Tuesday, December 28, 2010

ക്ഷമിക്കണം കേന്ദ്രമന്ത്രിമാർ ദുഖാചാരണത്തിലാണു.

അന്തരിച്ച മുൻ മുഖ്യമന്ത്രി കെ.കരുണാകരനുമായി രാഷ്ട്രീയമായും, വ്യക്തിപരമായും അഭിപ്രായവ്യത്യാസമുള്ളവർ പോലും തുറന്നു സമ്മതിക്കുന്ന ഒന്നുണ്ട്. പുതിയ ചെറുപ്പക്കാരെ പൊതുപ്രവർത്തന രംഗത്തേക്ക് കൂട്ടിക്കൊണ്ടുവരുന്നതിൽ കരണാകരനോളം വിജയിച്ചവർ ആരുമില്ലെന്നുത്.  കെ.പി.സി.സി പ്രസിഡന്റ് ശ്രി രമേശ് ചെന്നിത്തല മുതൽ നീളുന്ന ആ ലിസ്റ്റിൽ ഇടം പിടിക്കാത്ത കോൺഗ്രസ് നേതാക്കൾ വിരളം. മുൻ മന്ത്രി ജി.കാർത്തികേയൻ, വയനാട് എം.പി. എം.ഐ ഷാനവാസ്, തിരുവനന്തപുരം മുൻ എം.പി ശിവകുമാർ, കോഴിക്കോട് മുൻ എം.പി പി.ശങ്കരൻ, കൊല്ലം എം.പിയായിരുന്ന മുൻ കേന്ദ്രമന്ത്രി പിന്നീട് ബി.ജെ.പി പാളയത്തിലെത്തിപ്പെട്ട എസ്.കൃഷ്ണകുമാർ, ഇപ്പോഴത്തെ കൊല്ലം എം.പി പീതാമ്പരക്കുറുപ്പ്, എറണംകുളം എം.പിയും കേന്ദ്രമന്ത്രിയുമായ പ്രോഫസർ കെ.വി തോമാസ്, തൃശൂർ എം.പി പി.സി ചാക്കോ .. ആശ്രിതവത്സലനായ കരുണാകരൻ കൈപിടിച്ച്  ഉയർത്തിയവരുടെ പട്ടിക അങ്ങിനെ നീളുകയാണു.

ഇവരിൽ പലരും പലകാരണങ്ങളാൽ പിൽകാലത്ത് കരുണാകരനുമായി ഇടഞ്ഞുവെന്നതും യാഥാർത്ഥ്യമായി നിലനിൽക്കുന്നു. കരുണാകരന്റെ നിലപാടുമായി യൊജിച്ചു പോകുവാൻ സാധിക്കാതെയോ, പിൻഗാമി തർക്കങ്ങളിൽ സ്വന്തം ഇടം കണ്ടെത്തേണ്ടതിന്റെ ഭാഗമായോ ആണു പലരും കരുണാകരനുമായി വേർപ്പിരിയേണ്ടി വന്നത്. കരുണാകരനുമായി ഇടഞ്ഞവരിൽ പലർക്കും എതിർപ്പ് കരുണാകരനോടായിരുന്നില്ല മറിച്ച് പുതിയ അധികാരകേന്ദ്രമായി അതിവേഗം വളർന്നുവരുന്ന മകൻ കെ.മുരളീധരനോടായിരുന്നു.  എന്നാൽ പോലും രാഷ്ട്രീയത്തിന്നധീതമായ ബഹുമാനം ഇവരിൽ പലരും ഭിന്നതക്കിടയിലും കാത്തുസൂക്ഷിച്ചിരുന്നു. കരുണാകരൻ തന്റെ തെറ്റായ തിരുമാനം വഴി കോൺഗ്രസ് ബന്ദമുപേക്ഷിച്ച് പുതിയ പാർട്ടികളിൽ ചേക്കേറിയപ്പോഴും വ്യക്തിപരമായ ബഹുമാനം കരുണാകരനു നൽകുവാൻ ഇവരിൽ പലരും ശ്രദ്ധിച്ചിരുന്നു. പിന്നീട് തെറ്റായ തിരുമാനത്തിന്റെ ഒറ്റപ്പെടൽ ഉപേക്ഷിച്ച് കരുണാകരൻ കോൺഗ്രസിലെക്ക് മടങ്ങിവരുവാൻ താല്പര്യം പ്രകടിപ്പിച്ചപ്പോഴും കരുണാകരന്റെ വിഷയത്തിൽ കോൺഗ്രസിനു മറിച്ചൊരഭിപ്രായം ഉണ്ടായിരുന്നില്ല. മകൻ  മുരളീധരനെ പടിക്കുപുറത്തു നിറുത്തിയപ്പോഴും കരുണാകരനെ അർഹിക്കുന്ന ആദരവോടെ തന്നെ കോൺഗ്രസ് സ്വാഗതം ചെയ്തു.

എന്നാൽ കരുണാകരന്റെ കരങ്ങളാൽ കൈപിടിച്ചുയർത്തപ്പെട്ടവരിൽ പലരും പിന്നീട് അദ്ദേഹത്തോട് നന്ദികേട് കാണിച്ചതാ‍യും കാണാം.  കൊല്ലം കലക്ടർ എന്ന പഥവിയിൽ നിന്നു കേന്ദ്ര കാബിനറ്റിൽ വരെ എത്തിപ്പെട്ട മുൻ കേന്ദ്ര മന്ത്രി എസ്.ക്രിഷ്ണകുമാർ മുതൽ ഇപ്പോൾ കേന്ദ്ര കൃഷി(എൻഡോസൾഫാൻ?) മന്ത്രിയായ കെ.വി തോമാസ് വരെ നീളുന്നു ആ പട്ടിക..അധികാരലഹരി തലക്കു പിടിച്ച കൃഷ്ണകുമാർ താനും ഭാര്യയും എന്നും അധികാരഷ്ട്രീയത്തിന്റെ ഭാഹമാണെന്ന വ്യോമോഹത്തിൽ പെട്ടാണു കരുണാകരനുമായി ഇടഞ്ഞത്. തന്റെ പഥനത്തിന്നു കാരണം കരുണാകരനാണെന്ന് പ്രസ്ഥാവനയിറക്കുവാനും കൃഷ്ണകുമാർ മടികാണിച്ചില്ല. കൃഷ്ണകുമാർ പിന്നീട് ഭാഗ്യം പരീക്ഷിച്ചത് ബി.ജെ.പിയിലായിരുന്നു. അതു ക്ലച്ചു പിടിക്കാതായപ്പോൾ വീണ്ടും കോൺഗ്രസിൽ തന്നെ തിരിച്ചെത്തി. അതേ സമയം കരുണാകരൻ കൈപിടിച്ച് രാഷ്ട്രീയത്തിലെക്കു കൊണ്ടുവന്ന കേന്ദ്രമന്ത്രിയായ കെ.വി.തോമാസ് കരുണാകരന്റെ ഭൌതീക ശരീരത്തോട് അനാദരവ് കാണിച്ചതായാണു പത്രവാർത്തകളിൽ നിന്നു മനസ്സിലാകുന്നത്. കരുണാകരന്റെ മൃതശരിരം പൊതുദർശനത്തിനു വെച്ചപ്പോൾ ആ വഴിക്കു പോലും വരാതിരുന്ന കെന്ദ്രമന്ത്രി പക്ഷെ പ്രധാ‍നമന്ത്രി കരുണാകരന്റെ മരണാനന്തര ചടങ്ങുകളിൽ പങ്കെടുക്കുവാൻ കേരളത്തിൽ എത്തിയപ്പോൾ സ്വീകരിക്കുവാൻ മുൻ നിരയിൽ തന്നെയുണ്ടായിരുന്നുവത്രെ.. മാത്രമല്ല വളർത്തിവലുതാക്കിയ സ്വന്തം നേതാവിന്റെ ചിത അണയും മുന്നെ, നമ്മുടെ കേന്ദ്രമന്ത്രി സകുടുംബം, സുരക്ഷാ ഉദ്യോഗസ്ഥരുടെ അകമ്പടിയോടെ സിനിമാസ്വാദനത്തിന്ന് തിയേറ്ററിൽ എത്തുകയും ചെയ്തു. സർക്കാരും,കെ.പി.സി.സിയും പ്രഖ്യാപിച്ച ഒരാഴ്ചത്തെ ദുഖാചാരണത്തിന്റെ വെളിച്ചത്തിൽ എല്ലാ തരത്തിലുള്ള  സർക്കാർ-പാർട്ടി പരിപാടികളും നീട്ടിവെച്ച പശ്ചാത്തലത്തിലാണു ദുഖം കടിച്ചിറക്കുവാൻ സാധിക്കാതെ എറണാംകുള, പത്മ തിയേറ്ററിൽ പുതിയ റിലീസ് സിനിമ കാണുവാൻ  കേന്ദ്രമന്ത്രി പരിവാരവുമായി എത്തിയത്. കേന്ദ്രമന്ത്രി എത്തിയ വിവരം മണത്തറിഞ്ഞ മാധ്യമപ്രവർത്തകർ തിയേറ്ററിൽ എത്തിയപ്പോഴേക്കും പന്തികേടുമനസ്സിലാക്കിയ കേന്ദ്രമന്ത്രി തിയേറ്ററിന്റെ പിൻ വാതിലിലൂടെ രക്ഷപ്പെടുകയും ചെയ്തു.

കാസറ്കോഡ് ജില്ലയിൽ നൂറ്കണക്കിനു പേർ നരകയാഥന അനുഭവിക്കുന്ന മാരക വിഷകീടനാശിനിക്കു വക്കാലത്തുമായി പത്രങ്ങളുടെ മുന്നിൽ നിൽക്കുവാൻ മടികാണിക്കാത്ത കേന്ദ്ര മന്ത്രിക്ക് എന്തു ദുഖാചാരണം? അധികാരമെന്നത് വമ്പൻ സ്രാവുകളുമായുള്ള ഇടപാടുകൾക്കു മാത്രം വഴിതുറക്കുന്ന ഇന്നത്തെ രാഷ്ട്രിയ സാഹചര്യത്തിൽ മനുഷ്യത്വം, നന്ദി എന്നൊക്കെ പറഞ്ഞ് സമയം കളയുവാൻ കേന്ദ്രമന്ത്രിക്ക് സമയമില്ല. കേരള പ്രദേശ് കോൺഗ്രസ് കമ്മറ്റിയുടെ ലിസ്റ്റിൽ ഇടം പിടിക്കാതെ ‘മറ്റുപല’ ലിസ്റ്റിലൂടെയും സ്ഥാനാർത്ഥിയാകുകയും, എം.പിയാകൂകയും, പിന്നീട് അതിനേക്കാൾ വേഗത്തിൽ കേന്ദ്രമന്ത്രിപഥമുറപ്പിക്കുകയും ചെയ്ത കെ.വിതോമാസിനറിയാം താൻ ‘വണങ്ങേണ്ടവർ‘ ഇവരൊന്നുമല്ലെന്നു. പിന്നെയെന്തിനു വൃഥ സമയം കളയണം. ആ സമയം ‘മേരിയുടെ കുഞ്ഞാടിനെ’ കണ്ട് ആർത്തു ചിരിക്കാമല്ലോ?

വാസ്തവത്തിൽ കേരള ജനതയോ, എന്തിനു കോൺഗ്രസ് പോലും കെ.വിതോമാസിൽ നിന്നു മറിച്ചൊന്നും പ്രതീക്ഷിക്കുന്നുണ്ടാവില്ല. ഇടക്കിടക്ക് റിലിസ് ചെയ്യുന്ന സിനിമ കാണുവാൻ കേരളത്തിൽ വരുമ്പോൾ  പത്രക്കാരെ കണ്ടാൽ എന്തെങ്കിലും ഗിർവാണമടിക്കുന്നതൊഴിച്ചാൽ ശരത്പവാറ് എന്ന താപ്പാനയുടെ കീഴിലെ കൃഷിമന്ത്രി കേരളത്തിന്നു വേണ്ടി എന്തു സംഭാവനയാണു നൽകിയിട്ടുള്ളത്. വരൾച്ച കൊണ്ടും, പേമാരികൊണ്ടും വർഷാവർഷം സംഭവിക്കുന്ന കൃഷിനാഷത്തിന്നും, കർഷകദുരിദത്തിന്നും കേന്ദ്രകൃഷിമന്ത്രി എന്ന നിലക്ക് എത്രമാത്രം ആശ്വാസം തോമാസിന്റെ ഭാഗത്തുനിന്നു സംസ്ഥാനജനതക്ക് ലഭിച്ചിട്ടുണ്ട്? ഡൽഹിയിൽ നിന്നു വിമാനമിറങ്ങുമ്പോഴുള്ള പ്രഖ്യാപനങ്ങൾ മാത്രമല്ലാതെ അർഹിക്കുന്ന നിലക്കുള്ള ഭരണപരമായ നടപടികൾ കേന്ദ്ര കൃഷിമന്ത്രിയിൽ നിന്നുണ്ടായിട്ടുണ്ടോ? മാത്രമല്ല തീരാദുഖങ്ങളുമായി വരാൻ പോകുന്ന തലമുറയെ വരെ ദുരിതക്കയത്തിലേക്ക് തള്ളിവിടുന്ന കാസറ്കോട്ടെ കശുമാവിൻ തോട്ടങ്ങളിലടിക്കുന്ന മാരകവിഷമടങ്ങിയ കീടനാശിനിക്കെതിരെ ജനസമൂഹം ഒന്നിച്ചണിനിരന്നപ്പോൾ കേന്ദ്രമന്ത്രിയുടെ അഭിപ്രായം പക്ഷെ എൻഡോസൾഫാൻ എന്ന കമ്പനിക്കനുകൂലമായിരുന്നു.  മുൻപ് കേരള മന്ത്രിയായിരുന്ന അവസരത്തിൽ സംസ്ഥനം കടുത്ത ജലക്ഷാമത്തെ നേരിട്ട ഒരു സാഹചര്യത്തിൽ കൊച്ചിയിലെ ദ്വീപിൽ പുതുവത്സരാഘോഷത്തിന്റെ ഭാഗമായ ‘മഴക്കുളി’ ക്കു വേണ്ടി ടാങ്കറ് ലോറിയിൽ വെള്ളമെത്തിച്ചു കൊടുത്ത സല്പേരും കെ.വിതോമാസിനുണ്ടു.

