Thursday, December 31, 2009

ഉണ്ണിത്താനും തിവാരിയും


പുലരി യില്‍ എഴുതിയ പൊതുപ്രവര്‍ത്തകരും ലൈംഗിക അരാജകത്വവും എന്ന ലേഖനം തേജസ്‌ ദിനപത്രം പ്രസിദ്ധികരിചിരിക്കുന്നു.

വായിക്കുക






Editorial

Tuesday, December 29, 2009

പര്‍ദ്ദയുടെ രാഷ്ട്രിയവും ജനകിയതയും

പര്‍ദ്ദയുടെ രാഷ്ട്രിയവും ജനകിയതയും

പർദ്ദ വീണ്ടും വാർത്തയിൽ ഇടം പിടിക്കുന്നു. സൂഫിയാ മദനിയുമായി ബന്ധപ്പെട്ട കേസ്സിലെ ജാമ്യാപേക്ഷയിൽ ഹർജിക്കാരി പർദ്ദ ധരിക്കുന്ന സ്ത്രിയാണെന്നു പ്രത്യേകമായി എടുത്തുപറയുന്നുണ്ടു. നീതിപീഢത്തിന്റെ പ്രത്യേകമായ ഔധാര്യത്തിനു വേഷവിധാനത്തിനു എന്തെങ്കിലും പങ്കുവഹിക്കാനുണ്ടോ എന്നത്‌ അറിയില്ല. ഇല്ല എന്നതു തന്നെയാണു വിശ്വാസം. സൂഫിയയുടെ അഭിഭാഷകർ എന്തടിസ്ഥാനത്തിലാണു ഹർജിക്കാരിയുടെ വേഷവിധാനത്തിന്റെ സവിശേഷതകൾ വാദത്തിൽ ഉന്നയിച്ചതെന്ന് അറിയില്ല, അതുകൊണ്ടു എന്തെങ്കിലും ഗുണമുണ്ടായോ എന്നതും പരിശോധിക്കപ്പെടേണ്ടതാണു. ഭാവിയിൽ കഷായ വസ്ത്രമോ, കന്യാസ്ത്രി വസ്ത്രമോ കോടതി വാദങ്ങളിൽ കടന്നുവരുവാനുള്ള സാധ്യത തള്ളിക്കളയാനാകില്ല. (സിസ്റ്റർ സെഫിയുടെ ജാമ്യാപേക്ഷയിൽ വസ്ത്രധാരണത്തെ കുറിച്ചുള്ള പരാമർഷമുണ്ടായിരുന്നു എന്നാണു ഓർമ്മ) എന്തൊക്കെ തന്നെയായാലും ഹർജിക്കാരുടെ നിരപരാധിത്വ വാദങ്ങൾകുപരിയായി വേഷവിധാനത്തിലെ സവിശേഷതകൾ കോടതിവാദങ്ങളിൽ കടന്നു വരുന്നത്‌ അഭിലഷിണീയമല്ല.


എന്നാൽ വേഷം പർദ്ദയായതു കൊണ്ടു തന്നെ വിവാദങ്ങളും എതിരഭിപ്രായങ്ങളും കോടതി നിരീക്ഷണങ്ങളിൽ മാത്രമൊതുങ്ങിയില്ല. നിശ്പക്ഷതക്കു പെരു കേട്ട ജദ്ജിയാണു കേസ്‌ പരിഗണിച്ചിരുന്നതെന്നതു ഇവിടെ അടുത്തു പറയേണ്ട പ്രത്യേകഥയുമാണു. പതിവു പോലെ വന്നു വിമർഷന ശരങ്ങൾ നാലു പാടു നിന്നും. സ്ത്രീവാദികളും, യുക്തിവാദികളും, യുക്തിവാദികളുടെ വേഷം ധരിച്ച മറ്റു ചിലരും, പിന്നെ സംഘപരിവാർ ജിഹ്വകളും പർദ്ദക്കെതിരെ ഐഖ്യദാർഢ്യം പ്രകടിപ്പിച്ചു കൊണ്ടു ലേഖനങ്ങളും പ്രസ്ഥാവനകളുമായി രംഗം കൊഴുപ്പിച്ചു.


ഇസ്ലാമിക വേഷവിധാനം ആഗോളതലത്തിൽ നേരിടുന്ന ആദ്യ വിമർഷനമോ, വെല്ലുവിളിയോ അല്ല ഇതൊന്നും. ഇസ്ലാമിക ഖിലാഫത്തിന്റെ അവസാന തിരുശേഷിപ്പായിരുന്ന ഉസ്മാനിയാ ഖിലാഫത്ത്‌(ഓട്ടോമൻ) കേന്ദ്രമായിരുന്ന തുർക്കിയിൽ തൊള്ളായിരത്തി ഇരുപതുകളിൽ അധികാരം പിടിച്ചടക്കിയ തീവ്രവാദികൾ ആദ്യം വെടിയുതിർത്തത്‌ പർദ്ദക്കെതിരെയായിരുന്നു. ജനസംഖ്യയിൽ തൊണ്ണൂറ്റിയഞ്ച്‌ ശതമാനം മുസ്ലിംകൾ അധിവസിക്കുന്ന തുർക്കിയിൽ അധികാരത്തിലേറിയ പട്ടാള ഭരണം പർദ്ദ ധരിക്കുന്നവരെ പരസ്യമായി ശിക്ഷിക്കാനും, അവമതിക്കാനും പകരം പാശ്ചാത്യ വസ്ത്രാധാരണ ശൈലി സ്വീകരിക്കുവാനും നിർബന്ധിച്ചു. സൈന്യതിന്റെ ബലാൽക്കാരമായ നടപടികളെ തുടർന്ന് പർദ്ദ ധരിച്ച്‌ പൊതുസമൂഹത്തിൽ പ്രത്യക്ഷപ്പെടുന്ന സ്ത്രീകൾ കുറഞ്ഞു. എന്നു മാത്രമല്ല സൈനീക പിന്തുണയുള്ള ഭരണകൂടം പൊതു ജീവിതത്തിൽ നിന്നും ഇസ്ലാമിക വസ്ത്രാധാരണത്തെ നിയമം മൂലം നിരോധിക്കുകയും ചെയ്തു. ദശാബ്ദങ്ങൽ കഴിഞ്ഞു തുർക്കിയിൽ തിരിച്ചെത്തുമ്പ്പോൾ കാണാൻ കഴിയുന്നത്‌ ഇസ്ലാമിക വസ്ത്രാധരൺക്കനുകൂലമയ തരംഗമാണു. സൈന്യം ബാരക്കുകളിൽ നിന്നും പലപ്പോഴുമിറങ്ങി വന്നു മൂല്യങ്ങളിലേക്കുള്ള തുർക്കി ജനതയുടെ മടക്കത്തിൽ തടസ്സം ശ്രിഷ്ടിച്ചു. നജ്മുദ്ദിൻ അൽബക്കന്റെ നേതൃത്വത്തിലുള്ള ജനങ്ങൾ തെരഞ്ഞെടുത്ത സർക്കാരുകളെ ബലം പ്രയോഗിച്ചു പുറത്താക്കിയതിനു പറഞ്ഞ കാരണവും അർബകാന്റെ ഇസ്ലാമിക മൂല്യത്തിലേക്കുള്ള മടങ്ങിപ്പോകായിരുന്നു. ഇസ്ലാമിക വിരുദ്ധ ആദർശത്തിൽ ബലം പ്രയോഗിച്ചു വറുത്തെടുത്ത പാശ്ചാത്യ സംസ്കാരത്തെ ജനങ്ങൾ ഏതു നിലക്ക്‌ കൈകാര്യം ചെയ്യുന്നു എന്നത്‌ വർത്തമാനം. ഇന്നും സൈന്യത്തിന്റെ ഇസ്ലാമിക വിരുദ്ധ ഭീഷണിക്കു കീഴെയാണു തുർക്കിയിലെ ഇസ്ലാം ആഭിമുഖ്യമുള്ള സർക്കാരിന്റെ ഭരണം. പ്രധാനമന്ത്രി ഉർദ്ദുഃഖാന്റെ സഹധർമ്മിണിക്കു ഇസ്ലാമിക വസ്ത്രാധാരണം ഉപേക്ഷിച്ചില്ല എന്ന കാരണം കൊണ്ടു മാത്രം പല പൊതു ചടങ്ങുകളും അന്യമാകുന്നു. കലാലയങ്ങളിലെ വിദ്യാർത്ഥികൾക്ക്‌ അവർക്കിഷമുള്ള വേഷം ധരിക്കാമെന്ന നിയമം പുനസ്ഥാപിച്ചത്‌ സൈന്യത്തിന്റെ കടുത്ത എതിർപ്പിനെ അവഗണിച്ചാണു. ഇതെഴുമ്പോഴും തുർക്കി സർക്കാർ സൈനീക അട്ടിമറി ഭീഷണിയിൽ തന്നെയാണു. ആഫ്രിക്കൻ രാജ്യമായ്‌ ടുണീഷ്യയിലും പർദ്ദക്കെതിരെ നിയമം ഏകാധിപതിയായ സൈനൂൽ ആബിദീൻ പടച്ചുണ്ടാക്കിയിട്ടുണ്ടു..

.
യൂറോപ്പ്‌ അറിയപ്പെടുന്നതു തന്നെ ജനങ്ങളുടെ വ്യക്തിസ്വാതന്ത്രത്തിന്റെ അളവുകോൽ വെച്ചാണു. ഇഷ്ടമുള്ളവ സ്വീകരിക്കുവാനും നിരാകരിക്കുവാനുമുള്ള ജനങ്ങളുടെ അവകാശത്തെ ഏറെ മാനിക്കുന്ന്വരാണു യൂറോപ്പിലെ മുതലാളിത ഭരണകൂടങ്ങൾ. എന്നാൽ ഫ്രാൻസ്‌ ഈ മാർഗ്ഗത്തിൽ നിന്ന് വ്യതിചലിക്കുകയാണു. പർദ്ദ നിയമം മൂലം നിരോധിക്കാനുള്ള ശ്രമത്തിലാണു ഫ്രാൻസിലെ സർക്കോസിയുടെ ഭരണകൂടം. ഇഷ്ടമുള്ള വസ്ത്രം ധരിക്കുവനും, ഉപേക്ഷിക്കുവാനുമുള്ള പൗരന്റെ അവകാശത്തിന്മെൽ ഫ്രാൻസ്‌ സർക്കാർ കത്തിവെക്കൂന്നു. ഇനിയങ്ങോട്ടുള്ള കാലം ഫ്രാൻസ്‌ പ്രസിഡന്റ്‌ സർക്കോസിയുടെ പ്രിയ പത്നി കാർലാ ബ്രൂണിയെ പോലെ നൂൽബന്ധമില്ലാതെ തെരുവിൽ നടക്കാം. എന്നാൽ ശരീരം മറച്ചു നടക്കുന്നത്‌ കുറ്റകരമായ ശിക്ഷയാകും. ജനാധിപത്യം പിന്നിടുന്ന വഴികൾ.. കേരളത്തിലെ ക്രൈസ്തവ സഭകളുടെ ചില വിദ്യാഭ്യാസ സ്ഥാപനങ്ങളിൽ ഒരേ സമയം കന്യാസ്ത്രികളുടെ വസ്ത്രങ്ങൾക്കു അനുമതിയും അതേ സമയം തന്നെ ഇസ്ലാമിക വസ്ത്രാധാരണത്തിനു നിരോധനവുമുണ്ടു. ലക്ഷ്യം വ്യക്തം. മംഗലാപുരത്തെ കോളേജിലെ വിദ്യാർത്ഥിനി ഹിജാബ്‌ ധരിക്കുവാനുള്ള അവകാശത്തിനായി കോടതിയെ വരെ സമീപിക്കേണ്ടി വന്നു. സനാതന മൂല്യങ്ങൾ വിദ്യാർത്ഥികൾക്കു പകരാൻ രൂപം കൊണ്ട ഏ ബി വി പി ആയിരുന്നുവത്രെ എതിർപ്പിനു പിന്നിൽ. പറഞ്ഞു വരുന്നത്‌ പർദ്ദക്കെതിരെയുള്ള വിദ്വേഷം ആദ്യത്തേതല്ല അവസാനത്തെതുമാകില്ല എന്നു സൂചിപ്പിക്കാനാണു

കേരളത്തിൽ പർദ്ദ വിവാദമായി തുടങ്ങിയത്‌ അന്തരിച്ച വിശ്വസാഹിത്യകാരി മാധവിക്കുട്ടിയുടെ കമലാസുരയ്യയിലേക്കുള്ള പരിവർത്തനത്തിലൂടെയാണു. നിശ്പക്ഷ നാഠ്യം വെച്ചു പുലർത്തിയിരുന്ന പലരുടെയും നീല നിറം അന്നു പെയ്ത മഴയിൽ കുതിർന്നു പോയി. ഗാർഹിക നിമിഷങ്ങളിൽ പോലും പർദ്ദയണിഞ്ഞ സുരയ്യയുടെ ജീവിതം പല നിശ്പക്ഷരിലുമുണ്ടാക്കിയ ഉറക്കമില്ലായ്മ ചെറുതല്ല. വാസ്തവത്തിൽ കേരള മുസ്ലിം സ്ത്രീകളിംകളിൽ വലിയൊരു വിഭാഗം പർദ്ദയടക്കമുള്ള ഇസ്ലാമിക വസ്ത്രാധാരണം അടിസ്ഥാന വസ്ത്രമായി സ്വീകരിക്കുവാൻ തുടങ്ങിയത്‌ ഗൾഫ്‌ കുടിയേറ്റത്തോടെയാണു. ഗൾഫ്‌ നാടുകളിൽ കണ്ട ശരീരം മുഴുക്കെ മറയുന്ന വസ്ത്രം അവർ പതുക്കെ ജിവിതത്തിന്റെ ഭാഗമാക്കുകയായിരുന്നു. അതു വരെ ഉത്തര മലബാറിലെ ചില പ്രദേശങ്ങളൊഴിച്ചു നിറുത്തിയാൽ വേഷവിധാനം കൊണ്ടു മുസ്ലിം സ്ത്രീകളെ തിരിച്ചറിയാൻ പ്രയാസമായിരുന്നു. തുണിയും ജംബറും, അല്ലെങ്കിൽ സാരിയും ബ്ലൗസുമെല്ലാമായിരുന്നു മറ്റു സ്ത്രീകളെ പോലെ തന്നെ മുസ്ലിം സ്ത്രികളുടെയും വേഷവിധാനം. ഇന്നും മധ്യകേരളത്തിലും, ദക്ഷിണകേരളത്തിലുമൊക്കെ പർദ്ദയേക്കാൾ സാരിയോ ചുരിദാറോ ആണു മുസ്ലീം സ്ത്രികളുടെ അടിസ്ഥാൻ വസ്ത്രം. അതേ സമയം കേരളത്തിലെ മുസ്ലിം സ്ത്രീകളിൽ മൊത്തമെടുത്താൽ പർദ്ദയേക്കാൽ കൂടുതൽ സ്വാധീനിക്കപ്പെട്ടത്‌ മക്കനയോടു(തലമറക്കുന്ന വസ്ത്രം)കൂടിയ ചുരിദാറാണു.

അതെ സമയം കേരളത്തിലെ പൊതു വസ്ത്രാധരണമെടുത്താൽ പാരമ്പര്യമെന്നു മേനി പറയാൻ ഒന്നുമില്ല എന്നതാണു വാസ്തവം. അവർണ്ണ-സവർണ്ണ ചെരിതിരിവു രൂക്ഷമായിരുന്ന മുൻ കാലങ്ങളിൽ കുമ്മനം രാജശേഖരന്റെ കുടുമ്പത്തിലെ സ്ത്രികൾക്കു മാറു മറക്കാനുള്ള അവകാശം നാരായണപണിക്കരുടെയും, ശ്രീധരപിള്ളയുടെയും പൂർവ്വികർ അനുവധിച്ചിരുന്നില്ല. അന്നത്തെ കെരളീയ വസ്ത്രധാരണ ശൈലി മേൽജാതിക്കാർമാത്രം ഭാഗികമായി മാറുമറക്കുലു കീഴ്‌ ജാതിക്കാർക്കു മാറു തുറന്നിടലുമായിരുന്നു. ത്രിശൂർ ജില്ലയിൽ ചേലക്കര എന്ന സ്ഥലത്തിനു ആ പേർ വനതു തന്നെ മാറുമറക്കാനുള്ള നികുതിയുടെ പേരിലാണു. തൊണ്ണൂറുകളുടെ മദ്ധ്യഘട്ടത്തിലും ത്രിശൂർ ജില്ലയിലെ കോൾ പടവുകളിൽ കൃഷിയിറക്കാൻ പോകുമ്പോൾ ചില പ്രായമായ ഈഴവ സ്ത്രീകൾ ജോലിക്കു വന്നിരുന്നത്‌ മാറു മറക്കാതെയായിരുന്നു. അടിമത്വബോധം അവകാശമായി വഴിമാറുന്നതു പോലെ മാറു മറക്കാതിരിക്കൽ ഒരവകാശം പോലെയാണു ആ സ്ത്രീകൾ പെരുമാറിയിരുന്നത്‌. ടിപ്പുവിന്റെ പടയോട്ട കാലത്ത്‌ സ്ത്രികളെ മാറുമറപ്പിക്കുവാനുള്ള ശ്രമങ്ങൾ സംഘടിതമായി ചോദ്യം ചെയ്യപ്പെട്ടത്‌ രേഖപ്പെടുത്തപ്പെട്ട ചരിത്രമാണു.


മിഥ്യാ പാരമ്പര്യത്തിന്റെ മേനി പറച്ചിലിനപ്പുറം എന്തിനെയും സ്വാംശീകരിക്കാനുള്ള മലയാളിയുടെ ഒടുങ്ങാത്ത അഭിനിവേഷം കാലക്രമേണ കേരളീയ വസ്ത്രാധാരണം ദാവണി-പാവാട-സാരി-ചുരിദാർ എന്നിങ്ങനെയായി പരിവർത്തികുകയാണുണ്ടായത്‌. ഇതിൽ തന്നെ സാരിയും ചുരിദാറുമൊക്കെ തീർത്തും കേരളത്തിനു പുറത്തു നിന്നും വന്നതാണു. ചുരിദാറാകട്ടെ തനി വിദേശിയും മുസ്ലിം പശ്ചാതലമുള്ളതും ആകുന്നു.ഗുരുവായൂർ ദേവസ്വം ഭരനസമിതി ഗുരുവാ യൂർ അമ്പലത്തിലെ സ്ത്രീകൾക്കായി നിലനിന്നിരുന്ന ഡ്രസ്സ്‌ കോഡിൽ മാറ്റം വരുത്തി ചുരിദാരിനു കൂടി(ചുരിദാർ നിർബന്ധമാക്കപ്പെട്ടതല്ല) പ്രവേശാനുമതി നൽകിയപ്പൊൾ ഒരു വിദ്വാൻ നേരെ പോയി സുപ്രിം കോടതിയിൽ, ഇതു കേരള പാരമ്പര്യത്തിനെതിരെയാണെന്നു പരാതിപ്പെട്ടിട്ടു. സുപ്രീം കോടതി ജദ്ജി ഹർജ്ജിക്കാരനോടു ചോദിച്ചത്‌ മാറുമറകാത്ത പരമ്പര്യമാണൊ നിങ്ങളുദ്ദേശിക്കുന്നതെന്നാണു.

പർദ്ദയിലേക്കു തന്നെ തിരിച്ചു വരാം.പർദ്ദയുടെ ഏറ്റവും വലിയ പ്രത്യേകഥ അതിന്റെ വർദ്ധിച്ചു വരുന്ന ജനകീയത തന്നെയാണു. കന്യാസ്ത്രികളുടെ വസ്ത്രാധരണം പോലെ ഏതെങ്കിലുമൊരു വിഭാഗത്തിലേക്കു മാത്രം പർദ്ദ ഒതുക്കപ്പെട്ടില്ല. സമൂഹിക-കുടുമ്പ ജീവിതത്തിൽ ഒരേ പോലെ ഉപകാരപ്രദം. അതു കൊണ്ടു തന്നെ ഒരു സമ്പൂർണ്ണ വസ്ത്രാധാരണമെന്ന നിലക്കു പരുക്കുകളില്ലാതെ സഹസ്രാബ്ദങ്ങളെ അതിജീവിച്ച ബഹുമതി പർദ്ദക്കല്ലാതെ മറ്റെന്തിനാണു? ഏറെ ജനകീയമായ ചുരിദാർ പോലും അനേകമനേകം മാറ്റങ്ങളിലൂടെയാണു കടന്നു പോകുന്നത്‌. വർദ്ധിച്ചു വരുന്ന പർദ്ദയുടെ സ്വീകാര്യത വിറ്റു പണമുണ്ടക്കുന്നതിന്റെ ഭാഗം തന്നെയാണു ഇതു വരെ ഒറ്റപ്പെട്ട സ്ഥാപനങ്ങളിൽ മാത്രം വിപണനം നടത്തിയിരുന്ന പർദ്ദയും, മക്കനയുമൊക്കെ കെരളത്തിലെ ഹൈന്ദവ-ക്രൈസ്തവ ഉടമസ്ഥതയിലുള്ള അതിപ്രശസ്ത ടെക്സ്റ്റൈൽ സ്ഥാപനങ്ങളിൽ ഇപ്പോൾ വിൽക്കപ്പെടുന്നതും, ഇസ്ലാമിക ഡ്രസ്സുകൾകായി പ്രത്യേക കൗണ്ടരുകൾ തന്നെ തുറക്കപ്പെട്ടതും

വാസ്തവത്തിൽ പർദ്ദയെ അല്ല എതിർക്കുന്നവർ ലക്ഷ്യം വെക്കുന്നത്‌, മറിച്ച്‌ ഇസ്ലാമിക മൂല്യങ്ങളെ തന്നെയാണു ഏകമുഖത്തോടെ വ്യത്യസ്ഥ വിഭാഗങ്ങൾ ആക്രമിക്കുന്നത്‌. പർദ്ദ അതിലൊരുചെറിയ ഭാഗം മാത്രം. ഗൾഫിൽ ജോലി ചെയ്യുന്ന അനേകം ഹൈന്ദവർക്കു വരെ എക്കൗണ്ടുള്ള ഗൾഫിലെ ഇസ്ലാമിക ബാങ്കുകളെ മാതൃകയാക്കി കേരളത്തിൽ പലിശ രഹിത ബാങ്ക്‌ എന്ന ആശയം മുന്നോട്ടു വെച്ചപ്പോഴേക്കും അസഹിഷ്ണുതയുടെ പ്രത്യശാസ്ത്രം ഒരു സ്വാമിയെ മുന്നിൽ നിറുത്തി കളി തുടങ്ങി. ഇസ്ലാമെന്നോ ഇസ്ലാമിക ശരീ അത്തെന്നോ കേൾക്കുന്നത്‌ തന്നെ ഇക്കൂട്ടർക്ക്‌ അലർജിയാണു. അതിൽ നിന്നു ബഹുഭാര്യത്വം, ജിഹാദ്‌,ഹിജാബ്‌, ഹജ്ജ്‌ എന്നിങ്ങനെ വിഷയങ്ങൽ താൽപര്യത്തിനനുസരിച്ച്‌ എടുത്തിടും. ചർച്ചചെയ്തും ലേഖനമെഴുതിയും, ഭൂലോകം മലിനമാക്കിയും അരിശം തീർക്കും.


വിദ്യാഭ്യാസ കാലഘട്ടത്തിൽ സ്വന്തം പിതാവിനെ കുറിച്ച്‌ നാലു വരി എഴുതാൻ അദ്ധ്യാപകർ പറയാറുണ്ടു. ഒരു പിതാവിനു ജനിച്ചവരെന്നു ഉറപ്പുള്ളവർ സ്വന്തം പിതാവിനെ കുറിച്ച്‌ ഒന്നല്ല അനേകം ഖണ്ട്ഡിക തന്നെ എഴുതും. ഒന്നിൽ കൂടുതൽ പിതാക്കളോടു ചേർത്തു പറയുന്നവർ ആ കുറവു മറച്ചു വെകാൻ ഒരു പിതാവിനു ജനിച്ച കുട്ടികളെ അസഭ്യം പറയും.


വിമർഷനങ്ങളും, അസഭ്യവർഷവും ഇനിയും വരട്ടെ. അതോടൊപ്പം ദൈവീക മൂല്യങ്ങളിലേക്കു മടങ്ങുന്നവരുടെ എണ്ണവും കൂടുന്നു.


P.K.NOUFAL

പുലരി


Sunday, December 27, 2009

പൊതു പ്രവർത്തനവും- ലൈംഗിക അരാജകത്വവും.


പൊതു പ്രവർത്തനവും- ലൈംഗിക അരാജകത്വവും
.

മറ്റേതു മേഘലയിലുമെന്നതു പോലെ തന്നെ പൊതു പ്രവർത്തകരിലും ലൈംഗീക അരാജകത്വം അതിവേഗം വളർന്നു കൊണ്ടിരിക്കുകയാണു. അധികാരത്തിനും ജനങ്ങൾക്കുമിടയിൽ മദ്ധ്യവർത്തിയായി പ്രവർത്തികുന്ന പൊതുപ്രവർത്തകർ ലൈംഗീക സധാചാരത്തിന്റെ വേലികെട്ടുകൾ തകർക്കുമ്പോൾ തകരുന്നത്‌ പൊതുപ്രവർത്തനത്തിന്റെ സുതാര്യത തന്നെയാണു.


ഇന്ത്യയിലെ മറ്റെതു പാർട്ടിയേക്കാളും ഭൗതികതയോടു കൂടുതൽ ഓരം ചാരുന്നത്‌ കോൺഗ്രസ്‌ പാർട്ടിയാണു. ഒരാദർശ പ്രസ്ഥാനമെന്നതിലുപരി കോൺഗ്രസ്സ്‌ എന്ന ആൾകൂട്ടം തന്നെ രൂപപ്പെടുന്നത്‌ പ്രാദേശിക നീക്കുപോക്കുകളോ, ഭൗതിക നേട്ടങ്ങളോ മുന്നിൽ കണ്ടുകൊണ്ടാണു.ലൗകീക സുഖഭോഗത്തിന്റെ പുതിയ മേഘലകൾ കണ്ടെത്താനും, കണ്ടേത്തിയത്‌ നിലനിറുത്താനുമുള്ള അധികാരശ്രേണിയായാണു കോൺഗ്രസ്സിനെ പ്രാദേശിക നേതാക്കൾ മുതൽ ഉന്നതനേതൃത്വ നിരയിലുള്ളവർ വരെ വലിയൊരു വിഭാഗവും വീക്ഷിക്കുന്നത്‌. പ്രാദേശികമായി രൂപം കൊള്ളുന്ന ഘടനകളിൽ വരെ ഈ കാരണം കൊണ്ടുതന്നെ സമൂഹത്തിലെ പ്രമാണിമാരുടെയും മറ്റു സാമ്പത്തിക ശക്തികളുടെയും സ്വാധീനവും, അധീശത്വവും കാണാൻ കഴിയും. കോൺഗ്രസ്സിന്റെ നയരൂപീകരണത്തിലും പ്രവർത്തന ഘടനരൂപീകരിക്കുന്നതിലും ഇത്തരം മൂലധന ശക്തികളുടെ പങ്കു അതു കൊണ്ടുതന്നെ ശക്തവുമാണു. കോൺഗ്രസ്സുകാർ സനാതന മൂല്യം ലംഘിക്കുന്നതോ അഴിമതി ചെയ്യുന്നതോ, അഴിമതി കേസുകളിൽ പെടുന്നതോ വേണ്ടത്ര വാർത്തയാകാത്തതിനു പിന്നിൽ ജനങ്ങളെ സ്വാധീനിച്ച മെൽപറഞ്ഞ ഘടകങ്ങളുമുണ്ടു.

