Friday, September 3, 2010

ലവ്‌ ജിഹാദിനു ശേഷം സിനിമാ ജിഹാദ്‌


ലവ്‌ ജിഹാദ്‌, മെഡിക്കൽ ജിഹാദ്‌, ട്രാവൽ ജിഹാദ്‌ (പച്ച കളറുള്ള ബസ്‌-ട്രെയിൻ എന്നിവയിൽ മാത്രമേ കയറൂ), ആന ജിഹാദ്‌(തൃശൂരിലെ ആനയിടച്ചലിനു പിന്നിൽ വാസ്തവത്തിൽ ജിഹാദികളായിരുന്നു.) എന്നീ വിജയകരമായ ജിഹാദുകൾക്കു ശേഷം തിവ്രവാദ-ഭികരവാദ-വിദ്വംസക-ദേശദ്രോഹ-ജിഹാദികൾ ആഗോളാടിസ്ഥാനത്തിൽ നടത്തിയ ഗുഢാലോചനയുടെ ഭാഗമായി കേരളത്തിൽ കഴിഞ്ഞ വർഷം മുതൽ നടപ്പിലാക്കി തുടങ്ങിയ ജിഹാദാണു 'ജിഹാദുൽ സിനിമാ മലയാളം' അഥവാ 'സിനിമാ ജിഹാദ്‌' എന്ന് കാവി ഇന്റലിജസ്‌ റിപ്പോർട്ട്‌.


ധർമ്മ രാജ്യം ഭരിച്ചിരുന്ന മന്നനെ ചരിത്രത്തിലേക്കു ചവിട്ടി താഴ്ത്തിയ അതിക്രമികളായ സവർണ്ണർ രാജനു കനിഞ്ഞു നൽകിയ ഒരു ദിവസത്തെ പരോൾ ഉത്സവതിന്നു മലയാള സിനിമകൾ റിലീസ്‌ ചെയ്യുവാൻ സാധിക്കാത്ത നിലക്ക്‌ തിവ്രവാദികളുടെ ആഗോള വിശേഷ മാസത്തെ ആഗസ്റ്റിൽ തന്നെ പിടിച്ചു നിറുത്തുക എന്ന ദൗത്യമായിരുന്നു തിവ്രവാദികൾ കഴിഞ്ഞ വർഷങ്ങളായി വിജയകരമായി പരീക്ഷിച്ചു നടപ്പിലാക്കിക്കൊണ്ടിരിക്കുന്നത്‌. ഈ ജിഹാദ്‌ വിജയിപ്പിക്കുന്നതിന്നു വേണ്ടീ അങ്കിൾ സാം പോലിസിനെ പറ്റിച്ച്‌ ആഫ്ഗാനിലെ തോറാബോറയിൽ ഒളിവിൽ കഴിയുന്ന ഉസാമാ ബിൻ ഉമർ മുല്ല ബിൻ അൽ സവാഹിരി കേരള തമിഴ്‌നാട്‌ അതിർത്തി പ്രദേശത്തിലേക്ക്‌ തുരങ്കം വഴി പ്രവെശിക്കുകയും പിന്നീട്‌ പാനായിക്കുളം വഴി കുടകിൽ ഇറങ്ങി വാഗമണ്ണിൽ പ്രവേശിച്ച്‌ 'ഏ .കെ. വാഗമൺ 47' തോക്കും സംഘടിപ്പിച്ചാണു രഹസ്യ താവളത്തിൽ ഗുഢാലോചന നടത്തിയത്‌.

ഗൂഢാലോചന പ്രകരാം അടുത്ത രണ്ടു വർഷത്തെക്കെങ്കിലും തിവ്രവാദ ഉത്സവം ആഗസ്റ്റു മാസത്തിൽ തന്നെ നിലനിറുത്തും വിധം 'ചന്ദ്രനെ' സ്വാധീനിക്കുവാൻ അൻപത്‌ ചാവേറുകളെ നിശ്ചയിച്ചെന്നു വിശ്വസ്ത കേന്ദ്രങ്ങളെ ഉദ്ദരിച്ചു കാവി ഇന്റലിജൻസ്‌ എജൻസികൾ റിപ്പോർട്ട്‌ ചെയ്തു. ചന്ദ്രനെ പിടിച്ചു നിറുത്തുവാൻ വലിയ തോട്ടികൾ, കമ്പക്കയറുകൾ,വീഡിയോ ഗെയിം റിമോട്ടുകൾ എന്നിങ്ങനെയുള്ള മാരകായുധങ്ങൾ തീവ്രവാദികൾ ശേഖരിക്കുന്നതായാണു റിപ്പോർട്ടുകൾ.

