ങിയവരുമുണ്ട്. സുനിത ബഹിരാകാശത്തുനിന്ന് താഴോട്ടുനോക്കിയപ്പോള്‍ കഅ്ബാ ദേവാലയം തിളങ്ങുന്നതായി കണ്ടുവെന്നായിരുന്നു കഥ.

http://www.thejasnews.com/index.jsp?tp=det&det=yes&news_id=20120712816412535

Monday, August 27, 2012

ഹിന്ദു വാഹനവും ഹിന്ദു ഡ്രൈവറും...



അരുതു ഫാസിസമെ ..ഈ സൌഹൃദത്തെ തല്ലിത്തകർക്കരുതു..


ഹിന്ദു ഡ്രൈവർമാരുടെയും, ഹൈന്ദവ വാഹന ഉടമകളുടെയും ഒരു ലിസ്റ്റ് കൊച്ചി നഗരത്തിൽ തയ്യാറാക്കിയിരിക്കുന്നു. വിവിധ ആവശ്യങ്ങൾക്കായി നഗരത്തിൽ വരുന്നവർക്ക് പ്രയോചനപ്പെടും വിധത്തിൽ രാഷ്ട്രീയ സ്വയം സെവകർ മുൻകൈ എടുത്തു കൊണ്ട് രൂപീകരിച്ച കൂട്ടായ്മ താമസംവിനാ അടുത്ത നഗരങ്ങളിലേക്കു കൂടെ വ്യാപിപ്പുക്കുന്നതാണ്.” സോഷ്യൽ നെറ്റ് വർക് സൈറ്റായ ഫെസ് ബുക്കിൽ കഴിഞ്ഞ ദിവസം പ്രത്യക്ഷപ്പെട്ട ഒരു പരസ്യം ആണിതു. അടുത്ത കാലത്ത് കെരളത്തിൽ  വിവാദമയ വർഗ്ഗീയ സ്വഭവമുള്ള പല കുപ്രചരണങ്ങൾക്കും മുൻകൈ എടുത്ത ഒരു സംഘപരിവാർ സംഘടനയുടെ ഔദ്യൊഗിക നേതാവാണ് ഫേസ്ബുക്കിൽ ഇത്തരമൊരു പരസ്യം നൽകിയിരിക്കുന്നതു. അതു കൊണ്ട് തന്നെ വ്യക്തിപരമല്ല, മറിച്ച് ഔദ്യൊഗിക തിരുമാനത്തിന്റെ ഭാഗമാണ് നീക്കം എന്നു വ്യക്തം. കേരളത്തിലെ സാമൂഹികാന്തരീക്ഷത്തിൽ ദുരവ്യാപകമായ പ്രത്യാഘാതങ്ങൾ ഉണ്ടാക്കായേക്കാവുന്ന അപകടകരമായ നീക്കം. കെരളത്തിൽ നാളീതുവരെ കേൾക്കാത്ത  പുതിയ പ്രവണത. അതെ സമയം വർഗ്ഗീയ സംഘർഷങ്ങൾ നിരന്തരം നടന്നുകൊണ്ടിരിക്കുന്ന ഉത്തരെന്ത്യയിൽ നിന്നും പ്രത്യേകിച്ചു ഗുജറാത്തു, മുംബൈ പൊലുള്ള പ്രദേശങ്ങളിൽ നിന്നും കേട്ടു കൊണ്ടിരിക്കുന്ന വർഗ്ഗീയവൽക്കരണ മുദ്രാവാക്യം. കേരളത്തിലെ അതിവേഗം മാറിക്കൊണ്ടിരിക്കുന്ന സാമൂഹിക രാഷ്ട്രീയ അന്തരീക്ഷം മുതലെടുത്തു കൊണ്ട് ആപൽക്കരമായ ഈ മുദ്രാവാക്യങ്ങൾ നടപ്പിലാക്കുവാനുള്ള ശ്രമത്തിലാണ് സംഘപരിവാര സംഘടനകൾ. അതിനു വേദിയൊരുക്കുന്നതാകട്ടെ സോഷ്യൽ നെറ്റ് വർക് സൈറ്റുകളും.  http://www.facebook.com/pratheeshv1/posts/421909957846675