കനത്ത ഇടതുപക്ഷ വിരുദ്ധ തരംഗം നിലനിൽക്കുമ്പോഴും തട്ടിമുട്ടിയാണു എറണാംകുളത്തു നിന്നു തോമാസ് വിജയിക്കുന്നത്. കോൺഗ്രസ് പ്രവർത്തകരേക്കാൾ ഇക്കര്യത്തിൽ തോമാസ് നന്ദിപറയേണ്ടത് സി.പി.എമ്മിന്റെ ഗ്രൂപ്പ് രാഷ്ട്രീയ സമവാക്യങ്ങൾക്കാണു. വി.എസിന്റെ തട്ടകമായി അറിയപ്പെട്ടിരുന്ന എറണാംകുളത്ത് പിണറായിയുടെ നോമിനിയായാണ് എസ്.എഫ്.ഐ. നേതാവ് സിന്ധു ജോയി മത്സരിക്കുവാൻ ഇറങ്ങിപ്പുറപ്പെട്ടത്. അതുകൊണ്ടുതന്നെ കെ.വി.തോമാസിനെതിരെ മണ്ഢലത്തിൽ നിലനിന്നിരുന്ന പ്രതികൂലഘടകങ്ങളെ അതിജയിക്കുവാൻ തോമാസിനെ സി.പി.എം പാളയത്തിൽ നിന്നു തന്നെ സഹായം ലഭിക്കുകയും ചെയ്തു. ബംഗ്ലാദേശിലെ ‘അശ്ലീല എഴുത്തുകാരി‘ തസ്ലീമ നസ്രിനെ സന്ദർശിച്ചതിലൂടെ മുസ്ലിം സമൂഹത്തിന്നഭിമതനായ കെ.വി.തോമാസ് പക്ഷെ സി.പി.എമ്മിന്റെ ഗ്രൂപ്പ് പോരുകൾക്കിടയിലെ അധികാരസമാവാക്യങ്ങളിൽ പെട്ട് തട്ടിമുട്ടി ജയിച്ചുകയറുകയായിരുന്നു.

അതെസമയം കാബിനറ്റ് റാങ്കിലുള്ള മറ്റൊരു മന്ത്രിയാകട്ടെ ഔദ്യോഗിക ചടങ്ങിനായി കേരളത്തിലുണ്ടായിട്ടു പോലും അന്തരിച്ച കോൺഗ്രസ് തറവാട്ടിലെ തലമുതിർന്ന നേതാവിനെ ഒന്നു കാണാൻ മെനക്കെടാതെ ഉല്ലാസയാത്രക്കു പോയതും, മസാജ് സെന്റർ സന്ദർശിച്ചതും വാർത്തയിൽ കണ്ടു. കേന്ദ്ര സ്പ്പോർട്ട്സ് മന്ത്രിയും, മുൻ തെരഞ്ഞെടുപ്പ് കമ്മീഷണറുമായിരുന്ന എം.എസ് ഗിൽ ആണു കരുണാകരൻ മരണമടഞ്ഞതിലുള്ള ദുഖാചാരണം വിനോദയാത്രക്കും, ആയുർവേദ മസാജിനും വേണി നീക്കിവെച്ചത്. രാഷ്ട്രീയ പാരമ്പര്യമൊന്നുമില്ലാത്ത ഗിൽ, തെരഞ്ഞെടുപ്പു കമ്മീഷണറായിരിക്കെ ചെയ്ത ‘സൽകർമ്മങ്ങൾക്കു’ ഉപകാരസ്മരണ എന്ന നിലക്കാണു നേരിട്ട് കേന്ദ്രമന്ത്രിപഥത്തിൽ എത്തപ്പെട്ടത്.  ജനങ്ങളുമായി ബന്ധമില്ലാത്ത ബ്യൂറോകേറ്റുകളെ ഔദ്യോഗിക കാലത്തെ ‘സൽകർമ്മങ്ങളെ’ മുൻ നിറുത്തി ആദരിക്കുന്നതിന്റെ ഭാഗമായി വിരമിക്കുമ്പോൾ നേരിട്ട് അധികാരത്തിലേക്ക് നയിക്കുന്നതിന്റെ രസതന്ത്രം ഒന്നു വേറെ തന്നെ. രാജിവ്ഗാന്ധിയുടെ ചിതാഭസ്മം ഡി.സി.സി ഓഫിസിൽ അലക്ഷ്യമായി സൂക്ഷിച്ചതായ പത്രവാർത്തകൾ മുൻപ് വായിച്ചിരുന്നു. ഏതായാലും കോൺഗ്രസ് അല്ലെ? ഇതെല്ല ഇതിനപ്പുറവും നടക്കുമെന്ന് അറിയാതെയല്ല. പത്രക്കാരുടെ ഫ്ലാഷ് കാണുമ്പോഴെക്ക് ‘ഭരത് മമ്മൂട്ടിയെ‘ വെല്ലുന്ന മുഖകാന്തിയോടെ ഫോട്ടോക്ക് ഫോസ് ചെയ്യുന്ന കോൺഗ്രസ് സംസ്ക്കാരത്തിൽ ഇത് അത്രമാത്രം വിവാദമാകുകയൊന്നുമില്ല. എന്നാൽ പോലും ജനങ്ങളെയും, പത്രക്കാരെയും ബോധിപ്പിക്കുവാനെങ്കിലും ഇത്തരം കർമ്മങ്ങളിൽ നിന്നു മാറിനിൽക്കുകയാവും കേന്ദ്രമന്ത്രിമാർക്കു നല്ലത്. എല്ലായ്പ്പോഴും പിൻ വാതിലിലൂടെ രക്ഷപ്പെടണമെന്നില്ല.

Saturday, December 11, 2010

തേജസ്‌ ലേഖനം....

തേജസ്‌ ദിനപത്രത്തില്‍ പ്രസിദ്ധികരിച്ച ലേഖനം..
11/12/2010

Monday, December 6, 2010

കർണ്ണാടക-സംഘപരിവാരിന്റെ 'രാമരാജ്യം'

കർണ്ണാടക-സംഘപരിവാരിന്റെ 'രാമരാജ്യം'



എൺപതുകളുടെ അവസാനം,  പ്രധാനമന്ത്രി പഥത്തിൽ നിന്നു നിശ്കാസിതായതിനുശേഷം കോൺഗ്രസ്‌ പാർലമന്ററി പാർട്ടി നേതാവും എ.ഐ.സി.സി പ്രസിഡന്റുമായ രാജീവ്ഗാന്ധി നേരിട്ട ഏറ്റവും കടുത്ത പരീക്ഷണങ്ങളിലൊന്നു കർണ്ണാടകയിലെ മുഖ്യമന്ത്രിമാരെ വർഷാവർഷം മാറിമാറി നിശ്ചയിക്കുകയെന്നതായിരുന്നു. രാജീവ്‌ ഗാന്ധിയുടെ ദാരുണ മരണത്തിനു ശേഷം നാഥനില്ലാ പടയായി മാറിയ അഖിലേന്ത്യാ കോൺഗ്രസ്സിനു നിരന്തരം തലവേദന ശ്രിഷ്ഠിക്കുകയെന്നതായിരുന്നു കർണ്ണാടക കോൺഗ്രസ്സിന്റെ പ്രധാന ദൗത്യം. കോൺഗ്രസ്സിന്റെ ഏക്കാല ത്തെയും ഉറച്ച കോട്ടയായിരുന്ന അന്നത്തെ കർണ്ണാടയിൽ ആയിരത്തി തൊള്ളായിരത്തി എൺപത്തിയൊൻപതിൽ വൻ ഭൂരിപക്ഷത്തോടെ   അധികാരത്തിൽ വന്ന കോന്ഗ്രസ് പാർട്ടിയുടെ മുഖ്യമന്ത്രി വീരേന്ദ്ര പാട്ടിലിനു പക്ഷെ വർഷം ഒന്നു തികയ്ക്കുമ്പ്പോഴെക്ക്‌ അധികാരം വിട്ടൊഴിയേണ്ടിവന്നു.  ഗ്രൂപ്പ്‌ പോരുകൾക്കൊടുവിൽ കർണ്ണാടകയിൽ അതിശക്തമായി നിലനിക്കുന്ന ജാതിസമവാക്യത്തിന്നു മുന്നിൽ മുട്ടുമടക്കിക്കൊണ്ടു ലിങ്കായത്ത്‌ സമുദായക്കാരനായ എസ്‌.ബങ്കാരപ്പ കർണ്ണാടക മുഖ്യമന്ത്രിയായി അധികാരമേറ്റു. എന്നാൽ കർണ്ണാടയിലെ കോൺഗ്രസ്സ്‌ പതിവു തെറ്റിച്ചില്ല. അധികാരം കിട്ടി ഒരാണ്ടു തികയ്ക്കുമ്പോഴേക്ക്‌ ഗ്രൂപ്പു പോരിന്റെ മറപറ്റിയ അധികാര തർക്കങ്ങൾ വീണ്ടും തലപൊക്കി. എം.എൽ എ മാരെ ദല്‍ഹിയിലെ  ഹൈക്കമാൻഡിനു മുന്നിൽ ഹാജറാക്കുക, മുഖ്യമന്ത്രിയിൽ അവിശ്വാസം പരസ്യമായി പ്രകടിപ്പിക്കുക എന്നിങ്ങനെ കോൺഗ്രസ്സ്‌ ഗ്രൂപ്പു സംസ്ക്കാരത്തിന്റെ സകല കൊള്ളരുതായ്മകളുമായി കർണ്ണാടകയിൽ നിന്നു ദല്‍ഹിയിലേക്കും തിരിച്ചും ഗൂഢ ലക്ഷ്യത്തോടെയുള്ള നേതാക്കളുടെ യാത്രകൾക്കു പരിസമാപ്തി കുറിച്ചു കൊണ്ടു തൊണ്ണൂറ്റിരണ്ടു നവംബറിൽ ബംഗാരപ്പക്കും മുഖ്യമന്ത്രി കസേര വിട്ടൊഴിയേണ്ടി വന്നു. അതിനു ശേഷം വീരപ്പമൊയ്‌ലിയുടെ ഊഴമായിരുന്നു. മുൻഗാമികൾ ചെയ്തുവെച്ചതിന്റെ പിന്തുടർച്ച അത്രമാത്രമേ വീരപ്പമൊയ്‌ലിക്കും മുഖ്യമന്ത്രി കസേരയിലിരുന്നു ചെയ്യുവാനുണ്ടായിരുന്നുള്ളൂ. അതുകൊണ്ടൂ തന്നെ അഴിമതിയുടെ ദുർഗന്ധം വമിക്കുന്ന മുഖ്യമന്ത്രികസേരയിൽ അരവസരം കൂടെ കോൺഗ്രസ്സിനെ വാഴികുവാൻ സമ്മതിധായകർ തയ്യാറായില്ല. ബാബരീ മസ്ജിദിന്റെ തക്ര്ച്ചക്കു കാരണാമായ നരസിംഹ റാവുവിന്റെ കേന്ദ്രസർക്കാരിനെതിരായുള്ള തരംഗത്തോടൊപ്പം കർണ്ണാടക സർക്കാരിനെതിരായുള്ള വികാരം ആയിരത്തി തൊള്ളായിരത്തി തൊണ്ണൂറ്റിനാലിൽ നടന്ന തെരഞ്ഞെടുപ്പിൽ ദേവഗോ‍ൂഡ നേതൃത്വം കൊടുക്കുന്ന ജനദാ ദളിനെ തെരഞ്ഞെടുത്തു കൊണ്ടു കർണ്ണാടക ജനത കോൺഗ്രസ്സിനു ശക്തമായ തിരിച്ചടി നൽകി.

