Sunday, October 31, 2010

തടവറയില്‍ നിന്നൊരു ജനപ്രതിനിധി..


 അന്‍പതു ശതമാനം വനിതാ സവരണം നിലവില്‍ വന്നതിനു ശേഷം നടന്ന പ്രഥമ ത്രിതല പഞ്ചായത്ത്‌ തെരഞ്ഞെടുപ്പിനു സമാപനം. ഇക്കാലമത്രയും നടന്ന പഞ്ചായത്ത്‌ തെരഞ്ഞെടുപ്പുകളേക്കാള്‍ വീറും വാശിയും പല കാരണങ്ങളാല്‍ ഇക്കഴിഞ്ഞ തെരഞ്ഞെടുപ്പിനെ മറ്റു തെരഞ്ഞെടുപ്പുകളില്‍ നിന്നും മാറ്റി നിറുത്തപ്പെടുന്നു. ഇടതുപക്ഷത്തിന്റെ കാലാകാലങ്ങളായുള്ള നെടും കോട്ടകളില്‍ വിള്ളലുകള്‍ പ്രത്യക്ഷപ്പെട്ടു എന്നതാണു ഈ തെരഞ്ഞെടുപ്പു ഫലത്തിന്റെ ഏറ്റവും വലിയ പ്രത്യേകഥ. മാസങ്ങള്‍ക്കു മുന്നേ നടന്ന പാര്‍ലമന്റ്‌ തെരഞ്ഞെടുപ്പില്‍ നേരിട്ട കനത്ത തിരിച്ചടി ആവര്‍ത്തിക്കപ്പെട്ടില്ല എന്ന് പറഞ്ഞ്‌ ഇടതുപക്ഷം പ്രത്യേകിച്ച്‌ സി.പി.എം. ആശ്വാസം കണ്ടെത്തുവാന്‍ ശ്രമിക്കുന്നുണ്ടു. എന്നാല്‍ വാസതവം മറിച്ചാണു. കേരള ഭരണം ഇടതു-വലതു മുന്നണികള്‍ മാറിമാറി ഭരിക്കുമ്പോഴും വലതുപക്ഷത്തിന്നു സ്വാധീനമുള്ള നിയമസഭാ മണ്ഢലങ്ങളില്‍ പോലും തദ്ദേശ സ്ഥാപനങ്ങളില്‍ ഇടതുപക്ഷത്തിന്നാണു സ്വാധീനമുള്ളത്‌. താഴെതട്ടിലെ പാര്‍ട്ടീ പ്രവര്‍ത്തകരുടെ ജനകീയ ഇടപെടലുകള്‍ കാരണമാകാം പഞ്ചായത്‌ തെരഞ്ഞെടുപ്പുകളില്‍ ഇടതുപക്ഷമാണു നേട്ടം കൊയ്യാറുള്ളത്‌. അതേസമയം താഴെതട്ടില്‍ തന്നെ തുടങ്ങുന്ന ഗ്രൂപ്പുവഴക്കും ജനകീയ ഇടപെടലിന്റെ അഭാവവും നിമിത്തം വലതുമുന്നണി പ്രത്യേകിച്ച്‌ കോണ്‍ഗ്രസ്സിനു തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പുകളില്‍ കാര്യമായ പോരാട്ടം കാഴ്ചവെക്കുവാന്‍ സാധിച്ചിരുന്നില്ല. ഈ കീഴ്‌വഴക്കമാണു ലംഘിക്കപ്പെട്ടിരിക്കുന്നത്‌. മുപ്പത്‌ വര്‍ഷങ്ങള്‍ക്കു ശേഷം കൊച്ചി കോര്‍പ്പറേഷന്‍ ഭരണം യൂ.ഡി.എഫിന്റെ കൈകളില്‍ എത്തിയിരിക്കുന്നു. നാളിതുവരെ ഇടതു പക്ഷം കുത്തകയാക്കിവെച്ചിരുന്ന പല ഗ്രാമ പഞ്ചായത്തുകളും, മുനിസിപ്പാലിറ്റികളും ഇടതുപക്ഷത്തെ കൈവെടിഞ്ഞിരിക്കുന്നു. 



ശ്രീനിവാസന്റെ 'സന്ദേശം' എന്ന സിനിമയില്‍ 'വിപ്ലവ പാര്‍ട്ടി' പരാചയപ്പെട്ടതിന്റെ കാരണമന്വേഷിക്കുന്ന പാര്‍ട്ടീ പ്രവര്‍ത്തകര്‍ക്കു നേതാക്കാള്‍ നല്‍കുന്ന കടിച്ചാല്‍ പൊട്ടാത്ത വാക്യങ്ങള്‍ രസകരമെന്നു തോനും വിധത്തില്‍ കേരളത്തിലെ പാര്‍ട്ടി നേതൃത്വവും ആവര്‍ത്തിക്കുന്നുണ്ടു. എന്നാല്‍ അതേ സിനിമയില്‍ തന്നെ നേതാവിന്റെ വിശദീകരണത്തിന്നു മറുപടിയായി സാധാപ്രവര്‍ത്തകര്‍ ലളിതമായ രീതിയില്‍ പരാചയ കാരണം അപഗ്രഥിക്കുന്നുണ്ടു. അതായത്‌ പാര്‍ട്ടി ജനങ്ങളില്‍ നിന്നു അകന്നിരിക്കുന്നു. ലളിത ജീവിതം നയിച്ച്‌, അടിസ്ഥാന ജനങ്ങള്‍ക്കൊപ്പം സഞ്ചരിച്ചിരുന്ന പാര്‍ട്ടി, ആഡംഭരജീവിതത്തിലേക്കു വഴിമാറിയിരിക്കുന്നു. കൂടെ നടക്കുന്നവരാകട്ടെ മാര്‍ട്ടിന്‍, ഫാരിസ്‌ അബൂബക്കര്‍ പോലുള്ള വന്‍ തോക്കുകളും. പാര്‍ട്ടിയെ മതമായും ജീവിതശൈലിയായും കണ്ട്‌ സര്‍വ്വസവും അര്‍പ്പിച്ചിരുന്ന പാര്‍ട്ടിയുടെ എക്കാലത്തെയും അടിത്തറയായ അടിസ്ഥാന ജനത പാര്‍ട്ടിയുടെ പുത്തന്‍ പ്രമാണിമാരുമായുള്ള പുതിയ സഹവാസവും, ആഢംഭര ജീവിതവും, അഴിമതിയും കണ്ടു മനം മടുത്ത്‌ പുതിയ മേച്ചില്‍ പുറങ്ങള്‍ തേടി യാത്രയാരംഭിച്ചിരിക്കുന്നു. ഒഞ്ചിയവും, ഏറാമലയും മാത്രമല്ല പല പ്രദേശങ്ങളില്‍ നിന്നും പാര്‍ട്ടി പ്രവര്‍ത്തനം അവസാനിപ്പിച്ചുകൊണ്ടു പ്രവര്‍ത്തകര്‍ കൂട്ടത്തോടെ കൊഴിഞ്ഞുപോകുന്നു. പരമ്പരാകത അടിത്തറയില്‍ ഉണ്ടായ ചോര്‍ച്ച കാലാകാലങ്ങളായി കൈവശം വെച്ചിരുന്ന പല ഭരണസമിതികളും ഇടതുമുന്നണിക്കു നഷ്ടപ്പെടുന്ന അവസ്ഥ ഉണ്ടായിട്ടുണ്ടു. 

അതേ സമയം മറുവശത്‌ യൂ.ഡി.എഫിനു ചരിത്ര വിജയമാണു സമ്മാനിക്കപ്പെട്ടത്‌. പാര്‍ലമന്റിലും, നിയമ സഭകളിലും നാളിതുവരെയുണ്ടായ ആധിപത്യത്തിന്നു തത്തുല്യമായ അംഗീകാരം പഞ്ചായത്‌ ഭരണസമിതികളില്‍ ലഭിച്ചിരുന്നില്ല. ഈ കീഴ്‌വഴക്കത്തിന്നാണു മാറ്റം വന്നിരിക്കുന്നത്‌. കേരള ചരിത്രത്തിലെ വലതുമുന്നണിയുടെ എക്കാലത്തെയും മികച്ച ത്രിതല പഞ്ചായത്ത്‌ തെരഞ്ഞെടുപ്പു വിജയമായി ഈ തെരഞ്ഞെടുപ്പിനെ വിലയിരുത്തുന്നതില്‍ തെറ്റില്ല. മലപ്പുറം കുന്നുകളില്‍ വീണ്ടും പച്ച പുതഞ്ഞിരിക്കുന്നു, കോട്ടയം മാണിക്കു കാല്‍കീഴില്‍ തന്നെ. മധ്യ കേരളതില്‍ കോണ്‍ഗ്രസും ആധിപത്യമുറപ്പിച്ചു. 




അതേ സമയം തെരഞ്ഞെടുപ്പ്‌ ഫലത്തിലെ നിര്‍ണ്ണായക സ്വാധീനമായി  മാധ്യമങ്ങള്‍ മാറുകയാണു. വര്‍ഷങ്ങളായി കേരളത്തിലെ യതാര്‍ത്ഥ പ്രതിപക്ഷത്തിന്റെ റോള്‍ കൈകാര്യം ചെയ്യുന്നത്‌ വാര്‍ത്താ മാധ്യമങ്ങളാണു. വാര്‍ത്താമാധ്യമങ്ങള്‍ക്കിടയിലെ, പ്രത്യേകിച്ചും ചാനല്‍ കിടമത്സരത്തിന്നിടയില്‍ ചെറിയ വിഷയങ്ങള്‍ പോലും ഊതിപെരുപ്പിച്ച്‌ വന്‍ വിവാദമാക്കിമാറ്റി രാഷ്ട്രീയ കക്ഷികളെ പ്രത്യേകിച്ച്‌ ഭരണപക്ഷത്ത്‌ നിരന്തരം പ്രതിരോധത്തില്‍ നിര്‍ത്തുകയെന്നത്‌ മാധ്യമ അജണ്ഡയായി മാറിയിരിക്കുന്നു. മാധ്യമങ്ങള്‍ വിതച്ചു പരുവമാക്കിയ കൃഷിയിടങ്ങളില്‍ നിന്നു വിള കൊയ്തെടുക്കുക എന്ന ദൗത്യം മാത്രമേ കുറച്ചുകാലമായി പ്രതിപക്ഷത്തിനുള്ളൂ..അതുകൊണ്ടുതന്നെ അതിശക്തമായ ഭരണവിരുദ്ധവികാരം ജനങ്ങളില്‍ എല്ലായ്പ്പോഴും നിലനില്‍ക്കുകയും ചെയ്യുന്നു. ചാനലുകളുടെ ആവിര്‍ഭാവത്തിന്നു ശേഷം നടന്ന തെരഞ്ഞെടുപ്പുകളുടെ ഗ്രാഫ്‌ പരിഷോധിച്ചാല്‍ മാധ്യമ സ്വാധീനം എത്രമാത്രം ജനങ്ങളില്‍ അടിയുറക്കപ്പെട്ടെന്ന് തിരിച്ചറിയാനാകും. ഉദാഹരണത്തിന്ന് എണ്‍പത്തിയേഴിലേയും, തൊണ്ണൂറ്റി ഒന്നിലേയും പിന്നീട്‌ തൊണ്ണൂറ്റിയാറിലേയും നിയമസഭാ തെരഞ്ഞെടുപ്പു ഫലവും അതിനു ശേഷം ചാനലുകള്‍ ആധിപത്യമുറപ്പിച്ചതിന്‍ ശേഷം നടന്ന രണ്ടായിരത്തി ആറുമുതലുള്ള തെരഞ്ഞെടുപ്പു ഫലവും കൂട്ടി വായിച്ചാല്‍ ശ്രദ്ധേയമാകുന്നത്‌ ചാനാല്‍ മാനിയ പിടിപെട്ടതിനു ശേഷം നടന്ന തെരഞ്ഞെടുപ്പുകളയോക്കെ ഫലം ഏകപക്ഷീയമായിരുന്നു എന്നതാണു. മുന്‍ കാലങ്ങളില്‍ കേരള നിയമസഭയിലെ നൂറ്റിനാല്‍പതു മണ്ഢലങ്ങളില്‍ കക്ഷിനില ഏതാണ്ട്‌ എണ്‍പത്‌-അറുപത്‌ എന്ന നിലയില്‍ നിശ്ചയിക്കപ്പെട്ടിരുന്നപ്പോള്‍ ചാനലുകളുടെ കടന്നുവരവിനു ശേഷം നടന്ന തെരഞ്ഞെടുപ്പുകളില്‍ കക്ഷിനില നൂറേ-നാല്‍പത്‌ എന്ന നിലക്കായി മാറി എന്നതാണു. അതായത്‌ അജണ്ടകള്‍ നിശ്ചയിക്കുന്നതിലും, വിധി നിര്‍ണ്ണയിക്കുന്നതിലും മാധ്യമ ശക്തികളുടെ പങ്കു നിര്‍ണ്ണായകമായി മാറി എന്നതാണു. 