നിരന്തരം വർഗ്ഗീയ സംഘർഷങ്ങൾ നടന്നുകൊണ്ടിരിക്കുന്ന ഉത്തരെന്ത്യൻ സംസ്ഥാനങ്ങളിൽ സാമൂഹിക ജീവിതം ഹിന്ദു എന്നും അഹിന്ദു എന്നു വ്യക്തമായ വേർതിരിക്കപ്പെടുന്നതിൽ വർഗ്ഗീയവാദികൾ ഏറെ മുന്നൂട്ടു പൊയിരിക്കുന്നു എന്നു കാണാം. സമൂഹത്തെ രാഷ്ട്രീയ മുതലെടുപ്പു നടത്താവുന്ന പാകത്തിൽ വർഗ്ഗീയടിസ്ഥനത്തിൽ വിഭജിക്കുന്നതിൽ ഫാസിസ്റ്റുകൾ വിജയിച്ചിരിക്കുന്നു. സർക്കാർ വികസന പ്രവർത്തനങ്ങൽ പൊലും ഈ വിഭജനത്തെ ആസ്പദമാക്കിയാണ് പലപ്പോഴും നടക്കാറുള്ളതെന്നു ഉത്തരേന്ത്യ  സന്ദർശിച്ച മനുഷ്യാവകാശ പ്രവർത്തകർ കണ്ടെത്തിയതു അടുത്ത കാലത്താണ്. ഹൈന്ദവ ഭൂരിപക്ഷ സ്വാധീന മേഖലകളിൽ താമസ സ്ഥലം ലഭിക്കാൻ മുസ്ലിംകൾക്ക് സാധിക്കുന്നില്ല എന്നതു പുതിയ വാർത്തയല്ല. ഇന്ത്യെയിലെ അഭിനയ പ്രതിഭകളായ ഷബാന ആസ്മിക്കും, ഇമ്രാൻ ഹഷ്മിക്കും മുംബൈ നഗരത്തിൽ താമസിക്കാൻ ഫ്ലാറ്റ് ലഭിച്ചില്ല എന്ന വാർത്തകൾ അടുത്തകാലത്താണ് പത്രമാധ്യമങ്ങളിൽ പ്രത്യക്ഷപ്പെട്ടതു. ചെന്നെയിൽ സമാനമായ സ്ഥിതിവിശേഷം ഉണ്ടെന്നു അനുഭവസ്ഥർ പറയുന്നുഫ്ലാറ്റ് വാങ്ങുന്നതു മുസ്ലിം നാമധാരി ആണെന്നു അറിഞ്ഞതൊടെ അഡ്വാൻസ് തുക തിരികെ നൽകി കച്ചവടത്തിൽ നിന്നു ഒഴിഞ്ഞ ഫ്ലാറ്റ് ഉടമയുടെ വർഗ്ഗീയ മനൊഭാവത്തെ കുറിച്ചു ഒരു വ്യക്തി അനുഭവം പങ്കുവെച്ചതു ഈയിടെയാണ്. ദൈനംദിന ജീവിത വ്യവഹാരത്തിൽ പോലും വർഗ്ഗീയമായ തെരഞ്ഞെടുപ്പുകൾ ഇവിടങ്ങളിൽ നിലനിൽക്കുന്നു. ഹൈന്ദവ മെഖലകളിലെക്ക് മുസ്ലിംകളും മുസ്ലിം മെഖലകളിൽ ഹൈന്ദവരും പരസ്പരം കടന്നു ചെല്ലാം മടിക്കുന്നു. ഹിന്ദു ഡ്രൈവർ, മുസ്ലിം ഡ്രൈവർ എന്നിങ്ങനെ വ്യകതമായ വെർതിരിവുകൾ ഉണ്ടാക്കിയെടുക്കുന്നതിൽ വർഗ്ഗീയ രാഷ്ട്രീയം വിജയിച്ചിരിക്കുന്നു. ഒരു സംഘർഷം പൊട്ടിപ്പുറപ്പെട്ടാൽ അക്രമണം നടത്തുവാൻ പാകത്തിൽ വ്യക്തമായ വിഭജനമാണ് ഇവിടങ്ങളിൽ നടന്നിട്ടുള്ളതു. ഫാസിറ്റുകൾ ബൊധപൂർവം രൂപപ്പെടുത്തിയ വർഗ്ഗീയ വിഭജനത്തിന്റെ പരിണിതഫലമാണ് ലൊക പ്രശസ്ത ചലചിത്രകാരി ഷബാന ആസ്മിക്കു പൊലും നെരിടേണ്ടി വന്നതു എന്നത് ചുരുക്കം.