കോൺഗ്രസ്‌ ബന്ധപ്പെടുത്തി പറഞ്ഞു കേൾക്കുന്ന സാമ്പത്തിക ക്രമക്കേടുകൾക്കൊപ്പം തന്നെ ലൈംഗീകസതാചാരത്തിന്റെ പിന്നാമ്പുറകഥകളും നാട്ടിൽ പ്രചരിക്കുന്നുണ്ടു. ഒരു പ്രമുഖ നടിയുടെ പ്രിതൃത്വം സമ്പന്ധിച്ച്‌ കോൺഗ്രസ്സിന്റെ ഒരുന്നത നേതാവിനെ ബന്ധപ്പെടുത്തിയും, ചില നടിമാരെയും കോൺഗ്രസ്സിലെ വനിതാ നേതാക്കളെയും ബന്ധപ്പെടുത്തി കോൺഗ്രസ്സിലെ നേതൃത്വത്തിലിരിക്കുന്ന ചില വ്യക്തികളെ കുറിച്ചും ആരോപണം ഉയർന്നിരുന്നു. കോൺഗ്രസ്സല്ലേ ഇതൊക്കെ പതിവാണു എന്ന നിലയിലാണു ജനങ്ങൾ ഇത്തരം വാർത്തകളോടു പ്രതികരിക്കാറു.
എന്നാൽ വർത്തമാന സംഭവങ്ങൾ വിരൽ ചൂണ്ടുന്നത്‌ പരസ്യവും അപഹാസ്യവുമായ നിലയിലേക്ക്‌ നേതാക്കളുടെ ലൈംഗീക പേക്കൂത്തുകൾ വളർന്നെത്തിയിരിക്കുന്നു എന്നതാണു.. കേരള മനസാക്ഷിയെ പിടിച്ചുകുലുക്കിയ സൂര്യനെല്ലി പെൺ വാണിഭകേസിൽ പ്രതി ചെർക്കപ്പെട്ടത്‌ കോൺഗ്രസ്സിന്റെ ഹൈക്കമാണ്ടിൽ വരെ സ്വാധീന ശകതിയുള്ള കേന്ദ്രമന്ത്രിയായിരുന്ന നേതാവായിരുന്നു. കോടതി വേണ്ടത്ര തെളിവിന്റെ അഭാവത്തിൽ അദ്ദേഹത്തെ വെറുതെ വിട്ടതും വാസ്തവം.


കോൺഗ്രസ്സ്‌ നേതാക്കൾക്കൊപ്പം തന്നെ മറ്റു പാർട്ടി നേതാക്കളും ലൈംഗീക ആരൊപണങ്ങളിൽ നിന്നു മുക്തമല്ല. കുറെകൂടി മൂല്യങ്ങൾ നിരീക്ഷിക്കപ്പെടുന്ന കമ്മ്യൂണിസ്റ്റ്‌ നേതാക്കളുടെ ആദ്യകാല-ഒളിവു ജീവിതത്തിന്റെ ശേഷിപ്പുകളായി വാർത്തകളിൽ വന്നത്‌ ലൈംഗീകത തന്നെയായിരുന്നു. ഒളിവു കാല ജീവിതത്തിനിടയിൽ വഴിതെറ്റിപോയേക്കാവുന്ന സന്ദർഭങ്ങളുണ്ടായതായി മുൻ മുഖ്യമന്ത്രി സ:നായനാർ തന്നെ ഒരിക്കൽ പറഞ്ഞിട്ടുണ്ടു.

എന്നാൽ സാഹചര്യ സമ്മർദ്ദമെന്നതിലുപരി സുഖഭോഗ തൃഷണയിലേക്കുള്ള സഖാക്കളുടെ വളർച്ച വെളിച്ചത്തു വന്നത്‌ കൊഴിക്കോട്‌ പെൺ വാണിഭകേസിൽ മിനി മുഖ്യമന്ത്രി എന്ന അപരനാമത്തിലൂടെ പ്രശസ്തനായിരുന്ന കോഴിക്കോട്‌ മുൻ മേയർ സ:ഓ രാജഗോപാൽ പ്രതിയാകുന്നതിലൂടെയാണു. ബൂർഷാ പാർട്ടികൾ കൈവശം വെച്ചിരുന്ന സതാചാര തകർച്ച തൊഴിലാളി പാർട്ടികളെറ്റെടുക്കുന്നത്‌ സമൂഹം അത്ഭുതത്തോടെ നോക്കിക്കണ്ടു. ഇതോറ്റൊപ്പം തന്നെയാണു മുസ്ലിം ലീഗ്‌ നേതാവിനെതിരെ ഉയർന്നു വന്ന ലൈംഗികാരോപണം. ഒരു പക്ഷെ സാമുദായിക താൽപര്യം മൂലമാകാം ഈ ആരോപണവുമായി ബന്ധപ്പെട്ടു കേരളത്തിന്റെ പൊതു മണ്ഠലത്തെ ഇത്രമത്രം കലിക്ഷിതമാക്കിയ സമരങ്ങളും, പ്രതിഷേധങ്ങളും ഒരിക്കലുമുണ്ടായിട്ടില്ല. പ്രതിഷേധ സമരങ്ങളുടെ തീച്ചൂളയിൽ ആരോപണവിധെയനായ കുഞ്ഞാലിക്കുട്ടിക്ക്‌ മന്ത്രിസ്ഥാന്വും, പാർട്ടി സ്ഥാനവും രാജി വെക്കേണ്ടിവന്നുവേന്നത്‌ ചരിത്രം.കോടതി ഈ കേസും തെളിവിന്റെ അഭാവത്തിൽ തള്ളുകയാണുണ്ടായത്‌. ഇതേ ഗണത്തിൽ തന്നെ പെടാവുന്ന സമാന സംഭവങ്ങളാണു ഇടതുപക്ഷ മന്ത്രി സഭയിൽ അംഗമായിരുന്ന നീലലോഹിതദാസ നാടാരുമായും പി.ജെ ജോസഫുമായും ഉയർന്നു വന്നത്‌. നാടാരുമായി ബന്ധപ്പെട്ട്‌ ഒന്നിൽ കൂടുതൽ കേസുകൾ കീഴുദ്യോഗസ്ഥകൾ തന്നെ ഉന്നയിച്ചിരുന്നു. അദ്ദേഹത്തിനും മന്ത്രിസ്ഥാനം നഷ്ടപെട്ടു. പിന്നീട്‌ വിമാനയാത്രാവേലയിൽ തന്നെ പീഡിപ്പിച്ചു എന്ന് കാണിച്ച്‌ പ്രശസ്ത ടെലിവിഷൻ അവതാരിക തന്നെ മന്ത്രിയായിരുന്ന ജോസഫിനെതിരെ ആരോപനമുന്നയിച്ചു. ആ കൊടുംകാറ്റിൽ അദ്ദേഹത്തിനും മന്ത്രിസ്ഥാനം താൽകാലികമായി നഷ്ഠപ്പെട്ടു. കോടതി ഈ കേസും തള്ളിക്കളയുകയാണുണ്ടായത്‌. സംഘപരിവാർ സംഘടനകളിൽ പറഞ്ഞു കേട്ടിരുന്ന പ്രധാന ആരോപണം ഉമാഭാരതി-ഗോവിന്ദാചാര്യ ബന്ധമായിരുന്നു. ഇരു വ്യക്തികളെയും പാർട്ടിയിൽ നിന്നു രാജിവെക്കേണ്ട അവസ്ഥയിലേക്കു ഈ ആരോപണങ്ങളും കാരണമായിരുന്നു. സ്വന്തം സഹോദരനാൽ കൊല്ലപ്പെട്ട ബി.ജെ.പിയുടെ യുവ തുർക്കിയകളിൽ ഒരാളായിരുന്ന മുൻ കേന്ദ്രമന്ത്രി പ്രമോദ്‌ മഹാജന്റെ പേരിലും കൊലപാതകത്തിനു കാരണമായി ഉയർന്നുവന്നതു ലൈംഗീക ആരൊപണം തന്നെയായിരുന്നു.

ഇതെല്ലാം വേണ്ടത്ര തെളിവുകളില്ലാത്ത എതിർക്കക്ഷികളുടെ ആരോപണത്തിന്റെ മാത്രമടിസ്ഥാനത്തിൽ രൂപം കൊണ്ട വിവാദങ്ങളായിരുന്നു. വാദികളാകട്ടെ സാഹചര്യത്തിനനുസരിച്ച്‌ വാദങ്ങൽ മാറ്റിയും, മറിച്ചും കേ സിന്റെ ഗൗരവം ഇല്ലാതാക്കുകയും ചെയ്തു.

അതേ സമയം തീർത്തും സംശയാസ്പദമായ സാഹചര്യത്തിൽ നാട്ടുകാർ തന്നെ ഇരു കഷികളെയും കയ്യോടെ പിടികൂടുന്നത്‌ ഉണ്ണിത്താന്റെ വിഷയത്തിൽ ആദ്യത്തേതാണു. തലെന്നു വരെ സതാചാരത്തെ കുറിച്ച്‌ ഗീരവാണം പ്രസംഗിക്കുകയും ചാനൽ ചർച്ചകളിൽ കത്തികയറി സമൂഹത്തിൽ മാന്യമായി ജിവിക്കുന്നവരെ കുറിച്ച്‌ ആക്ഷെപങ്ങൽ ചൊരിഞ്ഞ്‌ മണിക്കുറുകൾ കഴിയുന്നതിനും മുന്നേ തന്നെ രാജ്മോഹൻ ഉണ്ണിത്താൻ എന്ന കോൺഗ്രസ്സിന്റെ തീപ്പൊരി നേതാവിനെയും കാമുകിയെന്ന് ആരൊപിക്കുന്ന സ്ത്രീയെയും നാട്ടുകാർ കയ്യോടെ പിടികൂടിയിരിക്കുന്നു. പിടികൂടുന്ന സമയത്ത്‌ മദ്യപിച്ച്‌ കാലുകളുറക്കാത്ത അവസ്ഥയിലായിരുന്നു ഉണ്ണിത്താനെന്ന് യൂ ടൂബിൽ പരന്നുനടക്കുന്ന ക്ലിപ്പുകൾ സാക്ഷ്യപ്പെടുത്തുന്നു. ഉണ്ണിത്താന്റെ സത്വസിദ്ധമായ ശൈലിയിൽ ഇതിനെ ന്യായീകരിക്കുന്നുണ്ടേങ്കിലും പൊതു സമൂഹത്തിന്റെ സംശയം ഇപ്പോഴും ഉണ്ണിത്താനെതിരെ തന്നെയാണെന്നാതാണു വാസ്തവം. ശേഷം എന്തുണ്ടാവുമെന്നു കാത്തിരിന്നു കാണേണ്ടതു തന്നെയാണു. കോൺഗ്രസ്സായതു കൊണ്ട്‌ എന്തുമാത്രം നടപടികൾ ഉണ്ണിത്താനെതിരെ സ്വീകരിക്കപ്പെടുമെന്നത്‌ സംശയം തന്നെ. അതേ സമയം വിജയപ്രതീക്ഷയിൽ പൊതു തെരഞ്ഞെടുപ്പു അടുത്തു വന്നു നിൽക്കുന്ന സമയത്ത്‌, വിഡിയീ ക്ലിപ്പടക്ക എതിരാളികളുടെ കയ്യിലുള്ള ആയുധങ്ങൾ പയോഗിക്കാൻ സാഹായകമാകുന്ന നിലക്കുള്ള തണുപ്പൻ സമീപനം കോൺഗ്രസ്സ്‌ എടുക്കുവാൻ ധൈര്യപ്പെടുമോ എന്നു കണ്ടറിയണം.

ഇനിയുമവസാനിക്കാത്ത ഈ സദാചാര ലംഘനത്തിന്റെ ഒടുവിലത്തെ ഉദാഹരണമാണു ഉത്തർപ്പ്രദേശ്‌ മുൻ മുഖ്യമന്ത്രിയും ഇപ്പോൾ ഗവർണറുമായ കോൺഗ്രസ്സിന്റെ തലമൂത്ത നേതാവു തിവാരിക്കെതിരെ ഉയർന്നു വന്ന ആരൊപണം. സമ്മർദ്ദത്തിന്നിടയിൽ അദ്ദേഹം രാജി വെക്കേണ്ടിവന്നിരിക്കുകയാണു. താൽകാലിക വിഷയമെന്നതിലുപരി ഈ ആരോപണത്തിന്റെ ഗതിയും എന്തായിരിക്കുമെന്നു ജനങ്ങൽക്കറിയാം.