ഈ തെരഞ്ഞെടുപ്പിന്റെ മറ്റൊരു  സവിശേഷത  ഭൂരിപക്ഷ വര്‍ഗ്ഗീയതക്കെതിരെയുള്ള കേരള ജനതയുടെ പ്രതിരോധം ദുര്‍ബലപ്പെട്ടുവരുന്നു എന്നതാണത്. സി.പി.എം-യൂ.ഡി.എഫ്‌ കക്ഷികളുമായി രഹസ്യമായും പരസ്യമായും രൂപപ്പെടുത്തിയ സഖ്യത്തിന്റെ ബലത്തിലാണെങ്കിലും പുതിയ തുരുത്തുകള്‍ ശ്രിഷ്ടിക്കുവാന്‍ ബി.ജെ.പിക്ക്‌ സാധിച്ചിരിക്കുന്നു. എന്നാല്‍ നിലവിലുണ്ടായിരുന്ന പഞ്ചായത്തുകള്‍ ബി.ജെ.പിക്കു നഷ്ടപ്പെട്ടതും ചേര്‍ത്തു വായിക്കേണ്ടതുണ്ടു. എന്നാല്‍ പോലും ശക്തമായ സാന്നിദ്ധ്യമായി ബി.ജെ.പി തദ്ദേശ സ്ഥാപനങ്ങളില്‍ ഇനി ഉണ്ടാകും എന്നുറപ്പു. മുന്‍പ്‌ കോ.ലീ.ബി ബാന്ധവം ആരോപിക്കപ്പെട്ടിരുന്ന സമയത്ത്‌ ബി.ജെ.പി ബാന്ധവത്തിന്റെ ഗുണകാംക്ഷികള്‍ ലീഗും, കോണ്‍ഗ്രസ്സുമായിരുന്നുവേങ്കില്‍ ഇക്കുറി വര്‍ഗ്ഗശത്രുവായ സി.പി.എം പോലും പലയിടങ്ങളിലും ബി.ജെ.പിയുമായി സഖ്യമുണ്ടാക്കുന്നതിനു തയ്യാറായി എന്നു ചേര്‍ത്തുവായിക്കേണ്ടതുണ്ടു. എന്നാല്‍ ഈ സഖ്യത്തിന്റെ ഗുണം ലഭിച്ചത്‌ ബി.ജെ.പി ക്കും വലതുമുന്ന്ണിക്കും മാത്രമായി. സി.പി.എമ്മിനു ബി.ജെ.പി ബാന്ധവത്തിന്റെ ഗുണം ലഭിച്ചില്ലെന്നു മാത്രമല്ല പലയിടങ്ങളിലും പാര്‍ട്ടി മൂന്നാം സ്ഥാനത്തേക്കു പി ന്തള്ളപ്പെട്ടു പോയി. സംഘരാഷ്ട്രീയത്തിനു സ്വാധീനം ലഭിച്ചാല്‍ ഇടതുപക്ഷത്തിനു പിന്നെ പ്രസക്തിയില്ല എന്ന യാഥാര്‍ത്ഥ്യം ഇടതുപക്ഷം ഓര്‍ത്തിരുന്നാല്‍ അത്രയും നന്നു. 

ഈ തെരഞ്ഞെടുപ്പിനെ ശ്രദ്ധേയമാക്കിയ മറ്റു ഘടകങ്ങള്‍ തെരഞ്ഞെടുപ്പു ഗോഥയിലേക്കു രംഗപ്രവേശം ചെയ്ത പുതിയ വിഭാഗങ്ങളുടെ സാന്നിദ്ധ്യമാണു. സോഷ്യല്‍ ഡെമോക്രാറ്റിക്‌ പാര്‍ട്ടി ഓഫ്‌ ഇന്ത്യ, ഇടതുപക്ഷ ഏകോപനസമിതി, ഷൊര്‍ണ്ണൂരിലെ ജനകീയ വികസന സമിതി, ജമാ അതെ ഇസ്ലാമിയുടെ ജനപക്ഷ വികസന സമിതി, ഡി.എച്‌.ആര്‍.എം ഇവരുടെയൊക്കെ സജീവ സാന്നിദ്ധ്യം ഈ തെരഞ്ഞെടുപ്പിന്റെ പ്രത്യേകതയാണു. നാളിതുവരെ ഭാവനയില്‍ മാത്രം സ്വന്തം ശക്തി കണക്കുകൂട്ടിയിരുന്ന പല കക്ഷികള്‍ക്കും, യഥാര്‍ത്ഥ ജനസ്വാധീനം എത്രയെന്നും തങ്ങള്‍ എവിടെ നില്‍ക്കുന്നു എന്നും തിരിച്ചറിയുവാനുള്ള ഒരവസരമായി ഈ തെരഞ്ഞെടുപ്പിനെ കാണാം. ദശാബ്ദങ്ങളുടെ പാരമ്പര്യമുള്ള പല കക്ഷികള്‍ക്കും തെരഞ്ഞെടുപ്പുഫലം ശക്തമായ തിരിച്ചറിയല്‍ കൂടെയാണു, തങ്ങളുടേതെന്നു ഇക്കാലമത്രയും മേനിപറഞ്ഞിരുന്ന നെടും കോട്ടകള്‍ പോലും വാസ്തവത്തില്‍ സ്വന്തമായിരുന്നില്ല എന്ന തിരിച്ചറിവു. 

പ്രാദേശിക കൂട്ടായമകളായ ഒഞ്ചിയം മോഡല്‍ ഇടതുപക്ഷ ഏകോപനസമിതിയെയും, ഷൊര്‍ണ്ണൂരിലെ വികസന സമിതിയെയും മാറ്റിനിറുത്തിയാല്‍ വളരെ ശക്തമായി തെരഞ്ഞെടുപ്പു ഗോതയിലേക്കു ഇറങ്ങിയതു പ്രധാനമായും നവരാഷ്ട്രീയ പ്രസ്ഥാനമായ സോഷ്യല്‍ ഡെമോക്രാറ്റിക്‌ പാര്‍ട്ടിയും, ജമാഅത്തെ ഇസ്ലാമിയുടെ വികസന മുന്നണിയും, ഡി.എച്‌.ആര്‍.എമ്മുമായിരുന്നു. "തുടക്കം തുടര്‍ച്ചയുടെ ഭാഗം മാത്രമാണെന്ന" തിരിച്ചറിവില്‍ തുടക്കം ഗംഭിരമായിരുന്നില്ലെങ്കിലും ആശാവഹമായിരുന്നു. ഇടതു-വലതു-ബി.ജെ.പി ശക്തിയോടു ഏറ്റുമുട്ടി വിജയിക്കുക എന്നത്‌, പ്രത്യേകിച്ച്‌ കേരളം പോലുള്ള ശക്തമായ രാഷ്ട്രീയ വോട്ടുകള്‍ നിലനില്‍ക്കുന്ന സംസ്താനത്ത്‌ തീര്‍ത്തും ലളിതമായ പ്രക്രിയയല്ല. ദേശിയ ഭരണം കയ്യാളിയ ബി.ജെ.പി പോലും അക്കരെ കാണാതെ നില്‍ക്കുന്ന അവസ്ഥയില്‍ പ്രത്യേകിച്ചും. എന്നാല്‍ പോലും പല പ്രദേശങ്ങളിലും ഇടതു-വലതു-ബി.ജെ.പി സഖ്യങ്ങളെ തൊല്‍പ്പിച്ചുകൊണ്ട്‌ വിജയക്കൊടി പാറിക്കുവാന്‍ ഇവര്‍ക്കു സാധിച്ചു എന്നതും പല വാര്‍ഡുകളിലും രണ്ടിലൊരു കക്ഷിയായി മാറുവാന്‍ സാധിച്ചു എന്നതും തുടക്കമെന്ന നിലക്ക്‌ പ്രതീക്ഷാ നിര്‍ഭരമാണു. എന്നാല്‍ പോലും കേരളം പോലുള്ള ശക്തമായ മുന്നണി സംവിധാനം നിലവിലുള്ള പ്രദേശത്ത്‌ എസ്‌.ഡി.പി.ഐ ആയാലും, വികസന മുന്നണിയായാലും ഏറെ യാത്ര ചെയ്യുവാനുണ്ട്‌ എന്ന യാഥാര്‍ത്ഥ്യം തിരിച്ചറിയപ്പെടേണ്ടതുമുണ്ടു. എന്നാല്‍ പോലും ഭാവി രാഷ്ട്രീയത്തില്‍ ഇവരുടെയെല്ലാം പങ്കു വിലപ്പെട്ടതാകും എന്നു ഉറപ്പിക്കാം. 



എന്നാല്‍ ഈ തെരഞ്ഞെടുപ്പിലെ ഏറ്റവും ശ്രദ്ധേയമായ വിജയം സമ്മാനിക്കപ്പെട്ടത്‌ വലതു മുന്നണിക്കോ, ബി.ജെ.പിക്കോ ഒന്നുമല്ല, മറിച്ച്‌ പ്രവാചക നിന്ദ നടത്തിയ അദ്ധ്യാപകനെ അക്രമിച്ച പ്രതികള്‍ക്കു അഭയം നല്‍കി എന്നതിന്റെ പെരില്‍ ഭരണകൂടം ജയിലലടച്ച എസ്‌.ഡി.പി.ഐ സ്ഥാനാര്‍ത്ഥിയായ  കോളേജ്‌ പ്രോഫസര്‍ അനസിന്റെ വിജയമാണു മറ്റെല്ലാ വിജയങ്ങളെക്കാള്‍ ശൃദ്ധേയവും,മാധുര്യം നിറഞ്ഞതും. വാഴക്കുളം ബ്ലോക്ക്‌ പഞ്ചായത്തിലെ വഞ്ചിനാട്‌ ഡിവിഷനില്‍ നിന്നു എസ്‌.ഡി.പി.ഐ സ്ഥാനാഥിയായി മത്സരിച്ച പ്രോഫസര്‍ അനസ്‌ ആകെയുള്ള വോട്ടിന്റെ അന്‍പതു ശതമാനത്തിലധികം നേടിയാണു വന്‍ ഭൂരിപക്ഷത്തിന്നു തൊട്ടടുത്ത യു.ഡി.എഫ്‌ എതിര്‍ സ്ഥാനാര്‍ത്ഥിയെ പരാചയപ്പെടുത്തിയത്‌. പ്രവാചക നിന്ദയുമായി ബന്ധപ്പെട്ടു പോലീസ്‌ ഭീകരത അഴിഞ്ഞാടിയ പ്രദേശങ്ങളാണു ഈ വാര്‍ഡ്‌ ഉള്‍കൊള്ളുന്നത്‌. സംഘടിത മാധ്യമങ്ങള്‍ തെളിച്ച വഴിയേ ഭരണകൂട ഭീകരതയുടെ വാഹകാരായി കേരളത്തിലെ ആഭ്യന്തര വകുപ്പിന്നും, കെട്ടുകഥകളുണ്ടാകി വിളവെടുപ്പു നടത്തിയ മാധ്യമ ശക്തികള്‍ക്കുമെതിരെയുള്ള മുവാറ്റുപുഴയിലെ ജനങ്ങളുടെ അതി ശക്തമായ പ്രതിഷേധമാണു ജയിലില്‍ കിടനൂ വോട്ടര്‍മാരെ ഒരു നോക്കു പോലും കാണാതെ മത്സരത്തിന്നിറങ്ങിയ പ്രഫസര്‍ അനസിനു സമ്മാനിച്ച വിജയം. ഭരണകൂട ഭീകരതയെയും,മാധ്യമ കുപ്രചാരണങ്ങളെയും ജനങ്ങള്‍ എങ്ങിനെ നോക്കിക്കാണുന്നു എന്നതാണു ഈ വിധിയുടെ വ്യതിരിക്തത്ത. പ്രാദേശികമായ ഒരു സംഭവത്തിന്റെ പെരില്‍ സംഘടനാ-രാഷ്ട്രീയ സ്വാതന്ത്ര്യം മാസങ്ങളോളം നിഷേധിച്ച ഇരുട്ടിന്റെ ശക്തികള്‍ക്കെതിരെയുള്ള ശക്തമായ വിധി. മാധ്യമങ്ങള്‍ ചൂണ്ടിക്കാണിക്കുന്നതിനപ്പുറം സത്യമുണ്ടെന്നും, ഭരണ കൂട നടപടികള്‍ക്കു മറുപുറം ഉണ്ടെന്നും സഖാവ്‌ വര്‍ഗ്ഗീസ്‌ വധക്കേസിലെ വിധിന്യായം വ്യക്തമാക്കുന്നു. അതുകൊണ്ടു തന്നെ മറ്റെല്ല വിജയങ്ങളേക്കാളും തടവറക്കുള്ളില്‍ നിന്നും രണാങ്കണത്തിനിറങ്ങി വെ ന്നിക്കൊടി പാറിച്ച പ്രോഫസര്‍ അനസിന്റെ വിജയത്തിന്നു മാധുര്യമേറെ... 


«തിങ്ങി നിറഞ്ഞ സദസിനെ സാക്ഷിനിര്‍ത്തി പ്രഫസര്‍ അനസ് സത്യപ്രതിജ്ഞ ചെയ്തു






Monday, October 18, 2010

ഹിന്ദുക്കള്‍ക്ക് ഭീകരരാവാന്‍ കഴിയില്ല



കാവി ഭീകരതപ്രയോഗത്തിനെതിരെ ശക്തമായ എതിര്‍പ്പുമായി ആര്‍‌എസ്‌എസ് രംഗത്ത്. ഹിന്ദുക്കള്‍ക്ക് ഭീകരരാവാന്‍ കഴിയില്ല എന്ന് ആര്‍‌എസ്‌എസ് തലവന്‍ മോഹന്‍ ഭാഗവത് ദസറ റാലിയെ അഭിസംബോധന ചെയ്തുകൊണ്ട് പറഞ്ഞു.

ഭീകരതയ്ക്കും ഹിന്ദുക്കള്‍ക്കും തമ്മില്‍ യോജിച്ചുപോകാന്‍ സാധിക്കില്ല. കാവി ഭീകരത, ഹൈന്ദവ ഭീകരത എന്നീ പ്രയോഗങ്ങള്‍ ഹിന്ദുക്കളുടെ ശക്തി കുറയ്ക്കാനും ന്യൂനപക്ഷ പ്രീണനത്തിനും വേണ്ടിയാണ്.

ഹിന്ദുക്കള്‍ ഉള്‍പ്പെട്ട ചില അനിഷ്ട സംഭവങ്ങള്‍ റിപ്പോര്‍ട്ട് ചെയ്യപ്പെട്ടിട്ടുണ്ട്. അതിന്റെ പേരില്‍ ഒരു സമൂഹത്തെയാകെ കുറ്റപ്പെടുത്തുന്നത് നീതികരിക്കാന്‍ കഴിയില്ല. ഹിന്ദുക്കള്‍ പൊതുവെ ഭീകര പ്രവര്‍ത്തനങ്ങളില്‍ ഉള്‍പ്പെടാറില്ല എന്നും ഭാഗവത് പറഞ്ഞു.
 "എല്ലാ മുസ്ലിംകളും ഭികരരല്ല. എന്നാല്‍ എല്ലാ ഭികരരും മുസ്ലിംകള്‍ തന്നെ". 


ചില മുസ്ലിം ഭികരരെ പരിചയപ്പെടാം.







മുംബൈ ജുമാ മസ്ജിദ് ഇമാം മൌലാന താക്കറെ ബുഖാരി- ചരിത്രപ്രസിദ്ധമായ മുംബൈ കലാപത്തിന്റെ ഇര 



 നാണ്യവിളകള്‍ക്ക് മുന്നിലെ കണി.
 ദിപവലിക്ക് രാജ്യത്തിന്റെ നാനാഭാഗത്ത് പൊട്ടിച്ച മത്താപ്പുകള്‍ .





  പഴക്കുലയും മുരിങ്ങാകായയുമായി.


 സ്വാമി അന്‍സാര. മുസ്ലിം തിവ്രവാടികളുടെ മുന്നില്‍ നിന്നും സ്വന്തം ജിവന്നു വേണ്ടി യാചിക്കുന്നു.


  കോളിഫ്ലവറുമായി ഒരു മുസ്ലിം തിവ്രവാദി 



  പോപ്പുലര്‍ ഫ്രെണ്ട് തിവ്രവാദികള്‍ ആയുധപരിശിലനത്ത്തില്‍


  ഗര്‍ഭം കലക്കി തിരിച്ചു വരുന്ന ലഷ്കറെ തിവ്രവാദി.

  മൌലാന അബ്ദുന്നാസര്‍ പാണ്ടെ

  സുഫിയ പഖ്യാനന്ദ മദനി 


 കേണല്‍ തടിയന്ടവിട നസീര്‍ പുരോഹിത്.

  കാശ്മീരിലെ ഇസ്ലാമിക ഭികരവാടിനികള്‍  

 വാഗമണ്ണില്‍ പ്രത്യേക തോക്കുപയോഗിച്ചുള്ള 'സിമി' യുടെ പരിശിലനം.

       ആര്‍ എസ് എസ് നേതാവിന്റെ വിലയിരുത്തല്‍ എത്രമാത്രം  യാഥാര്‍ത്യ ബോധതോടെയെന്ന്‍ ചിത്രങ്ങള്‍ പറയാതെ പറയുന്നു.

Saturday, October 16, 2010

കൊച്ചി സ്റ്റേഡിയത്തിലെ മഴവെള്ളം വറ്റിക്കല്‍ ..

കേരള ക്രിക്കറ്റ്‌ പ്രേമികളുടെ പ്രതീക്ഷകള്‍ക്ക്‌ നിറം കെടുത്തി  കൊണ്ട്‌ കൊച്ചിയില്‍ നടക്കുന്ന ഇന്ത്യാ-ആസ്ട്രേലിയ ഏകദിന മത്സരത്തിന്ന് മഴ പ്രധാന ഭീഷണി. കേരളത്തില്‍ തകര്‍ത്തു പെയ്യുന്ന മഴ കൊച്ചി ഏകദിനത്തെ മുക്കിക്കളയുമോ എന്ന ആശങ്ക സജീവമായി നിലനില്‍ക്കുന്നു. ദിവസങ്ങളായി തകര്‍ത്തുപെയ്യുന്ന മഴയില്‍ സ്റ്റേഡിയം ഔട്ട്‌ ഫീല്‍ഡ്‌ മുഴുവന്‍ വെള്ളത്തിലായി. എന്നാല്‍ സ്വയമൊരു വില്ലനായി വരേണ്ട എന്നു കരുതിയാകാം ഇന്നലെ മുഴുവന്‍ മഴയെ മാറ്റിനിറുത്തികൊണ്ട്‌ കൊണ്ട്‌ നല്ല വെയില്‍ തന്നെ കൊച്ചി സ്റ്റേഡിയം പരിസരത്തിന്നു പ്രകൃതി സമ്മാനിച്ചിരിക്കുന്നു. 
കിട്ടിയ ഈ അവസരം മുതലെടുത്ത്‌ ഗ്രൗണ്ടിലെ തൊഴിലാളികള്‍ നടത്തുന്ന രസകരമായ 'മഴവെള്ളം വറ്റിക്കല്‍ ' ചടങ്ങ്‌ ലൈവായി തന്നെ ചാനലുകള്‍ തുടര്‍ച്ചയായി കാണിച്ചുകൊണ്ടിരിക്കുന്നു. 

ലോകത്തെ ഏറ്റവും സമ്പത്തുള്ള ക്രിക്കറ്റ്‌ ബോര്‍ഡാണു ബി.സി.സി.ഐ എന്ന പെരില്‍ അറിയപ്പെടുന്ന ഇന്ത്യന്‍ ക്രിക്കറ്റ്‌ ബൊര്‍ഡ്‌. കേരളത്തിലേയും ഏറ്റവും സമ്പത്തുള്ള സ്പോര്‍ട്സ്‌ വകുപ്പാണു കേരള ക്രിക്കറ്റ്‌ ബൊര്‍ഡ്‌. ഇന്ത്യാ-ആസ്ട്രേലിയ മത്സരം കഴിഞ്ഞാല്‍ കോടികള്‍ തന്നെ കേരള ക്രിക്കറ്റ്‌ ബോര്‍ഡിനു വരുമാനമായി വരും. ഇത്രയും സാമ്പത്തിക അടിത്തറയുള്ള ഒരു ബോര്‍ഡാണു നൂറുകണക്കിനു തൊഴിലാളികളെ വെച്ച്‌ 'തീ പന്തവും. 'സ്പ്പോഞ്ചും' 'മുക്കാല്‍ ബക്കറ്റും' ഉപയോഗിച്ച്‌ പ്രാകൃതമായ രീതിയില്‍ മഴവെള്ളം വറ്റിക്കല്‍ ചടങ്ങ്‌ നടത്തികൊണ്ടിരിക്കുന്നത്‌.ഭാഗ്യത്തിന്ന് കിണര്‍ വെള്ളം കോരാനുപയോഗിക്കുന്ന കപ്പിയും, പാട്ടയുമൊന്നു ചാനല്‍ ലൈവ്‌ ഷോകളില്‍ കണ്ടില്ല. സമരത്തിന്റെ പേരില്‍ ശയന പ്രദക്ഷിണം നടത്തുന്നവരെ സ്റ്റെടിയതിലെക്ക് കൊണ്ടു വന്നിരുന്നെങ്കില്‍ സമരവും നടന്നേനെ വെള്ളവും വട്ടിയേനെ. അതുപോലെ ഗ്രാമങ്ങളിലെ കുട്ടികളെ ഇറക്കിയിരുന്നെങ്കില്‍ വെള്ളത്തില്‍ പടക്കം പൊട്ടിച്ചോ, തെവിക്കളഞ്ഞോ ഇതിനകം വെള്ളം മുഴുവന്‍ വറ്റിച്ചേനെ.. 

കേരളത്തില്‍ ഇതു മഴക്കാലമാണെന്ന് അറിയാത്തവരാകില്ല മിനിമം കേരള ക്രികറ്റ്‌ ബൊര്‍ഡെങ്കിലും. കഴിഞ്ഞ തവണ നടന്ന ഇന്ത്യാ-ആസ്ട്രേലിയ മത്സരത്തിന്നും മഴ ഭീഷണിയായിരുന്നു. ഭാഗ്യത്തിന്നു തലേദിവസം വരെ തകര്‍ത്തു പെയ്ത മഴ, കളി നടക്കുന്ന ദിവസം ഒഴിഞ്ഞു നിന്നതുകൊണ്ടാണു കേരളം കാത്തിരുന്ന ക്രികറ്റ്‌ മാച്ച്‌ തടസം കൂടാതെ അന്നു നടന്നത്‌. ഇത്തരമൊരു അനുഭവം ഉള്ളപ്പോഴാണു മഴയെ തടഞ്ഞു നിറുത്തുവാന്‍ തീ പന്തവും, സ്പോഞ്ചും, ബകറ്റുമായി ലോകത്തെ ഏറ്റവും സമ്പത്തുള്ള ക്രികറ്റ്‌ ബോര്‍ഡ്‌ ക്രിക്കറ്റ്‌ മാമാങ്കത്തിനെ വരവേല്‍ക്കുവാന്‍ ഒരുങ്ങിനില്‍ക്കുന്നത്‌. 
കായിക രംഗത്ത്‌ ടെക്നോളജിയെ എന്നും ഇരുകയ്യും നീട്ടി സ്വീകരിച്ചവരാണു ക്രിക്കറ്റ്‌ ഭരണകര്‍ത്താക്കള്‍ .  വെള്ളം പെട്ടെന്ന് ഒഴുക്കിക്കളയുന്ന ഡ്രൈനേജ് സംവിധാനമോ,   സ്റ്റേഡിയത്തിലെ ഈര്‍പ്പം വലിച്ചെടുക്കുവാന്‍ പറ്റിയ യന്ത്രമോ  ഇല്ലാഞ്ഞിട്ടാണോ? 




Thursday, October 14, 2010

ഒടുവില്‍ അലിയും പാര്‍ട്ടിയില്‍ നിന്ന് പടിയിറങ്ങി..

തേജസ്‌ ലേഖനം 14 ഒക്ടോബര്‍ 2010
ഒടുവില്‍ അലിയും പാര്‍ട്ടിയില്‍ നിന്ന് പടിയിറങ്ങി..


 അങ്ങിനെ മാക്‌ അലിയും സി.പി.എമ്മിനോടു മൊഴിചൊല്ലി യാത്ര പറഞ്ഞിറങ്ങി. ഒരു ദശാബ്ദത്തോളമായി മങ്കടയിലൂടെ മലപ്പുറത്തെ ചുവപ്പിക്കുവാന്‍ നേതൃത്വം നല്‍കിയ മാക്‌ അലിക്കും സി.പി.എമ്മിനെ തള്ളിപറയേണ്ടി വന്നിരിക്കുന്നു. സി.പി.എം ബന്ധമുപേക്ഷിച്ചു തടിസലാമത്താക്കുന്ന ആദ്യ വ്യക്തിയല്ല അലി, സി.പി.എമ്മിന്റെ ഇന്നുള്ള നേതൃത്വ ഗുണം കണക്കിലെടുത്താല്‍ അവസാനത്തേതാകുവാനും വഴിയില്ല.  കണ്ണൂരിലെ അത്ഭുതകുട്ടി തൊടുത്തു വിട്ട അമ്പിനു ഇത്രമാത്രം വജ്രായുധശേഷിയുണ്ടാകുമെന്ന് സി.പി.എം ഒരിക്കലും നിനച്ചിരിക്കില്ല. സി.പി.എം ബന്ധം ഉപെക്ഷിച്ചവര്‍ക്കും ഉപേക്ഷിക്കപ്പെട്ടവര്‍ക്കും തെരുവു വേശ്യയുടെ ഗതി പോലും കിട്ടാതെ അലഞ്ഞു തിരിയേണ്ടി വരുമെന്ന് നാളിതുവരെ സി.പി.എം ബോധപൂര്‍വ്വം ശ്രിഷ്ടിച്ചെടുത്ത പൊതധാരണക്കു കടകവിരുദ്ധമായി, സി.പി.എമിന്റെ നെഞ്ചത്തു തന്നെ പരസ്യമായി ചവിട്ടിക്കൊണ്ടു, പാര്‍ട്ടി പാലുകൊടുത്തു വലുതാകിയെന്നു അവകാശപ്പെടുന്ന സഖാക്കള്‍ വര്‍ഗ്ഗ ശത്രുവിന്റെ പൂമുഖപ്പടിയിലെ ചാരുകസേരയില്‍ നീണ്ടു നിവര്‍ന്നു ഇരിക്കുന്ന കാഴ്ച ഏതൊരു സഖാവിനും അല്‍പം ഉള്‍ക്കിടിലത്തോടെ മാത്രമേ കാണുവാന്‍ സാധിക്കൂ. എസ്‌.എഫ്‌.ഐ, ഡി.വൈ.എഫ്‌.ഐ പ്രസ്ഥാനങ്ങളിലൂടെ പാര്‍ട്ടിഘടനയിലേക്കു വന്ന അബ്ദുല്ല കുട്ടിക്ക്‌ തൊട്ടു പിന്നാലെ ആലപ്പുഴയില്‍ വി.എം സുധീരനെന്ന യോദ്ധാവിനെ മലര്‍ത്തിയടിച്ച ഡോ:എസ്‌. മനോജ്കുമാറും സി.പി.എം ബന്ധമുപേക്ഷിച്ച്‌ ലക്ഷ്മണ രേഖ കടന്നു പുറത്തുകടന്നു. 