      മുഖ്യമന്ത്രി എന്ന നിലയിൽ കാര്യമായ പരിക്കുകളില്ലാതെ മുന്നോട്ടു പോകുമ്പോഴാണു തൊള്ളായിരത്തി തൊണ്ണൂറ്റിയാറിലെ പാർലമന്റ്‌ തെരഞ്ഞെടുപ്പിൽ ഇന്ത്യയിലാകമാനം ജനങ്ങൾ കോൺഗ്രസ്സിനെ കൈവിട്ടു കൊണ്ടു മതേതര ചേരിയെ പിന്തുണച്ചത്‌. ഇടതുപക്ഷ കക്ഷികളും തെലിങ്കു ദേശവും അടങ്ങുന്ന അന്നത്തെ മതേതര ചേരിയുടെ പ്രധാനമന്ത്രി പഥത്തിലേക്കുള്ള അന്വേഷണം അവസാനിച്ചത്‌ കർണ്ണാടക്‌ മുഖ്യമന്ത്രി ദേവഗോ‍ൂഡയിലായിരുന്നു. രണ്ടുവർഷത്തെ മുഖ്യമന്ത്രി പഥത്തിന്നു ശേഷം ദേവഗോ‍ൂഡ മതേതര-ഈടതുപ്ക്ഷ പാർട്ടികളുടെ പൊതുവേദിയായ യുനൈറ്റഡ്‌ ഫ്രെണ്ടിന്റെ നോമിനിയായിക്കൊണ്ടു തൊണ്ണൂറ്റിയാറിൽ ഇന്ത്യയുടെ പ്രധാനമന്ത്രിയായി അധികാരമേറ്റു. ഒറ്റനോട്ടത്തിൽ ദേവഗോ‍ൂഡയുടെയും, ജനതാ ദളിന്റെയും വൻ മുന്നേറ്റമായി വിലയിരുത്താവുന്ന അധികാര ലബിദി. എന്നാൽ പിടിച്ചതുമില്ല, കടിച്ചതുമില്ല എന്ന അവസ്ഥയിലായിപ്പോയി ദേവഗോ‍ൂഡയുടെയും ജനതാദളിന്റെയും അവസ്ഥ. കർണ്ണാടക മുഖ്യമന്ത്രിയായി പേരുദോശം കേൾപ്പിക്കാതെ മുന്നോട്ടു പോയിരുന്ന ഗോ‍ൂഡക്കു പക്ഷെ പ്രധാനമന്ത്രി പഥത്തിൽ പത്തു മാസം പോലും തികയ്ക്കുവാൻ സാധിച്ചില്ല. സീതാറാം കേസരിയുടെ അന്നത്തെ കോൺഗ്രസ്സ്‌ ദേവഗോ‍ൂഡയെ പ്രധാനമന്ത്രി പഥത്തിൽ നിന്നു ഒരാണ്ടു തികക്കുന്നതിന്നു മുന്നേ ഇറക്കി വിട്ടു. ദേവഗോ‍ൂഡക്കു പകരം മുഖ്യമന്ത്രിയായ ജെ.എച്‌ പട്ടേലാകട്ടെ നല്ല മുഖ്യമന്ത്രി എന്ന പെരും കേൽപ്പിച്ചില്ല. അടുത്ത തെരഞ്ഞെടുപ്പിൽ ജനതാദളിനു തിരിച്ചടി നൽകിക്കൊണ്ടു എസ്‌.കൃഷ്ണയുടെ നേതൃത്വത്തിൽ കോങ്ങ്രസ്സ്‌ വീണ്ടും അധികാരത്തിലേക്കു വന്നു.






എന്നാൽ ഈ കോലാഹലങ്ങൾക്കും അഴിമതി ഭരണങ്ങൾക്കുമിടയിൽ കർണ്ണാടകയിൽ പതിവു കോൺഗ്രസ്സ്‌-ജനതാദൾ മുദ്രാവാക്യത്തെ വെല്ലുവിളിച്ചു കൊണ്ടു ബി.ജെ.പി അതിവേഗം വളർച്ച നേടുന്നുണ്ടായിരുന്നു. ശക്തമായ ന്യൂനപക്ഷ സാന്നിദ്ധ്യമില്ലാത്ത കർണ്ണാടകത്തിൽ പക്ഷെ സംഘപരിവാരത്തിന്റെ വർഗ്‌ഗീയ അജണ്ടകൾക്കു വൻ സ്വീകാര്യതയാണു ലഭിച്ചത്‌. ദക്ഷിണേന്ത്യയിലെ ഒരു കാവിതുരുത്തെന്ന സംഘപരിവാർ ലക്ഷ്യത്തിനു അനുയോജ്യമായ മണ്ണൊരുക്കി കർണ്ണാടക സംഘ പരിവാർ അധികാര ലബ്ദിക്ക്‌ സർവ്വ പിന്തുണയും നൽകി. ഗ്രാമീണ ജനതയെ മറന്നു നഗര കേന്ദ്രീകൃതമായ ആഗോള  മൂലധന ശക്തികളുടെ താൽപര്യങ്ങൾക്കൊപ്പം ഭരണചക്രം തിരിച്ചിരുന്ന, അന്നത്തെ ആന്ധ്രാമുഖ്യമന്ത്രി ചന്ദ്രബാബു നായിഡുവിന്റെ പാഥ പിന്തുടരാനാണു മുഖ്യമന്ത്രി കൃഷ്ണ ശ്രമിച്ചിരുന്നത്‌. ലോക ഐ.ടി ഭൂപടത്തിൽ ബാംഗ്ലൂരിന്റെ സ്ഥാനം ഉറപ്പിക്കുന്നതിൽ മാത്രം ശ്രദ്ധ കേന്ദ്രീകരിച്ച            എസ്‌. എം കൃഷ്ണ പക്ഷെ ഭൂരിപക്ഷം വരുന്ന ഗ്രാമീണ ജനതയുടെ താൽപര്യങ്ങളെ കണ്ടില്ലെന്നു നടിച്ചു. അഞ്ചു വർഷത്തെ ഭരണം കൊണ്ടു കോൺഗ്രസ്സിനു നഷ്ഠമായത്‌ ഏകകക്ഷി ഭരണമെന്ന നാളിതുവരെയുള്ള പ്രതാപമായിരുന്നു. ഒറ്റക്കു ഭരിക്കുവാനുള്ള ഭൂരിപക്ഷം നഷ്ടപ്പെട്ട കോൺഗ്രസ്സിനെ പക്ഷെ ഏറ്റവും വലിയ ഒറ്റകക്ഷിയായി മാറിയ ബി.ജെ.പിയെ അധികാരത്തിൽ നിന്നും മാറ്റിനിറുത്തുകയെന്ന അജണ്ടയുടെ വെളിച്ചത്തിൽ ദേവഗോ‍ൂഡയുടെ മകൻ കുമാരസ്വാമി നേതൃത്വം കൊടുക്കുന്ന ജനധാളിന്റെ പി ന്തുണയോടെ കോൺഗ്രസ്സിന്റെ ദരം സിഹ്‌ കർണ്ണാടകത്തിലെ മുഖ്യമന്ത്രിയായി സത്യപ്രതിജ്ഞ്‌ ചെയ്തു.

    
എന്നാൽ മധുവിധു അധികകലം നീണ്ടു നിന്നില്ല. കോൺഗ്രസ്സിനു നൽകിയ പി ന്തുണ വൈകാതെ പിൻ വലിച്ചു കൊണ്ടു കുമാരസ്വാമി ബി.ജെ.പി പി ന്തുണയോടെ കർണ്ണാടകത്തിലെ പതിനെട്ടാമത്തെ മുഖ്യമന്ത്രിയായി മാറി. ബി.ജെ.പിയുടെ അധികാരത്തിലേക്കുള്ള ആദ്യ ചുവടുവെപ്പായിരുന്നു ഇത്‌.ബി.ജെ.പി പി ന്തുണയോടെയുള്ള ഭരണം അധികം നീണ്ടു നിന്നില്ല. ഒരു വർഷത്തിനു ശേഷം കർണ്ണാടക പ്രസിഡന്റ്‌ ഭരണത്തിൻ കീഴിൽ വന്നു.. പിന്നീടാണു ബി.ജെ.പിയുടെ ദക്ഷിണേന്തയുടെ കവാടം തുറന്നുകൊണ്ടു എസ്‌.യെദിയൂരപ്പ കർണ്ണാടക മുഖ്യമന്ത്രിയായി അധികാരത്തിലേറുന്നത്‌.എന്നാൾ നാളുകൾക്കകം വീണ്ടും കർണ്ണാടക പ്രസിഡൻ ഭരണത്തിൻ കീഴിലേക്കു തന്നെ വന്നു.എന്നാൽ കോൺഗ്രസ്സിനും, കുമാരസ്വാമിക്കുമെതിരായുള്ള ജനവികാരം ശക്തമായിരുന്നു. രണ്ടായിരത്തി എട്ടിൽ നടന്ന നിയമസഭാ തെരഞ്ഞെടുപ്പിൽ കേവല ഭൂരിപക്ഷത്തിനു നാലു സീറ്റുകൾ മാതം കുറവിൽ ബി.ജെ.പി കർണ്ണാടകത്തിൽ അധിക്കാരത്തിലേറി.

     

എന്നാല്‍ കര്‍ണ്ണാടക മുഖ്യമന്ത്രി പഥത്തില്‍ ഇതിനകം  അമിഞ്ഞു കുടിയ അഴിമതിയുടെ ദുര്‍ഗന്ധത്തില്‍  നിന്നും മുക്തമാകുവാന്‍ ബി.ജെ.പി സര്‍ക്കാരിനും കഴിഞ്ഞില്ല.    ഗനി കുംബകോണവും യെദിയൂരപ്പയുടെ മകൻ ഉൾപ്പെട്ട ഭൂമി ഇടപാടുകൾ സ്വതന്ത്രമാരെ കൂടെ കൂട്ടാനുള്ള ക്രമം വിട്ട നടപടികൾ എന്നിങ്ങനെ പോകുന്നു ചുരുങ്ങിയ കാലത്തിനുള്ളിലെ ഭരണ നേട്ടങ്ങൾ. ഇടക്കിടെ പുറത്തുചാടുന്ന റെഡ്ഡി സഹോദരന്മാരുമായി ബന്ധപ്പെട്ട ഗനി കുംബകോണ വിവാദങ്ങൾ, യെദിയൂരപ്പയുടെ മുഖ്യമന്ത്രി പഥത്തിനു തന്നെ ഭീഷണി ഉയരുമെന്ന ഘട്ടട്ടങ്ങളിൽ ഭീഷണി മറികടക്കുവാൻ ഒഴുക്കിയത്‌ ശതകോടികളായിരുന്നു. കേഡർ പാർട്ടിയായ ബി.ജെ.പി അഴിമതിയുടെയുംഅച്ചടക്കരാഹിത്യത്തിന്റെയും വിഷയത്തിൽ കോൺഗ്രസ്സ്‌ - ജനതാ ദൾ എന്നിവരേക്കാൾ ഒട്ടും മോശമല്ല എന്നു തന്നെയല്ല ഒരു പടികൂടെ മുൻപിൽ തന്നെയെന്നു തെളിയിക്കുന്നതായിരുന്നു കൃത്യമായ ഇടവേളകളിൽ നടന്നിരുന്ന് നേതൃത്വത്തിന്നെതിരായുള്ള കലാപങ്ങളും അതിനെ മറികടക്കുവാൻ ബി.ജെ.പി. എം.എൽ.എമാരെ കൂടെ നിറുത്തുവാനുള്ള ശതകോടികളൂടെ ഒഴുക്കും. ഭരണനിർവ്വാഹണം കർണ്ണാടക വിധാൻ സഭവിട്ടു റിസോട്ടുകളിലേക്കും, പഞ്ചനക്ഷത്ര ഹോട്ടലുകളിലേക്കും പറിച്ചു നടപ്പെട്ടു. കോൺഗ്രസ്സിനെ പോലും നാണിപ്പിക്കുന്ന നിലയിൽ ബി.ജെ.പി. എം എൽ എമാരെ പണം കൊടുത്തു സുരക്ഷിത സ്ഥലങ്ങളിൽ കുടിയിരുത്തി. ഒടുവിൽ കർണ്ണാടകയിലെ മിശിഹയായ സാക്ഷാൽ യെദിയൂരപ്പ യുടെ കുടുംബം തന്നെ ഭരണ സ്വാധീനം ഉപയോഗപ്പെടുത്തി സർക്കാർ ഭൂമി നിയമവിരുദ്ധമായി പതിച്ചെടുത്തത്തായി ലോകായ്ക്ത കണ്ടെത്തി. 



അതേസമയം  സംഘപരിവാറിന്റെ വർഗ്ഗീയ അജണ്ടകൾ നടപ്പിലാക്കുന്ന് വിഷയത്തിൽ അഴിമതിയോ, വിമതന്മാരുടെ കൊട്ടാരവിപ്ലവമോ തടസ്സമുണ്ടായില്ല. കർണ്ണാടകയെ രണ്ടാം ഗുജറാത്താക്കുവാനുള്ള വർഗ്ഗീയ നീക്കങ്ങൾ കൃത്യമായി തന്നെ നടപ്പിലാക്കപ്പെട്ടു. മംഗലാപുരത്ത്‌ ന്യൂനപക്ഷങ്ങളെ നടക്കുന്ന വർഗ്ഗീയ കലാപങ്ങൾ, ഭരണ സ്വാധീനം ദുരുപയോഗപ്പെടുത്തിക്കൊണ്ടു ക്രമസമാധാനത്തിന്നു ഭീഷണിയാകും വിധം പ്രവർത്തിക്കുന്ന പ്രമോദ്‌ മുത്തലിക്കിന്റെ ശ്രീരാമ സേന. ഒരു കലാപത്തിന്നു പത്തു ലക്ഷം, രണ്ടു കലാപത്തിന്നു പണമടച്ചാൽ ഒരു കലാപം ഫ്രീ എന്ന നിലക്കുള്ള മൂലധന വിപണിയുടെ ഓഫറുമായാണു മുത്തലിക്കും സംഘവും ക്രമസമാധാനത്തിൽ ഇടപെടുന്നത്‌. ഹബ്ബിൽ പോകുന്നവരെ ആക്രമിക്‌കുക, മുസ്ലിം ചെറുപ്പക്കാരുമായി സംസാരിക്കുകയോയാത്ര ചെയ്യുകയോ ചെയ്യുന്നവരെ തെരഞ്ഞു പിടിച്ചു ആക്രമിക്കുക എന്നിവയൊക്കെ 'രാമന്റെ സ്വന്തം സേനയുടെ ' ചില ലീലാവിലാസങ്ങൾ മാത്രം. ഇരകളുടെ ഭാഗത്തു നിന്നുള്ള ചെറിയ പ്രതിഷേധത്തെ പോലും നിശ്ശബ്ദരാക്കുവാൻ സർക്കാർ, അധോലോകവുമായി പോലും കൂട്ടുകൂടി. മംഗലാപുരത്തെ ഹിന്ദുത്വ അധോലോകത്തിന്റെ തോക്കിന്നിരയായ അഡ്വ: നഷാദ്‌ കാസിം ഒരു ഭരണകൂട-അധോലോക കൂട്ടുകെട്ടിന്റെ ഇരയാണു. ഭരണത്തിന്റെ തണലിൽ വർഗ്ഗീയ കലാപങ്ങൾ സംഘടിപ്പിക്കുക, അതിന്റെ മറവിൽ ഭരണകൂട ഭീകരത അഴിച്ചു വിടുക മൈസൂരിൽ നടന്നത്‌ ഇതൊക്കെയാണു. മൈസൂരിലെ ഹലീമ സാദിയ പള്ളിയില്‍ സംഘപരിവാര പ്രവര്‍ത്തകര്‍ പന്നികളുടെ ജഡം  ആസൂതൃതമായി കൊണ്ടു വന്നിട്ടുകൊന്ടു  മുസ്ലിം സമുദായത്തെ പ്രകോപ്പിക്കുവാനുള്ള ശ്രമം നടന്നു. എന്നാൽ ഇതിന്റെ പിന്നിലെ ഗൂഡാലോചന മനസ്സിലാക്കിയ മുസ്ലിം സംഘടനകൾ ഒരു കലാപംനടത്തുവാനുള്ള സംഘപരിവാർ ഭരണകൂടത്തിന്റെ നീക്കങ്ങൾക്കു എതിരു നിന്നു. എന്നാൽ കലാപം ആളിപടർത്തുവാനുള്ള ശ്രമത്തിൽ പരാജയപ്പെട്ട ആർ.എസ്‌.എസുകാരനായ കർണ്ണാടക ആഭ്യന്തര മന്ത്രി ആചാര്യുയ്യുടെ അടുത്ത ശ്രമം മുസ്ലിം സംഘടനാ നേതാക്കളെ തുറുങ്കിലടക്കാനായിരുന്നു. പോപ്പുലർ ഫ്രെണ്ട്‌ ഓഫ്‌ ഇന്ത്യയുടെ സംസ്ഥാന നേതാക്കളെ കലാപ്ത്തിനു ശ്രമിച്ചു എന്നാരോപിച്ച്‌ ജയിലിലടച്ച ആചാര്യ ഇതിനെതിരെ പ്രതിഷേധസമരം നടത്തിയ സ്ത്രീകൾ അടക്കമുള്ളവരെ തെരുവിലിട്ടൂ തല്ലിച്ചതച്ചു. നിയമവിരുദ്ധ തടവിനെതിരെ അവസാനം കർണ്ണാടക ഹൈക്കോടതി തന്നെ ഇടപെടേണ്ടി വന്നു. 




നിരന്തരം ഉയരുന്ന അഴിമതിയാരോപണങ്ങളിൽ നിന്നു ജനശ്രദ്ധ തിരിക്കുവാൻ ഒരു ബലിയാടിനെ വേണ്ടിയിരുന്നു കർണ്ണാടക സർക്കാരിനു. ജനവികാരംനിയന്ത്രിച്ചു നിറുത്തുവാൻ ഒരു 'ഭീകരനെ' ശ്രിഷ്ഠിക്കേണ്ടിയിരുന്നു. ബലിയാടിനെ കണ്ടുപിടിക്കുവാൻ പക്ഷെ കാസർക്കോഡ്‌ കടന്നു കേരളത്തിലെ കൊല്ലം ജില്ലയിൽ എത്തേണ്ടിവന്നുവേന്നു മാത്രം. അകാരണമായി ഒൻപതു വർഷത്തോളം ജയിലറക്കുള്ളിൽ കിടന്ന മദനിയെ ബാംഗലൂർ സ്ഫോടന കുറ്റം ചുമത്തി കേരള സർക്കാരുമായി കൂ‍ൂട്ടുചേർന്നു കൊണ്ടു കർണ്ണാടക ജയിലടച്ചു. പതിവിനു വിപരീതമായി മദനിക്കെതിരായുള്ള നീക്കത്തെ കുറിച്ച്‌ മാധ്യമങ്ങളിൽ വാർത്തകൾ വന്നുകൊണ്ടിരുന്നു. മദനിക്കെതിരായുള്ള സാക്ഷികളും, സാക്ഷിമൊഴികളും വ്യാജമാണെന്നു പലകോണിൽ നിന്നും ആരോപണമുയർന്നു. കുടകിൽ നടന്ന ക്യാമ്പിൽ മദനി പങ്കെടുത്തെന്നായിരുന്നു കർണ്ണാടക സർക്കാർ നിരത്തിയ പ്രധാന സാക്ഷിമൊഴി. കേരളാ പോലീസിന്റെ അനുമതിയില്ലാതെ സഞ്ചാര സ്വാതന്ര്യം ഇല്ലാതിരുന്ന മദനിയാണു കേരള പോലീസ്‌ മദനിയുടെ സുരക്ഷക്കായി നിയോഗിച്ച പോലീസുകാരുടെ കണ്ണുവെട്ടിച്ചു കൊണ്ടു ഒറ്റ ക്കാലും വെച്ച്‌ കുടകിലെ ക്യാമ്പിൽ പങ്കെടൂത്തതെന്നു കർണ്ണാടക സർക്കാർ പറയുന്നത്‌. പൊതുപ്രവർത്തകനെന്ന നിലക്കു ദൃഷ്യ- അച്ചടി മാധ്യമങ്ങളിൽ നിരന്തരം പ്രത്യക്ഷപ്പെടുന്ന മദനിയെയാണു തിരിച്ചറിഞ്ഞതായി പറഞ്ഞു കർണ്ണാടക്‌ പോലീസ്‌ സാക്ഷി മൊഴി രേഖപ്പെടുത്തിയത്‌. 


ഇതിന്റെ സത്യാവസ്ഥ ചികയുന്നതിന്റെ ഭാഗമാണു ഏഷ്യാനെറ്റ്‌ മുൻ റിപ്പോർട്ടർ ഷാഹിന തെഹൽക്കക്കു വേണ്ടി കർണ്ണാടക സർക്കർ മദനിക്കെതിരെ മൊഴിനൽകിയെന്നു പറയുന്ന സാക്ഷികളെ സന്ദർഷിച്ചത്‌. സാക്ഷികളിൽ ഒരാൾ ബി.ജെ.പി പ്രവർത്തകനായ യോഗാനന്ദ്‌ ആണു. ബി.ജെ.പി സർക്കാർ മദനിക്കെതിരെ കോടതിയിൽ നിരത്റ്റിയ സാക്ഷിപട്ടിയയിൽ തന്റെ പേരുണ്ടെന്നു പോലും ഇയാൾക്കറിയില്ലത്രെ. മാത്രമല്ല കുടകിലെ സംഭവങ്ങളുമായി ബന്ധപ്പെട്ട സാക്ഷിമൊഴികളിലും തനിക്കു ബന്ദ്മില്ലെന്നു യോഗാനന്ദ്‌ തെഹൽക്കൗ‍ാടു വിവരിക്കുന്നു. യഥാർത്ഥ വിവരങ്ങൾ പുറത്തുവൗന്നത്‌ സ്വന്തം താൽപര്യങ്ങൾക്കെതിരാകുമെന്നു കണ്ടപ്പോൾ ഇതു റിപ്പോർട്ടു ചെയ്ത മാധ്യമ പ്രവർത്തകർക്കെതിരായി അടുത്ത നീക്കം. കർണ്ണാടക സർക്കാരിന്റെ ആഗ്രഹം പോലെ തന്നെ നിർഭാഗ്യത്തിന്നു തെഹൽക്കക്കു വേണ്ടി കർണ്ണാടക സർക്കാരിന്റെ ഈ കള്ളക്കളി വെളിച്ചത്തു കൊണ്ടുവന്നത്‌ മുസ്ലിം കുടുംബത്തിൽ ജനിച്ചു പോയി എന്ന അപരാഥം മത്രം ചെയ്ത മുസ്ലിം പേരു മാത്രം ഇപ്പോഴും കൊണ്ടുനടക്കുന്ന ഷാഹിന എന്ന ഷാഹിനാ രാജീവായിരുന്നു. ജീവിതവ്യവഹാരത്തിൽ അടിമുടി മതത്തെ കയ്യൊഴിഞ്ഞു കൊണ്ടു മതചിഹങ്ങൾ സ്വന്തം ജീവിതത്തിൽ നിന്നു ബോധപൂർവ്വം നീക്കം ചെയ്ത, ഒരു ഹൈന്ദവനെ വിവാഹം കഴിച്ച എന്നാൽ മുസ്ലിം പേരുള്ള ഷാഹിന അങ്ങിനെ കർണ്ണാടക സർക്കാരിന്റെ കണ്ണിൽ തീവ്രവാദിയായി മാറി. കർണ്ണാടക സർക്കാർ ജൽപനഗ്ങ്ങൾ അതേപോലെ അവതരിപ്പിക്കുവാൻ കൂട്ടിനു പതിവുപോലെ കേരളത്തിലെ മുൻ നിര മാധ്യമങ്ങളുടെ അകമഴിഞ്ഞ പിന്തുണയും. 