ഇൻഫോർമേഷൻ ടെക്നോളജിയുടെ ഈ വർത്തമാന കാലത്ത്‌ മൂടിവെക്കുവാൻ അതികമൊന്നും സാധിക്കില്ല എന്ന തിരിച്ചറിവ്‌ പൊതുപ്രവർത്തകർക്കെങ്കിലുമുണ്ടാകണം. മുൻ കാലങ്ങളിൽ സ്വികരിച്ചിരുന്ന ഒരു നിഷെധ പ്രസ്ഥാനന ജനങ്ങളിലെത്റ്റുന്നതിനു മുന്ന ചൂടപ്പം പോലെ യഥാർത്ഥ വസ്തുതകൾ ജനങ്ങളിലെത്താൻ ഒരു പാടു സാധ്യതകൾ നില നിൽക്കെ..
ഈ യാഥാർത്ഥ്യം സതാചാര ലംഘകർ ഓർത്താൽ നന്നു.

Tuesday, December 22, 2009

ഉണ്ണിത്താന്‍ വാര്‍ത്തയെ മുക്കിയ മാധ്യമങ്ങള്‍


ഇഷ്ടമില്ലാത്തവരെ അടിച്ചാക്ഷേപിക്കുന്ന ഇല്ലകഥകള്‍ മെനയുന്ന അതെ
മാധ്യമ സിന്റികെട്റ്റ് തന്നെയാണ്
സ്വന്തമായവരുടെയും വേണ്ടപ്പെട്ടവരുടെയും കൊള്ളരുതയാമകള്‍ മുടി വെക്കുന്നത്.
മാധ്യമ താമസ്ക്കരണത്തിന്റെ മറ്റൊരു ഉദാഹരണം.
വെബ്ദുനിയ യില്‍ പ്രസിദ്ധികരിച്ച ലേഖനമാണ് ഇവിടെ അറ്റാച്ച് ചെയ്യുന്നത്.

ഉണ്ണിത്താന്‍ വാര്‍ത്തയെ മുക്കിയ മാധ്യമങ്ങള്‍ http://malayalam.webdunia.com/img/cm/searchGlass_small.png

ഷിജു രാമചന്ദ്രന്‍

ചൊവ്വ, 22 ഡിസംബര്‍ 2009( 16:54 IST )

എന്തു കിട്ടിയാലും പൊലിപ്പിക്കുന്നവരാണ് കേരളത്തിലെ മാധ്യമങ്ങള്‍. വാര്‍ത്ത ആഘോഷമാക്കുന്നതില്‍ കേരളത്തിലെ ദൃശ്യ മാധ്യമങ്ങള്‍ മത്സരിക്കാറാണ് പതിവ്. പട്ടുനൂല്‍പ്പുഴു മള്‍ബറി ചെടിയില്‍ നിന്ന് വീണ് ചത്താല്‍ ഇന്ത്യയില്‍ പട്ടുനൂല്‍ ഉത്പാദനം ഇടിയുംഎന്നുവരെ ഫ്ലാഷ് ന്യൂസ് കൊടുത്തുകളയും ചാനലുകള്‍. എന്നാല്‍, കഴിഞ്ഞ ദിവസം ഒരു സംഭവം ചാനലുകള്‍ റിപ്പോര്‍ട്ട് ചെയ്തത് കണ്ടൂ കണ്ടൂ കണ്ടില്ല; കേട്ടൂ കേട്ടൂ കേട്ടില്ലഎന്ന സിനിമാ ഗാനത്തെ ഓര്‍മ്മിപ്പിക്കുന്ന വിധമാണ്.

കോണ്‍ഗ്രസ് നേതാവ് രാജ്മോഹന്‍ ഉണ്ണിത്താന്‍ അനാശാസ്യത്തിന് പിടിയിലായതാണ് സംഭവം. ഞായറാഴ്ച രാത്രി പത്ത് മണിക്കാണ് ശ്രീമാന്‍ ഉണ്ണിത്താനേയും കൊല്ലത്തുകാരി ജയലക്ഷ്മിയേയും മലപ്പുറത്തെ മഞ്ചേരിയില്‍ വച്ച് നാട്ടുകാര്‍ പിടികൂടി പൊലീസില്‍ ഏല്‍പ്പിച്ചത്. പൊലീസിനെ ഏല്‍പ്പിക്കുന്നതിന് മുന്‍പ് നാട്ടുകാര്‍ ഈ എഐസിസി അംഗത്തെ ശരിക്ക് കൈകാര്യം ചെയ്തുവെന്നത് മറ്റൊരു സത്യം. ഇവരെ രണ്ടുപേരെയും പിടികൂടിയപ്പോള്‍ തന്നെ കേരളത്തിലെ പ്രമുഖ ചാനലുകളെല്ലാം തന്നെ സംഭവസ്ഥലത്ത് എത്തിയിരുന്നു.

രണ്ടുപേര്‍ അനാശാസ്യത്തിന് പിടിയിലായി എന്നുമാത്രം അറിയാവുന്ന ചാനല്‍ റിപ്പോര്‍ട്ടര്‍മാര്‍ സ്ഥലത്തെത്തിയപ്പോഴാണറിയുന്നത് അകത്തുള്ളത് സംസ്ഥാന രാഷ്ട്രീയത്തിലെ തീപ്പന്തമായ ഉണ്ണിത്താനാണെന്ന്. നാക്കിന് ഏഴുമുഴം നീളമുള്ളതുകൊണ്ട് തങ്ങളുടെ ചാനലുകളിലെ പാതിരാ ചര്‍ച്ചയ്ക്ക് കോണ്‍ഗ്രസിനെ പ്രതിനിധീകരിച്ച് എത്തുന്ന വീരനെതിരെ എങ്ങനെ റിപ്പോര്‍ട്ട് ചെയ്യും. ഉണ്ണിത്താനെയും ജയലക്ഷ്മിയേയും ജീപ്പില്‍ കയറ്റുന്നതും പൊലീസ് കൊണ്ടുപോകുന്നതുമൊക്കെ ക്യാമറയില്‍ പകര്‍ത്തിയ സംഘം തിരിച്ചുപോയി.

തിങ്കളാഴ്ച രാവിലെ ആദ്യ ബുള്ളറ്റിനില്‍ തന്നെ കൈരളി രാഷ്‌ട്രീയ ശത്രുവിനെ അടിക്കാന്‍ കിട്ടിയ ആയുധം നന്നായി ആഘോഷിച്ചു. വിഷ്വലും വിശദീകരണവുമായി ഒരു നെടുങ്കന്‍ റിപ്പോര്‍ട്ട് തന്നെ നല്‍കി. ഈ സമയത്ത് ഇന്ത്യാവിഷനും മനോരമ ന്യൂസും ഏഷ്യാനെറ്റുമെല്ലാം സംഭവം അറിഞ്ഞില്ലെന്ന ഭാവത്തിലായിരുന്നു. തൊട്ടടുത്ത ബുള്ളറ്റിനില്‍ ഇന്ത്യാവിഷന്‍ രണ്ട് മിനിറ്റ് ദൈര്‍ഘ്യമുള്ള വാര്‍ത്തയായി ഉണ്ണിത്താന്‍ സംഭവം കൊടുത്തു. അതുവരെ ഇങ്ങനെയൊന്ന് നടന്നിട്ടില്ലെന്ന ഭാവം നടിച്ച ഏഷ്യാനെറ്റും മനോരമയും സംഭവം വിഷ്വല്‍ അടക്കം കൊടുക്കാന്‍ നിര്‍ബന്ധിതരായി.

എന്നാല്‍, ഉണ്ണിത്താന്‍ പിടിയിലായത് അനാശാസ്യ പ്രവര്‍ത്തനത്തിനാണെന്ന് പറയാന്‍ അപ്പോഴും ചാനലുകള്‍ക്ക് മടിയായിരുന്നു. ഡിവൈഎഫ്ഐക്കാര്‍ പൊലീസ് സ്റ്റേഷനില്‍ കയറി പ്രതിയെ ഇറക്കിക്കൊണ്ടു പോയാല്‍ എസ്എംഎസ് പ്രതികരണം വരെ ചോദിക്കുന്ന ചാനലുകളാണ് ഉണ്ണിത്താന്‍ പ്രശ്നത്തില്‍ അര്‍ത്ഥഗര്‍ഭമായ മൌനം അവലംബിച്ചത്. സൂഫിയാ മദനിയുടെ ജാമ്യാപേക്ഷ കൊണ്ടുള്ള വാര്‍ത്ത കൊണ്ട് ഉണ്ണിത്താന്‍ സംഭവം മറയ്ക്കാനുള്ള കുത്സിത ശ്രമവും മുഖ്യധാരാ മാധ്യമങ്ങള്‍ നടത്തി.


(എങ്ങനെയാണൊരു വാര്‍ത്ത മുങ്ങുന്നത്) http://malayalam.webdunia.com/img/cm/searchGlass_small.png

ഷിജു രാമചന്ദ്രന്‍

കേരളത്തിലെ ക്രമസമാധാന നില ആകെ തകര്‍ന്നെന്നും എല്ലാ പ്രതികളേയും രക്ഷിക്കുന്നതിന് സി പി എം ശ്രമിക്കുകയാനെന്നും മറ്റും പറഞ്ഞ് ചര്‍ച്ചയും ഉപചര്‍ച്ചയും നടത്തുന്ന ചാനലുകള്‍ക്ക് ഇക്കാര്യത്തില്‍ എന്താണ് സംഭവിച്ചതെന്ന് ഒരു പിടിയുമില്ല. മുഖ്യധാരാ മാധ്യമങ്ങളുടെ വെബ്സൈറ്റുകളും ഉണ്ണിത്താനെതിരെ മൌനം പാലിച്ചു. കേരള രാഷ്ട്രീയത്തിന് മൊത്തത്തില്‍ നാണക്കേടുണ്ടാക്കിയ ഒരു സംഭവം രാത്രിയിലെ ചാനല്‍ ചര്‍ച്ചയിലും വലിയ സംഭവമായതായി കണ്ടില്ല. ഇന്നലെ മഞ്ചേരിയില്‍ പിടിയിലായത് ഉണ്ണിത്താന്‍ അല്ലാതിരിക്കുകയും അത് മറ്റേതെങ്കിലും പാര്‍ട്ടിയുടെ പ്രവര്‍ത്തകന്‍ ആവുകയും ചെയ്തിരുന്നുവെങ്കില്‍ കാണാമായിരുന്നു പൂരം. കേരളത്തിലെ സകല സിന്‍ഡിക്കേറ്റ് ബുദ്ധിജീവികളും ചാനലില്‍ ചര്‍ച്ചയ്ക്കായി അണിനിരന്നേനെ!


ഇത്തരം സംഭവങ്ങളുണ്ടാകുമ്പോള്‍ സാധാരണ നിലയ്ക്ക് ചാനലുകള്‍ ചെയ്യുന്ന റിപ്പോര്‍ട്ടിംഗുകളൊന്നും ഇന്ന് കണ്ടില്ല. സാധാരണ നിലയ്ക്ക് ഇത്തരം സംഭവങ്ങള്‍ അറിഞ്ഞാല്‍ ചാനലുകള്‍ സാംസ്കാരിക നായകരുടെ പ്രതികരണം ആരായുക പതിവാണ്. എന്നാല്‍, കൈരളിയൊഴികെ ഒരു ചാനലും ഈ ഉദ്ദ്യമത്തിന് മുതിര്‍ന്നില്ല. ഉണ്ണിത്താന്‍ യുവതിയോടൊപ്പം പിടിയില്‍ എന്നുള്ളതല്ലാതെ ഒരുതരത്തിലുള്ള സൈഡ് സ്റ്റോറിയും ഈ സംഭവത്തില്‍ നിന്നുണ്ടായില്ല. ചാനലുകളില്‍ കണ്ട വിഷ്വലുകള്‍ ശരിയാണെങ്കില്‍ ഉണ്ണിത്താന്‍ പൊലീസ് കസ്റ്റഡിയിലാകുമ്പോള്‍ നന്നായി മദ്യപിച്ചിരുന്നു എന്നാണ് മനസിലാകുന്നത്. നിലത്തുറയ്ക്കാത്ത കാലുകളുമായി ഉണ്ണിത്താന്‍ സ്റ്റേഷനകത്തേക്ക് നടന്നുപോകുന്നതും ഉറയ്ക്കാത്ത മുണ്ട് പിന്നെയും പിന്നെയും വാരിവലിച്ച് ഉടുക്കുന്നതും സ്റ്റേഷനിലെ കസേരയില്‍ ഇരിക്കുന്ന പോലെ വീഴുന്നതും മദ്യപാനത്തിന്‍റെ ലക്ഷണങ്ങളല്ലെങ്കില്‍ പിന്നെയെന്താണ്? ഇതൊന്നും ആരും വാര്‍ത്തയാക്കിയില്ലെന്ന് മാത്രമല്ല മറച്ചുപിടിക്കാനും ശ്രമിച്ചു.