ഇതെ തുടർന്ന് സൂപ്പർ ചിത്രങ്ങളായ "ജോസഫേട്ടൻ ആൻഡ്‌ ദി സെയിന്റ്‌' 'ശിക്കാർ വിത്ത്‌ ലേഡിസ്‌' എന്നിവയടക്കം റിലിസിങ്ങിനു തയ്യാറായ പല സിനിമകളുടെയും റിലീസിങ്ങ്‌ മാറ്റിവെച്ചു. ഇതുമായി ബന്ധപ്പെട്ട്‌ ഉസാമ ബിൻ മുല്ല ബിൻ അൽ സവാഹിരി കുടകിൽ വെച്ച്‌ സൂപ്പർ താരങ്ങളുമായും പടത്തിന്റെ നിർമ്മാതാക്കളുമായും രഹസ്യമായി ആശയവിനിമയം നടത്തിയതായാണു ഇന്റലിജൻസ്‌ ഏജൻസികളുടെ കണ്ടെത്തൽ. മലയാള സിനിമയിലെ താടിയും തൊപ്പിയും ധരിച്ച വില്ലന്മാരുടെ വേഷങ്ങൾ അവതരിപ്പിച്ചുവരുന്ന നടന്മാരും,നടിമാരും കുടകിൽ രഹസ്യ യോഗം ചേർന്നെന്നും കാവി ഇന്റലിജൻസ്‌ റിപ്പോർട്ട്‌ ചെയ്തു. സിറാജ്‌ വേഞ്ഞാറന്മൂട്‌,കുളിർ മഴക്കലത്തിൽ തീവ്രവാദ ഡ്രെസ്‌ ധരിച്ചഭിനയിച്ച താരാ ജാസ്മിൻ എന്നിവരൊക്കെ തടിയന്റവിട അമ്മദ്‌ നേതൃത്വം നൽകിയ രഹസ്യ സമാഗമത്തിൽ പങ്കെടുത്തത്തായാണു റിപ്പോർട്ട്‌.

എന്നാൽ വിഷയത്തിലെ 'താലിബാന്‍' ബന്ധം മനസ്സിലാക്കിയ '

ജന്മ

ഭൂമി' തീവ്രവാദികളുടെ പുതിയ 'സിനിമാജിഹാദി'നെതിരെ മുഖപ്രസംഗം എഴുതുകയുണ്ടായി. ആഗോള ഗുഢാലോചന ഇതിന്റെ പിന്നിലുണ്ടെന്നും കാവിഭൂമി ആരോപിച്ചു.. തീവ്രവാദികൾ വ്രതമെടുക്കാതെ മലയാള സിനിമ കാണുകയാണു രാജ്യസ്നേഹത്തിന്റെ ഭാഗമായി ചെയ്യേണ്ടതെന്നും

ജന്മ

ഭൂമി പ്രസ്ഥാവിക്കുകയുണ്ടായി.

ജന്മ

ഭുമിയുടെ പ്രസ്താവനയുടെ പ്രസക്ത ഭാഗങ്ങള്‍

നോമ്പുകാലത്തെ സിനിമ

ആര്‍.പ്രദീപ്‌

Posted On: Thu, 26 Aug 2010 21:21:00

"നോമ്പും സിനിമയുമായി എന്തെങ്കിലും ബന്ധമുണ്ടോയെന്നറിയില്ല. വൃശ്ചികമാസത്തില്‍ മാലയിട്ട്‌ ശബരിമലയ്ക്ക്‌ പോകാന്‍ വ്രതം നോറ്റിരിക്കുന്നയാള്‍ സിനിമകണ്ടാല്‍ വ്രതഭംഗം വരുമെന്ന്‌ പറയുന്നത്‌ വിഡ്ഢിത്തമല്ലേ? ഒരു സിനിമ കണ്ടാല്‍ തകര്‍ന്നുപോകുന്നതാണ്‌ ഒരാളുടെ വ്രതമെടുക്കാനുള്ള ആര്‍ജ്ജവമെങ്കില്‍ അയാള്‍ക്ക്‌ ഈശ്വരനിലുള്ള വിശ്വാസം ചോദ്യം ചെയ്യപ്പെടുകയാണ്‌ ചെയ്യുന്നത്‌."