എന്നാല്‍ ഏവരെയും അത്ഭുതപ്പെടുത്തിയത്‌ ഇവരാരുമല്ല കെ.ആര്‍ നാരായണന്‍ എന്ന മഹാരഥനിലൂടെ സി.പി.എമ്മിനു എന്നേന്നെക്കുമായി നഷ്ടപ്പെട്ടു എന്നു കരുത്തിയ ഒറ്റപ്പാലം ലോകസഭാ മണ്ഢലത്തെ പിടിച്ചടക്കുവാന്‍ സി.പി.എം രംഗത്തിറക്കിയ ശിവരാമന്‍ എന്ന നാണംകുണുങ്ങി പയ്യനായിരുന്നു പുതിയ മേച്ചില്‍ പുറം തേടി സി.പി.എം ബന്ധമുപേക്ഷിച്ചുകൊണ്ട്‌ പുറത്തുകടന്നത്‌. യാദൃശ്ചികമാകാം ഇവര്‍ക്കെല്ലാം പറയുവാനുള്ളത്‌ സി.പി.എമ്മിന്റെ മുഷ്കിനെ കുറിച്ചും സഖാക്കളുടെ ഇടനാഴികളിലെ ഒളിയമ്പുകളെ കുറിച്ചുമായിപ്പോയത്‌. 

ചുവപ്പന്‍ കൊടിക്കു പിടികൊടുക്കാതെ ബലികേറാമലയായി നില്‍ക്കുന്ന മണ്ഢലങ്ങളെ ചെഞ്ചായമണിയിക്കുവാന്‍ എക്കാലവും സി.പി.എം പയറ്റുന്ന തന്ത്രമാണു മണ്ഢലത്തില്‍ സുപരിചിതനായ വ്യക്തികളെ ഇടതുപക്ഷ സ്വതന്ത്രന്റെ വേഷമണിയിച്ചു മത്സരിപ്പിച്ചു മണ്ഢലം പിടിച്ചടക്കല്‍ . അതല്ലെങ്കില്‍ യുവജനപ്രസ്ഥാനങ്ങളില്‍ തിളങ്ങിനില്‍ക്കുന്ന ജനപ്രിയരായ യുവതുര്‍ക്കികളെ തന്നെ രംഗത്തിറക്കല്‍ . ജസ്റ്റിസ്‌ കൃഷ്ണയ്യര് മാതൃകയാക്കി കൊണ്ടു  ആയിരത്തി തൊള്ളായിരത്തി തൊണ്ണൂറ്റിയാറിലെ എറണാംകുളം ലോകസഭാ തെരഞ്ഞെടുപ്പില്‍ കോണ്‍ഗ്രസ്‌ നേതാവായിരുന്ന സേവ്യര്‍ അറക്കലിനെ ഇടതുപക്ഷ സ്വതന്ത്രനായി മത്സരരംഗത്തിറക്കിക്കൊണ്ട്‌ വി.വി. മേനോനു ശേഷം സി.പി.എം എറണാംകുളം ലോകസഭയില്‍ വേന്നിക്കൊടി പാറിച്ചു. പിന്നീട്‌ എറണംകുളത്തു തന്നെ ഡോ:സെബാസ്റ്റ്യന്‍ പോളിനെ ഇടതുപക്ഷ സ്വത്രന്ത്രന്റെ വേഷമണിയിച്ച്‌ രംഗത്തിറക്കി കോണ്‍ഗ്രസ്സിനു എറണംകുളം ലോകസഭ മണ്ഢലത്തിലുണ്ടായിരുന്നു കുത്തക ഇല്ലാതാക്കി. ബാബരീ മസ്ജിദിന്റെ തകര്‍ച്ചക്കു ശേഷം പൊതുബോധത്തില്‍ രൂപപ്പെട്ട കോണ്‍ഗ്രസ്‌ -ലീഗ്‌ വിരുദ്ധ തരംഗത്തെ മുതലെടുക്കുവാന്‍ ഒറ്റപ്പാലത്ത്‌ രംഗത്തിറക്കിയ യുവതുര്‍ക്കിയായിരുന്നു വിദ്യാര്‍ത്ഥിരാഷ്ട്രീയത്തില്‍ പോലും ഒരു കൈ നോക്കാത്ത എസ്‌.ശിവരാമന്‍. ഒറ്റപ്പാലത്തിന്റെ കോണ്‍ഗ്രസ്സ്‌ എം.പി കെ.ആര്‍.നാരായണന്‍ ഉപരാഷ്ട്രപതിയായ ഒഴിവില്‍ വന്ന ഉപതെഞ്ഞെടുപ്പില്‍ കോണ്‍ഗ്രസ്‌ നേതാവായ ബാലകൃഷ്ണനെ റെക്കോഡ്‌ ഭൂരിപക്ഷത്തിന്നു മലര്‍ത്തിയടിച്ചാണു ഒറ്റപ്പാലത്തെ സി.പി.എമിന്റെ പാര്‍ട്ടിഗ്രാമമാക്കി മാറ്റിയത്‌. 

പിന്നീട്‌ ഗുരുവായൂര്‍ നിയമസഭയിലേക്ക്‌ നടന്ന ഉപതെരഞ്ഞെടുപ്പിലും സി.പി.എം പൊതുസമ്മതനായ സ്വതന്ത്രസ്ഥാനാര്‍ത്ഥിയെ രംഗത്തിറക്കി മണ്ഢലം പിടിച്ചടക്കുക എന്ന തന്ത്രം തന്നെയാണു പയറ്റിയത്‌. ഗുരുവായൂര്‍ക്ക്‌ സുപരിചിതനും സിനിമാ സംവിധായകനുമായ പി.ടി.കുഞ്ഞുമുഹമ്മദിനെയാണു ലീഗിന്റെ എക്കാലത്തെയും ഉറച്ച കോട്ടയായ ഗുരുവായൂര്‍ പിടിച്ചടക്കുവാന്‍ നിയോഗിച്ചത്‌. ലീഗിന്റെ മത പന്ധിതനും പ്രാസംഗികനായ നേതാവ്‌ അബ്ദുസ്സമദ്‌ സമദാനിയെ രണ്ടായിരത്തില്‍ പരം വൊട്ടുകള്‍ക്കു പരാചയപ്പെടുത്തിക്കൊണ്ടാണു ചരിത്രത്തിലാദ്യമായി ഗുരുവായൂരില്‍ മാര്‍ക്കിസ്റ്റു പാര്‍ട്ടി ചെങ്കൊടി പാറിപ്പിച്ചത്‌. പിന്നീട്‌ ആലപ്പുഴയില്‍ ഡോ:മനോജ്‌ കുരുശിങ്കലിനെ രംഗത്തിറക്കിയത്‌ വി.എം.സുധീരനെന്ന യാഗ്വേഷത്തെ പിടിച്ചു കെട്ടാനായിരുന്നു. ഡോ:മനോജ്‌ ആ ഉത്തരവാദിതം പാര്‍ട്ടി ആഗ്രഹിക്കും പോലെ നിറവെറ്റി. ഏതാണ്ടീ സമയത്തു തന്നെയാണു സി.പി.എമ്മിന്റെ ചരിത്രപ്രസിദ്ധമായ മലപ്പ്‌റം കുന്നുകയറ്റം നടക്കുന്നത്‌. 








ബാബരീ മസ്ജിദിന്റെ തകര്‍ച്ചയോടെ ലിഗിനെതിരെ മുസ്ലിം സമൂഹത്തില്‍ രൂപം കൊണ്ട ലീഗ്‌ വിരുദ്ധ മനോഭാവവും ലീഗിന്റെ അഹങ്കാരത്തിലും മുഷ്കിലു മനം മടുത്ത വലിയൊരു വിഭാഗം ജനങ്ങളും ഒരവസരം കിട്ടാന്‍ കാത്തുനില്‍ക്കുകയായിരുന്നു മലപ്പുറത്ത്‌. വീണുകിട്ടിയ അവസരം സി.പി.എം ശരിക്കുമുപയോഗപ്പെടുത്തി. ലീഗിന്റെ കുത്തകമണ്ഢലമായ മങ്കട പിടിച്ചടക്കുവാന്‍ സി.പി.എം കണ്ടെത്തിയത്‌ പൊതുസമ്മതനും, കച്ചവടവും, അല്‍പസ്വല്‍പം സിനിമാ നിര്‍മ്മാണവും, വിതരണവുമൊക്കെയായി കഴിഞ്ഞു കൂടിയിരുന്ന മാക്‌ അലി എന്ന മഞ്ഞളാംകുഴി അലിയെയായിരുന്നു. അലിയുടെ കച്ചവടവും പൊതുജനസമ്മതിയുമൊക്കെ സി.പി.എം മണ്ഢലം ചുവപ്പിക്കുവാന്‍ ആവൊളം ഉപയോഗപ്പെടുത്തി. കച്ചവടകാരനെന്നത്‌ അലിയുടെ കോട്ടാമായി പാര്‍ട്ടി ഇപ്പോള്‍ പറയുന്നുണ്ടെങ്കിലും പാര്‍ട്ടിയുടെ നല്ലപിള്ളയായി കഴിയുമ്പോള്‍ ഇതൊക്കെ നേട്ടമായി പാര്‍ട്ടി കണ്ടിരുന്നു. ഏറ്റവുമവസാനം സ്വതന്ത്ര വേഷമണിയിച്ചു മണ്ഢലം പിടിച്ചടക്കുവാന്‍ പാര്‍ട്ടി രംഗത്തിറക്കിയ സ്വതന്ത്രനാണു ലിഗില്‍ നിന്നു പുറത്താക്കപ്പെട്ടു രക്തസാക്ഷിത പരിവേഷമണിഞ്ഞ കെ.ടി ജലീല്‍. കുറ്റിപ്പുറമെന്ന ലീഗിന്റെ കുത്തക മണ്ഢലത്തില്‍ ലീഗിന്റെ മിശിഹയായിരുന്ന പി.കെ.കുഞ്ഞാലിക്കുട്ടിയെ തറപറ്റിച്ചു തലയില്‍ മുണ്ടീടിപ്പിച്ചാണു ജലീല്‍ ഇടതുപക്ഷത്തിന്നു വേണ്ടി കുറ്റിപ്പുറത്ത്‌ ചരിത്രമെഴുതിയത്‌. 
സി.പി.എമ്മിന്റെ ഉരുക്ക് കോട്ടയായി പെരുമ ഉണ്ടെങ്കിലും ലോകസഭയില്‍ ഒരു എം.പി യെ സംഭാവന ചെയ്യുവാന്‍ പലവട്ടം ശ്രമിച്ചിട്ടും സാധിക്കാതിരുന്ന മാര്‍ക്കിസ്റ്റു പാര്‍ട്ടിക്ക് വേണ്ടി കണ്ണൂരില്‍ ചെങ്കൊടി പാരിച്ചത് അബ്ദുള്ളകുട്ടി എന്നാ അത്ഭുതകുട്ടി ആയിരുന്നു.