സംഭവത്തിന് ദൃക്‌സാക്ഷികളായവരില്‍ നിന്നോ രാഷ്ട്രീയക്കാരില്‍ നിന്നോ വിശദമായ ഒരു പ്രതികരണവും ചാനലുകള്‍ എടുത്തില്ല. മാത്രവുമല്ല ഉണ്ണിത്താനേയും ജയലക്ഷ്മിയേയും രണ്ടും മൂന്നും പ്രതികളാക്കിയാണ് കേസ് രജിസ്റ്റര്‍ ചെയ്തത് എന്നതിനും പ്രമുഖ മാധ്യമങ്ങള്‍ക്ക് ഉരിയാട്ടമില്ല. വീട് വാടകയ്ക്കെടുത്ത അഷ്‌റഫ് എന്ന വ്യാപാരിയാണ് ഒന്നാം പ്രതി. ഉണ്ണിത്താനും അഷ്‌റഫും തമ്മിലുള്ള ബന്ധമെന്താണ്? ബാംഗ്ലൂരില്‍ പോകേണ്ട ഉണ്ണിത്താന്‍ എന്തിനാണ് കൊല്ലത്തു നിന്ന് മലപ്പുറം വഴി വന്നത്? ഇങ്ങനെ ഉത്തരം കിട്ടാത്ത നിരവധി ചോദ്യങ്ങള്‍ക്കുള്ള അന്വേഷണവും മാധ്യമങ്ങള്‍ വിഴുങ്ങി.

ഇത് ചാനലുകള്‍ സ്വീകരിച്ച പൊതു മാര്‍ഗ്ഗമാണെങ്കില്‍ പിറ്റേന്ന് പത്രങ്ങളും ഉണ്ണിത്താന്‍ സംഭവം മറയ്ക്കുന്നതില്‍ തങ്ങള്‍ ഒട്ടും പിന്നിലല്ലെന്ന് തെളിയിച്ചു. അനാശാസ്യം എന്നുള്ളത് അനാശാസ്യ ആരോപണമായി മാറി. രാവിലെ പത്രമെടുത്ത് വാര്‍ത്തയ്ക്കായി പരതിയ വായനക്കാര്‍ക്ക് പേജുകള്‍ പലതും മറയ്ക്കേണ്ടി വന്നു വാര്‍ത്ത കണ്ടെത്താന്‍. പക്ഷേ, ഒന്നുണ്ട് ഉണ്ണിത്താന്‍ അറസ്റ്റിലായതിനേക്കാള്‍ വലിയ വാര്‍ത്ത എല്ലാം സി പി എമ്മിന്റെയും പിഡിപിയുടെയും ഗൂഡാലോചനയാണെന്ന ഉണ്ണിത്താന്‍റെ പ്രതികരണമാണ്. കൊള്ളാം ഇതാണ് ഉത്തമമായ മാധ്യമ ധര്‍മ്മം. വാര്‍ത്തയിലെ വ്യക്തികള്‍ തങ്ങള്‍ക്ക് വേണ്ടപ്പെട്ടവരാണെങ്കില്‍ വാര്‍ത്ത ഉള്‍പ്പേജിലും മതി.

വീട്ടമ്മയുടെ സ്വര്‍ണമാല മോഷണം പോയാല്‍ ക്രമസമാധാന നില തകര്‍ന്നു എന്ന് മുന്‍‌പേജില്‍ വാര്‍ത്ത കൊടുക്കുകയും എഡിറ്റോറിയല്‍ എഴുതുകയും ചെയ്യുന്ന മുത്തശ്ശിപ്പത്രം പത്രം ഇന്നലെ കണ്ണ് ഇറുക്കിയടച്ചു. വീരേന്ദ്രകുമാര്‍ വലതുപക്ഷത്തെത്തിയതോടെ മാതൃഭൂമിയും അതേപാത പിന്തുടര്‍ന്നു. തങ്ങള്‍‌ക്ക് ഇഷ്ടമില്ലാത്തവരെ ആക്രമിക്കുക, അല്ലാത്തവരെ സഹായിക്കുക എന്ന വിലകുറഞ്ഞ മാധ്യമ തന്ത്രം മാത്രമാണ് കേരളത്തിലെ മുഖ്യധാരാ മാധ്യമങ്ങള്‍ ഉണ്ണിത്താന്‍ വിഷയത്തില്‍ കൈക്കൊണ്ടത്. നാളെ ഇതേ മുഖങ്ങള്‍ ഇവരുടെ ചാനലുകളിലും പത്രങ്ങളിലും ചര്‍ച്ചയ്ക്കെത്തുകയും ചെയ്യും. വൈകിയാലും ഒരു സപ്ലിമെന്‍റ് തന്നെ ഇറക്കിക്കൂടെന്നില്ല!

Sunday, December 20, 2009

പിന്നെയവര്‍ സുഫിയ മദനിയെ തേടിയെത്തി

പിന്നെയവര്‍ സുഫിയ മദനിയെ തേടിയെത്തി

കൂടെ നിന്നവരെ ഉപദ്രവിക്കാനും വെറുപ്പിക്കാനും സി.പി.എമ്മിനെ കഴിച്ചിട്ടേ മറ്റാർക്കും സ്ഥാനമുള്ളൂ. രണ്ടായിരത്തിയാറിലെ നിയമസഭാതെരഞ്ഞെടുപ്പ്‌ വിജയത്തെ അവലോകനം ചെയ്ത സി.പി.എം സ്റ്റേറ്റ്‌ കമ്മറ്റി ഇടതുമുന്നണിയുടെ ഐതിഹാസികമായ തെരഞ്ഞെടുപ്പു വിജയത്തിന്നാധാരമായ കാരണങ്ങളിൽ പ്രാധാന്യപൂർവ്വം എടുത്തു പറയുന്നത്‌ മുസ്ലിം ജനവിഭാഗത്തിൽ നിന്നു പതിവിനും വിപരീതമായി ലഭിച്ച വർദ്ധിച്ച തോതിലിള്ള പി ന്തുണയേ കുറിച്ചാണു. "ദശാബ്ദങ്ങളായി മുസ്ലിം ലീഗിൽ വിശ്വാസമർപ്പിച്ചിരുന്ന പ്രത്യേകിച്ചും മലബാറിലെ മുസ്ലീം ജനസാമാന്യം ലിഗിനോടുള്ള പ്രതിപത്തി വെടിഞ്ഞ്‌ ഇടതുമുന്നണിയെ പി ന്തുണക്കാൻ തയ്യാറായിരിക്കുന്നു. ഇതു താൽകാലികമായ ഒരു പ്രതിബാസമല്ലെന്നും ദീർഘകാലം നീണ്ടുനിൽക്കുന്ന സഹവർത്തിത്വത്തിന്റെ ഭാഗമാണെന്നും" തെരഞ്ഞെടുപ്പ്‌ അവലോകന റിപ്പോർട്ടിൽ ഊന്നിപ്പറയുന്നു.


സമുദായ വോട്ട്‌ ദശാബ്ദങ്ങളായി കുത്തകയാക്കി വെച്ചിരിക്കുന്ന മുസ്ലിം ലീഗ്‌ എടുക്കുന്ന സമീപകാല തിരുമാനങ്ങളൊക്കെയും സമുദായ താൽപര്യത്തേക്കാൾ അധികാര തൽപരതയും, സാമ്രാജ്യത്വ ദാസ്യവും സമൂഹത്തിൽ അതിവേഗം വേരോടികൊണ്ടിരിക്കുന്ന പുത്തൻ പണക്കാരുടെ താൽപര്യങ്ങളുമാണു മുഴച്ചു നിൽക്കുന്നുവേന്ന യഥാർത്ഥ്യം വളരെ വൈകിയാണെങ്കിലും തിരിച്ചറിഞ്ഞു തുടങ്ങിയിരുന്ന മുസ്ലിം ജനതയും ഒരു മാറ്റത്തിനു വെമ്പൽ കൊണ്ടിരുന്നു. . മഹല്ലു അധികാരങ്ങളിലും,മുസ്ലിം കുടുമ്പതർക്കങ്ങളിൽ വരെ സജീവമായി ഇടപ്പെട്ടും, ആഗോളതലത്തിൽ ചെറുത്ത്നിൽപ്പു പ്രസ്ഥനങ്ങൾക്ക്‌ നെതൃത്വം നൽകുന്ന മുസ്ലിം നേതാക്കളെ സഖാക്കൾക്കു തുല്യരായ "കൾട്ടുകളായി" തെരുവുകളിൽ നിറച്ചുമൊക്കെ മുസ്ലിം ധാരണക്ക്‌ സി.പി.എം എരിവും പുളിയും ചേർത്ത്‌ പ്രതീക്ഷ നൽകി. അതിന്റെ പ്രതിഫലനമായിരുന്നു വൻ താപ്പാനകൾവരെ അടിതെറ്റി വീണ തെരഞ്ഞടുപ്പ്‌ പരാജയം ചരിത്രത്തിലാദ്യമായി ജനങ്ങൾ മുസ്ലിം ലീഗിനു സമ്മാനിച്ചതും പകരമായി ഇടതുപക്ഷ രാഷ്ട്രീയവും പ്രത്യെകിച്ചു സി.പി.എം രാഷ്ട്രീയം ഈ മേഘലകളിൽ ചുവടുറപ്പിക്കാനും തുടങ്ങിയത്‌.


എന്നാൽ നിലവിലുള്ള ഈഴവ-കീഴാള വോട്ടുബാങ്ക്‌ എന്നതിലുപരി മറ്റൊരു താൽപര്യവും മുസ്ലിം സമൂഹത്തോടോ, മുസ്ലിം താൽപര്യങ്ങളോടോ ഇല്ലെന്നും ഈ രിതിയിൽ സി.പി.എം നടത്തുന്ന പ്രചരനങ്ങൾ ആത്മാർത്ഥതയോടെയല്ലെന്നും മദനിയെ തടവിലിടാൻ ഘൂഢാലോചന നടത്തിയ സി.പി.ഈമ്മിന്റെ മുൻ കാല ചെയ്തികളും,താൽപര്യങ്ങളും , അജണ്ടകളുമൊക്കെ എടുത്തുകാട്ടി ചില കോണിൽ നിന്നെങ്കിലും എതിർ പ്രചാരണം ഉയർന്നിരുന്നു. എന്നാൽ കെരളത്തിൽ സമീപകാല തെരഞ്ഞെടുപ്പുകളിൽ കാണപ്പെടുന്ന എകപക്ഷീയ നിരാസത്തിനും തിരസ്ക്കരണത്തിനും ഐക്യജനാധിപത്യമുന്നണിയുടെ അടിത്തറയിളക്കിയ തിരിച്ചടിക്കു മുസ്ലിം ലീഗും ഇരയായി. മുസ്ലിം മേഘലയിൽ നിന്നുള്ള അപ്രതീക്ഷിത മുന്നേറ്റത്തിന്റെ കൂടി ബലത്തിൽ സി.പി.എമിന്റെ നേതൃത്വത്തിലുള്ള ഇടതുപക്ഷമുന്നണി ഒരിക്കൽ കൂടി വൻ ഭൂരിപക്ഷത്തോടെ അധികാരത്തിൽ വന്നു.


എന്നാൽ മധുവിതുവിനു അൽപദിവസ ആയുസ്സേ ഉണ്ടായിരുന്നുള്ളൂ. സി.പി.എം സ്വന്തം അജണ്ടകളും താൽപര്യങ്ങളും പതിവുപോലെ പുറത്തെടുത്തു തുടങ്ങി. ആദ്യ വെടി കിട്ടിയത്‌ ചരിത്രത്തിലാദ്യമായി സീനിയോറിറ്റിയിലൂടെ ചീഫ്സെക്രട്ടറി പഥവിയിലെത്തിയ മുസ്ലിം നാമധാരിയായ റിയാസു ദ്ദീനു തന്നെ. നാലാഴ്ച തികച്ച്‌ ആ പഥവിയിലിരിക്കാൻ റിയാസു ദ്ദീനു കഴിഞ്ഞില്ല. കഴിവ്‌ കെട്ടവനെന്നു ആക്ഷേപിച്ചു പാർട്ടി പുകച്ചു ചാടിച്ചു.വിരോധാഭാസമെന്നു പറയുന്നതു പോലെ കഴിവു കെട്ടവനെന്നു പാർട്ടി ഓമനപ്പേരു നൽകിയ റിയാശുദ്ദിനു നൽകിയ പകരം പോസ്റ്റ്‌ എന്താണെന്നറിയേണ്ടേ?ഉന്നത സെക്രട്ടറിമാർക്ക്‌ പരിശീലനം നൽകുക. എന്നും സവർണ്ണ-ക്രൈസ്തവ ഉദ്യോഗസ്ഥർക്കു മാത്രം സംവരണം ചെയ്യപ്പെട്ട ചിഫ്സെക്രട്ടറി പഥവി പതിവു പോലെ പവൻ മാർക്ക്‌ സത്യകൃസ്ത്യാനിക്കു തന്നെ തളികയിൽ വെച്ച്‌ നൽകി ആദരിച്ചു. വിദ്യഭ്യാസനയവുമായി ബന്ധപ്പെട്ടു സഭാ അധികാരികളെ പ്രീണിപ്പിക്കാനാണു ഇത്തരമൊരു സാഹസത്തിനു സി.പി.എം തയ്യാറായത്‌. സഭ പാർട്ടിക്കു എന്തു തിരിച്ചു നൽകിയെന്നതു ചരിത്രം..