ചുരുക്കത്തിൽ കർണ്ണാടകത്തിലെ മാതൃകാ രാമരാജ്യം അരങ്ങു തകർക്കുകയാണു. ഗുജറാത്ത്‌ മോഡൽ ന്യൂനപക്ഷ കൂട്ടക്കൊല മാത്രമേ ഇനി ബാക്കിയായുള്ളൂ. കോൺഗ്രസ്സിനെ നാണംകെടുത്തുന്ന അഴിമതിയും കൊട്ടാരവിപ്ലവവും, വിമത പോരാട്ടവും മേൻപൊടിക്ക്‌ ജനശ്രദ്ധ തിരിച്ചു വിടുവാൻ ഇടക്കിടെ പൊട്ടുന്ന ബോംബ്സ്ഫോടനങ്ങളും മദനിയെ പോലുള്ള 'ബലിമൃഗങ്ങളും' ഇതൊക്കെയാണു സംഘപർ ഭരണനേട്ടങ്ങളുടെ ആകെത്തുക. എന്നൽ കിട്ടിയ ആദ്യ അവസരത്തിൽ തന്നെ കർണ്ണാടക ജനത ഭൂരിപക്ഷ വർഗ്ഗീയതക്കു ശക്തമായ തിരിച്ചടി നൽകിയിരിക്കുന്നു. ഇക്കഴിഞ്ഞ തദ്ദേശ സ്വയംഭരണ തെരഞ്ഞെടുപ്പിൽ കർണ്ണാടക ജനത തെറ്റുതിരുത്തുന്നതാണു കാണാൻ കഴിഞ്ഞത്‌. ഭൂരിപക്ഷം മണ്ടലങ്ങളിലും കോൺഗ്രസ്സ്‌, ജനതദൾ സ്ഥാനാർത്ഥികളെയാണു കർണ്ണാടക ജനത തെരഞ്ഞെടുത്തത്‌. വർഗ്ഗീയ പ്രചാരണം മാറ്റിനിറുത്തിയാൽ ഏതൊരു പൈന്തിരിപ്പൻ പാർട്ടികളേക്കാളും അറുപിന്തിരിപ്പന്മാരാണു തങ്ങളെന്നു ബി.ജെ.പി തെളിയിച്ചതിന്റെ പരിണിതഫലം. ഡല്‍ഹി  ജനത ബി.ജെ.പി സർക്കാരിനെ വലിച്ചെറിഞ്ഞത്‌ വെറുമൊരു ഉള്ളീവിലയിൽ പിടിച്ചാണു. അതായത്‌ ഉള്ളിത്തോലിന്റെ സുരക്ഷിതത്തമേ സംഘിസർക്കാരിനുണ്ടായിരുന്നുള്ളൂ. ജനങ്ങളുമായി ബി.ജെ.പി സർക്കാരുകൾക്കുള്ള ബന്ധം അത്രമാത്രം ലോലമാണെന്നർത്ഥം. രാമജന്മഭൂമി വികാരം വളർത്തി അധികാരം പിടിച്ചെടുത്ത ഉത്തർപ്പ്രദേശിൽ ഇന്നു ബി.ജെ.പി പ്രധാന പ്രതിപക്ഷം പോലുമല്ല. ഗുജറാത്തിൽ കോൺഗ്രസീന്റെ പിടിപ്പുകേടു മുതലെടുത്തുകൊണ്ടു എതിർശബ്ദങ്ങളെ ഇല്ലാതാക്കി മോഡിമാത്രം പിടിച്ചുനിൽക്കുന്നു. സംഘപരിവാറിന്റെ രാമരാജ്യത്തിന്നു ഭൂരിപക്ഷ ജനതവരെ കിട്ടിയ ആദ്യാവസരത്തിൽ തിരിച്ചടി നൽകുന്നു എന്നു സാരം. അന്യമത വിദ്വേഷമല്ലാതെ ജനനന്മക്കായി തങ്ങളുടെ പക്കൽ ഒന്നുമില്ലെന്നു ബി.ജെ.പി സർക്കാരുകൾ വീണ്ടും വീണ്ടും തെളിയിച്ചു കൊണ്ടിരിക്കുന്നു. അധികാര ലബ്ദിക്കു പരമത വിദ്വേഷം ഗുണം ചെയ്യുമെങ്കിലും അധികാരണം നിലനിറുത്തുവാൻ ബോംബ്‌ സ്ഫോടനങ്ങളോ, വ്യാജ ഏറ്റുമുട്ടൽ കൊലപാതകങ്ങളോ മതിയാകില്ലെന്നു സംഘ നേതൃത്വം ഇനിയെന്നു തിരിച്ചറിയും


"സ്വന്തം ജനതയുടെ നന്മയേക്കാൾ മറ്റു സമൂഹങ്ങളുടെ നാശം കൊതിക്കുന്ന ഒരു പ്രത്യയശാസ്ത്രത്തിൽ നിന്നു മറിച്ചൊന്നു പ്രതീക്ഷിക്കുന്നതിൽ അർത്ഥവുമില്ല."


P.K.NOUFAL

Thursday, December 2, 2010

ലോക കപ്പ വേദി. ഖത്തറിനു ആശംസകളര്‍പ്പിക്കാം


ലോകകപ്പ്‌ ആതിഥ്യം-ഖത്തറിന്റെ പരിശ്രമം വെറുതെയായില്ല, 
ലോകഭൂപടത്തില്‍ ഭൂതക്കണ്ണാടി വെച്ചു കൊണ്ടു മാത്രം ദര്‍ശിക്കാവുന്ന ഒരു രാഷ്ട്രം ലോകത്തിന്നു തന്നെ മാതൃകയാകുകയാണു. വലുപ്പമല്ല നിലപാടുകളാണു മറ്റുള്ളവരില്‍ നിന്നു തങ്ങളെ മാറ്റിനിറുത്തന്നത്തെന്ന ശ്രദ്ധേയമായ മാതൃക. ചെറുരാജ്യമെന്ന ന്യൂനത അന്താരാഷ്ട്ര തലത്തിലുള്ള നിരന്തമിടപെടലിലൂടെയാണു ഖത്തര്‍ നാളിതുവരെ മറികടക്കുവാന്‍ ശ്രമിച്ചത്‌. അതില്‍ വേണ്ടധിലധികം ഖത്തര്‍ വിജയിക്കുകയും ചെയ്തിട്ടുണ്ട്‌. 


അന്താരാഷ്ട്ര വിഷയങ്ങളില്‍ വ്യതിരിക്തമായ നിലപാടുകളാണു ഖത്തറിനെ മറ്റു രാഷ്ട്രങ്ങളില്‍ നിന്നു വിഭിന്നമാക്കുന്നത്‌. അമേരിക്കയുമായി അടുത്ത സൗഹൃദം പുലര്‍ത്തുമ്പോള്‍ തന്നെ ഫലസ്ഥീന്‍ സ്വാതന്ത്ര്യ സമരത്തിന്നു നിര്‍ലോഭമായ പി ന്തുണയും ഖത്തര്‍ നല്‍കുകയുണ്ടായി. ഹമാസ്‌ നേതാക്കള്‍ക്ക്‌ രാഷ്ട്രീയ അഭയം ന്‍ല്‍കി ഇസ്രായേലിനു വ്യക്തമായ മുന്നറിയിപ്പും ഈ കൊച്ചു രാജ്യം നല്‍കുകയുണ്ടായി. അന്താരാഷ്ട്ര സമ്മേളനങ്ങള്‍ക്ക്‌ വേദിയൊരുക്കി ആഗോളതലത്തില്‍ സജിവമാകുകയെന്ന നയത്തിന്റെ ഭാഗമായാണു ഓ.ഐ.സി രാഷ്ട്രനേതാക്കളുടെ ഉച്ചകോടി ദൊഹയില്‍ വെച്ചു നടത്തുവാന്‍ ഖത്തര്‍ ധൈര്യം കാണിച്ചത്‌. കൊച്ചു രാഷ്ട്രത്തിന്റെ വേവലാതികളൊന്നുമില്ലാതെ വിജയകരമായി തന്നെ ഓ.ഐ.സി സമ്മേളനം പൂര്‍ത്തിയാക്കിക്കൊണ്ടു ഭാവിയിലെ അവസരങ്ങളിലേക്ക്‌ ഖത്തര്‍ വാതില്‍ തുറന്നിട്ടു. പിന്നീട്‌ ലോക സാമ്പത്തിക ഉച്ചകോടിയടക്കം പല നിലക്കുള്ള അന്താരാഷ്ട്ര സമ്മേളനങ്ങള്‍ക്കും ഖത്തര്‍ ആഥിത്യം വഹിച്ചു. 



അന്താരാഷ്‌ട്ര കായിക മത്സരങ്ങളുടെ സ്ഥിരം വേദിയാക്കി ഖത്തറിനെ മാറ്റുക എന്ന നയത്തിന്റെ ഭാഗമായാണു നാലുവര്‍ഷം മുന്നേ ഏഷ്യന്‍ ഗെയിംസിനു കൊച്ചു ഖത്തര്‍ ആഥിത്യം വഹിച്ചത്‌. കന്നിക്കാരന്റെ ആകുലതകളൊന്നുമില്ലാതെ ഏഷ്യന്‍ ഗെയിംസ്‌ ചരിത്രത്തില്‍ എന്നൊന്നും ഓര്‍മ്മിക്കുവാന്‍ ഒരു പാടു മുഹൂര്‍ത്ഥങ്ങള്‍ സമ്മാനിച്ചു കൊണ്ടാണു രണ്ടായിരത്തിയാറിലെ ഏഷ്യന്‍ ഗെയിംസിനു ദൊഹയില്‍ പരിസമാപ്തി കുറിച്ചത്‌. അന്നു ലഭിച്ച അനുഭസമ്പത്തീന്റെ ധൈര്യത്തില്‍ കൂടുതല്‍ മുതല്‍ മുടക്കുള്ളതും ജനകീയ പങ്കാളിതം പ്രതീക്ഷിക്കുന്നതുമായ അന്താര്‍ഷ്ട്ര മത്സരങ്ങള്‍ക്ക്‌ ഖത്തര്‍ നിരന്തരം വേദിയായി. വര്‍ഷങ്ങളായി WTA യുടെ ആഭിമുഖ്യത്തിലുള്ള അന്താരാഷ്ട്ര ടെന്നീസ്‌ മത്സരങ്ങള്‍ ഖത്തറില്‍ നടന്നു വരികയാണു, ലോകത്തിലെ മുന്‍നിര ടെന്നീസ്  താരനിരയാണു ഈ മത്സരങ്ങളില്‍ പങ്കെടുത്തുവരുന്നത്‌. രണ്ടായിരത്തി പതിനൊന്നു ജനുവരിയില്‍ നടക്കുന്ന  ഏഷ്യാകപ്പ്‌ ഫുട്ബൊള്‍ മത്സരത്തിന്നും ആഥിത്യമുരുളുന്നത്‌ ഖത്തര്‍ തന്നെ. അതിനുള്ള ഒരുക്കങ്ങള്‍ ദ്രൂതഗതിയില്‍ നടന്നുവരുന്നു. 



     എന്നാല്‍ 2022 ലോക ഫുട്ബോള്‍ മാമാങ്കത്തിന്നു ആഥിത്യമുരുളുവാനുള്ള ഖത്തറിന്റെ ശ്രമങ്ങളെ പലരും കൗതുകത്തോടെയാണു നോക്കിക്കണ്ടത്‌. കൊച്ചു രാജ്യത്തിന്നു ലോകത്തെ മുഴുവന്‍ ഫുട്ബൊള്‍ പ്രേമികളുടെയും പ്രതീക്ഷകള്‍കൊത്തു ഭൂമിയിലെ കാല്‍പന്തുകളിയുടെ മാമാങ്കത്തിന്നു ആതിഥ്യമുരുളുവാന്‍ സാധിക്കുമോ എന്ന ചോദ്യമാണു പലകോണുകളില്‍ നിന്നും ഉയര്‍ന്നത്‌. ഫുട്ബൊള്‍ ലോകകപ്പ്‌ സാധാരണ നടന്നുവരുന്ന ജൂണ്‍ ജൂലായ്‌ മാസങ്ങള്‍ മിഡില്‍ ഈസ്റ്റിലെ ഏറ്റവും ചൂടുള്ള കാലാവസ്ഥയാണെന്നതാണു ഒന്നാമത്തെ കാരണം. മറ്റു കായിക മത്സരങ്ങളില്‍ നിന്നും വിഭിന്നമായി ഫുട്ബൊള്‍ ആരാധകരുടെ വര്‍ദ്ധിച്ച തോതിലുള്ള ഒഴുക്കു തന്നെ മത്സരം നേരിട്ടു കാണുവാന്‍ ഉണ്ടാകും. ചെറുരാജ്യമായ ഖത്തറിനു ഇവരെയൊക്കെ ഉള്‍കൊള്ളുവാന്‍ സാധിക്കുമോ എന്നതായിരുന്നു മറ്റൊരു ചോദ്യം. രണ്ടു ദിവസം മുന്നേ ഫിഫയുടെ ടെക്നിക്കല്‍ കമ്മറ്റി പുറത്തുവിട്ട സ്ഥിതിവിവരക്കണക്കില്‍ ഖത്തറിലെ ജൂലായ്‌ മാസത്തെ അതിശക്തമായ ചൂടും, ചെറു ച്യൂറ്റളവിനുള്ളില്‍ ക്രമീകരിക്കപ്പെട്ട സ്റ്റേഡിയങ്ങളും, സ്റ്റേഡിയങ്ങള്‍ക്കിടയില്‍ രൂപാന്തരപ്പെടുവാനുള്ള ഗതാഗതക്കുരുക്കുമൊക്കെയായിരുന്നു പ്രസിദ്ധീകരിച്ചിരുന്നത്‌. എന്നാല്‍ ഇതിനെല്ലാം ഖത്തറിനു വ്യക്തമായ മറുപടികളുണ്ടായിരുന്നു. സ്റ്റേഡിയം, ട്രെയിംഗ്‌ സെന്ററുകള്‍ ഇവയൊക്കെ ഇരുപത്തിയഞ്ച ഡിഗ്രിയില്‍ താപം ക്രമീകരിക്കുന്ന സജ്ജീകരനങ്ങളാണു തങ്ങള്‍ തയ്യാരാക്കാനുദ്ദേശിക്കുന്നതെന്നായിരൂനു ഖത്തരിന്റെ മറുപടി. മാത്രമല്ല ഗതാഗത കുരുക്കുകള്‍ ഒഴിവാക്കുവാന്‍ പൂര്‍ണ്ണ തോതിലുള്ള നിര്‍മ്മാണ്‍ പ്രവര്‍ത്തനങ്ങളും സമയം ബധിതമായി നടപ്പിലാക്കുമെന്നു ഖത്തര്‍ പ്രഖ്യാപിക്കുകയുണ്ടായി. മാത്രമല്ല 