എന്നാല്‍ ഇപ്പോള്‍ നടക്കുന്നത്‌ ചരിത്രത്തിന്റെ തിരിഞ്ഞുനടത്തമാണോ? സി.പി.എമ്മില്‍ വിശ്വസിച്ച്‌ സി.പി.എം സഹയാത്രികരും പ്രവര്‍ത്തകരുമൊക്കെയായ വലിയൊരു വിഭാഗം മാറിയ സാഹചര്യത്തില്‍ മാര്‍ക്കിസ്റ്റ്‌ ബാന്ധവം ഉപെക്ഷിച്ച്കൊണ്ട്‌ പുറത്തുകടന്നുകൊണ്ടിരിക്കുകയാണെന്നു പറയാം. സി.പി.എമ്മിനു അഭിമതരാകുമ്പോള്‍ അടയാഭരണങ്ങളായി പാര്‍ട്ടി കൊണ്ടുനടന്നിരുന്ന പലതും പിന്നീട്‌ പര്‍ട്ടിയുടെ ഗുഡ്ബുക്കില്‍ നിന്നും മാറ്റപ്പെടുമ്പ്പോള്‍ മുള്‍കിരീടമായി മാറുന്ന അവസ്ഥയുണ്ട്‌. കച്ചവടക്കാരനും, സിനിമാക്കാരനുമായ അലിയുടെ പേരും, സമ്പത്തും, പ്രശസ്തിയുമൊക്കെ ആവൊളമുപയോഗപ്പെടുത്തിയ പാര്‍ട്ടി തന്നെ ഒരവസരത്തില്‍ കച്ചവടക്കാരനായ അലിയെ ഇകഴ്ത്തി സംസാരിക്കുന്നത്‌ യാദൃശ്ചികമാകാം. ആലപ്പുഴയില്‍ പാര്‍ട്ടി വളര്‍ത്തികൊണ്ടുവന്ന യുവനേതാവ്‌ ടി.ജെ ആഞ്ചലോസ്‌ പിന്നീട്‌ പാര്‍ട്ടിക്ക്‌ അനഭിമതനായപ്പോള്‍ "പാര്‍ട്ടി ഓഫിസ്‌ തിണ്ണയില്‍ ഉറങ്ങിയിരുന്ന വെറുമൊരു മീന്‍ പെറുക്കി"യായി മാറിയത്‌ ഇവിടെ ചേര്‍ത്തുവായിക്കാം. അബ്ദുല്ലകുട്ടിയുടെ കച്ചവടമൊക്കെ സി.പി.എമ്മിലെ അവസാനഘട്ടത്തില്‍ ചര്‍ച്ചയായി മാറിയിരുന്നു. ഗള്‍ഫ്‌ നാടുകളില്‍ സ്വന്തം പേരിലും, ബിനാമി പേരിലും ബിസിനസ്‌ സാമ്രാജ്യങ്ങല്‍ കെട്ടിപൊക്കിയ സെക്രട്ടറിയേറ്റ്‌-പോളിറ്റ്‌ ബ്യൂറോ നേതാക്കള്‍ തന്നെയാണു ഏതെങ്കിലും പെട്ടിക്കടയിലോ, സ്റ്റേഷനറിക്കടയിലോ നിത്യവൃത്തിക്കുവേണ്ടി ഷെയര്‍ ചേരുന്നതിനെ വര്‍ഗ്ഗവഞ്ചനായി ചിത്രികരിക്കുന്നത്‌. ഇതിനപ്പുറം ശൃദ്ധയാകര്‍ഷിക്കുന്ന ഒരു വസ്തുത പുറത്തുപോയ വലിയൊരു വിഭാഗം നേതാക്കളും പറഞ്ഞത്‌ തങ്ങളൊക്കെ സി.പി.എം ഗ്രൂപ്പിസത്തിന്റെ ഇരകളാണെന്നാണു. സി.പി.എമ്മില്‍ നിലനില്‍ക്കുന്ന അധികാരവടംവലിയില്‍ നേതൃത്വത്തിന്ന് അനഭിമതരായവരുടെ പക്ഷം ചേരാന്‍ ശ്രമിച്ചു എന്നതാണു അബ്ദുല്ലകുട്ടി മുതല്‍ അലിവരെയുള്ള നേതാക്കള്‍ ചെയ്ത വന്‍പാപം. പാര്‍ട്ടിയിലെ ഇപ്പോഴത്തെ കണ്ണൂര്‍ നേതൃത്വത്തിന്നു അനഭിമതനായ മുഖ്യമന്ത്രി മലപ്പുറത്തു വരുമ്പോഴൊക്കെ താമസിച്ചിരുന്നത്‌ മാക്‌ അലിയുടെ വീട്ടിലായിരുന്നു എന്നത്‌ ഇവിടെ ശ്രദ്ധേയമാണു. ദശാബ്ദത്തൊളമായി സി.പി.എമ്മിന്റെ ലോകസഭാ നേതാവായിരുന്ന ലോകസഭാ സ്പീക്കറായിരുന്ന സോമനാഥ ചാറ്റര്‍ജി പാര്‍ട്ടിയുമായുള്ള ബന്ധമുപേക്ഷിക്കപ്പെട്ടതിനു ശേഷം പറഞ്ഞത്‌ "വര്‍ഷങ്ങള്‍ക്കു ശേഷം മനസമാധാനത്തോടെയും, പാര്‍ട്ടിയുടെ തിട്ടൂരം ഭയപ്പെടാതെയും' സിനിമ കണ്ടു, കിടന്നുറങ്ങി എന്നാണു. സി.പി.എമ്മില്‍ നിന്നു പുറത്തുപോകുന്നവരൊക്കെ പിന്നീറ്റ്‌ അവരനുഭവിക്കുന്ന സ്വാതന്ത്ര്യത്തെ കുറിച്ചാണു കൂടുതലും സം സാരിക്കുന്നതെന്നാണു സോമനാഥ ചാറ്റര്‍ജിയുടെ ഈ പ്രസ്ഥവന സൂചിപ്പിക്കുന്നത്‌. 

അതെ സമയം മുന്‍പ്‌ സൂചിപ്പിക്കപ്പെട്ടപോലെ സി.പി.എമ്മിനാല്‍ നിശ്കാസിതനാക്കപ്പെട്ടാല്‍ ഒരിടത്തും ഗതികിട്ടുകയില്ല എന്ന ആപ്തവാക്യം ഇപ്പോള്‍ തിരുത്തപ്പെടുകയാണു. സ്വതന്ത്രവേഷമണിയിച്ച്‌ മറ്റുപാര്‍ട്ടി പ്രവര്‍ത്തകരെ സി.പി.എം സഹയാത്രികരും പിന്നീട്‌ പാര്‍ട്ടിക്കാരുമാക്കുന്ന സി.പി.എം തന്ത്രം ഇപ്പോള്‍ അതേ നാണയത്തില്‍ സി.പി.എമ്മിനു എതിരായി വന്നുകൊണ്ടിരിക്കുന്നു. യാചകാരായല്ല രാജകീയമായി തന്നെ ഇതില്‍ പലരും വര്‍ഗ്ഗവഞ്ചകരുടെ കൂടാരത്തിലേക്ക്‌ ആനയിക്കപ്പെടുന്നത്‌ സി.പി.എമ്മിന്റെ ഇത്രയും നാളത്തെ ഫാഷിസ്റ്റ്‌ അക്രമ മുഷ്കിനുള്ള മറുപടി കൂടിയാണു. അബ്ദുല്ല കുട്ടിക്കും, മനോജിനും, ശിവരാമനും, ആഞ്ചലോസിനും ശേഷം പാര്‍ട്ടിയുടെ മലപ്പുറം ചുണ്ടന്‍ അമരക്കാരന്‍ മഞ്ഞളാംകുഴി അലി കൂടി പടി ഇറങ്ങുമ്പോള്‍ ഡോ:സെബാസ്റ്റ്യന്‍ പോളിനെ പോലുള്ളവര്‍ പാര്‍ട്ടിയുമായി ഇണങ്ങിയും പിണങ്ങിയും തട്ടിമുട്ടി മുന്നോട്ടു പോകുന്നു. പിണറായി വിജയന്റെ ഇടതുവശം ചേര്‍ന്നു എല്ലായ്പ്പോഴും നടക്കുവാന്‍ ശ്രമിക്കുന്ന കുറ്റിപുറതെ അവസാന എം.എല്‍.എ ഡോ"കെ.ടി.ജലീലിന്റെ ഊഴം ഇനിയെപ്പോഴാണെന്ന ചോദ്യം കൂടെ സ്വാഭാവികമായും ഉയര്‍ന്നു വരാം. 
by
Noufal.P.K

Monday, October 11, 2010

ഒടുവില്‍ അലിയും പടിയിറങ്ങി..

 അങ്ങിനെ മാക്‌ അലിയും സി.പി.എമ്മിനോടു മൊഴിചൊല്ലി യാത്ര പറഞ്ഞിറങ്ങി. ഒരു ദശാബ്ദത്തോളമായി മങ്കടയിലൂടെ മലപ്പുറത്തെ ചുവപ്പിക്കുവാന്‍ നേതൃത്വം നല്‍കിയ മാക്‌ അലിക്കും സി.പി.എമ്മിനെ തള്ളിപറയേണ്ടി വന്നിരിക്കുന്നു. സി.പി.എം ബന്ധമുപേക്ഷിച്ചു തടിസലാമത്താക്കുന്ന ആദ്യ വ്യക്തിയല്ല അലി, സി.പി.എമ്മിന്റെ ഇന്നുള്ള നേതൃത്വ ഗുണം കണക്കിലെടുത്താല്‍ അവസാനത്തേതാകുവാനും വഴിയില്ല. 

 കണ്ണൂരിലെ അത്ഭുതകുട്ടി തൊടുത്തു വിട്ട അമ്പിനു ഇത്രമാത്രം വജ്രായുധശേഷിയുണ്ടാകുമെന്ന് സി.പി.എം ഒരിക്കലും നിനച്ചിരിക്കില്ല. സി.പി.എം ബന്ധം ഉപെക്ഷിച്ചവര്‍ക്കും ഉപേക്ഷിക്കപ്പെട്ടവര്‍ക്കും തെരുവു വേശ്യയുടെ ഗതി പോലും കിട്ടാതെ അലഞ്ഞു തിരിയേണ്ടി വരുമെന്ന് നാളിതുവരെ സി.പി.എം ബോധപൂര്‍വ്വം ശ്രിഷ്ടിച്ചെടുത്ത പൊതധാരണക്കു കടകവിരുദ്ധമായി, സി.പി.എമിന്റെ നെഞ്ചത്തു തന്നെ പരസ്യമായി ചവിട്ടിക്കൊണ്ടു, പാര്‍ട്ടി പാലുകൊടുത്തു വലുതാകിയെന്നു അവകാശപ്പെടുന്ന സഖാക്കള്‍ വര്‍ഗ്ഗ ശത്രുവിന്റെ പൂമുഖപ്പടിയിലെ ചാരുകസേരയില്‍ നീണ്ടു നിവര്‍ന്നു ഇരിക്കുന്ന കാഴ്ച ഏതൊരു സഖാവിനും അല്‍പം ഉള്‍ക്കിടിലത്തോടെ മാത്രമേ കാണുവാന്‍ സാധിക്കൂ. എസ്‌.എഫ്‌.ഐ, ഡി.വൈ.എഫ്‌.ഐ പ്രസ്ഥാനങ്ങളിലൂടെ പാര്‍ട്ടിഘടനയിലേക്കു വന്ന അബ്ദുല്ല കുട്ടിക്ക്‌ തൊട്ടു പിന്നാലെ ആലപ്പുഴയില്‍ വി.എം സുധീരനെന്ന യോദ്ധാവിനെ മലര്‍ത്തിയടിച്ച ഡോ:എസ്‌. മനോജ്കുമാറും സി.പി.എം ബന്ധമുപേക്ഷിച്ച്‌ ലക്ഷ്മണ രേഖ കടന്നു പുറത്തുകടന്നു. 

എന്നാല്‍ ഏവരെയും അത്ഭുതപ്പെടുത്തിയത്‌ ഇവരാരുമല്ല കെ.ആര്‍ നാരായണന്‍ എന്ന മഹാരഥനിലൂടെ സി.പി.എമ്മിനു എന്നേന്നെക്കുമായി നഷ്ടപ്പെട്ടു എന്നു കരുത്തിയ ഒറ്റപ്പാലം ലോകസഭാ മണ്ഢലത്തെ പിടിച്ചടക്കുവാന്‍ സി.പി.എം രംഗത്തിറക്കിയ ശിവരാമന്‍ എന്ന നാണംകുണുങ്ങി പയ്യനായിരുന്നു പുതിയ മേച്ചില്‍ പുറം തേടി സി.പി.എം ബന്ധമുപേക്ഷിച്ചുകൊണ്ട്‌ പുറത്തുകടന്നത്‌. യാദൃശ്ചികമാകാം ഇവര്‍ക്കെല്ലാം പറയുവാനുള്ളത്‌ സി.പി.എമ്മിന്റെ മുഷ്കിനെ കുറിച്ചും സഖാക്കളുടെ ഇടനാഴികളിലെ ഒളിയമ്പുകളെ കുറിച്ചുമായിപ്പോയത്‌. 

ചുവപ്പന്‍ കൊടിക്കു പിടികൊടുക്കാതെ ബലികേറാമലയായി നില്‍ക്കുന്ന മണ്ഢലങ്ങളെ ചെഞ്ചായമണിയിക്കുവാന്‍ എക്കാലവും സി.പി.എം പയറ്റുന്ന തന്ത്രമാണു മണ്ഢലത്തില്‍ സുപരിചിതനായ വ്യക്തികളെ ഇടതുപക്ഷ സ്വതന്ത്രന്റെ വേഷമണിയിച്ചു മത്സരിപ്പിച്ചു മണ്ഢലം പിടിച്ചടക്കല്‍ . അതല്ലെങ്കില്‍ യുവജനപ്രസ്ഥാനങ്ങളില്‍ തിളങ്ങിനില്‍ക്കുന്ന ജനപ്രിയരായ യുവതുര്‍ക്കികളെ തന്നെ രംഗത്തിറക്കല്‍ . ജസ്റ്റിസ്‌ കൃഷ്ണയ്യര് മാതൃകയാക്കി കൊണ്ടു  ആയിരത്തി തൊള്ളായിരത്തി തൊണ്ണൂറ്റിയാറിലെ എറണാംകുളം ലോകസഭാ തെരഞ്ഞെടുപ്പില്‍ കോണ്‍ഗ്രസ്‌ നേതാവായിരുന്ന സേവ്യര്‍ അറക്കലിനെ ഇടതുപക്ഷ സ്വതന്ത്രനായി മത്സരരംഗത്തിറക്കിക്കൊണ്ട്‌ വി.വി. മേനോനു ശേഷം സി.പി.എം എറണാംകുളം ലോകസഭയില്‍ വേന്നിക്കൊടി പാറിച്ചു. പിന്നീട്‌ എറണംകുളത്തു തന്നെ ഡോ:സെബാസ്റ്റ്യന്‍ പോളിനെ ഇടതുപക്ഷ സ്വത്രന്ത്രന്റെ വേഷമണിയിച്ച്‌ രംഗത്തിറക്കി കോണ്‍ഗ്രസ്സിനു എറണംകുളം ലോകസഭ മണ്ഢലത്തിലുണ്ടായിരുന്നു കുത്തക ഇല്ലാതാക്കി. ബാബരീ മസ്ജിദിന്റെ തകര്‍ച്ചക്കു ശേഷം പൊതുബോധത്തില്‍ രൂപപ്പെട്ട കോണ്‍ഗ്രസ്‌ -ലീഗ്‌ വിരുദ്ധ തരംഗത്തെ മുതലെടുക്കുവാന്‍ ഒറ്റപ്പാലത്ത്‌ രംഗത്തിറക്കിയ യുവതുര്‍ക്കിയായിരുന്നു വിദ്യാര്‍ത്ഥിരാഷ്ട്രീയത്തില്‍ പോലും ഒരു കൈ നോക്കാത്ത എസ്‌.ശിവരാമന്‍. ഒറ്റപ്പാലത്തിന്റെ കോണ്‍ഗ്രസ്സ്‌ എം.പി കെ.ആര്‍.നാരായണന്‍ ഉപരാഷ്ട്രപതിയായ ഒഴിവില്‍ വന്ന ഉപതെഞ്ഞെടുപ്പില്‍ കോണ്‍ഗ്രസ്‌ നേതാവായ ബാലകൃഷ്ണനെ റെക്കോഡ്‌ ഭൂരിപക്ഷത്തിന്നു മലര്‍ത്തിയടിച്ചാണു ഒറ്റപ്പാലത്തെ സി.പി.എമിന്റെ പാര്‍ട്ടിഗ്രാമമാക്കി മാറ്റിയത്‌. 