തെരഞ്ഞെടുപ്പിൽ സമുദായത്തിലെ പുത്തൻ പണക്കാരുടെ ഹുങ്കിനു നൽകിയ തിരിച്ചടികളുടെ കഥകൾ പറഞ്ഞു പുളകം കൊണ്ടിരുന്ന മലപ്പുറത്തുകാർ ഒരു നാൾ കണ്ടത്‌ കൊടിയെരിയുടെ പോലീസ്‌ ഒന്നടങ്കം മലപ്പുറത്തേക്കു മാർച്ചു ചെയ്യുന്നതാണു. ഫഹദ്‌ എന്ന ചെറുപ്പാക്കാരനും അവരുടെ ബന്ധുക്കളുമൊക്കെയായി മാധ്യമങ്ങൾ ഊതി വീർപ്പിച്ച ഭീകരകഥകളിലെ വില്ലന്മാരെ തേടി എം.എസ്‌.പിയുടെ കുപ്രസിദ്ധമായ മുസ്ലിം വേട്ടക്കു ശേഷം പോലിസ്‌ മുസ്ലിം ഭവനങ്ങളിൽ കയറിയിറങ്ങി. സമൂഹമദ്ധ്യേ ചിരകാലമായി താമസിക്കുന്ന ചെറുപ്പക്കാരെയും അവരുടെ ബന്ധുക്കളെയുമൊക്കെ ഭീകരന്മാരായി ചിത്രീകരിക്കപ്പെട്ടു. സി.പി.എമ്മിന്റെ യഥാർത്ഥമുഖം കണ്ടുതുടങ്ങുകയായിരുന്നു സമുദായം. ഒരു മതെതര സർക്കാരിൽ നിന്നു സമുഹം പ്രതീക്ഷിക്കുന്ന മതനിരപെക്ഷമായ ഇടപെടലുകളല്ല പിന്നിടങ്ങോട്ട്‌ ഇടതുപക്ഷ സർക്കാരിൽ നിന്നുണ്ടാറ്റത്‌. ഉത്തരേന്ത്യൻ പോലീസിനെയോ, ഗുജറാത്ത്‌ പോലീസിനെയോ പോലെ അടിമുടി വർഗ്ഗീകരിക്കപ്പെട്ട പോലീസ്‌ സംവിധാനമാണു കേരള പോലീസെന്നും ഓരോ നടപടികളിലൂടെയും തെളിയിക്കപ്പെട്ടു.
സ്വാതന്ത്രദിയനത്തിൽ ഓഡിറ്റീറിയത്തിൽ വെച്ച്‌ പരസ്യാമായി നടത്തിയ പരിപാടി പോലും ഭൂരിപ്പക്ഷ വർഗ്ഗീയതക്ക്‌ വളം നൽകുവാനായി തീവ്രവാദ സംഘമമായി മുദ്രകുത്തി പങ്കെടുത്തവരെ മുഴുവൻ ജയിലിലടച്ചു. മാധ്യമങ്ങൾ അണിയറയിലിരുന്നു ഇല്ലാ കഥകൾ മെനഞ്ഞു, പോലീസ്‌ അരങ്ങിൽ വേട്ടക്കിറങ്ങി. യാസർ അറഫാത്തിന്റെയും,സദ്ദാമിന്റെയും ഫോട്ടത്തിൽ സി.പി.എമ്മിന്റെ സാമ്രാജ്യത്വവിരുദ്ധയിൽ അഭിമാനം,വിശ്വാസവും കൊണ്ട മുസ്ലിം സംഘടനകൾ വരെ പതുക്കെ യാഥാർത്ഥ്യം മനസ്സിലാക്കുകയായിരുന്നു.


തീർന്നില്ല സമുദായത്തോടൊപ്പം പൊതുസമൂഹത്തെയും നിരാശപ്പെടുത്തിയ ഇടതുപക്ഷത്തെ പാർലമന്റ്‌ തെരഞ്ഞെടുപ്പിൽ ജനങ്ങൽ അതി ശക്തമായ തിരിച്ചടി തന്നെ നൽകി.പൊന്നാനി പിടിക്കാനിറങ്ങിയ സി.പി.എമിനു പൊന്നാനി കിട്ടിയില്ലെന്നു മാത്രമല്ല പാർട്ടി ഗ്രാമങ്ങളായ കണ്ണൂരും കോഴിക്കോടും നഷ്ടപ്പെട്ടു. ഈ ദേഷ്യവും സി.പി.എം തിർത്തത്‌ മുസ്ലിം സമുദായത്തോടു തന്നെ. പോലീസിന്റെ കണ്മുന്നിൽ കിടന്ന് വിലസിയ ഒരു ക്രിമിനലനെ തളക്കാതെ ബീമപാള്ളിയിലെ മുസ്ലിംകളുടെ നെഞ്ചത്തേകു തന്നെ പോലീസ്‌ വെടിയുതിരുത്തു. ഒന്നും രണ്ടുമല്ല ആറുപേർ പോലീസിന്റെ കൊലക്കത്തിക്കിരയായി. അതിലേറെ പേർ വെടി കൊണ്ടു ജീവച്ഛവമായി മാറി. കേരള പോലിസ്‌ എത്രമാത്രം വർഗ്ഗീകകരിക്കപ്പെട്ടു എന്ന് ബീമാപള്ളിയിലെ വെടിവെപ്പുമായി നടന്ന പോലിസ്‌ ഇടപെടലുകൾ വെളിച്ചത്ത്‌ കൊണ്ടു വന്നു. യൂ ഡൂബിൽ പറന്നു നടന്ന ക്ലിപ്പുകൾ സം സാരിക്കുന്നത്‌ സി.പി.എം സമൂഹത്തിൽ ഉയർത്തുന്ന മതനിരപേക്ഷതയല്ല പോലിസിനെ നിയന്ത്രിക്കുന്നത്‌, മറിച്ച്‌ ഗുജറാത്തിലെ മോഡിമോഡൽ ഭൂരിപക്ഷ വർഗ്ഗീയതയാണെന്നാണു.


സവർണ്ണ മാധ്യമങ്ങളുടെ നിറം പിടിച്ച കഥകൾക്കൊപ്പിച്ച്‌ പോലീസ്‌ നടപടികൾ പിന്നെയും തുടർന്നു. ഒരേ സമയം മാധ്യമ സിണ്ടികേറ്റിനെ കുറിച്ച്‌ വേവലാതിപ്പെടുന്ന സി.പി.എം തന്നെയാണു മാധ്യമങ്ങൾ നിരത്തുന്ന ഇല്ലാകഥകളുടെ പേരിൽ മുസ്ലിം ഭവനങ്ങളിൽ കയറിയിറങ്ങുവാൻ പോലീസിനെ കയറൂരി വിട്ടതെന്നത്‌ കൗതുകകരമായി. ഈരാറ്റുപേട്ടയിൽ തീവ്രവാദികളെ തിരയാനെന്ന പേരിൽ എൺപതും തൊണ്ണൂറും കഴിഞ്ഞ വാർദ്ധക്യത്തിൽ വിശ്രമജീവിതം നയിക്കുന്നവരെയെല്ലാം അന്വേഷിച്ച്‌ പോലീസ്‌ വരുന്നത്‌ അർദ്ധരാത്രിയിൽ ഭീകരന്തരീക്ഷം സൃഷ്ഠിച്ചു സകലമാന പോലിസുകാരെയും പട്ടാളത്തിനെയും കൂട്ടി. പോലീസ്‌ നടപടികളുടെ ഏകപക്ഷീയതയിൽ സഹിക്കെട്ട്‌ ജനങ്ങൾ തെരുവിലിറങ്ങിയപ്പോഴാണു കൊടിയേരി ഇതെല്ലാം അറിയുന്നതായി നടിച്ചതും പോലീസിനെ ശാസിച്ചതുമൊക്കെ.


സി.പി.എമ്മിന്റെ തിട്ടൂരങ്ങളിൽ മനമടുത്തു സമാന്തര പ്രവർത്തനങ്ങൾ നടത്തുന്നവരെയും സി.പി.എം വെറുതെ വിട്ടില്ല. കണ്ണൂരിലെ പാർട്ടിഗ്രാമങ്ങളിൽ പ്രവർത്തിച്ചു എന്ന ഒറ്റ കാരണം കൊണ്ടുമാത്രമാണു കണ്ണൂരിൽ രണ്ടു മുസ്ലിം ചെറുപ്പക്കാർ കൊല്ലപ്പെട്ടത്‌. സി.പി.എം നടത്തിയ ഈ നിഷ്ഠൂര കൊലപാതകങ്ങൾ മറച്ചു വെക്കാനും കൊലപാതക കുറ്റം സംഘപരിവാറിന്റെ മേൽ കെട്ടിവെച്ച്‌ ഹിന്ദു-മുസ്ലിം കലാപമാക്കി വളർത്തി സമാധാനപ്രാവുകളായി പറന്നെത്തി മുതലെടുക്കുവാനുമുള്ള സി.പി.എമ്മിന്റെ വൻ ഗൂഢാലോചനായാണു ബന്ധപ്പെട്ടവരുടെ ജാഗ്രതമൂലം തകർന്നു പൊയത്‌.


ഭരണകൂടത്തിന്റെയും പോലീസിന്റെയും മുസ്ലിം വിരുദ്ധതയുടെ ഏറ്റവും വലിയ തെളിവാണു കേരളം മുഴുകെ ആളിപ്പടർന്ന, ഡൽ ഹിയോളം നാളങ്ങളെത്തിയ ലവ്‌ ജിഹാടെന്ന പ്രാഹേളിക. ഒരു കലാലയ പ്രണയത്തിൽ മാത്രം ഒതുക്കപെടേണ്ട പതിവു പ്രണയവും മത മാറ്റവുമെല്ലാം പോലിസ്‌ ഇടപ്പെട്ടു ഭീകര കൃത്യമാക്കി ചിത്രികരിച്ചു. പതിവു പോലെ മാധ്യമങ്ങൾ എരിവും പുളിയും കലർത്തി ഇല്ലാ കഥകളും ലേഖനങ്ങളും അടിച്ചിറക്കി. ഈ വിഷനാളത്തിന്റെ ജ്വാല നീതിപീഢം വരെ എത്തിയിട്ടും കൊടിയേരി പോലീസ്‌ കുലുങ്ങിയില്ല. കേരളം മുഴുക്കെ സംഘപരിവാർ ഈ വിഷയമായി ബന്ധപ്പെട്ടു മുതലെടുപ്പു നട്ത്തിയിട്ടും കോടതികളിൽ കേരള സർക്കാർ കർണ്ണാകടത്തിലെ ബി.ജെ.പി സർക്കാർ കാഴവെച്ച പക്വതയോ,നീതിബോതമോ കാണിക്കാതെ വിഷം വമിക്കുന്ന പ്രചാരണങ്ങൾക്ക്‌ ചീടുപിടിക്കത്തക്ക രീതിയിലുള്ള റിപ്പോർട്ടുകൾ നൽകി. അവസാനം ഹൈകോടതിയുടെ ഇടപെടലിൽ വരെയെത്തി നിൽക്കുന്നു ലവ്‌ ജിഹാദും പോലീസ്‌-മാധ്യമ നടപടികളും. ഒരു സമുദായത്തെ സംശയത്തിൽ നിറുത്തുന്ന നിലക്കുള്ള പോലിസിന്റെ ഏകപ്ക്ഷീയ നടപടികളെ ഹൈകോടതി രൂക്ഷമായാണു വിമർഷിച്ചിരിക്കുന്നത്‌.

എന്നാൽ കൊടിയെരിയോ സി.പി.എമ്മോ എസ്‌.എഫ്‌.ഐയോ ഇതിലൊന്നും കുലുങ്ങിയില്ല. മതെതര പ്രതിബദ്ധയിൽ പലപ്പോഴും സംശയത്തിന്റെ നാളങ്ങൾ വിഴാരുള്ള കോൺഗ്രസ്സ്‌ നേതാക്കൾ പ്പോലും കാണിച്ച പക്വത ഇടതുപക്ഷത്തിന്റെ ഭാഗത്തുനിന്നുണ്ടായില്ല. വയലാർ രവിയടക്കമുള്ള നേതാക്കൾ ലവ്‌ ജിഹാദിനു പിന്നിലുള്ള സംഘി അജണ്ടകളെ കുറിച്ച്‌ പറയാൻ തയ്യാറായപ്പോൽ പിണറായി വിജയൻ പറഞ്ഞത്‌ "എന്നെകൊണ്ടു എന്തെങ്കിലും പറയിപ്പിക്കാമെന്നു നോക്കേണ്ട" എന്നാണു.


പെരുന്നാളാഘോഷം മറ്റിറ്റങ്ങളിൽ പൊടിപൊടിക്കുമ്പോൾ കാസർക്കോഡു നടന്നത്‌ പോലീസിന്റെ മുസ്ലിം നരനായാട്ടായിരുന്നു. നിരപരാധികളായ ചെറുപ്പക്കാരെ തല്ലി ച്ചതച്ചും, വിക ലാംകാരായ പത്രപ്രവർത്തകരെ പോലും ക്രൂരമായിം മർദ്ധിച്ചും പോലിസ്‌ തങ്ങളുടെ ഉദ്ദേശ്യ ശുദ്ധി വീണ്ടും പുറത്തെടുത്തു.മുസ്ലിംകളെ വെടിവെച്ചുകൊല്ലാൻ പ്രത്യേക കാരണങ്ങളൊന്നും വേണ്ടതില്ല എന്ന പോലീസ്‌ മാനസികാവസ്ഥയുടെ അടുത്ത ഇരകളും കാസർക്കോഡുകാർ തന്നെയായിരുന്നു. വെടിവെച്ചതു പോരാ അതു അഭിമാനത്തോടെ ചാനലുകളിൽ വിളമ്പാനും തു ആഹ്ലാദത്തോടെ സം പ്രേക്ഷണം ചെയ്യുവാനും പോലിസ്‌-മാധ്യമ കൂട്ടുകെട്ടിനു മടിയുണ്ടായില്ല.