"ഒരു നല്ല സിനിമ റിലീസ്‌ ചെയ്താല്‍ സിനിമയെ സ്നേഹിക്കുന്ന, സിനിമയെ അടുത്തറിയുന്ന നോമ്പു നോക്കുന്ന മുസ്ലീമായാലും തീയറ്ററിലെത്തും. നോമ്പുകാലത്ത്‌ സിനിമയെന്ന കലയോട്‌ പുറം തിരിഞ്ഞു നടക്കാന്‍ അത്രയ്ക്കു യാഥാസ്ഥിതികമായ, വികല മനസ്സുള്ള മുസ്ലീങ്ങള്‍ കേരളസമൂഹത്തിലുണ്ടെന്ന്‌ പറയാന്‍ കഴിയില്ല. അതല്ല, ഉണ്ടെങ്കില്‍ അധ്യാപകന്റെ കൈപ്പത്തി വെട്ടിമാറ്റിയതിലും കടുത്ത താലിബാനിസമാണതെന്ന്‌ പറയേണ്ടി വരും. മുമ്പ്‌ സിനിമയെ എതിര്‍ക്കുന്ന ഒരു വിഭാഗം തീവ്രവാദികള്‍ മലപ്പുറം ജില്ലയില്‍ സിനിമാ തീയറ്ററുകള്‍ക്ക്‌ പരക്കെ തീയിട്ട സംഭവം മറക്കാന്‍ കഴിയില്ല. സിനിമയോട്‌ ഇത്ര'അലര്‍ജി' കാട്ടുന്ന മനസ്സുകള്‍ക്ക്‌ കരുണയുള്ളവരാകാനും കഴിയില്ല. അവരുടെ മനസ്സുകള്‍ ഒന്നിനു മുന്നിലും അലിയാത്തത്ര കാഠിന്യമുള്ളതായിരിക്കും. അത്തരക്കാര്‍ നോമ്പു പിടിച്ചിട്ടും എന്തുകാര്യം? "

ഹോ എന്ത് മഹത്തരമായ വാക്യം അല്ലെ ജന്മഭുമിയുടെ ?

ചില്ലിട്ടു വെക്കേണ്ട വാക്യം..


5 comments:

  1. സിനിമ ഇറങ്ങിയില്ലെങ്കിലും കുറ്റം മേത്തര്‍ക്ക്..

    ReplyDelete
  2. മേത്തന്മാരു കളിച്ചുകളിച്ച് സിൽമയുടേയും മേക്കിട്ടു കേറിയല്ലേ?

    ReplyDelete
  3. നോമ്പ് കാലത്ത് സിനിമ കണ്ടാല്‍ പ്രശ്നം ഉണ്ടോ ..നോമ്പ് വൃതം അനുഷ്ടിക്കുന്ന എന്റെ സുഹൃത്തുക്കള്‍ സിനിമ കാണാറുണ്ട് ..ഇന്ന് വരെ സിനിമ കാണുന്നത് കൊണ്ട് വൃതം ഇല്ലാതാകും എന്ന് പറഞ്ഞു കേട്ടിട്ടില്ല ..ഏതാണ് ശരി ..സിനിമ കാണാമോ ..കാണരുതോ ? അറിയാവുന്നവര്‍ പറഞ്ഞു തരുമല്ലോ