മാത്രമല്ല ഖത്തര്‍ ബിഡ്‌ രണ്ടായിരത്തീരുപത്തിരണ്ടിന്റെ പ്രചാരണത്തിന്നു ഫുട്ബൊള്‍ ഇതിഹാസങ്ങളായ സിനദിന്‍  സിദാനെയും, ഗബ്രിയെല ബാസ്റ്റിറ്റിയുട്ട എന്നിവരെയൊക്കെ അണിനിരത്തി വിപുലമായ പ്രചാരണ പരിപാടികള്‍ക്കും ഖത്തര്‍ നേതൃത്വം നല്‍കി. യൂറൊപ്പിലെ വന്‍ ക്ല്ബുകള്‍ ഖത്തറിന്റെ ശ്രമങ്ങള്‍ക്ക്‌ സര്‍വ്വ പി ന്തൂണയുമായി രംഗത്തുണ്ടായിരുന്നു, 


ഒടുവില്‍ ഖത്തറിന്റെ വര്‍ഷങ്ങള്‍ നീണ്ട പരിശ്രമങ്ങള്‍ക്ക്‌ ശുഭപര്യവസാനമായിക്കൊണ്ട്‌ രണ്ടായിരത്തി പതിനെട്ടിലെ വേദി റഷ്യക്കു നല്‍കിയ പ്രഖ്യാപനത്തിനൊപ്പാം രണ്ടായിരത്തി ഇരുപത്തിരണ്ടിലെ ലോകകപ്പിനു ആതിഥ്യം വഹിക്കുവാന്‍ ദൊഹയെ തെരഞ്ഞെടുത്തത്തായ ഒരു ദേശം മുഴുവന്‍ ആകാംക്ഷയൊടെ കാത്തുനിന്ന പ്രഖ്യാപനവും ഫിഫയുടെ ആസ്ഥാനത്ത്‌ നിന്നുണ്ടായി. പ്രഖ്യാപനത്തിന്നു സാക്ഷിയാകുവാന്‍ ഖത്തര്‍ അമീര്‍ ഹിസ്‌ ഹൈനസ്‌ ഷെയ്ഖ്‌ ഹമദ്‌ ബിന്‍ ഖലീഫ അല്‍ഥാനിയും പത്നി ഷെയ്ഖ മുസ നാസര്‍ അല്‍ മിസ്നദും, ഖത്തര്‍ ബിഡ്‌ രണ്ടായിരത്തി ഇരുപത്തിരണ്ട്‌ ചെയര്‍മാന്‍ ഷെയ്ഖ്‌ മുഹമ്മദ്‌ ബിന്‍ ഹമദ്‌ ബിന്‍ ഖലീഫ അല്‍ഥാനിയും ഫിഫ ആസ്ഥാനമായ സൂരിച്ചില്‍ എത്തിയിരുന്നു. ലോകകപ്പ്‌ വെദിയുടെ ഫലപ്രഖ്യാപനം ലൈവായികാണുവാനുള്ള നിരവധി അവസരങ്ങള്‍ ഖത്തര്‍ ഗവണ്‍മന്റ്‌ ഒരുക്കിയിരുന്നു. ലോക്ക്ക്പ്പ്‌ വെദിയാകുവാനുള്ള മിഡില്‍ ഈസ്റ്റിലെ ആദ്യരാജ്യമായ ഖത്തറിന്റെ ശ്രമങ്ങളുടെ ശുഭപര്യവസാനത്തെ പ്രവാസികളടക്കമുള്ള ജനങ്ങള്‍ അത്യന്തം ആഹ്ലാദത്തോടെയാണു എതിരേറ്റത്‌. ഇനി വരാനൂള്ള നാളുകള്‍ ഖത്തരിനു വെറുതെയിരിക്കുവാനുള്ളതല്ലെന്ന ഉറച്ച ചിന്ത സ്വദേശികളും പ്രവസികളും ഒരുപോലെ പങ്കുവെക്കുന്നു. മിഡില്‍ ഈസ്റ്റിലീ ആദ്യ ഫുട്ബോള്‍ മാമാങ്കത്തിന്ന് പുതിയ മാനങ്ങളോടെയാകും ഖത്തര്‍ വരവേല്‍ക്കുക. ലോകപ്പില്‍ ഇന്നുവരെ കാണാത്ത പല അത്ഭുതങ്ങളും തങ്ങള്‍ ആസൂത്രണം ചെയ്തിട്ടുണ്ടെന്നു ഖത്തര്‍ ഇതിനകം പ്രഖ്യാപിച്ചിട്ടുമുണ്ട്‌, ആയിരക്കണക്കിനു തൊഴിലവസരങ്ങള്‍ ശ്രിഷ്ടിക്കപ്പെടുന്ന ഖത്തറിന്റെ ലോകകപ്പ്‌ ആഥിത്യ ശ്രമങ്ങല്‍ക്കു സ്വദേശികള്‍ക്കൊപ്പം പ്രവാസികളും പ്രതീക്ഷകളോടെയാണു നെഞ്ചിലേറ്റിയിരുന്നത്‌. 

ഏതായാലും കൊച്ചു ഖത്തര്‍ വീണ്ടു ചരിത്രം രചിക്കുകയാണു, വലുപ്പമല്ല ആര്‍ജ്ജവമാണു ചരിത്രത്തില്‍ ഇടം നേടുന്നതെന്ന ചരിതപാഠം ഖത്തര്‍ ഒരിക്കല്‍ കൂറ്റെ ലോകത്തിന്നു നല്‍കുന്നു. 

പി.കെ.നൌഫല്‍

Wednesday, November 3, 2010

ഭാര്യയെ പൊക്കുന്നതില്‍ ആര്‍ക്കാണു ചൊറിച്ചില്‍ ?

 തൃതല പഞ്ചായത്ത്‌ തെരഞ്ഞെടുപ്പിന്റെ വിജയാഘോഷത്തിന്റെ ഭാഗമായി ജയിച്ച വനിതാ സ്ഥാനാര്‍ത്ഥിയെ സ്വന്തം ഭര്‍ത്താവ്‌ ആഹ്ലാദസുചകമായി പൊക്കിപ്പിടിച്ചു നില്‍ക്കുന്ന ഫോട്ടോ അവരവര്‍ക്കു ഇഷ്ടമുള്ള അടിക്കുറിപ്പുമായി വ്യാപകമായി ഫോര്‍വേഡ്‌ ചെയ്യപ്പെടുന്നു. ചിലരെങ്കിലും വാസ്തവമറിയാതെ ഊഹങ്ങളുടെ പുറത്താണു ഇതിനു മുതിര്‍ന്നത്തെങ്കില്‍ "ക്ഷീരമുള്ളകടിലും ചോര  തന്നെ കൊതുകിനു കൗതുകം"  എന്ന ചൊല്ലു അനര്‍ത്ഥമാക്കി കൊണ്ടു മറ്റുചിലര്‍  ദുരുദ്ദേശത്തോടു കൂടി സ്വന്തം അശ്ലീല അടിക്കുറിപ്പു സഹിതം പ്രചരിപ്പിക്കയാണു. ഇത്തരം പ്രചാരണങ്ങള്‍ക്ക്‌ അറിഞ്ഞോ അറിയാതെയോ ഒരു കൂട്ടം ഓശാന പാടുകയും ചെയ്യുന്നു. 

വാസ്തവത്തില്‍ ആരുടെ ഫോട്ടോ ആണത്‌? 
ചിത്രം കാണുക.. 

'മനോരമ" ദിനപത്രത്തില്‍ അടിക്കുറിപ്പോടുകൂടി അച്ചടിച്ചു വന്ന ഒരു ചിത്രമാണു, പത്രത്തിന്റെ അടിക്കുറിപ്പ്‌ അടിച്ചുമാറ്റി സ്വന്തം അടിക്കുറിപ്പോടു കൂടെ പ്രചരിപ്പിക്കുന്നത്‌. 

കാസര്‍ക്കോഡ്‌ നഗരസഭയിലെ ചാലക്കുന്നില്‍ നിന്നു യ്യു.ഡി.എഫ്‌- ഐ.എന്‍.എല്‍ സ്ഥാനാര്‍ത്ഥിയായി മത്സരിച്ചു വിജയിച്ച നജ്മുന്നീസയെ ഭര്‍ത്താവും മുന്‍ കൗന്‍സിലറുമായ മമ്മുചാല  ഉയര്‍ത്തിപ്പിടിക്കുന്നതാണു ഫോട്ടോ. സംശയമുള്ളവര്‍ക്ക്‌ യഥാര്‍ത്ഥ അടിക്കുറിപ്പു വായിച്ചു സംശയം തീര്‍ക്കാം.. 


   എക്കാലത്തെയും തൃതല പഞ്ചായത്ത്‌ തെരഞ്ഞെടുപ്പിനേക്കാള്‍ വീറും വാശിയും ഇക്കഴിഞ്ഞ തെരഞ്ഞെടുപ്പിനുണ്ടായിരുന്നു. അതിനു പ്രധാന കാരണങ്ങളിലൊന്ന് അന്‍പത്‌ ശതമാനം വനിതാ സംവരണമായിരുന്നു. നിര്‍ബന്ധിതാവസ്ഥയിലാണെങ്കിലും യഥാസ്ഥിതിക പാര്‍ട്ടികള്‍ പോലും വനിതകള്‍ക്കു വന്‍ തൊതില്‍ അവസരം നല്‍കി. അവരില്‍ ഭൂരിഭാഗവും വിജയക്കൊടി നാട്ടുകയും ചെയ്തു. ആകാംക്ഷ ആവേശത്തിന്ന് വഴിമാറിയപ്പോള്‍ ഉണ്ടായ ആവേശപ്രകടനമാണു മുകളില്‍ കണ്ട ഫോട്ടോ.. 
'അവേശം അല്‍പം അമിതമായെങ്കില്‍ ' തന്നെ അതിനെ കവച്ചുവെക്കുന്ന അപരാധമാണു ഇതു ഫോര്‍വ്വേഡ്‌ ചെയ്യുന്നവര്‍ ചെയ്യുന്നത്‌. സ്വന്തം മാതാവിന്റെയോ, സഹോദരിയുടെയോ ഫോട്ടോ ആയിരുന്നു ഇതെങ്കില്‍ ഇതിനു മുതിര്‍ന്നവര്‍ എങ്ങിനെ പ്രതികരിക്കുമായിരുന്നു എന്നു ചിന്തിക്കേണ്ടതുണ്ട്‌. 

സ്ത്രീകളെ, പ്രത്യേകിച്ച്‌ മുസ്ലിം സ്ത്രീകളെ എന്നും തങ്ങളുദ്ദേശിക്കുന്ന അടിമത്തത്തില്‍ തന്നെ നിലനിറുത്തണമെന്നാഗ്രഹിക്കുന്ന ചെറുതല്ലാത്ത ശതമാനം ഇപ്പോഴും സമുദായത്തിന്റെ നിലനിക്കുന്നുണ്ട്‌. ഒരവസരം കിട്ടുവാന്‍ വേണ്ടി കാത്തുനില്‍ക്കുന്നതുപോലെ കിട്ടിയ അവസരം പലരും ദുഷ്ടബുദ്ധ്യാ മുതലെടുക്കുന്നു. ചിലര്‍ അറിയാതെ ഇത്തരം അപവാദപ്രചരണത്തിന്റെ ഭാഗമാകുന്നു. എന്തു ഉദ്ദേശ്യത്തോടു കൂടിയായാലും തീര്‍ത്തും അപലപനീയമാണു ഫോട്ടോയില്‍ അവനവനു ഇഷ്ടമുള്ള അടിക്കുറിപ്പ്‌ ചേര്‍ത്തുള്ള ഈ പ്രചാരണം.... പ്രചരിപ്പിക്കുന്നതിന്ന് മുന്നേ സ്വന്തം കുടുമ്പത്തിലേക്കു ഒന്നു തിരിഞ്ഞ്‌ നോക്കുന്നത്‌ നന്നായിരിക്കും... 

Sunday, October 31, 2010

തടവറയില്‍ നിന്നൊരു ജനപ്രതിനിധി..


 അന്‍പതു ശതമാനം വനിതാ സവരണം നിലവില്‍ വന്നതിനു ശേഷം നടന്ന പ്രഥമ ത്രിതല പഞ്ചായത്ത്‌ തെരഞ്ഞെടുപ്പിനു സമാപനം. ഇക്കാലമത്രയും നടന്ന പഞ്ചായത്ത്‌ തെരഞ്ഞെടുപ്പുകളേക്കാള്‍ വീറും വാശിയും പല കാരണങ്ങളാല്‍ ഇക്കഴിഞ്ഞ തെരഞ്ഞെടുപ്പിനെ മറ്റു തെരഞ്ഞെടുപ്പുകളില്‍ നിന്നും മാറ്റി നിറുത്തപ്പെടുന്നു. ഇടതുപക്ഷത്തിന്റെ കാലാകാലങ്ങളായുള്ള നെടും കോട്ടകളില്‍ വിള്ളലുകള്‍ പ്രത്യക്ഷപ്പെട്ടു എന്നതാണു ഈ തെരഞ്ഞെടുപ്പു ഫലത്തിന്റെ ഏറ്റവും വലിയ പ്രത്യേകഥ. മാസങ്ങള്‍ക്കു മുന്നേ നടന്ന പാര്‍ലമന്റ്‌ തെരഞ്ഞെടുപ്പില്‍ നേരിട്ട കനത്ത തിരിച്ചടി ആവര്‍ത്തിക്കപ്പെട്ടില്ല എന്ന് പറഞ്ഞ്‌ ഇടതുപക്ഷം പ്രത്യേകിച്ച്‌ സി.പി.എം. ആശ്വാസം കണ്ടെത്തുവാന്‍ ശ്രമിക്കുന്നുണ്ടു. എന്നാല്‍ വാസതവം മറിച്ചാണു. കേരള ഭരണം ഇടതു-വലതു മുന്നണികള്‍ മാറിമാറി ഭരിക്കുമ്പോഴും വലതുപക്ഷത്തിന്നു സ്വാധീനമുള്ള നിയമസഭാ മണ്ഢലങ്ങളില്‍ പോലും തദ്ദേശ സ്ഥാപനങ്ങളില്‍ ഇടതുപക്ഷത്തിന്നാണു സ്വാധീനമുള്ളത്‌. താഴെതട്ടിലെ പാര്‍ട്ടീ പ്രവര്‍ത്തകരുടെ ജനകീയ ഇടപെടലുകള്‍ കാരണമാകാം പഞ്ചായത്‌ തെരഞ്ഞെടുപ്പുകളില്‍ ഇടതുപക്ഷമാണു നേട്ടം കൊയ്യാറുള്ളത്‌. അതേസമയം താഴെതട്ടില്‍ തന്നെ തുടങ്ങുന്ന ഗ്രൂപ്പുവഴക്കും ജനകീയ ഇടപെടലിന്റെ അഭാവവും നിമിത്തം വലതുമുന്നണി പ്രത്യേകിച്ച്‌ കോണ്‍ഗ്രസ്സിനു തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പുകളില്‍ കാര്യമായ പോരാട്ടം കാഴ്ചവെക്കുവാന്‍ സാധിച്ചിരുന്നില്ല. ഈ കീഴ്‌വഴക്കമാണു ലംഘിക്കപ്പെട്ടിരിക്കുന്നത്‌. മുപ്പത്‌ വര്‍ഷങ്ങള്‍ക്കു ശേഷം കൊച്ചി കോര്‍പ്പറേഷന്‍ ഭരണം യൂ.ഡി.എഫിന്റെ കൈകളില്‍ എത്തിയിരിക്കുന്നു. നാളിതുവരെ ഇടതു പക്ഷം കുത്തകയാക്കിവെച്ചിരുന്ന പല ഗ്രാമ പഞ്ചായത്തുകളും, മുനിസിപ്പാലിറ്റികളും ഇടതുപക്ഷത്തെ കൈവെടിഞ്ഞിരിക്കുന്നു. 



ശ്രീനിവാസന്റെ 'സന്ദേശം' എന്ന സിനിമയില്‍ 'വിപ്ലവ പാര്‍ട്ടി' പരാചയപ്പെട്ടതിന്റെ കാരണമന്വേഷിക്കുന്ന പാര്‍ട്ടീ പ്രവര്‍ത്തകര്‍ക്കു നേതാക്കാള്‍ നല്‍കുന്ന കടിച്ചാല്‍ പൊട്ടാത്ത വാക്യങ്ങള്‍ രസകരമെന്നു തോനും വിധത്തില്‍ കേരളത്തിലെ പാര്‍ട്ടി നേതൃത്വവും ആവര്‍ത്തിക്കുന്നുണ്ടു. എന്നാല്‍ അതേ സിനിമയില്‍ തന്നെ നേതാവിന്റെ വിശദീകരണത്തിന്നു മറുപടിയായി സാധാപ്രവര്‍ത്തകര്‍ ലളിതമായ രീതിയില്‍ പരാചയ കാരണം അപഗ്രഥിക്കുന്നുണ്ടു. അതായത്‌ പാര്‍ട്ടി ജനങ്ങളില്‍ നിന്നു അകന്നിരിക്കുന്നു. ലളിത ജീവിതം നയിച്ച്‌, അടിസ്ഥാന ജനങ്ങള്‍ക്കൊപ്പം സഞ്ചരിച്ചിരുന്ന പാര്‍ട്ടി, ആഡംഭരജീവിതത്തിലേക്കു വഴിമാറിയിരിക്കുന്നു. കൂടെ നടക്കുന്നവരാകട്ടെ മാര്‍ട്ടിന്‍, ഫാരിസ്‌ അബൂബക്കര്‍ പോലുള്ള വന്‍ തോക്കുകളും. പാര്‍ട്ടിയെ മതമായും ജീവിതശൈലിയായും കണ്ട്‌ സര്‍വ്വസവും അര്‍പ്പിച്ചിരുന്ന പാര്‍ട്ടിയുടെ എക്കാലത്തെയും അടിത്തറയായ അടിസ്ഥാന ജനത പാര്‍ട്ടിയുടെ പുത്തന്‍ പ്രമാണിമാരുമായുള്ള പുതിയ സഹവാസവും, ആഢംഭര ജീവിതവും, അഴിമതിയും കണ്ടു മനം മടുത്ത്‌ പുതിയ മേച്ചില്‍ പുറങ്ങള്‍ തേടി യാത്രയാരംഭിച്ചിരിക്കുന്നു. ഒഞ്ചിയവും, ഏറാമലയും മാത്രമല്ല പല പ്രദേശങ്ങളില്‍ നിന്നും പാര്‍ട്ടി പ്രവര്‍ത്തനം അവസാനിപ്പിച്ചുകൊണ്ടു പ്രവര്‍ത്തകര്‍ കൂട്ടത്തോടെ കൊഴിഞ്ഞുപോകുന്നു. പരമ്പരാകത അടിത്തറയില്‍ ഉണ്ടായ ചോര്‍ച്ച കാലാകാലങ്ങളായി കൈവശം വെച്ചിരുന്ന പല ഭരണസമിതികളും ഇടതുമുന്നണിക്കു നഷ്ടപ്പെടുന്ന അവസ്ഥ ഉണ്ടായിട്ടുണ്ടു. 

അതേ സമയം മറുവശത്‌ യൂ.ഡി.എഫിനു ചരിത്ര വിജയമാണു സമ്മാനിക്കപ്പെട്ടത്‌. പാര്‍ലമന്റിലും, നിയമ സഭകളിലും നാളിതുവരെയുണ്ടായ ആധിപത്യത്തിന്നു തത്തുല്യമായ അംഗീകാരം പഞ്ചായത്‌ ഭരണസമിതികളില്‍ ലഭിച്ചിരുന്നില്ല. ഈ കീഴ്‌വഴക്കത്തിന്നാണു മാറ്റം വന്നിരിക്കുന്നത്‌. കേരള ചരിത്രത്തിലെ വലതുമുന്നണിയുടെ എക്കാലത്തെയും മികച്ച ത്രിതല പഞ്ചായത്ത്‌ തെരഞ്ഞെടുപ്പു വിജയമായി ഈ തെരഞ്ഞെടുപ്പിനെ വിലയിരുത്തുന്നതില്‍ തെറ്റില്ല. മലപ്പുറം കുന്നുകളില്‍ വീണ്ടും പച്ച പുതഞ്ഞിരിക്കുന്നു, കോട്ടയം മാണിക്കു കാല്‍കീഴില്‍ തന്നെ. മധ്യ കേരളതില്‍ കോണ്‍ഗ്രസും ആധിപത്യമുറപ്പിച്ചു. 




അതേ സമയം തെരഞ്ഞെടുപ്പ്‌ ഫലത്തിലെ നിര്‍ണ്ണായക സ്വാധീനമായി  മാധ്യമങ്ങള്‍ മാറുകയാണു. വര്‍ഷങ്ങളായി കേരളത്തിലെ യതാര്‍ത്ഥ പ്രതിപക്ഷത്തിന്റെ റോള്‍ കൈകാര്യം ചെയ്യുന്നത്‌ വാര്‍ത്താ മാധ്യമങ്ങളാണു. വാര്‍ത്താമാധ്യമങ്ങള്‍ക്കിടയിലെ, പ്രത്യേകിച്ചും ചാനല്‍ കിടമത്സരത്തിന്നിടയില്‍ ചെറിയ വിഷയങ്ങള്‍ പോലും ഊതിപെരുപ്പിച്ച്‌ വന്‍ വിവാദമാക്കിമാറ്റി രാഷ്ട്രീയ കക്ഷികളെ പ്രത്യേകിച്ച്‌ ഭരണപക്ഷത്ത്‌ നിരന്തരം പ്രതിരോധത്തില്‍ നിര്‍ത്തുകയെന്നത്‌ മാധ്യമ അജണ്ഡയായി മാറിയിരിക്കുന്നു. മാധ്യമങ്ങള്‍ വിതച്ചു പരുവമാക്കിയ കൃഷിയിടങ്ങളില്‍ നിന്നു വിള കൊയ്തെടുക്കുക എന്ന ദൗത്യം മാത്രമേ കുറച്ചുകാലമായി പ്രതിപക്ഷത്തിനുള്ളൂ..അതുകൊണ്ടുതന്നെ അതിശക്തമായ ഭരണവിരുദ്ധവികാരം ജനങ്ങളില്‍ എല്ലായ്പ്പോഴും നിലനില്‍ക്കുകയും ചെയ്യുന്നു. ചാനലുകളുടെ ആവിര്‍ഭാവത്തിന്നു ശേഷം നടന്ന തെരഞ്ഞെടുപ്പുകളുടെ ഗ്രാഫ്‌ പരിഷോധിച്ചാല്‍ മാധ്യമ സ്വാധീനം എത്രമാത്രം ജനങ്ങളില്‍ അടിയുറക്കപ്പെട്ടെന്ന് തിരിച്ചറിയാനാകും. ഉദാഹരണത്തിന്ന് എണ്‍പത്തിയേഴിലേയും, തൊണ്ണൂറ്റി ഒന്നിലേയും പിന്നീട്‌ തൊണ്ണൂറ്റിയാറിലേയും നിയമസഭാ തെരഞ്ഞെടുപ്പു ഫലവും അതിനു ശേഷം ചാനലുകള്‍ ആധിപത്യമുറപ്പിച്ചതിന്‍ ശേഷം നടന്ന രണ്ടായിരത്തി ആറുമുതലുള്ള തെരഞ്ഞെടുപ്പു ഫലവും കൂട്ടി വായിച്ചാല്‍ ശ്രദ്ധേയമാകുന്നത്‌ ചാനാല്‍ മാനിയ പിടിപെട്ടതിനു ശേഷം നടന്ന തെരഞ്ഞെടുപ്പുകളയോക്കെ ഫലം ഏകപക്ഷീയമായിരുന്നു എന്നതാണു. മുന്‍ കാലങ്ങളില്‍ കേരള നിയമസഭയിലെ നൂറ്റിനാല്‍പതു മണ്ഢലങ്ങളില്‍ കക്ഷിനില ഏതാണ്ട്‌ എണ്‍പത്‌-അറുപത്‌ എന്ന നിലയില്‍ നിശ്ചയിക്കപ്പെട്ടിരുന്നപ്പോള്‍ ചാനലുകളുടെ കടന്നുവരവിനു ശേഷം നടന്ന തെരഞ്ഞെടുപ്പുകളില്‍ കക്ഷിനില നൂറേ-നാല്‍പത്‌ എന്ന നിലക്കായി മാറി എന്നതാണു. അതായത്‌ അജണ്ടകള്‍ നിശ്ചയിക്കുന്നതിലും, വിധി നിര്‍ണ്ണയിക്കുന്നതിലും മാധ്യമ ശക്തികളുടെ പങ്കു നിര്‍ണ്ണായകമായി മാറി എന്നതാണു. 