ഒടുക്കമിതാ മാധ്യമകഥകളുടെ തിരക്കഥക്കൊത്ത്‌ സംവിധാനം നിർവ്വഹിക്കുന്ന വർഗ്ഗീയവൽക്കരിക്കപ്പെട്ട കേരള പോലിസ്‌ സൂഫിയാ മദനിയെന്ന യുവതിയെ അരസ്റ്റു ചെയ്തു ജയിലലടച്ചിരിക്കുന്നു. കൊടിയെരിയുടെ തന്നെ ഭാഷയിൽ "ഇടതു പക്ഷഭരണത്തിന്റെ തലയിൽ ഒരു പൊൻ തൂവൽ കൂടി" ഭർത്താവിനൊപ്പം ഭാര്യയെയും ജയിലടച്ചു എന്ന സൽപേർ ഇനി ഇടതുപക്ഷത്തിനു മാത്രം സ്വന്തം.
കെരളത്തിൽ ആദ്യമായി കത്തുന്ന ബസ്സാണല്ലോ കളമശ്ശേരിയിൽ കത്തിയെരിഞ്ഞത്‌. കുട്ടിസഖാക്കളും ആറെസ്സെസ്സും മത്സരിച്ചു കത്തിച്ചുകളയുന്ന നൂറുകണക്കായ ബസ്സുകൾ ഒന്നും ക്രിമിനൽ നടപടി ക്രമത്തിന്റെ പരിധിയി വരില്ല്അ. തള്ള ചവിട്ടിയാൽ പിള്ളക്കു കേടില്ലല്ലോ? ഇവിടെയൊന്നും കാണാത്ത പ്രത്യേക താൽപര്യം കളമശ്ശേരി ബസ്സിനു മാത്രം ഭരനകുടത്തിനു തോന്നുന്നുവേൺകിൽ അതിനു കാരണം ഭരണകൂടത്തിന്റെ പ്രത്യേക താൽപര്യം മാത്രമാണു. കണ്ണൂരിലെ പാർട്ടിഗ്രാമങ്ങളിൽ പിടിക്കുന്ന നൂറുകണക്കായ ബോംബുകളിൽ കാണാത്ത പ്രത്യേകഥകൾ നസീറിന്റെ ഉപ്പുപൊടിയിൽ കാണുന്നുവേങ്കിൽ അതിനു കാരണം പോലീസ്‌-മാധ്യമ കൂട്ടുകെട്ടിന്റെ വർഗ്ഗീയ നിറം മാത്രമാണു.
ഇടതുപക്ഷ സർക്കാരിൽ നിന്ന് ജനസാമാന്യം പ്രതീക്ഷിക്കുന്ന
സാമാന്യ നീതിബോധവും, അടിസ്ഥാനവർഗ്ഗങ്ങളുമായി ചെർന്നു നിൽക്കുവാനുള്ള ശ്രമവുമൊക്കെ പണ്ടേ തന്നെ ഉപേക്ഷിച്ച സി.പി.എം മാറിയ സാഹചര്യത്തിൽ സംഘപരിവാർ സർക്കാരുകളെ പോലും ലജ്ജിപ്പിക്കുന്ന വർഗ്ഗീയ്യ അജണ്ടകളുടെ മൊത്തക്കച്ചവടക്കാരായി മാറിയിരിക്കുന്നു.
ഈ സർക്കാരിൽ നിന്ന് ഇനിയും നീതി പ്രതീക്ഷിക്കുന്നതിൽ ന്യായമെന്ത്‌?

Wednesday, December 16, 2009

ഇതിനെ മഞ്ഞപത്രമെന്നും പറയാന്‍ കൊള്ളില്ല


ജന്മഭുമി വാര്‍ത്ത‍

മണി മദനിയുടെ തടങ്കലില്‍

സ്വന്തം ലേഖകന്‍

Posted On: Tue, 15 Dec 2009 22:50:33

തിരുവനന്തപുരം: മദനിക്കെതിരെ മൊഴി നല്‍കി മാപ്പുസാക്ഷിയായ മണി എന്ന യൂസഫ്‌ മദനിയുടെ തടങ്കലില്‍. ഇക്കഴിഞ്ഞ മാര്‍ച്ച്‌ 27ന്‌ ആവശ്യപ്പെട്ടതുപ്രകാരം മദനിയുടെ മുന്നിലെത്തിയതാണ്‌ മണി. പിറ്റേദിവസം തിരുവനന്തപുരം കേസരി ഹാളില്‍ മദനി വാര്‍ത്താസമ്മേളനം നടത്തിയിരുന്നു. വാര്‍ത്താസമ്മേളനത്തില്‍ മണിയെ ഹാജരാക്കി. പോലീസ്‌ ഭീഷണിപ്പെടുത്തിയതുകൊണ്ട്‌ ഉസ്താദിനെതിരെ ഇല്ലാത്ത കാര്യങ്ങള്‍ പറയുകയായിരുന്നുവെന്ന്‌ സാക്ഷ്യപ്പെടുത്തി. വാര്‍ത്താസമ്മേളനത്തിനുശേഷം മദനി ഒരുക്കിയ വാഹനത്തില്‍ക്കയറ്റിക്കൊണ്ടുപോയ മണിയെ പിന്നെ പുറംലോകം കണ്ടിട്ടില്ല.

ഭര്‍ത്താവിനെ കാണാനില്ലെന്ന്‌ കാട്ടി ഭാര്യ ഹസീന മട്ടന്നൂര്‍ പോലീസിന്‌ പരാതി നല്‍കിയിരുന്നു. മദനി വിളിച്ചിട്ട്‌ പോയശേഷം തിരിച്ചുവന്നില്ലെന്നും പരാതിയില്‍ പറഞ്ഞിരുന്നു. എന്നാല്‍ മണിയെക്കുറിച്ച്‌ പോലീസ്‌ അന്വേഷിച്ചതിന്‌ തെളിവൊന്നുമില്ല. ഇത്‌ സംബന്ധിച്ച്‌ മദനിയോട്‌ ചോദിക്കാനും പോലീസ്‌ മിനക്കെട്ടിട്ടില്ല. കണ്ണൂര്‍ ജില്ലയില്‍ ഇരിക്കൂറിനടുത്ത്‌ ആയിപ്പുഴയിലാണ്‌ ഹസീന താമസിക്കുന്നത്‌. മണി പോകുമ്പോള്‍ ഹസീന ഗര്‍ഭിണിയായിരുന്നു.

കോയമ്പത്തൂരില്‍ ഒരു മോഷണക്കേസില്‍പെട്ട്‌ ജയിലിലായ മണി അവിടെ തടവില്‍ കിടന്ന മദനിയുടെ സഹായിയായി. മദനിയാണ്‌ മണിയെ ഇസ്ലാമിലേക്ക്‌ മതംമാറ്റിയത്‌. ജയിലില്‍ നിന്നിറങ്ങിയ മണി എറണാകുളത്ത്‌ മദനിയുടെ വീട്ടിലും സഹായിയായി ഏറെക്കാലം കഴിഞ്ഞു. അന്‍വാറുശ്ശേരിയിലെ ഇരുട്ടറകളിലൊന്നില്‍ മണിയെ പൂട്ടിയിട്ടിട്ടുണ്ടെന്ന്‌ പോലീസിലെ ചില ഉയര്‍ന്ന ഉദ്യോഗസ്ഥര്‍ തന്നെ സംശയിക്കുന്നു. എന്നാല്‍ അവിടെ കടന്നുചെല്ലാനോ പരിശോധന നടത്താനോ പോലീസിന്‌ രാഷ്ട്രീയ അനുമതി നല്‍കുന്നില്ല. ഇപ്പോഴാകട്ടെ റിലേസത്യാഗ്രഹമെന്നപേരില്‍ ഗുണ്ടകളുടെ കാവലും ഏര്‍പ്പെടുത്തി. തെരഞ്ഞെടുക്കപ്പെട്ടവര്‍ക്ക്‌ മാത്രമേ കെട്ടിടത്തിനകത്ത്‌ പ്രവേശനമുള്ളൂ. വന്‍മതിലുകളാല്‍ വലയം ചെയ്ത മന്ദിരത്തിന്റെ കവാടം മിക്കസമയത്തും അകത്തു നിന്ന്‌ പൂട്ടിയിട്ടിരിക്കുകയാണ്‌.

മദനി അന്യമത വിദ്വേഷം പ്രചരിപ്പിക്കാനും ശാരീരികമായി നേരിടാനും രൂപം നല്‍കിയ ഐഎസ്‌എസിനെ 1993ല്‍ നിരോധിച്ചിരുന്നു. ഐഎസ്‌എസിന്റെ എല്ലാ വിധ്വംസക പ്രവര്‍ത്തനത്തിന്റെയും കേന്ദ്രമായിരുന്ന അന്‍വാറുശേരിയിലെ കെട്ടിടം പോലീസ്‌ റെയ്ഡ്‌ നടത്തിയപ്പോള്‍ ധാരാളം വടിവാളുകളും വെടിക്കോപ്പുകളും ഗര്‍ഭനിരോധന ഉറകളുമെല്ലാം കണ്ടെത്തിയതാണ്‌. ഇന്നത്തെ രീതിയിലുള്ള കെട്ടിടം അന്ന്‌ നിര്‍മ്മാണഘട്ടത്തിലായിരുന്നു. ഭൂമിക്കടിയില്‍ അറകള്‍ നിര്‍മ്മിക്കാനുള്ള സംവിധാനങ്ങള്‍ അന്ന്‌ കണ്ടെത്തിയിരുന്നു. അതിനുശേഷം അവിടെ എന്തൊക്കെ സംവിധാനം ഏര്‍പ്പെടുത്തി എന്നാരും പരിശോധിച്ചിട്ടില്ല.

കോഴിക്കോട്‌ നാല്‍പ്പത്തിയഞ്ചു ദിവസത്തെ ആയുര്‍വേദ ചികിത്സയിലായിരുന്നു മദനി. തടിയന്റവിട നസീറിനെ പിടികൂടിയതോടെ പുറത്തുവന്ന നിരവധി സംഭവങ്ങളില്‍ മദനിക്കും ഭാര്യയ്ക്കും പങ്കുണ്ടെന്ന്‌ വ്യക്തമായ വിവരങ്ങള്‍ ലഭിച്ച സാഹചര്യത്തിലാണ്‌ കഴിഞ്ഞ വെള്ളിയാഴ്ച മദനി ചികിത്സ മതിയാക്കി മുങ്ങിയത്‌. 23 ദിവസത്തെ ചികിത്സ മാത്രമേ അപ്പോള്‍ പൂര്‍ത്തിയായിരുന്നുള്ളു. അന്‍വാറുശ്ശേരിയില്‍ എത്തിയ മദനി തെളിവുകള്‍ നശിപ്പിക്കുന്നതിനോടൊപ്പം മണിയുടെ തടങ്കല്‍ സംബന്ധിച്ച്‌ ചില ക്രമീകരണങ്ങള്‍ വരുത്തിയെന്നാണ്‌ വിവരം. ഉമ്മയെയും ബാപ്പയെയും കാണാനാണ്‌ ചികിത്സ മതിയാക്കി നാട്ടിലേക്ക്‌ പുറപ്പെട്ടതെന്നാണ്‌ മദനി നല്‍കുന്ന വിശദീകരണം. എന്നാല്‍ അതിനേക്കാള്‍ വലിയ ദൗത്യം നിര്‍വ്വഹിക്കാനുണ്ടെന്നത്‌ വ്യക്തമാണ്‌. മദനി വന്നതിനുശേഷം ഇയാളുടെ ആസ്ഥാനത്തു നിന്ന്‌ നിരവധി വാഹനങ്ങള്‍ അകത്തേക്കും പുറത്തേക്കും പോയിട്ടുണ്ട്‌. ഇതില്‍ എന്തൊക്കെ കടത്തിയെന്ന്‌ വ്യക്തമല്ല.