    ReplyDelete
  4. റമദാനിലെ നോമ്പെന്നത് കേവലമൊരു ഭക്ഷണ വര്‍ജ്ജിയായ ചര്യയല്ല. മറിച് ആത്മ നിയന്ത്രണമാണ് നോമ്പിന്റെ ഒരു ഉദ്ദേശ ലക്‌ഷ്യം. ഭക്ഷണത്തോടൊപ്പം തന്നെ മറ്റു ദേഹെച്ചകളെ നിയന്ത്രിക്കലും റമദാന്‍ വ്രതത്തിന്റെ പ്രത്യേകതയാണ്. ആ നിലക്ക് തന്നെ നോമ്പുകാലത്ത് ഇത്തരം വിനോദങ്ങളില്‍ നിന്ന് വിട്ടു നില്‍ക്കലാണ് ഉചിതം. വിനോദങ്ങള്‍ പലതും വ്രതത്തിന്റെ പവിത്രതക്ക് ഭംഗം വരുത്തിയേക്കാം. പ്രത്യേകിച്ചും സിനിമ പോലുള്ള വിനോദം പലപ്പോഴും സഭ്യതയുടെ അതിര്‍ വരമ്പുകള്‍ ലംഘിക്കുന്നതുമാണ്.
    ഇത്തരം നിയന്ത്രണങ്ങള്‍ പാലിക്കുന്നവര്‍ സമുദായത്തില്‍ ഉന്റെന്നതോടൊപ്പം തന്നെ ഇത് പാലിക്കാതവരും സമുദായത്തില്‍ ഉണ്ട്. അതൊക്കെ അവരവരുടെ വ്യക്തിപരമായ വിഷയങ്ങളാണ്.

    ഇവിടെ വിഷയം അതല്ല. സിനിമ നിര്‍മ്മിക്കുന്നത് ലാഭം പ്രതിക്ഷിച്ചാണ്. ഏതെങ്കിലും ഒരു വിഭാഗത്തിന്റെ അഭാവം സ്വന്തം സിനിമകളുടെ ലാഭത്തില്‍ കുറവ് വരുമെന്ന ആശങ്കയുന്റെങ്കില്‍ സ്വാഭാവികമായും ലാഭം ഉറപ്പുള്ള സമയത്തേക്ക് സിനിമാ റിലിസിംഗ് മാറ്റി വെക്കുന്നത് നിര്‍മ്മാതാക്കളുടെ താല്പര്യമാണ്.
    പോതുപരിക്ഷ നടക്കുന്ന സമയത്ത് ആരെങ്കിലും സിനിമ റിലീസ് ചെയ്യുമോ?
    ഏതെങ്കിലും വിശേഷ ദിവസങ്ങള്‍ പരിക്ഷാ സമയത്ത് വന്നുപെട്ടാല്‍ "സിനിമ കാണാതെ എന്ത് പരിക്ഷ" എന്ന് ബുദ്ധിയുള്ള ആരും ചോദിക്കില്ല.
    എന്തിലും വര്‍ഗ്ഗിയത കാണുന്ന ചില തല്പര കഷികളുടെ പ്രചാരണമാണ് മേല്‍ പത്ര വാര്‍ത്തയായി കാണുന്നത്.