എന്നാൽ വ്യത്യസ്തമാണ് കേരളത്തിലെ സാമൂഹികാന്തരീക്ഷം. ഇന്ത്യയിലെ ഇതര സംസ്ഥാനങ്ങളിൽ നിന്നു കേരളത്തെ മാറ്റി നിറ്ത്തുന്ന പ്രധാന ഘടകം ബഹുമത സമൂഹം എന്ന നിലക്കു പരസ്പരം സഹകരിച്ചും ഇടപഴകിയുമുള്ള ജീവിത ശൈലിയാണ്. രാഷ്ട്രീയവും മതപരവുമായ വ്യത്യസ്ത അഭിപ്രായങ്ങൾ ദൈനംദിന ജീവിതത്തെ ബാധിക്കാത്ത നിലക്കു പരസ്പരം കൊണ്ട്ം കൊടുത്തുമാണ് കെരളത്തിലെ ജനങ്ങൾ ജീവിക്കുന്നത്. വ്യത്യസ്ഥ ആശയങ്ങളുടെ വക്താക്കളാകുമ്പൊൾ പൊലും സാമൂഹിക വ്യവഹാരത്തിൽ പരസ്പരം സഹകരിച്ചു ജീവിക്കുതാണ് കണ്ട് വരുന്നത്. വിരുദ്ധ രാഷ്ട്രീയ പ്രവർത്തകർ തമ്മിലും, വ്യത്യസ്ത മതവിശ്വാസികൾ തമ്മിലും കേരളത്തിൽ നിലനിൽക്കുന്ന ഈ സഹകരണ മനൊഭാവം എടുത്തു പറയേണ്ടതാണ്. പ്രത്യേകിച്ച് മലബാരിലെ ഗൾഫ് കുടിയേറ്റ മേഖലകളിൽ. സമ്പാദ്യത്തിലെ ഒരു പങ്കു സ്വന്തം നാട്ടിലെ വികസന പ്രവർത്തനങ്ങൾക്ക് ആക്കം കൂട്ടുമാറു വിവിധ മേഖലകളിൽ നിക്ഷെപിക്കുന്ന സ്വഭാവമാണ് മലബാറിലെ  പ്രവാസികൾക്കുള്ളതു. വാഹനങ്ങളായും, സ്ഥാപനങ്ങളായും കൊടിക്കണക്കിനു രൂപയുടെ മുതൽ മുടക്കാണ് ഈ മേഖലയിൽ നടന്നിട്ടുള്ളതു. ഈ മുതൽ മുടക്കു ഇന്നും അനസ്രുതം തുടർന്നു കൊണ്ടിരിക്കുന്നു. ഈ മുതൽ മുടക്കിലെ വലിയൊരു ശതമാനവും കേരളത്തിലെ ന്യൂനപക്ഷ സമുദായത്തിൽ പെട്ടവരുടേതാണെന്നതും എടുത്തുപറയേണ്ടതാണ്. മലബാറിൽ ഇതു മുസ്ലിംകളുടേതും. ഇവീടെ വളരെ പ്രസക്തമായ വിഷയം ഈ മുതൽ മുടക്കിന്റെ പ്രത്യക്ഷ ഗുണഭൊക്താക്കാൾ സിംഹഭാഗവും കേരളത്തിലെ സാധാരണക്കാരായ ഭൂരിപക്ഷ സമുദായം ആണെന്നതാണതു. വാഹന ഡ്രൈവർമാർ മുതൽ സ്ഥാപനങ്ങളിലെ ഉയർന്ന ഉത്തരവാദിത്തം പൊലും ഭൂരിപക്ഷ സമുദായത്തിൽ പെട്ട നിരവധി പേരെ മുതൽ മുടക്കുന്നവർ വിശ്വസിച്ച് എൽപ്പിച്ചിട്ടുണ്ട്. ഒരു തരത്തിലുള്ള മതപരവും രാഷ്ട്രീയപരവുമായ വിഭജനവും ഇവിടെ കാണുക സാധ്യമല്ല. എത്രത്തോളമെന്നാൽ ന്യൂനപക്ഷ വിരുദ്ധ രാഷ്ട്രീയത്തിന്റെ വക്താക്കളായ സംഘപരിവാര പ്രവർത്തകരെ പൊലും തൊഴിൽ മെഖലകലിൽ നിന്നു രാഷ്ട്രീയ വിരോധത്തിന്റെ പേരിൽ അകറ്റി നിറ്ത്തുന്ന പ്രവണത വളരെ കുറവാണ്. ധാരാളം സംഘപരിവാര പ്രവർത്തകർ മുസ്ലിം സ്ഥാപനങ്ങളിൽ ജൊലി ചെയ്തു കൊണ്ട് ജീവിക്കുന്നുണ്ട്. നൂറു കണക്കിനു പേരാണ് മുസ്ലിം ഉടമകളുടെ വാഹനങ്ങൾ ഒടിച്ചു നിത്യവൃത്തി പുലർത്തുന്നതു. ഇവിടെ ഒന്നും വാഹനം ഒടിക്കുന്നവന്റെ മതമൊ മുസ്ലിം വിരുദ്ധ രാഷ്ട്രീയമൊ വാഹനം ഏല്പിച്ചു കൊടുക്കുവാൻ ഉടമക്ക തടസ്സമായി നിന്നിട്ടില്ല.


വ്യക്തിപരമായി എന്റെ കുടുംബവുമായി ബന്ധപ്പെട്ട ഒരു സംഘപരിവാർ പ്രവർത്തക ഉണ്ട്. മഹിളാ മൊർച്ച പ്രാദെശിക നേതാവായിരുന്ന സ്ത്രീ. അവർ ജീവിക്കുന്നത് മുസ്ലിം ഭൂരിപക്ഷമായ ഞാനുൾപ്പെടുന്ന പ്രദേശത്തെ വീടുകളിൽ ട്യൂഷൻ എടുത്തു കൊണ്ടാണ്. നൂറു ശതമാനവും മുസ്ലിം ഭവനങ്ങളിൽ. എന്റെ കുടുംബവുമായി വളരെ അടുത്ത ബന്ധമാനൂ ഈ ടീചർക്കുള്ളത്. ചെറുതല്ല, നാലു ദശാബ്ദം ആയി നീണ്ടു നിൽക്കുന്ന സുദൃഡമായ ബന്ധം. എന്റെ പ്രായത്തിൽ മൂത്ത സഹൊദരിമാരെ ട്യൂഷൻ എടുത്തുകൊണ്ടാണ് ഞങ്ങളുടെ കുടുംബവുമായി ഈ ടീച്ചർ ബന്ധപ്പെടുന്നത്. പിന്നീട് ബാലവടി മുതൽ കൊളേജ് പഠനകാലം വരെയും തുടർച്ചയായി പതിനാലു വർഷമാണ് ഈ സ്ത്രീയുടെ കീഴിൽ ഞാൻ ട്യൂഷൻ എടുത്തതു. വിവാഹം കഴിച്ചു കുട്ടികളായപ്പൊൾ എന്റെ മകളെയും ഈ സ്ത്രീ തന്നെയാണ് ഇപ്പോൾ  ട്യൂഷൻ എടുക്കുന്നതു. അവർക്കാവശ്യമുള്ള സ്വന്തം മക്കളോടെന്ന പൊലെയാണ് അവർ ഞങ്ങളോടെ ആവശ്യപ്പെടുക. സസ്യേതര ഭക്ഷണം കഴിക്കാൻ ആഗ്രഹം ഉണ്ടായാൽ എന്റെ മാതാവിനോടാണ് അവർ ആവശ്യം തുറന്നു പറയുക. ആ സ്ത്രീയുടെ രാഷ്ട്രീയം ഒരിക്കൽ പൊലും അവരോടു സഹകരിക്കുന്നതിനും ആത്മാർത്ഥമായ ബന്ധം പുലർത്തുന്നതിലും എനിക്കൊ എന്റെ കുടുംബത്തിനൊ തടസ്സം നിന്നിട്ടില്ല. അവർക്കു അവരുടെ രാഷ്ട്രീയം. ഞങ്ങൾക്ക് ഞങ്ങളുടെതും. രാഷ്ട്രീയ വൈചാത്യം വ്യക്തിബന്ധങ്ങളെ ബാധിക്കാൻ ഒരിക്കലും സമ്മതിച്ചിട്ടില്ല. അതു പോലെ തന്നെ കഴിഞ്ഞ തവണ നാട്ടിൽ പോയ സമയത്ത് വീട്ടിൽ ജൊലിക്ക് വരുന്ന സ്ത്രീയുടെ മകന്റെ കല്യാണമാണ്. ആ യുവാവാകട്ടെ സംഘപരിവാർ പ്രവർത്തകനുംതിരികെ വരുന്ന ദിവസമാണ് ആ യുവാവിന്റെ വിവാഹം. രാവിലെ യാത്ര പുറപ്പെടുന്നതു കാരണം വിവാഹത്തിൽ പങ്കെടുക്കാൻ എനിക്കു സാധിക്കില്ല എന്നറിഞ്ഞപ്പോൾ അതിരാവിലെ തന്നെ എനിക്കുള്ള പായസവുമായി ആ സ്ത്രീ എന്റെ വീട്ടിൽ വന്നത് മറക്കാൻ സാധിക്കില്ല.


അതു പൊലെ തന്നെ മുസ്ലിം ഭൂരിപക്ഷ മെഖലകളീൽ ഉള്ള ചില ഹൈന്ദവരെങ്കിലും വിശുദ്ധ റമദാൻ മാസത്തിൽ നടക്കേണ്ട വിവാഹം റമദാൻ മാസം കഴിയും വരെ നീട്ടി വെച്ച സംഭവങ്ങൾ ഉണ്ട്. മുസ്ലിംകളായ അയല്പക്കക്കാർക്ക് കൂടെ പങ്കെടുക്കേണ്ടതിനാണ് വിവാഹം പൊലും നീട്ടി വെക്കാൻ ഇവർ തയ്യാറായതു. മാത്രമല്ല മുസ്ലിംകളായ അതിഥികളെ കൂടെ പരിഗണിച്ചു കൊണ്ട് ഈ മെഖലകളിൽ നടക്കുന്ന പല വിവാഹങ്ങൾക്കും മാംസ ഭക്ഷണണം കൂടി വിളമ്പുവാൻ ഇവർ തയ്യാറാകുന്നു. മാത്രമല്ല വിശുദ്ധ റമദാൻ കാലമായാൽ മുസ്ലിം കുടുംബങ്ങൾക്കൊപ്പം തന്നെ സഹായങ്ങൾ പാവപ്പെട്ട ഹൈന്ദവ ഭവനങ്ങൾക്ക് എത്തിക്കാൻ പലരും ശ്രദ്ധിക്കുന്നു. സകാത്ത് അവകാശം പൊലെ മുസ്ലിം ഭവനങ്ങളിൽ വന്നു ചൊദിച്ചു വാങ്ങുന്ന പല ഹൈന്ദവരും ഉണ്ടുഅതെ സമയം ഒണം പൊലുള്ള ഉത്സവകാലത്ത് ഈ അയല്പക്കക്കാരുടെ വകയായി ഒണക്കുലകളൂം അയല്പക്കത്തുള്ള മുസ്ലിം ഭവനങ്ങളിൽ എത്തുന്നു. ഇങ്ങിനെ പരസ്പരം കൊണ്ടും കൊടുത്തുമാണ് കേരളത്തിലെ ജനങ്ങൾ ജീവിക്കുന്നത്. രാഷ്ട്രീയപരമായ വൈജാത്യങ്ങളോ വ്യത്യസ്ഥമായ വീക്ഷണങ്ങളൊ പരസ്പരം സഹകരിച്ചു ജീവിക്കുന്നതിനു തടസ്സം നിന്നിട്ടില്ല.


ആരോഗ്യകരമായ ഈ അയല്പക്ക അന്തരീക്ഷത്തിനാണ് സവർണ്ണ ഫാസിസം കത്തിവെക്കാൻ ശ്രമിക്കുന്നതു. ഹിന്ദു ഡ്രൈവർ , ഹിന്ദു വാഹന ഉടമ എന്നൊക്കെ ദൈനദിന വ്യവഹാരങ്ങളെ വേർതിരിച്ചു കൊണ്ട് ഗുജറത്തിൽ നടപ്പിലാക്കി വിജയിപ്പിച്ച  വർഗ്ഗീയ വിഭജനമാണ് വാസ്തവത്തിൽ സവർണ്ണ ഫാസിസം ലക്ഷ്യമിടുന്നതു. ഈ പരീക്ഷണം വിജയിച്ചാൽ ഹിന്ദു ചായയും ഹിന്ദു പാനിയുമൊക്കെയായി കൂടുതൽ മെഖലകളിലേക്ക് ഈ  പരീക്ഷണം വ്യാപിപ്പിക്കപ്പെടുകയും ചെയ്യും..അതിനുള്ള മുന്നൊരുക്കങ്ങളാണ് നടന്നു കൊണ്ടിരിക്കുന്നതു. അതിനുള്ള ശ്രമങ്ങളും അണിയറയിൽ നടന്നു കൊണ്ടിരിക്കുന്നുഅപകടകരമാണ് ഈ ധ്രുവീകരണ ശ്രമം. ഇതു മുളയിലേ നുള്ളിക്കളയേണ്ടത് അത്യാവശ്യമത്രെ. സമൂഹത്തെ ഹിന്ദു എന്നും അഹിന്ദു എന്നു വെർതിരിച്ചു രാഷ്ട്രീയ മുതലെടുപ്പിനു പാകപ്പെടൂത്തുകയാണ് വാസ്തവത്തിൽ ഈ ഫാസിസം.. യഥാർത്ഥതിൽ സമൂഹത്തിലെ നിരാലംഭരായ, സാധാരണക്കാരായ ഹൈന്ദവരുടെ കണ്ണീരൊപ്പാൻ ഒരു കാലത്തും ഈ വർഗ്ഗീയവാദികൾ തയ്യാറായിട്ടില്ല. പട്ടിണി കൊണ്ട് പ്രയാസപ്പെട്ട ഹൈന്ദവ ഭവനങ്ങളിൽ ഒരു നേരത്തെ ആഹാരം പോലും എത്തിച്ചു കൊടുക്കുവാൻ ഈ വർഗ്ഗീയവാദികൾക്കു നാളിതുവരെ സാധിച്ചിട്ടില്ല. ഈ പശ്ചാലത്തിലാണ് മുറിവിൽ മുളകു തെക്കുന്നത് പൊലെ ഉള്ള ജീവിതവൃത്തി പൊലും ഇല്ലാതാക്കി സമൂഹത്തിൽ വിഷബീജം കുത്തിയിറക്കാൻ സംഘപരിവാരം ശ്രമിക്കുന്നതു.