Tuesday, December 8, 2009

1992 ഡിസംബർ 6























ആയിരത്തി തൊള്ളായിരത്തി തൊണ്ണൂറ്റിരണ്ട്‌ നവംബർ മാസം.രണ്ടാവർഷ പ്രിഡിഗ്രിപഠന കാലഘട്ടം. അയോദ്ധ്യയിൽ ബാബരി മസ്ജിദിൽ ഹിന്ദുത്വർ നടത്തുന്ന കർസേവ വാർത്തകളിൽ നിറഞ്ഞു നിൽക്കുന്ന സമയം. സുഖമില്ലാതെ ആശുപത്രിയിൽ കിടക്കുന്ന ഉപ്പാനെ ശുശ്രൂഷിക്കാൻ ഞാനും ഉമ്മയുമായിരുന്നു കൂട്ടിനുണ്ടായിരുന്നത്‌.
ആദ്യകാല കമ്മ്യൂണിസ്റ്റ്‌ അംഗമായിരുന്ന ഉപ്പ സ്വതവേ നല്ലരിതിയിലുള്ള രാഷ്ട്രീയ അവഗാഹത്തിനുടമയായിരുന്നു. പാർട്ടിയിൽ ഉപ്പയും പിന്നീട്‌ കമ്മ്യൂണിസ്റ്റ്‌ മന്ത്രിസഭയിൽ ഗതാഗതമന്ത്രിയായ ഇമ്പിച്ചി ഭാവയും സമശീർഷ്യരായിരുന്നു. പാർട്ടിപ്രവർത്തകനായിരിക്കുമ്പോൾ തന്നെ ഉപജീവനാർത്ഥം അക്കാലത്ത്‌ ഗൾഫിലേക്കുള്ള ആദ്യകുടിയേറ്റത്തിൽ തന്നെ ഉപ്പയും ഭാഗമായി. പിന്നീട്‌ ദശാബ്ദങ്ങളുടെ പ്രവാസത്തിനു ശേഷം ശേഷം എൺപതിരണ്ടിൽ തിരിച്ച്‌ നാട്ടിലേക്കു വന്നെങ്കിലും ആരോഗ്യകാരണങ്ങളാൽ പാർട്ടി മെമ്പർഷിപ്പ്‌ പുതുക്കാതെ പാർട്ടിയുടെ പ്രധാന സഹകാരിയായി പ്രവർത്തിക്കാനായിരുന്നു ഉപ്പ താൽപര്യപ്പെട്ടത്‌.. എന്നാൽ തന്നെയും ഉത്തമ മത വിശ്വാസിയുമായിരുന്നു ഉപ്പ. ചെറുപ്പകാലത്ത്‌ പ്രഭാതനമസ്ക്കാരം മുടക്കിയതിനും, വൈകുന്നേരത്തെ "യാസീൻ"പാരായണം മുടക്കിയതിനുമൊക്കെ ഒരുപാട്‌ ശിക്ഷകൾ എനിക്കും എന്റെ ജ്യേഷ്ഠനും ലഭിച്ചിട്ടുണ്ടു.
രാഷ്ട്രീയ വിശകലനങ്ങൾക്ക്‌ എന്നും പ്രാധാന്യം നൽകിയിരുന്ന ഉപ്പ ചെറുപ്പത്തിൽ തന്നെ ഞാനുമായും രാഷ്ട്രീയവർത്തമാനങ്ങൾക്കു താൽപര്യം കാട്ടിയിരുന്നു. കാലിക വിശകലനങ്ങളും നിരീക്ഷണബോധവും ചെറുപ്പത്തിലേ വളർത്തുന്നതിൽ ഉപ്പയുമായുള്ള ചർച്ചകൾ വഹിച്ച പങ്കു ചെറുതല്ല.സ്വാഭാവികമായും കോളേജിൽ എസ്‌.എഫ്‌.ഐയുടെ പ്രവർത്തകനായി ഞാൻ മാറി. ഏതാണ്ടിതേ സമയത്തു തന്നെയായിരുന്നു കേരളമാകെ പിടിച്ചുകുലുക്കിയ തിരുത്തൽ വാദ പോരാട്ടങ്ങൾ കരണാകരനെതിരെ കോൺഗ്രസ്സിൽനിന്നുയർന്നു പൊങ്ങിയിരുന്നതും പിന്നെയതിനെ അടിച്ചമർത്തിയതും.

ഇതിനിടയിൽ ഉപ്പാനെ ആശുപത്രിയിൽ നിനും ഡിസ്‌ ചാർജ്ജ്‌ ചെയ്ത്‌ വീട്ടിലേക്ക്‌ കൊണ്ടുവന്നിരുന്നു.
അന്നത്തെ ഉത്തർപ്പ്രദേശ്‌ മുഖ്യൻ കല്യാൺസിഗ്‌ ബാബരീ മസ്ജിദിന്റെ സുരക്ഷിത്വം സുപ്രീകൊടതിക്കു ഉറപ്പുൻൽകിയ നൽകിയ സമയം, പള്ളിയുടെ സുരക്ഷിതത്വവുമായി കല്യാൺസിംഹിന്റെയും, നരസിഹറാവുവിന്റെയും വാക്കിൽ എനിക്ക്‌ വിശ്വാസമാണെന്നു പറഞ്ഞപ്പോൾ ഉപ്പയുടെ നിലപാട്‌ നേരെ മറിച്ചായിരുന്നു. റാവുവിനെ വിശ്വസിക്കാൻ കൊള്ളില്ല എന്നാണു ഉപ്പ എന്നോടു പറഞ്ഞത്‌. ഞാൻ എന്റെ വാദത്തിൽ വിശ്വസിക്കാനും ആശ്വസിക്കാനും ശ്രമിച്ചു. എന്നാൽ എന്റെ നിരീക്ഷണം തെറ്റായിരുന്നുവേന്ന് വൈകാതെ ബോദ്ധ്യപ്പെട്ടു.
ഒരു ദിവസം വീടുവളപ്പിലെ ചില്ലറ ജോലിക്കു ശേഷം വീട്ടിലേക്കു കയറിയപ്പോൾ വളരെ കലുക്ഷിതമായ മുഖവുമായി ഉപ്പയിരിക്കുന്നു, ചോദിക്കുന്നതിന്നു മുന്നേ തന്നെ ഉപ്പ എന്നോട്‌ പറഞ്ഞു,. ബാബരീ മസ്ജിദ്‌ പൊളിച്ചു എന്ന്.
ഒരു തരം നിർവ്വികാരതയായിരുന്നു മനസ്സിൽ അനുഭവപ്പെട്ടത്‌. നമ്മുടേതെന്ന് വിശ്വസിച്ചിരുന്ന ഇന്ത്യൻ ഭരണവ്യവസ്തയും, നീതിപീഠവുമൊക്കെ പെട്ടെന്നൊരു ചോദ്യചിഹ്നമായി മനസ്സിൽ അനുഭവപ്പെട്ടു.
പ്രപഞ്ചനാഥന്റെ എകത്വവിളിയുടെ നാഥമുയർന്നിരുന്ന ബാബരിയുടെ താഴികക്കുടങ്ങൾ ഒരോനോരോന്നായി തകർന്നു വീഴുന്നതിന്റെ ചിത്രങ്ങൾ കണ്ടപ്പോൾ ഇന്ത്യൻ മുസ്ലിംകളിടെ അസ്തിത്വമാണു തകർന്നു വീഴുന്നതെന്നു തോന്നി. അത്യന്തം ഹൃദയവേദനയോടെയാണു തകരുന്ന താഴികക്കുടങ്ങൾ മനസ്സിൽ പതിച്ചതു. പിന്നീടു ഉത്തരേന്ത്യയിലും ബോംബെയിലുമൊക്കെ മേമ്പൊടിക്കായി നടന്ന മുസ്ലിം കൂട്ടക്കൊലകൾ. നീതിപീഠത്തിന്റെ ഏകപക്ഷീയമായ ഇടപെടലുകൾ എല്ലാം ഒരു സമുദായത്തോടും, ഇന്ത്യയുടെ ജനാധിപത്യവ്യ്‌വസ്ഥകളോടും, വളരെ ആസൂതൃതമായി ഉന്നതത്തലങ്ങളിൽ നടത്തപ്പെട്ട ഗൂഢലോചനയുടെയും, വഞ്ചനയുടെയും പരിണിതിയായിരുന്നുവേന്ന് ബോദ്ധ്യപ്പെട്ടു തുടങ്ങി.

നിരപരാധികളുടെ കപന്ധങ്ങൾ കൊണ്ടു ആർത്തട്ടഹസിക്കുന്ന നരാധമന്മാരുടെ വീരഗാസ്ഥകൾ കൊണ്ട്‌ പത്രത്താളുകൾ നിറഞ്ഞു. തകർത്ത പള്ളി യഥാസ്ഥാനത്തു തന്നെ പുനർന്നിർമ്മിക്കുമെന്ന പൊയ്‌വെടികൾ, തകർത്തു തരിപ്പണമാക്കിയ പള്ളിയിൽ ബലാൽകാരമായി കെട്ടിയുയർത്തിയ കല്ലികൾക്ക്‌ ഉന്നത്‌ നീതിപീഠത്തിന്റെ സംരക്ഷണം.

ഉപ്പ വളരെയധികം നൈരാശ്യത്തോടെയും,വേദനയോടെയാണു ഓരോ ദുരന്തദിനങ്ങളും തള്ളിനീക്കിയത്‌. മതേതരത്വത്തിന്റെയും,ദേശിയതയുടെയുമൊക്കെ മാറുന്ന പുത്തൻ രൂപഭാവങ്ങൾ ഉൾകിടിലത്തോടെ നോക്കിക്കണ്ടു. മനസ്സിലെ കപടവിഗ്രഹങ്ങൾ ഒരോന്നായി തകരുകയായിരുന്നു. അതികം താമസിയാതെ ഡിസമ്പർ ഇരുപത്തിയേഴിനു ഉപ്പ ഇഹലോകത്തോടു വിടപറഞ്ഞു.(പടച്ചവൻ അദ്ദേഹത്തിനു പരലോക സൗഖ്യം നൽകുമാരാകട്ടെ)

പിന്നിട്ട പതിനേഴ്‌ വർഷങ്ങൾ. യഥാർത്ഥത്തിൽ ബാബരീ മസ്ജിതിന്റെ തകർച്ചയിലൂടെ മുസ്ലിംകൾക്കും, ഇന്ത്യൻ മതേതരത്വത്തിനും നഷ്ടപ്പെട്ടത്‌ വെറുമൊരു ആരാധനാലയമല്ല, മറിച്ച്‌ അസ്തിത്വമായിരുന്നു, നിലനിൽപായിരുന്നു. ഹിന്ദുത്വർ ഉയർത്തിയ അക്രമാസക്ത മതാന്ധതയെ തടുക്കാൻ കഴിവില്ലെന്നു ഇന്ത്യൻ മതേതരത്വം തെളിയിച്ചു. ഇന്ത്യൻ മതേതരത്വത്തിന്നും, മുസ്ലിംകൾക്കും നെഞ്ചിലേറ്റ മുറിവ്‌ ഇനിയുമുണങ്ങാതെ നീറിപ്പുകയുകയാണിപ്പോഴും.
എന്നാൽ പള്ളിപൊളിയന്മാരുടെ അവസ്ഥയെന്താണു? അഞ്ചാണ്ടുകൊണ്ടു ഇന്ത്യാമഹാരാജ്യത്തെ പ്രാകൃതയുഗത്തിലേക്ക്‌ തള്ളിവിട്ട നരസിംഹറാവു ആർക്കും വേണ്ടാത്ത പൊയ്കോലമായി നാമാവശേഷനായി. അല്ലാഹുവിന്റെ നാഥമുയരുന്ന താഴികക്കുടങ്ങൾ തകർക്കുന്നതു കണ്ടു ആക്രോഷികുകയും, കാമുകന്മാരെ ചുംബിക്കുകയും ചെയ്ത ഉമാഭാരതിയും, പള്ളിയുടെ സംരക്ഷണം ഇന്ത്യൻ നീതിപീഠത്തിന്നു ഉറപ്പുനൽകി വഞ്ചിച്ച കല്യാൺസിഗും രാഷ്ട്രീയ ഗതികിട്ടാതെ അലഞ്ഞ്നു തിരിയുന്നു. അദ്വാനിയെ വാഴിച്ചവർ തന്നെ നിശ്ശബ്ദനാക്കുന്നു. ബാബരിമസ്ജിദ്‌ നിൽനിൽക്കുന്ന അയോദ്ധ്യയും, ഉത്തപ്രദേശും സംഘപരിവാരത്തെ കയ്യൊഴിഞ്ഞു.സർവ്വ്വോപരി യാദവകുലം തമ്മിൽതല്ലി തകർന്നതുപോലെ സംഘരാഷ്ട്രീയ അന്തപുരങ്ങളിൽ നിന്നും പൊട്ടലും ചീറ്റലും ദിനേനയെന്നോണം വന്നുകൊണ്ടിരിക്കുന്നു. ചരിത്രത്തിന്റെ ചെറിയ തിരിച്ചടികൾ..വൻ തിരിച്ചടികൾ വരാനിരിക്കുന്നതെയുള്ളൂ.

ആവർത്തനങ്ങളാണു ചരിത്രം ഏകപക്ഷീയമല്ല. ബാബരീ മസ്ജിതിന്റെ തകർച്ചയിലൂടെ ഇന്ത്യൻ മതേതരത്വത്തിന്നും, മുസ്ലിംകൾക്കും നഷ്ഠപ്പെട്ടതൊക്കെ കാലം തിരിച്ചുപിടിക്കുക തന്നെ ചെയ്യും.

ബാബരീ പള്ളിയിൽ നിർഭയമായി ഏകദൈവനാഥമുയരുന്ന കാലം അതിവിദൂരമല്ല.
ഈൻഷാ അല്ലാഹ്‌

"അല്ലാഹുവിന്റെ പള്ളികളില്‍ അവന്റെ നാമം പ്രകീര്‍ത്തിക്കപ്പെടുന്നതിന്‌ തടസ്സമുണ്ടാക്കുകയും, അവയുടെ (പള്ളികളുടെ) തകര്‍ച്ചയ്ക്കായി ശ്രമിക്കുകയും ചെയ്തവനേക്കാള്‍ വലിയ അതിക്രമകാരി ആരുണ്ട്? ഭയപ്പാടോടുകൂടിയല്ലാതെ അവര്‍ക്ക്‌ ആ പള്ളികളില്‍ പ്രവേശിക്കാവതല്ലായിരുന്നു. അവര്‍ക്ക്‌ ഇഹലോകത്ത്‌ നിന്ദ്യതയാണുള്ളത്‌. പരലോകത്താകട്ടെ കഠിനശിക്ഷയും.
(വിശുദ്ധ ഖുർ ആൻ അൽ ബഖറ(114)