പിന്നീട്‌ ഗുരുവായൂര്‍ നിയമസഭയിലേക്ക്‌ നടന്ന ഉപതെരഞ്ഞെടുപ്പിലും സി.പി.എം പൊതുസമ്മതനായ സ്വതന്ത്രസ്ഥാനാര്‍ത്ഥിയെ രംഗത്തിറക്കി മണ്ഢലം പിടിച്ചടക്കുക എന്ന തന്ത്രം തന്നെയാണു പയറ്റിയത്‌. ഗുരുവായൂര്‍ക്ക്‌ സുപരിചിതനും സിനിമാ സംവിധായകനുമായ പി.ടി.കുഞ്ഞുമുഹമ്മദിനെയാണു ലീഗിന്റെ എക്കാലത്തെയും ഉറച്ച കോട്ടയായ ഗുരുവായൂര്‍ പിടിച്ചടക്കുവാന്‍ നിയോഗിച്ചത്‌. ലീഗിന്റെ മത പന്ധിതനും പ്രാസംഗികനായ നേതാവ്‌ അബ്ദുസ്സമദ്‌ സമദാനിയെ രണ്ടായിരത്തില്‍ പരം വൊട്ടുകള്‍ക്കു പരാചയപ്പെടുത്തിക്കൊണ്ടാണു ചരിത്രത്തിലാദ്യമായി ഗുരുവായൂരില്‍ മാര്‍ക്കിസ്റ്റു പാര്‍ട്ടി ചെങ്കൊടി പാറിപ്പിച്ചത്‌. പിന്നീട്‌ ആലപ്പുഴയില്‍ ഡോ:മനോജ്‌ കുരുശിങ്കലിനെ രംഗത്തിറക്കിയത്‌ വി.എം.സുധീരനെന്ന യാഗ്വേഷത്തെ പിടിച്ചു കെട്ടാനായിരുന്നു. ഡോ:മനോജ്‌ ആ ഉത്തരവാദിതം പാര്‍ട്ടി ആഗ്രഹിക്കും പോലെ നിറവെറ്റി. ഏതാണ്ടീ സമയത്തു തന്നെയാണു സി.പി.എമ്മിന്റെ ചരിത്രപ്രസിദ്ധമായ മലപ്പ്‌റം കുന്നുകയറ്റം നടക്കുന്നത്‌. 


ബാബരീ മസ്ജിദിന്റെ തകര്‍ച്ചയോടെ ലിഗിനെതിരെ മുസ്ലിം സമൂഹത്തില്‍ രൂപം കൊണ്ട ലീഗ്‌ വിരുദ്ധ മനോഭാവവും ലീഗിന്റെ അഹങ്കാരത്തിലും മുഷ്കിലു മനം മടുത്ത വലിയൊരു വിഭാഗം ജനങ്ങളും ഒരവസരം കിട്ടാന്‍ കാത്തുനില്‍ക്കുകയായിരുന്നു മലപ്പുറത്ത്‌. വീണുകിട്ടിയ അവസരം സി.പി.എം ശരിക്കുമുപയോഗപ്പെടുത്തി. ലീഗിന്റെ കുത്തകമണ്ഢലമായ മങ്കട പിടിച്ചടക്കുവാന്‍ സി.പി.എം കണ്ടെത്തിയത്‌ പൊതുസമ്മതനും, കച്ചവടവും, അല്‍പസ്വല്‍പം സിനിമാ നിര്‍മ്മാണവും, വിതരണവുമൊക്കെയായി കഴിഞ്ഞു കൂടിയിരുന്ന മാക്‌ അലി എന്ന മഞ്ഞളാംകുഴി അലിയെയായിരുന്നു. അലിയുടെ കച്ചവടവും പൊതുജനസമ്മതിയുമൊക്കെ സി.പി.എം മണ്ഢലം ചുവപ്പിക്കുവാന്‍ ആവൊളം ഉപയോഗപ്പെടുത്തി. കച്ചവടകാരനെന്നത്‌ അലിയുടെ കോട്ടാമായി പാര്‍ട്ടി ഇപ്പോള്‍ പറയുന്നുണ്ടെങ്കിലും പാര്‍ട്ടിയുടെ നല്ലപിള്ളയായി കഴിയുമ്പോള്‍ ഇതൊക്കെ നേട്ടമായി പാര്‍ട്ടി കണ്ടിരുന്നു. ഏറ്റവുമവസാനം സ്വതന്ത്ര വേഷമണിയിച്ചു മണ്ഢലം പിടിച്ചടക്കുവാന്‍ പാര്‍ട്ടി രംഗത്തിറക്കിയ സ്വതന്ത്രനാണു ലിഗില്‍ നിന്നു പുറത്താക്കപ്പെട്ടു രക്തസാക്ഷിത പരിവേഷമണിഞ്ഞ കെ.ടി ജലീല്‍. കുറ്റിപ്പുറമെന്ന ലീഗിന്റെ കുത്തക മണ്ഢലത്തില്‍ ലീഗിന്റെ മിശിഹയായിരുന്ന പി.കെ.കുഞ്ഞാലിക്കുട്ടിയെ തറപറ്റിച്ചു തലയില്‍ മുണ്ടീടിപ്പിച്ചാണു ജലീല്‍ ഇടതുപക്ഷത്തിന്നു വേണ്ടി കുറ്റിപ്പുറത്ത്‌ ചരിത്രമെഴുതിയത്‌. 
സി.പി.എമ്മിന്റെ ഉരുക്ക് കോട്ടയായി പെരുമ ഉണ്ടെങ്കിലും ലോകസഭയില്‍ ഒരു എം.പി യെ സംഭാവന ചെയ്യുവാന്‍ പലവട്ടം ശ്രമിച്ചിട്ടും സാധിക്കാതിരുന്ന മാര്‍ക്കിസ്റ്റു പാര്‍ട്ടിക്ക് വേണ്ടി കണ്ണൂരില്‍ ചെങ്കൊടി പാരിച്ചത് അബ്ദുള്ളകുട്ടി എന്നാ അത്ഭുതകുട്ടി ആയിരുന്നു.

എന്നാല്‍ ഇപ്പോള്‍ നടക്കുന്നത്‌ ചരിത്രത്തിന്റെ തിരിഞ്ഞുനടത്തമാണോ? സി.പി.എമ്മില്‍ വിശ്വസിച്ച്‌ സി.പി.എം സഹയാത്രികരും പ്രവര്‍ത്തകരുമൊക്കെയായ വലിയൊരു വിഭാഗം മാറിയ സാഹചര്യത്തില്‍ മാര്‍ക്കിസ്റ്റ്‌ ബാന്ധവം ഉപെക്ഷിച്ച്കൊണ്ട്‌ പുറത്തുകടന്നുകൊണ്ടിരിക്കുകയാണെന്നു പറയാം. സി.പി.എമ്മിനു അഭിമതരാകുമ്പോള്‍ അടയാഭരണങ്ങളായി പാര്‍ട്ടി കൊണ്ടുനടന്നിരുന്ന പലതും പിന്നീട്‌ പര്‍ട്ടിയുടെ ഗുഡ്ബുക്കില്‍ നിന്നും മാറ്റപ്പെടുമ്പ്പോള്‍ മുള്‍കിരീടമായി മാറുന്ന അവസ്ഥയുണ്ട്‌. കച്ചവടക്കാരനും, സിനിമാക്കാരനുമായ അലിയുടെ പേരും, സമ്പത്തും, പ്രശസ്തിയുമൊക്കെ ആവൊളമുപയോഗപ്പെടുത്തിയ പാര്‍ട്ടി തന്നെ ഒരവസരത്തില്‍ കച്ചവടക്കാരനായ അലിയെ ഇകഴ്ത്തി സംസാരിക്കുന്നത്‌ യാദൃശ്ചികമാകാം. ആലപ്പുഴയില്‍ പാര്‍ട്ടി വളര്‍ത്തികൊണ്ടുവന്ന യുവനേതാവ്‌ ടി.ജെ ആഞ്ചലോസ്‌ പിന്നീട്‌ പാര്‍ട്ടിക്ക്‌ അനഭിമതനായപ്പോള്‍ "പാര്‍ട്ടി ഓഫിസ്‌ തിണ്ണയില്‍ ഉറങ്ങിയിരുന്ന വെറുമൊരു മീന്‍ പെറുക്കി"യായി മാറിയത്‌ ഇവിടെ ചേര്‍ത്തുവായിക്കാം. അബ്ദുല്ലകുട്ടിയുടെ കച്ചവടമൊക്കെ സി.പി.എമ്മിലെ അവസാനഘട്ടത്തില്‍ ചര്‍ച്ചയായി മാറിയിരുന്നു. ഗള്‍ഫ്‌ നാടുകളില്‍ സ്വന്തം പേരിലും, ബിനാമി പേരിലും ബിസിനസ്‌ സാമ്രാജ്യങ്ങല്‍ കെട്ടിപൊക്കിയ സെക്രട്ടറിയേറ്റ്‌-പോളിറ്റ്‌ ബ്യൂറോ നേതാക്കള്‍ തന്നെയാണു ഏതെങ്കിലും പെട്ടിക്കടയിലോ, സ്റ്റേഷനറിക്കടയിലോ നിത്യവൃത്തിക്കുവേണ്ടി ഷെയര്‍ ചേരുന്നതിനെ വര്‍ഗ്ഗവഞ്ചനായി ചിത്രികരിക്കുന്നത്‌. ഇതിനപ്പുറം ശൃദ്ധയാകര്‍ഷിക്കുന്ന ഒരു വസ്തുത പുറത്തുപോയ വലിയൊരു വിഭാഗം നേതാക്കളും പറഞ്ഞത്‌ തങ്ങളൊക്കെ സി.പി.എം ഗ്രൂപ്പിസത്തിന്റെ ഇരകളാണെന്നാണു. സി.പി.എമ്മില്‍ നിലനില്‍ക്കുന്ന അധികാരവടംവലിയില്‍ നേതൃത്വത്തിന്ന് അനഭിമതരായവരുടെ പക്ഷം ചേരാന്‍ ശ്രമിച്ചു എന്നതാണു അബ്ദുല്ലകുട്ടി മുതല്‍ അലിവരെയുള്ള നേതാക്കള്‍ ചെയ്ത വന്‍പാപം. പാര്‍ട്ടിയിലെ ഇപ്പോഴത്തെ കണ്ണൂര്‍ നേതൃത്വത്തിന്നു അനഭിമതനായ മുഖ്യമന്ത്രി മലപ്പുറത്തു വരുമ്പോഴൊക്കെ താമസിച്ചിരുന്നത്‌ മാക്‌ അലിയുടെ വീട്ടിലായിരുന്നു എന്നത്‌ ഇവിടെ ശ്രദ്ധേയമാണു. ദശാബ്ദത്തൊളമായി സി.പി.എമ്മിന്റെ ലോകസഭാ നേതാവായിരുന്ന ലോകസഭാ സ്പീക്കറായിരുന്ന സോമനാഥ ചാറ്റര്‍ജി പാര്‍ട്ടിയുമായുള്ള ബന്ധമുപേക്ഷിക്കപ്പെട്ടതിനു ശേഷം പറഞ്ഞത്‌ "വര്‍ഷങ്ങള്‍ക്കു ശേഷം മനസമാധാനത്തോടെയും, പാര്‍ട്ടിയുടെ തിട്ടൂരം ഭയപ്പെടാതെയും' സിനിമ കണ്ടു, കിടന്നുറങ്ങി എന്നാണു. സി.പി.എമ്മില്‍ നിന്നു പുറത്തുപോകുന്നവരൊക്കെ പിന്നീറ്റ്‌ അവരനുഭവിക്കുന്ന സ്വാതന്ത്ര്യത്തെ കുറിച്ചാണു കൂടുതലും സം സാരിക്കുന്നതെന്നാണു സോമനാഥ ചാറ്റര്‍ജിയുടെ ഈ പ്രസ്ഥവന സൂചിപ്പിക്കുന്നത്‌. 