ഹിന്ദുവിന്റെ വാഹനം ഹിന്ദു മാത്രം വിളിക്കാൻ തുടങ്ങിയാൽ കേരളത്തിലെ വലിയൊരു ശതമാനം ഹൈന്ദവ ഭവനങ്ങളിലും അടുപ്പിൽ തീ പുകയുകയില്ല എന്ന് ഈ വർഗ്ഗീയവാദികൾക്കറിവില്ലാതെയാകുമൊ? ഹിന്ദുക്കൾ ഹിന്ദു ഉടമസ്ഥതയുള്ള വാഹനം മാത്രം വിളിക്കാനുള്ള സംഘപരിവര ശ്രമം വിജയിച്ചാൽ നിരാലംഭരാകുന്നത് ഇതര മതസ്ഥരുടെ വാഹനങ്ങൾ ഒടിച്ചു ജീവിക്കുന്ന ഹൈന്ദവരുടെ ജീവിതം തന്നെ എന്നു  ആർക്കാണറിയാത്തത്? കേരളത്തിലെ ക്രൈസ്തവ മുസ്ലിം സ്ഥാപനങ്ങളിൽ ജൊലി ചെയ്യുന്നത് ഭൂരിഭാഗവും ഹൈന്ദവർ തന്നയല്ലെ? തൂപ്പു ജൊലിക്കല്ലാതെ സധാരണക്കാരായ ഹൈന്ദവരെ ജൊലിക്കു നിയൊഗിച്ച എത്ര സവർണ്ണ സ്ഥാപനങ്ങൾ ഉണ്ട്? മുസ്ലിം ക്രൈസ്തവ ഭവനങ്ങളിലേക്കല്ലാതെ ഹൈന്ദവ ഐക്യം മുഴക്കിക്കൊണ്ടിരിക്കുന്ന ഏതെങ്കിലും  സവർണ്ണരുടെ വീടുകളിലെക്ക് സ്വതന്ത്രമായി കടന്നു ചെല്ലാൻ പൊലും സാധാരണക്കാരായ ഹൈന്ദവർക്കു ഇക്കാലത്തും സാധിക്കുമൊ? വാസ്തവത്തിൽ ആരുടെ ജീവിതത്തിനാണ് സൌഹൃദം നടിച്ചു ഫാസിസം കത്തിവെക്കുവാൻ ശ്രമിക്കുന്നതു? നൂറ്റാണ്ടുകൾ നീണ്ട് സവർണ്ണ അടിച്ചമർത്തലിനെ അതിജയിച്ചു കൊണ്ട് സ്വന്തം കാലിൽ നിവർന്നു നിൽക്കാൻ ശ്രമിക്കുന്ന സമൂഹത്തിലെ സാധാരണക്കാരായ ഹൈന്ദവരുടെ ഉപജീവനമാർഗ്ഗമാണ് വാസ്തവത്തിൽ സവർണ്ണ ഫാസിസം വർഗ്ഗീയ വിഷം കുത്തി വെച്ചു കൊണ്ടു ഇല്ലാതാക്കുവാൻ ശ്രമിക്കുന്നതു. അതിനു വളരെ തന്ത്രപരമായി ഹൈന്ദവ ഐക്യം എന്ന കപഠ മുദ്രാവാക്യം മുഴക്കുകയാണവർ. ഈ കാപഠ്യത്തെ തിരിച്ചറിഞ്ഞ് ഒറ്റപ്പെടുത്തേണ്ടത് സമൂഹത്തിലെ സാധാരണക്കാരായ ഹൈന്ദവർ തന്നെയാണ്. ഈ വിഷലിപ്തമായ മുദ്രാവ്ക്യത്തെ തിരസ്ക്കരിക്കേണ്ടത് സംഘപരിവാരം പ്രതിനിധാനം ചെയ്യാൻ ശ്രമിക്കുന്ന ഹൈന്ദവ സമൂഹം തന്നെയാണ്. കേരളം പൊലെയുള്ള ഒരു പ്രദേശത്ത് ഉത്തരേന്ത്യൻ ഇറക്കുമതി ചെയ്യപ്പെട്ട ഈ വർഗ്ഗീയവൽക്കരണം ഗുണമല്ല ദോഷമാണ് ചെയ്യുക എന്നു സാധാരണക്കാരായ ഹൈന്ദവർ തിരിച്ചറിഞ്ഞു പ്രതികരിച്ചാൽ അതു ഗുണം ചെയ്യുക സമൂഹത്തിലെ അടിസ്ഥാന വിഭാഗമായ ഹൈന്ദവ സമുദായത്തിനും സമൂഹത്തിനും തന്നെയാണ് എന്നു വ്യക്തം.


അതെ സമയം തന്നെ സോഷ്യൽ നെറ്റ് വർക്ക് മേഖല കേന്ദ്രീകരിച്ചു നടത്തിക്കൊണ്ടിരിക്കുന്ന ഇത്തര വർഗ്ഗീയവാദ ശ്രമങ്ങൾക്കെതിരെ ഭരണകൂടം നടപടി എടുക്കേണ്ട് സമയം അതിക്രമിച്ചിരിക്കുന്നു. ഒരു ചെറിയ തീപ്പൊരി പോലും നിമിഷങ്ങൾക്കകം ലക്ഷക്കണക്കിനു ജനങ്ങളിലേക്കെത്തുന്ന സോഷ്യൽ നെറ്റ് വർക് സൈറ്റുകൾ ദുരുപയോഗം ചെയ്യുകയാണ് വർഗ്ഗീയവാദികൾ. പെരുമ്പാവൂരിൽ ഒരു ക്ഷേത്ര മൈതാനത്ത് ക്ഷേത്ര ഭാരവാഹികളുടെ സമ്മതത്തോടെ പശുവിനെ അറുത്ത സംഭവത്തെ പർവതീകരിചു കൊണ്ട്  ‘ഗൊമാതാവിനെ മുസ്ലിം വർഗ്ഗീയവദികൾ കൊലപ്പെടൂത്തിഎന്നു പറഞ്ഞു അക്രമണങ്ങൾക്ക് ആഹ്വാനം നൽകുകയും. പിന്നീട് പെരുമ്പാവൂരിൽ നൂറുകണക്കിനു മുസ്ലിം കടകളും, വാഹനങ്ങളും ഹിന്ദു യുവാക്കൾ തക്ര്ത്തു തരിപ്പണമാക്കി എന്നു അഭിമാനത്തൊടെ വിളിച്ചു പറഞ്ഞ അതെ സംഘപരിവാര നേതാവ് തന്നെയാണ് പുതിയ നീക്കത്തിനു പിന്നിലും എന്നത് കേവലം യാദൃശ്ചികമല്ല ഈ നീക്കങ്ങളൊക്കെയും എന്നു വ്യക്തം. ഈ വർഗ്ഗീയ ധ്രുവീകരണ ശ്രമങ്ങളെ, സാമുദായിക വിഭജനത്തെ, മുളയിലെ നുള്ളിക്കളയേണ്ടത് സമൂഹത്തിന്റെ ആരോഗ്യകരമായ നിലനിൽപ്പിന്നു ആവശ്യമത്രെ

പുലരി.....