ഈ തെരഞ്ഞെടുപ്പിന്റെ മറ്റൊരു  സവിശേഷത  ഭൂരിപക്ഷ വര്‍ഗ്ഗീയതക്കെതിരെയുള്ള കേരള ജനതയുടെ പ്രതിരോധം ദുര്‍ബലപ്പെട്ടുവരുന്നു എന്നതാണത്. സി.പി.എം-യൂ.ഡി.എഫ്‌ കക്ഷികളുമായി രഹസ്യമായും പരസ്യമായും രൂപപ്പെടുത്തിയ സഖ്യത്തിന്റെ ബലത്തിലാണെങ്കിലും പുതിയ തുരുത്തുകള്‍ ശ്രിഷ്ടിക്കുവാന്‍ ബി.ജെ.പിക്ക്‌ സാധിച്ചിരിക്കുന്നു. എന്നാല്‍ നിലവിലുണ്ടായിരുന്ന പഞ്ചായത്തുകള്‍ ബി.ജെ.പിക്കു നഷ്ടപ്പെട്ടതും ചേര്‍ത്തു വായിക്കേണ്ടതുണ്ടു. എന്നാല്‍ പോലും ശക്തമായ സാന്നിദ്ധ്യമായി ബി.ജെ.പി തദ്ദേശ സ്ഥാപനങ്ങളില്‍ ഇനി ഉണ്ടാകും എന്നുറപ്പു. മുന്‍പ്‌ കോ.ലീ.ബി ബാന്ധവം ആരോപിക്കപ്പെട്ടിരുന്ന സമയത്ത്‌ ബി.ജെ.പി ബാന്ധവത്തിന്റെ ഗുണകാംക്ഷികള്‍ ലീഗും, കോണ്‍ഗ്രസ്സുമായിരുന്നുവേങ്കില്‍ ഇക്കുറി വര്‍ഗ്ഗശത്രുവായ സി.പി.എം പോലും പലയിടങ്ങളിലും ബി.ജെ.പിയുമായി സഖ്യമുണ്ടാക്കുന്നതിനു തയ്യാറായി എന്നു ചേര്‍ത്തുവായിക്കേണ്ടതുണ്ടു. എന്നാല്‍ ഈ സഖ്യത്തിന്റെ ഗുണം ലഭിച്ചത്‌ ബി.ജെ.പി ക്കും വലതുമുന്ന്ണിക്കും മാത്രമായി. സി.പി.എമ്മിനു ബി.ജെ.പി ബാന്ധവത്തിന്റെ ഗുണം ലഭിച്ചില്ലെന്നു മാത്രമല്ല പലയിടങ്ങളിലും പാര്‍ട്ടി മൂന്നാം സ്ഥാനത്തേക്കു പി ന്തള്ളപ്പെട്ടു പോയി. സംഘരാഷ്ട്രീയത്തിനു സ്വാധീനം ലഭിച്ചാല്‍ ഇടതുപക്ഷത്തിനു പിന്നെ പ്രസക്തിയില്ല എന്ന യാഥാര്‍ത്ഥ്യം ഇടതുപക്ഷം ഓര്‍ത്തിരുന്നാല്‍ അത്രയും നന്നു. 

ഈ തെരഞ്ഞെടുപ്പിനെ ശ്രദ്ധേയമാക്കിയ മറ്റു ഘടകങ്ങള്‍ തെരഞ്ഞെടുപ്പു ഗോഥയിലേക്കു രംഗപ്രവേശം ചെയ്ത പുതിയ വിഭാഗങ്ങളുടെ സാന്നിദ്ധ്യമാണു. സോഷ്യല്‍ ഡെമോക്രാറ്റിക്‌ പാര്‍ട്ടി ഓഫ്‌ ഇന്ത്യ, ഇടതുപക്ഷ ഏകോപനസമിതി, ഷൊര്‍ണ്ണൂരിലെ ജനകീയ വികസന സമിതി, ജമാ അതെ ഇസ്ലാമിയുടെ ജനപക്ഷ വികസന സമിതി, ഡി.എച്‌.ആര്‍.എം ഇവരുടെയൊക്കെ സജീവ സാന്നിദ്ധ്യം ഈ തെരഞ്ഞെടുപ്പിന്റെ പ്രത്യേകതയാണു. നാളിതുവരെ ഭാവനയില്‍ മാത്രം സ്വന്തം ശക്തി കണക്കുകൂട്ടിയിരുന്ന പല കക്ഷികള്‍ക്കും, യഥാര്‍ത്ഥ ജനസ്വാധീനം എത്രയെന്നും തങ്ങള്‍ എവിടെ നില്‍ക്കുന്നു എന്നും തിരിച്ചറിയുവാനുള്ള ഒരവസരമായി ഈ തെരഞ്ഞെടുപ്പിനെ കാണാം. ദശാബ്ദങ്ങളുടെ പാരമ്പര്യമുള്ള പല കക്ഷികള്‍ക്കും തെരഞ്ഞെടുപ്പുഫലം ശക്തമായ തിരിച്ചറിയല്‍ കൂടെയാണു, തങ്ങളുടേതെന്നു ഇക്കാലമത്രയും മേനിപറഞ്ഞിരുന്ന നെടും കോട്ടകള്‍ പോലും വാസ്തവത്തില്‍ സ്വന്തമായിരുന്നില്ല എന്ന തിരിച്ചറിവു. 

പ്രാദേശിക കൂട്ടായമകളായ ഒഞ്ചിയം മോഡല്‍ ഇടതുപക്ഷ ഏകോപനസമിതിയെയും, ഷൊര്‍ണ്ണൂരിലെ വികസന സമിതിയെയും മാറ്റിനിറുത്തിയാല്‍ വളരെ ശക്തമായി തെരഞ്ഞെടുപ്പു ഗോതയിലേക്കു ഇറങ്ങിയതു പ്രധാനമായും നവരാഷ്ട്രീയ പ്രസ്ഥാനമായ സോഷ്യല്‍ ഡെമോക്രാറ്റിക്‌ പാര്‍ട്ടിയും, ജമാഅത്തെ ഇസ്ലാമിയുടെ വികസന മുന്നണിയും, ഡി.എച്‌.ആര്‍.എമ്മുമായിരുന്നു. "തുടക്കം തുടര്‍ച്ചയുടെ ഭാഗം മാത്രമാണെന്ന" തിരിച്ചറിവില്‍ തുടക്കം ഗംഭിരമായിരുന്നില്ലെങ്കിലും ആശാവഹമായിരുന്നു. ഇടതു-വലതു-ബി.ജെ.പി ശക്തിയോടു ഏറ്റുമുട്ടി വിജയിക്കുക എന്നത്‌, പ്രത്യേകിച്ച്‌ കേരളം പോലുള്ള ശക്തമായ രാഷ്ട്രീയ വോട്ടുകള്‍ നിലനില്‍ക്കുന്ന സംസ്താനത്ത്‌ തീര്‍ത്തും ലളിതമായ പ്രക്രിയയല്ല. ദേശിയ ഭരണം കയ്യാളിയ ബി.ജെ.പി പോലും അക്കരെ കാണാതെ നില്‍ക്കുന്ന അവസ്ഥയില്‍ പ്രത്യേകിച്ചും. എന്നാല്‍ പോലും പല പ്രദേശങ്ങളിലും ഇടതു-വലതു-ബി.ജെ.പി സഖ്യങ്ങളെ തൊല്‍പ്പിച്ചുകൊണ്ട്‌ വിജയക്കൊടി പാറിക്കുവാന്‍ ഇവര്‍ക്കു സാധിച്ചു എന്നതും പല വാര്‍ഡുകളിലും രണ്ടിലൊരു കക്ഷിയായി മാറുവാന്‍ സാധിച്ചു എന്നതും തുടക്കമെന്ന നിലക്ക്‌ പ്രതീക്ഷാ നിര്‍ഭരമാണു. എന്നാല്‍ പോലും കേരളം പോലുള്ള ശക്തമായ മുന്നണി സംവിധാനം നിലവിലുള്ള പ്രദേശത്ത്‌ എസ്‌.ഡി.പി.ഐ ആയാലും, വികസന മുന്നണിയായാലും ഏറെ യാത്ര ചെയ്യുവാനുണ്ട്‌ എന്ന യാഥാര്‍ത്ഥ്യം തിരിച്ചറിയപ്പെടേണ്ടതുമുണ്ടു. എന്നാല്‍ പോലും ഭാവി രാഷ്ട്രീയത്തില്‍ ഇവരുടെയെല്ലാം പങ്കു വിലപ്പെട്ടതാകും എന്നു ഉറപ്പിക്കാം. 



എന്നാല്‍ ഈ തെരഞ്ഞെടുപ്പിലെ ഏറ്റവും ശ്രദ്ധേയമായ വിജയം സമ്മാനിക്കപ്പെട്ടത്‌ വലതു മുന്നണിക്കോ, ബി.ജെ.പിക്കോ ഒന്നുമല്ല, മറിച്ച്‌ പ്രവാചക നിന്ദ നടത്തിയ അദ്ധ്യാപകനെ അക്രമിച്ച പ്രതികള്‍ക്കു അഭയം നല്‍കി എന്നതിന്റെ പെരില്‍ ഭരണകൂടം ജയിലലടച്ച എസ്‌.ഡി.പി.ഐ സ്ഥാനാര്‍ത്ഥിയായ  കോളേജ്‌ പ്രോഫസര്‍ അനസിന്റെ വിജയമാണു മറ്റെല്ലാ വിജയങ്ങളെക്കാള്‍ ശൃദ്ധേയവും,മാധുര്യം നിറഞ്ഞതും. വാഴക്കുളം ബ്ലോക്ക്‌ പഞ്ചായത്തിലെ വഞ്ചിനാട്‌ ഡിവിഷനില്‍ നിന്നു എസ്‌.ഡി.പി.ഐ സ്ഥാനാഥിയായി മത്സരിച്ച പ്രോഫസര്‍ അനസ്‌ ആകെയുള്ള വോട്ടിന്റെ അന്‍പതു ശതമാനത്തിലധികം നേടിയാണു വന്‍ ഭൂരിപക്ഷത്തിന്നു തൊട്ടടുത്ത യു.ഡി.എഫ്‌ എതിര്‍ സ്ഥാനാര്‍ത്ഥിയെ പരാചയപ്പെടുത്തിയത്‌. പ്രവാചക നിന്ദയുമായി ബന്ധപ്പെട്ടു പോലീസ്‌ ഭീകരത അഴിഞ്ഞാടിയ പ്രദേശങ്ങളാണു ഈ വാര്‍ഡ്‌ ഉള്‍കൊള്ളുന്നത്‌. സംഘടിത മാധ്യമങ്ങള്‍ തെളിച്ച വഴിയേ ഭരണകൂട ഭീകരതയുടെ വാഹകാരായി കേരളത്തിലെ ആഭ്യന്തര വകുപ്പിന്നും, കെട്ടുകഥകളുണ്ടാകി വിളവെടുപ്പു നടത്തിയ മാധ്യമ ശക്തികള്‍ക്കുമെതിരെയുള്ള മുവാറ്റുപുഴയിലെ ജനങ്ങളുടെ അതി ശക്തമായ പ്രതിഷേധമാണു ജയിലില്‍ കിടനൂ വോട്ടര്‍മാരെ ഒരു നോക്കു പോലും കാണാതെ മത്സരത്തിന്നിറങ്ങിയ പ്രഫസര്‍ അനസിനു സമ്മാനിച്ച വിജയം. ഭരണകൂട ഭീകരതയെയും,മാധ്യമ കുപ്രചാരണങ്ങളെയും ജനങ്ങള്‍ എങ്ങിനെ നോക്കിക്കാണുന്നു എന്നതാണു ഈ വിധിയുടെ വ്യതിരിക്തത്ത. പ്രാദേശികമായ ഒരു സംഭവത്തിന്റെ പെരില്‍ സംഘടനാ-രാഷ്ട്രീയ സ്വാതന്ത്ര്യം മാസങ്ങളോളം നിഷേധിച്ച ഇരുട്ടിന്റെ ശക്തികള്‍ക്കെതിരെയുള്ള ശക്തമായ വിധി. മാധ്യമങ്ങള്‍ ചൂണ്ടിക്കാണിക്കുന്നതിനപ്പുറം സത്യമുണ്ടെന്നും, ഭരണ കൂട നടപടികള്‍ക്കു മറുപുറം ഉണ്ടെന്നും സഖാവ്‌ വര്‍ഗ്ഗീസ്‌ വധക്കേസിലെ വിധിന്യായം വ്യക്തമാക്കുന്നു. അതുകൊണ്ടു തന്നെ മറ്റെല്ല വിജയങ്ങളേക്കാളും തടവറക്കുള്ളില്‍ നിന്നും രണാങ്കണത്തിനിറങ്ങി വെ ന്നിക്കൊടി പാറിച്ച പ്രോഫസര്‍ അനസിന്റെ വിജയത്തിന്നു മാധുര്യമേറെ... 


«തിങ്ങി നിറഞ്ഞ സദസിനെ സാക്ഷിനിര്‍ത്തി പ്രഫസര്‍ അനസ് സത്യപ്രതിജ്ഞ ചെയ്തു