അതെ സമയം മുന്‍പ്‌ സൂചിപ്പിക്കപ്പെട്ടപോലെ സി.പി.എമ്മിനാല്‍ നിശ്കാസിതനാക്കപ്പെട്ടാല്‍ ഒരിടത്തും ഗതികിട്ടുകയില്ല എന്ന ആപ്തവാക്യം ഇപ്പോള്‍ തിരുത്തപ്പെടുകയാണു. സ്വതന്ത്രവേഷമണിയിച്ച്‌ മറ്റുപാര്‍ട്ടി പ്രവര്‍ത്തകരെ സി.പി.എം സഹയാത്രികരും പിന്നീട്‌ പാര്‍ട്ടിക്കാരുമാക്കുന്ന സി.പി.എം തന്ത്രം ഇപ്പോള്‍ അതേ നാണയത്തില്‍ സി.പി.എമ്മിനു എതിരായി വന്നുകൊണ്ടിരിക്കുന്നു. യാചകാരായല്ല രാജകീയമായി തന്നെ ഇതില്‍ പലരും വര്‍ഗ്ഗവഞ്ചകരുടെ കൂടാരത്തിലേക്ക്‌ ആനയിക്കപ്പെടുന്നത്‌ സി.പി.എമ്മിന്റെ ഇത്രയും നാളത്തെ ഫാഷിസ്റ്റ്‌ അക്രമ മുഷ്കിനുള്ള മറുപടി കൂടിയാണു. അബ്ദുല്ല കുട്ടിക്കും, മനോജിനും, ശിവരാമനും, ആഞ്ചലോസിനും ശേഷം പാര്‍ട്ടിയുടെ മലപ്പുറം ചുണ്ടന്‍ അമരക്കാരന്‍ മഞ്ഞളാംകുഴി അലി കൂടി പടി ഇറങ്ങുമ്പോള്‍ ഡോ:സെബാസ്റ്റ്യന്‍ പോളിനെ പോലുള്ളവര്‍ പാര്‍ട്ടിയുമായി ഇണങ്ങിയും പിണങ്ങിയും തട്ടിമുട്ടി മുന്നോട്ടു പോകുന്നു. പിണറായി വിജയന്റെ ഇടതുവശം ചേര്‍ന്നു എല്ലായ്പ്പോഴും നടക്കുവാന്‍ ശ്രമിക്കുന്ന കുറ്റിപുറതെ അവസാന എം.എല്‍.എ ഡോ"കെ.ടി.ജലീലിന്റെ ഊഴം ഇനിയെപ്പോഴാണെന്ന ചോദ്യം കൂടെ സ്വാഭാവികമായും ഉയര്‍ന്നു വരാം. 
by
Noufal.P.K

Saturday, October 9, 2010

സി.പി.എം അറക്കല്‍ ബീവിക്കു പിന്നാലെ..



സി.പി.എമ്മിന്റെ എന്നത്തേയും നിയോഗമാണത്‌. ചരിത്രത്തിലേക്കുള്ള തിരിഞ്ഞുനടത്തം. ആദ്യം ശക്തമായി എതിര്‍ക്കുക. പിന്നീട്‌ പാമ്പിന്റെ നടുകഷ്ണം തന്നെ ഭക്ഷിച്ച്‌ പ്രായശ്ചിത്തം ചെയ്യുക. മാര്‍ക്കിസ്റ്റു പാര്‍ട്ടിയുടെ ഇതപര്യന്തമായ ചരിത്രം പരിശോധിച്ചാല്‍, പാര്‍ട്ടി രൂക്ഷമായ ഭാഷയില്‍ അക്രമിച്ചവരും,എതിര്‍ത്തവരുമൊക്കെ താമസിയാത പാര്‍ട്ടിയുടെ ചാര്‍ച്ചക്കാരായി മാറിയതായാണു കാണാന്‍ കഴിയുന്നത്‌. വന്‍കിടവ്യവസായങ്ങള്‍ക്കെതിരെ ശബ്ദമുയര്‍ത്തിയിരുന്ന മാര്‍ക്കിസ്ട്ടു പാര്‍ട്ടി ഭരിക്കുന്ന ബംഗാളിലാണു ഇപ്പോള്‍ ആഗോള ഭീമന്മാരായ വ്യവാസായികള്‍ക്കു ചുവന്നപരവതാനി വിരിച്ചു പാര്‍ട്ടി കാതിരിക്കുന്നത്‌. ഇന്തോനേഷ്യന്‍ കമ്പനിയായ സലീംഗ്രൂപ്പും, ടാറ്റയും, ബിര്‍ലയുമൊക്കെ മാര്‍ക്കിസ്റ്റു സര്‍ക്കാരിന്റെ ഇഷ്ടകാരായി തീര്‍ന്നിരിക്കുന്നു. എന്നു മാത്രമല്ല പാര്‍ട്ടിയില്‍ വിശ്വസിച്ചിരുന്ന അടിസ്ഥാനവിഭാഗത്തിന്റെ തൊഴിലിടങ്ങളും, കൃഷിയിടങ്ങളുമൊക്കെ ആഗോള ഭീമന്മാര്‍ക്കു വേണ്ടി കയ്യേറി കുടിയൊഴിപ്പിക്കുന്നു. 



ദശാബ്ദങ്ങള്‍ക്കു മുന്നേ വ്യാവസായിക വികസനത്തിന്നത്യന്താപേക്ഷിതമായ അനിവാര്യ യന്ത്രവല്‍ക്കരണത്തിന്നു വ്യാവസായികളും, കര്‍ഷകരും തുനിഞ്ഞപ്പൊള്‍ അതിശക്തമായ എതിര്‍പ്പുമായാണു മാര്‍ക്കിസ്റ്റുപാര്‍ട്ടി രംഗത്തുവന്നത്‌. യന്ത്രവല്‍ക്കരണം തൊഴില്‍ ലഭ്യത ഇല്ലാതാക്കുമെന്ന കാരണം പറഞ്ഞ്‌ ഉല്‍പാദനത്തിന്നനിവാര്യമായ യന്ത്രവല്‍ക്കരണത്തിനെതിരെ പോലും സി.പി.എം തൊഴിലാളികളെ സംഘടിപ്പിച്ച്‌ സമരം ചെയ്തു. പിന്നീട്‌ ആഗോളവ്യാപകമായി കമ്പ്യൂട്ടര്‍ വല്‍ക്കരണം വ്യാപകമായപ്പോള്‍ അതിനെതിരെയും മാര്‍ക്കിസ്റ്റു പാര്‍ട്ടി കൊടിപിടിച്ചു. അക്രമ സമരത്തിന്റെ കാഠിന്യത്താല്‍ വാണിജ്യ വ്യവസായ സ്ഥാപനങ്ങളേറെയും അടച്ചുപൂട്ടി സ്ഥലം കാലിയേക്കേണ്ട അവസ്ഥ വന്നു. ഇന്ത്യയിലെ ഏറ്റവുമധികം വിദേശ നാണ്യലഭ്യതയുള്ള കേരളത്തില്‍ പല സ്ഥാപനങ്ങളും  സി.പി.എമ്മിന്റെ തൊഴിലാളി മുഷ്കിനെ ഭയന്നു സംസ്ഥനം വിട്ടു അന്യസംസ്ഥാനങ്ങളിലേക്ക്‌ കുടിയേറി.


എന്നാല്‍ ഇതെ സി.പി.എം തന്നെ ഇന്നു സ്വയം യന്ത്രവല്‍ക്കരണത്തിന്നും ഫ്ലാറ്റ്‌ സംസ്ക്കരണത്തിന്നും മാതൃകയായി മറ്റുള്ളവരേക്കള്‍ മുന്നേ ഓടിനടക്കുന്ന കാഴ്ച കാണുന്നു. ശീതീകരിച്ചതും, കമ്പ്യൂട്ടര്‍ വല്‍ക്രിതവുമായ പാര്‍ട്ടി ഓഫിസുകള്‍. കോടികള്‍ മുടക്കിയുള്ള പാര്‍ട്ടി ചാനലുകള്‍. അമ്യൂസ്‌മന്റ്‌ പാര്‍ക്കുകളുടെ നടത്തിപ്പുകാരും സി.പി.എം തന്നെ. ഇതേ നിലക്കുള്ള എതിര്‍പ്പു തന്നെയായിരുന്നു അന്താരാഷ്ട്ര നാണയ നിധിയോടും, ഏ .ഡി.ബിയോടുമൊക്കെ സി.പി.എം ആദ്യഘട്ടത്തില്‍ പുലര്‍ത്തിയിരുന്നത്‌. കരി ഓയില്‍ അഭിഷേകവും, അക്രമ സമരങ്ങളുമായി മാര്‍ക്കിസ്റ്റു പാര്‍ട്ടിയും, യുവജന സംഘടനകളും കളം നിറഞ്ഞു കളിച്ചു. എന്നാല്‍ പിന്നീട്‌ കാണുന്നത്‌ ഇതേ സി.പി.എം ഭരിക്കുന്ന തദ്ദേശ സ്വയംഭരണ സ്ഥാപനങ്ങള്‍ മറ്റുള്ളവരേക്കാള്‍ മുന്നേ ഭിക്ഷാപാത്രമെടുത്ത്‌, ജനങ്ങളെ ജാമ്യക്കാരാക്കികൊണ്ട്‌ അന്താരാഷ്ട്ര സാമ്പത്തിക സ്ഥാപനങ്ങള്‍ക്ക്‌ മുന്നില്‍ അവര്‍ പറയുന്ന ഏതു നിബന്ധനകളും അംഗീകരിച്ചുകൊണ്ടു തന്നെ അനിയന്ത്രിതമായ പണത്തിന്നു വേണ്ടി ക്യൂ നില്‍ക്കുന്ന കാഴ്ചയാണു.




സ്വാശ്രയ സ്ഥാപനങ്ങളുമായി ബന്ധപ്പെട്ടും മാര്‍ക്കിസ്റ്റു പാര്‍ട്ടിയുടെ നിലപാട്‌ മറ്റൊന്നായിരുന്നില്ല.അഞ്ചു  സഖാക്കളെ കുരുതിക്ക്‌ കൊടുത്ത്‌, അനേകം പേരെ മൃതപ്രായരാക്കിയ അക്രമസമരത്തിന്റെ പരമ്പരയാണു സ്വാശ്രയസ്ഥപനങ്ങള്‍ക്കെതിരെ പാര്‍ട്ടിയും യുവജന വിദ്യാര്‍ത്ഥി പ്രസ്ഥാനങ്ങളും സ്വികരിച്ചത്‌. കേരളത്തിന്റെ തെരുവോരങ്ങളെ യുദ്ധക്കളമാക്കിയ രക്തരൂക്ഷിതമായ അക്രമങ്ങള്‍ക്കും, സമരങ്ങള്‍ക്കും മാര്‍ക്കിസ്റ്റു പാര്‍ട്ടിയും യുവജന പ്രസ്ഥാനങ്ങളും  നേതൃത്വം നല്‍കി. പൊതുമുതലുകള്‍ നശിപ്പിച്ചും, സര്‍ക്കാര്‍ ഓഫിസുകള്‍ കയ്യേറിയും സഖാകാള്‍ കെരളത്തെ സമരക്കളമാക്കിമാറ്റി. എന്നാല്‍ സി.പി.എം എന്നത്തെയും പോലെ ഇവിടെയും പതിവു തെറ്റിച്ചില്ല. പിന്നീട്‌ അധികാരത്തിലേറിയപ്പോള്‍ സ്വാശ്രയസ്ഥാപനങ്ങള്‍ക്കനുകൂലമായ നിലപാട്‌ സ്വീകരിച്ചു കൊണ്ട്‌ സി.പി.എം കളം മാറ്റി ചവിട്ടി. പാര്‍ട്ടിസെക്രട്ടറി തന്നെ സ്വന്തം  മക്കളെ ഏറ്റവും വലിയ സ്വാശ്രയ സ്ഥപനത്തില്‍ പറഞ്ഞയച്ച്‌ മറ്റുള്ളവര്‍ക്ക്‌ മാതൃകയായി ഒരു മുഴം മുന്നേ നടന്നു. ഇന്നിപ്പോള്‍ മാര്‍ക്കിസ്റ്റ്‌ വിദ്യാര്‍ത്ഥി സംഘടനകള്‍ വരെ സ്വാശ്രയ സമരങ്ങളില്‍ നിന്നും പുറം തിരിഞ്ഞു നില്‍ക്കുന്നു. എന്നു മാത്രമല്ല സര്‍ക്കാര്‍ മുന്‍ കൈ എടുത്തു തന്നെ സ്വാശ്രയ സ്ഥാപനങ്ങളുമായി നിയമ വിരുദ്ധ കരാറുകളില്‍ ഏര്‍പ്പെടുന്നു. ഹൈകോടതി   ക്ക് ഗവന്മേന്ടു സ്വാശ്രയ സ്ഥാപനങ്ങളുമായി ഉണ്ടാക്കിയ നിയമ വിരുദ്ധ കരാരുകല്‍ക്കെതിരെ നിലപാട് സ്വികാരിക്കേണ്ടി  വരുന്നു.


സാമ്രാജ്യത്വ വിരുദ്ധത മാര്‍ക്കിസ്റ്റു പാര്‍ട്ടിയുടെ രക്തത്തില്‍ അലിഞ്ഞ മുദ്രാവാക്യമാണു. പാര്‍ട്ടിയില്‍ യുവജന്ങ്ങളെ  പിടിച്ചു നിര്‍ത്തുന്ന അടിസ്ഥാന മുദ്രാവാക്യം. അമേരിക്കന്‍ സാമ്രാജ്യത്വത്തിനെതിരെ നിരവധി സമരങ്ങള്‍ക്ക്‌ മാര്‍ക്കിസ്റ്റു പാര്‍ട്ടിയും യുവജന പ്രസ്ഥാനങ്ങളും നേതൃത്വം നല്‍കി. സാമ്രാജ്യത രാജ്യങ്ങളുടെ പതാകകള്‍ തെരുവില്‍ കിടന്നു കത്തിച്ചാമ്പലായി. ആണ്ട്‌ തോറും സ്വാതന്ത്ര്യ ദിനത്തില്‍ ചങ്ങലയും, മതിലുമൊക്കെ പണിതു അനേകം സാമ്രാജ്യത്വ വിരുദ്ധ പ്രതിജ്ഞകള്‍ അണികളും, നേതാക്കളും ഒറ്റ ശ്വാസത്തിലും ഏറ്റു ചൊല്ലി. തെരുവുകളായ തെരുവുകളൊക്കെ സാമ്രാജ്യത്വ വിരുദ്ധ നേതാക്കളുടെ കട്ടൗട്ടുകള്‍ കൊണ്ടു നിറഞ്ഞു. ചേഗ്വേരയും, യാസര്‍ അറഫാതുമൊക്കെ സഖാക്കളുടെ ആരാധനാ പുരുഷന്മാരായി. എന്നാല്‍ ഇതേ സാമ്രാജ്യത്വ സര്‍ക്കാരുകളുമായി ഏറ്റവുമധികം വ്യാവസായിക വാണിജ്യ ബന്ധങ്ങള്‍ ദൃഡപ്പെടുത്തുന്നത്‌ മാര്‍ക്ക്സ്റ്റു പാര്‍ട്ടിയുടെ ബംഗാള്‍ സര്‍ക്കാര്‍ തന്നെ. പശ്ചിമേഷ്യയിലെ അധിനിവേശരാജ്യമായ ഇസ്രായേലുമായി ഇന്നു ഏറ്റവുമധികം വാണിജ്യബന്ധമുള്ള സംസ്ഥാനങ്ങളിലൊന്നു മാര്‍ക്കിസ്റ്റു പാര്‍ട്ടിയുടെ ബംഗാള്‍ സര്‍ക്കാരാണെന്നുള്ളതാണു വാസ്തവം.