    ReplyDelete
  5. ശശികല ടീച്ചറുടെ പ്രസംഗം കേട്ടപ്പോള്‍ മന്‍സ്സിലായത്.ഇന്ത്യയില്‍ 89 ശതമാനത്തിലധികം ഹിന്ദുക്കളാണ് എന്നാണ്. സ്വാഭാവികമായും കേരളത്തിലും അങ്ങനെയൊക്കെ തന്നെയാവാനേ തരമുള്ളൂ. അങ്ങനെ നോക്കുമ്പോള്‍ ഒന്നോ രണ്ടോ ശതമാനം വരുന്ന മേത്തന്മാര്‍ക്ക് വേണ്ടി.എങ്ങനെയെങ്കിലും ഒരു മലയാള പടം റിലീസായി കിട്ടിയാല്‍ കാണാം എന്ന് കാത്തിരിക്കുന്ന ഹിന്ദുവിന്റെ അവകാശം ഹനിക്കുന്ന പ്രവ്യത്തിയാ‍യേ ഇതിനെ കാണാനൊക്കൂ. ഹിന്ദുവാണ് എപ്പോള്‍ ഏതൊക്കെ സിനിമ ഇവിടെ റിലീസ് ചെയ്യണം എന്ന് തീരുമാനിക്കേണ്ടത്.അല്ലാതെ ഇത്തിരി പോന്ന മുസ്ലിംഗളല്ല.ഇനി ഇങ്ങനെ മ്സുലിം പ്രീണനം കാണിക്കുന്ന സിനിമാ പ്രവര്‍ത്തകരുടെ സിനിമകള്‍ ഹിന്ദുക്കള്‍ ബഹിഷ്കരിക്കുന്ന ദയനീയ കാഴ്ച നിങ്ങളൊക്കെ കാണേണ്ട്റ്റി വരും. മലയാള സിനിമ ഗ്ലൂക്കോസ് കുപ്പിയും പിടിച്ചോട്ട് മരണ കിടക്കിയില്‍ ആണെന്നാണല്ലോ ചിലരൊക്കെ പറയുന്നത്. അത് കൊണ്ട് ഇനി ഹ്ന്ദുക്കളെ അവഗണിച്ച്ഉള്ള ഒരു സാഹസത്തിന് സിനിമാക്കാര്‍ മുതിര്‍ന്നാല്‍ കാര്യം കട്ടപ്പൊകയാവും എന്ന് എല്ലാവരും ഓര്‍ത്താല്‍ നന്ന്. ഇനി വല്ല മുസ്ലിംഗള്‍കും റമദാന്‍ മാസത്തില്‍ റിലീസ്സ് പാടില്ല എന്നങ്ങാനും പറയുകയാനുള്ള ധാര്‍മികാവകാശം ലഭിക്കണമെങ്കില്‍. സൌദി അറേബ്യയിലും, ഇറാഖിലും, ഇറാനിലും, സോമാലിയയിലും, കുവൈത്തിലും, ദുബായിലും അടക്കമുള്ള എല്ലാ തിയേറ്ററുകളിലും (ഇനി ഇല്ലാത്തിടത്ത് ഉണ്ടാക്കണം) ഇനി പറയുന്ന പടങ്ങള്‍ നിത്യവും 3 കളീ‍കള്‍ വീതം കളിപ്പിക്കണം.

    1.ഭക്ത കുചേല
    2.ശ്രീ ഹനുമാന്‍ (പരമ്പരയാക്കി പക്ഷെ വെട്ടി ചുരുക്കി കാണിക്കണം)
    3.ശ്രീമത് മഹാഭാരതം(പരമ്പരയാക്കി പക്ഷെ വെട്ടി ചുരുക്കി കാണിക്കണം)
    4.രാമായണം (പരമ്പരയാക്കി പക്ഷെ വെട്ടി ചുരുക്കി കാണിക്കണം)
    5. ശബരി മലയില്‍ തങ്ക സൂരോദയം (ഇത് സൌദി അറേബ്യയിലെ ക അബക്ക് അടുത്തുള്ള തിയറ്ററിലാണ് പ്രദര്‍ശിപ്പിക്കേണ്ടത്)
    6.കുമാര സംഭവം

    ഈ സിനിമകള്‍ അതാത് എംബസികളിലെ ഇന്ത്യന്‍ സ്ഥാനപതിക്കാര്‍ കണ്ട് , പടം കളീച്ചു എന്ന് ഉറപ്പ് വരുത്തേണ്ടതാണ് (ഇത് കുറെ കാണുമ്പോള്‍ അവരുടെ കാര്യം എന്താകുമെന്ന് ഊഹിക്കാവുന്നതേ ഉള്ളൂ).

    ഈ പറഞ്ഞതൊക്കെ ചെയ്യാമെങ്കില്‍ മാത്രം, മുസ്ലിംഗള്‍ക്ക് എന്തെങ്കിലുമൊക്കെ പറയാനുള്ള ഒരു അവകാശം മാത്രം കിട്ടും , അല്ലെങ്കില്‍ എല്ലാം വര്‍ഗ്ഗീയം മാത്രമാകും (ചിത്രകാരന്റെ നിരീക്ഷണമാണ്). ഹിന്ദുക്കള്‍ പറഞ്ഞാല്‍ അത് ഭാരതീയം മാത്രം.

    “നോ മോര്‍ കമന്റ്”

    ReplyDelete