മാര്‍ക്കിസ്റ്റു പാര്‍ട്ടിയുടെ സുദൃഢമായ വര്‍ഗ്ഗീയ വിരുദ്ധ നിലപാടുകളും ഇപ്പോള്‍ ഇതെ നിലക്കു ചോദ്യം ചെയ്യപ്പെടുന്നു. മതനിരപേക്ഷതയെന്ന സി.പി.എം എക്കാലത്തും മുന്നോട്ടു വെച്ചിരുന്ന മുദ്രാവാക്യത്തില്‍ സമീപകാലത്ത്‌ ഇളക്കം തട്ടിതുടങ്ങിയിരിക്കുന്നു. ഇരയും വേട്ടക്കാരുമെന്ന വര്‍ത്തമാനകാല ഇന്ത്യാ സാഹചര്യത്തില്‍ ഇരകളുടെ മേല്‍ ചാടിവിഴുന്ന വേട്ടക്കാരനു കൂട്ടായി മാറുന്നു പലപ്പൊഴും മാര്‍ക്കിസ്റ്റു പാര്‍ട്ടിയുടെ നിലപാടുകളും മൗനവും. ന്യൂനപക്ഷ-ദലിത്‌ രാഷ്ട്രീയ ശാക്തീകരണത്തെ എതിര്‍ക്കൂവാന്‍ സംഘപരിവാറിനു ശക്തമായ കൂട്ടായി മാര്‍ക്കിസ്റ്റു പാര്‍ട്ടിയും അരയും തലയും മുറുക്കി രംഗത്തുണ്ടു. മുസ്ലിം പ്രദേശങ്ങളും, യൌവനവും  കാവി ഗവണ്‍മന്റുകളെ വെല്ലുന്ന നിലക്കുള്ള അടിച്ചമര്‍ത്തലുകള്‍ നേരിടുന്നു.


ഭരണകൂട ഭീകരതയും കരിനിയമവുമൊക്കെ ന്യൂനപക്ഷ-ദലിത്‌ രാഷ്ട്രീയത്തിനെതിരെ നിരന്തരം പ്രയോഗിക്കപ്പെടുന്നു. വര്‍ക്കലയില്‍ നടന്ന ഒരു കൊലപാതകത്തിന്റെ പേരുപറഞ്ഞു ദലിത്‌ സംഘടനയായ ഡി.എച്‌.ആര്‍.എമ്മിനെ ഉന്മൂലനം ചെയ്യുവാനുള്ള ശ്രമത്തില്‍ ഗവണ്‍മന്റിനു രാഷ്ട്രീയ പിന്തുണ നല്‍കിയത്‌ ആര്‍.എസ്‌.എസ്സും, ശിവസേനയുമായിരുന്നു. എന്നു മാത്രമല്ല കാവിരാഷ്ട്രീയത്തെ പ്രീതിപ്പെടുത്തുവാനായി സര്‍ക്കാര്‍ കൊണ്ടുവന്ന ദേവസ്വം ബില്‍ വരെ പിന്‍ വലിക്കപ്പെട്ടു. കൊല്ലം കോര്‍പ്പറേഷന്‍ മെയറായിരുന്ന എം. പത്മലോചന്‍ ആര്‍.എസ്‌.എസ്‌ പരിപാടിയി പങ്കെടുത്തത്‌ ഇതുമായി ചേര്‍ത്തുവായിക്കാവുന്നതാണു. സംഭവം വിവാദമായപ്പോള്‍ കുറചുകാലത്തേക്ക്‌ പത്മലോചനെ പാര്‍ട്ടിയില്‍ നിന്നും മാറ്റിനിറുത്തിയിരുന്നെങ്കിലും ഇപ്പോള്‍ പാര്‍ട്ടിയില്‍ തന്നെ തിരിച്ചെടുത്തിരിക്കുന്നു. മേയറായിരുന്ന കാലത്ത്‌ ആര്‍.എസ്‌.എസ്‌. പ്രവര്‍ത്തകര്‍ കൊല്ലം കോര്‍പ്പറേഷന്‍ ഓഫിസില്‍ അതിക്രമിച്ച്‌ കയറി മേയര്‍ പത്മലോചനെ അപായപ്പെടുത്തിയ കേസ്‌, ഇക്കാലയളവില്‍ പത്മലോചന്‍ ആര്‍.എസ്‌.എസ്‌ അനുകൂലമായി കൂറുമാറി മൊഴിനല്‍കിയത്‌ മുലം കോടതിയില്‍ തള്ളപ്പെട്ടിരുന്നതും വാര്‍ത്തയില്‍ വന്നിരുന്നു. 



മതനിരപെക്ഷതയുടെ പ്രചാരണത്തില്‍ സി.പി.എം നാളിതുവരെ നടത്തിയിരുന്ന പ്രചാരണമായിരുന്നു കാവി രാഷ്ട്രീയവുമായി കോണ്‍ഗ്രസ്സിനുള്ള രാഷ്ട്രീയ അവിശുദ്ധകൂട്ടുകെട്ട്‌. ന്യൂനപക്ഷങ്ങളുടെ വര്‍ദ്ധിച്ച തോതിലുള്ള വോട്ട്‌ സി.പി.എമ്മിനു ലഭിക്കുവാന്‍ ഈ പ്രചരണം കാരണമായി മാറി. എന്നാല്‍ ഇതെ ആരോപണം ഇന്നു സി.പി.എമ്മിനെതിരെ തിരിഞ്ഞു കുത്തിതുടങ്ങിയിരിക്കുന്നു. ക്രൈസ്തവ സഭകളുമായി നിലനില്‍ക്കുന്ന പിണക്കം തീര്‍ക്കുവാന്‍ ഒരു പിടിവള്ളി എന്ന നിലക്കായിരുന്നു വെറുമൊരു പ്രാദേശിക വിഷയമായിരുന്ന മുവാറ്റുപുഴയില്‍ പ്രവാചകനിന്ദ നടത്തിയ അദ്ധ്യാപകനെതിരെയുള്ള അക്രമണത്തെ അന്താരാഷ്ട്രവല്‍ക്കരിച്ചും, തീവ്രവാദ ബന്ധം ആരോപിച്ചും പരിധി വിട്ടു ഭരണകൂടനടപടികള്‍ക്ക്‌ മാര്‍ക്കിസ്റ്റ്‌ ഭരണകൂടം തയ്യാറായത്‌. എന്നാല്‍ ഇ കെണിയില്‍ വിഴാതെ ക്രൈസ്തവ സഭകള്‍ ഒന്നാകെ പ്രവാചക നിന്ദ നടത്തിയ അദ്ധ്യാപകനെ തള്ളിപ്പറഞ്ഞതൊടു കൂടി ക്രൈസ്തവ സഭകളുടെ പിന്തുണ ചുളുവില്‍ അടിച്ചെടുക്കാമെന്ന പാര്‍ട്ടിയുടെ കണക്കുകൂട്ടലുകള്‍ മുഴുവന്‍ തെറ്റി. 


ന്യൂനപക്ഷങ്ങളുടെ പിന്തുണ ഇനി പ്രതീക്ഷിക്കുന്നതില്‍ അര്‍ത്ഥമില്ലെന്ന വിലയിരുത്തലിലാവാം സാക്ഷാല്‍ കാവിരാഷ്ട്രീയത്തോടു അടുക്കുവാനുള്ള ശ്രമം നടക്കുന്നത്‌. ഇക്കഴിഞ്ഞ തദ്ദേശ സ്വയംഭരണ തെരഞ്ഞെടുപ്പിന്റെ പ്രചരണത്തിന്നിടക്ക്  പശ്ചിമബംഗാളിലെ മുഖ്യമന്ത്രി ബുദ്ധദേവ ഭട്ടാജാര്യ പരസ്യമായി തന്നെ ബി.ജെ.പി വോട്ടിനു വേണ്ടിയുള്ള അഭ്യര്‍ത്ഥന നടത്തിയത്‌ വിവാദമായിരുന്നു. ഈ നിലക്കുള്ള നീക്കം കേരളത്തിലും നടക്കുന്നുണ്ടെന്ന സുചനയാണു പുറത്തുവരുന്നത്‌. കാസര്‍ക്കോഡ്‌ ജില്ലയിലെ പല പഞ്ചായത്തുകളിലും മാര്‍ക്കിസ്റ്റു പാര്‍ട്ടിയും ബി.ജെ.പിയും തമ്മില്‍ സഖ്യത്തിലാണു. ഇതെ നിലക്കുള്ള ഒരു രാഷ്ട്രീയ ബാന്ധവത്തിന്നാണു തൃശൂര്‍ കോര്‍പ്പറേഷനിലും തുടക്കം കുറിച്ചിരിക്കുന്നതെന്ന് വാര്‍ത്തകളില്‍ കാണുന്നു. മുന്‍പൊക്കെ മാര്‍ക്കിസ്റ്റു പാര്‍ട്ടിയുടെ  പേര്  ശത്രുതാപരമായി മാത്രം പറഞ്ഞിരുന്ന കാവിരാഷ്ട്രീയക്കാര്‍ മാറിയ സാഹചര്യത്തില്‍ മാര്‍ക്കിസ്റ്റ്‌ പാര്‍ട്ടിക്ക്‌ പിന്തുണ നല്‍കുന്നതിനെ കുറിച്ചു സം സാരിക്കുവാന്‍ ധൈര്യം കാണിക്കുന്നു. വാര്‍ത്ത വിവാദമായപ്പോള്‍ മാര്‍ക്കിസ്റ്റു പാര്‍ട്ടി നിഷേധകുറിപ്പുമായി രംഗത്തു വന്നിട്ടുണ്ടെങ്കിലും സംശയത്തിന്റെ നിഴല്‍ പുതിയ രാഷ്ട്രീയ ബാന്ധവത്തിന്നു പിന്നാലെ തന്നെയാണു. മാര്‍ക്കിസ്റ്റ്‌-സംഘപരിവാര്‍ സംഘര്‍ഷം പഴങ്കതയായി മാറിക്കൊണ്ടിരിക്കുന്ന വര്‍ത്തമാനകാല സാഹചര്യത്തില്‍ പുതിയ വെല്ലുവിളികള്‍ ഉയര്‍ത്തുന്ന ന്യൂനപക്ഷ-ദലിത്‌ മുന്നേറ്റങ്ങളെ ചെറുത്തു തോല്‍പ്പിക്കുവാന്‍ മാര്‍ക്കിസ്റ്റ്‌ പാര്‍ട്ടി സംഘരാഷ്ട്രീയത്തോടു അടുക്കുന്നതില്‍ തെറ്റില്ലെന്നു വിലയിരുത്തുന്ന ഇടതുപക്ഷ ബുദ്ധിജിവികളുടെ ശബ്ദം നാള്‍ക്കുനാള്‍ ഉയര്‍ന്നുവരുകയുമാണു. ബാബരി മസ്ജിദിന്മെലുള്ള സംഘരാഷ്ട്രീയത്തിന്റെ കടന്നുകയറ്റത്തെ അനുകൂലിക്കുന്ന നിലക്കുള്ള അലഹബാദ്‌ ഹൈകോടതിയുടെ വിധിയെ വിലയിരുത്തിയ സി.പി.എം നടപടിയും ഈ വിഷയത്തില്‍ മുന്‍പ്‌ സഖാവ്‌ ഇ.എം.എസ്‌ നമ്പൂതിരിപ്പാടെടുത്ത വിചിത്ര  പരിഹാരക്രമവുമൊക്കെ മാര്‍ക്കിസ്റ്റു പാര്‍ട്ടിയുടെ ആത്യന്തികമായ നിലപാടിന്റെ സൂചനകളാണു തരുന്നത്‌. കോ.ലീ.ബി. മുന്നണിയെ ചെറുത്തു തോല്‍പ്പിച്ച ചരിത്രമുള്ള കെരളത്തിന്റെ മതനിരപെക്ഷ സമൂഹം മാര്‍ക്കിസ്റ്റു പാര്‍ട്ടിയുടെ അറക്കല്‍ ബീവിക്കു പിന്നാലെ നടന്നുള്ള  ശ്രിംഗാരത്തോടും കാവിക്കൊടിയുമായുള്ള അനുരാഗതോടും   ഏതുനിലക്കാവും മറുപടി നല്‍കുക എന്നു കാത്തിരുന്നു കാണാം.